التجمع الجديد ل القويعيه ل جميع التخصصات والمراحل1434-1435

[سلافوو]

السلام عليكم ورحمة الله وبركاته

مبروك لجميع المعينات الجديدات واسال الله ان يكتب لنا التوفيق في حياتنا العمليه

بداية هذا موقع ادارة التربيه والتعليم اقتبسته من موضوع هنا

المشاركة الأصلية كتبت بواسطة عاطلة لغة عربية

الف مبروك التعيين

بالنسبه للقويعية بعد ما تاخذين موعد تتجهين لادارة التربية والتعليم للمقابله قسم النساء

الموقع ( اذا وصلتي القويعية وانتي متجهه غرب يعني طالعه من الرياض اول كبري تتركيه

ثاني كبيري تطلعي منه ( مخرج ) اذا طلعتي علي الكبري تلفي يمين وتسيدي الين

يجيك دوار تسيدي منه بعد ما تتعدي الدوار تلاقي حديقه على يمينك الموقع يكون على

يسارك داخل الحاره ) بيكون فيه مشرفات يسوون المقابله وكل وحده حسب تخصصها واذا

خلصتي مقابله وسلمتي اوراقك ( صوري كل اوراقك الوثيقه الاثبات وخذي معاكي عدد 2 ملف

اخضر علاقي من المكتبه ) يعطونك الكشف الطبي تخلصيه وترجعيه لهم ويعطونك ورقه اثبات

انك سلمتي اوراقك . في اثناء المقابله بتعبي الاماكن اللى راح تتعيني فيها حسب الاحتياج

الموجود كالتالي ( الاقرب لرياض تبراك و القويعيه و الرين و الرويضه و الحصاه )

بعدها تنتظري مكان التعيين واذا طلع مكان التعيين تابعي موقع ادارة التربيه في القويعيه

تروحي للمندوبيه اللى هي في مكان تعيينك اي القطاع وتاخذي منهم ورقة التوجيه للمدرسه

وتروحي للمدرسه وترفعي المباشره والافضل بعد ما توقعينها من المديره تودينها انتي

بنفسك وتاخذي معاكي ملف اخضر وتصوري ورقة التوجيه والوثيقه وورقة من البنك اللى تبين ينزل

راتبك عليه والاثبات وتوديها للارشف الدور الثاني في الادارة قسم الرجال ويسلمها احد اقاربك . وفي نفس الوقت تاخذ صوره من

قرار تعيينك والتوجيه وتسلميها لشئون المعلمين لصرف بدل التعيين .

وينتهي الموضوع عند هذا الحد

بالنسبه لنقل لا تشيلين همه بالنسبه للمعلمات اللى من الرياض

فيه كذا نقل وما عليك الا اذا باشرتي للمدرسه تشوفي زميلاتك اللى يداومون من المكان

القريب منك وتروحي تداومي معاهم اهم شي تعرفي المدرسه

وفيه معلمات كثير ساكنات في القويعية بذات اللى من خارج القويعية ومن خارج الرياض

وابعد مكان بالنسبه لرياض والقويعية هي الحصاه واغلبها ابتدائي

بالنسبة للاسئلة في اللغة العربيه سئلتني المشرفه صغري والعصور في الادب هذا اللى اذكره

بالنسبة لتعيين تبراك والجله مستحيل تتعيني فيها لانها مكتفيه وهي تبعد عن الرياض 100 كم

والاقرب بعد تبراك القويعية وبعدها الرين اما الرويضه والحصاه هي الابعد

بالنسبه لرين الاقرب هي الرين نفسها وفيها الرين وابعد مدارسها حفيرة صماخ وفيه مدرسه ابعد منها وفيها زفلت

اما المدرسه اللى بعيده ولا يوجد فيها زفلت وهي متعبه ولا يوجد لها نقل يوصل لها والنقل يوصل لرين فقط

والله يعينك تركبي من الرين نقل ثاني واللى يسوق النقل حرمه من اهل الديره

والله يوفكم يارب

الفففففففففففففففففففف مبورككككككككككككككككككككككككككككككككك

وهذا موقعهم على النت


http://www.qwihedu.gov.sa/


ولي رجعه لاضافة اي معلومات عنها والي عندها اضافه لاتبخل علينا فنحن باشد الحاجه لاي معلومة بالوقت الحاضر


وجزاكم الله خير

[بارقه]

هلا والله
انا من الشرقيه و طلع اسمي في القويعيه تخصصي حاسب الي
الله يسهل لنا يارب خايفه يكون تعيني بالحصاه مرررره خايفه ابي اسال عن السكن و انه يكون امان و تتوفر الخدمات
الله يكتبنا لنا الخير و يعطينا خير هالوظيفه و يكفينا الشر

[يسجد قلبي لله]

الله يوفقج سلافووو



بنااات بالتجمع القديم وحده اسمها قدامي امل تبي بدل لحفرالباطن

ياليت تكتب هنا عشان اتواصل معها


ومادري اصلا اذا يصير البدل اللحين او لا

[طموح للاخر]

بالتوفيق لكم

بالنسبه للقويعية يوجد فيها سكن ومتوفر

بس لها هجر تابعة لكل قطاع

وانا من الشرقية وتعينت في قطاع الرين

الامور سهالات

واللي بيسئل عن المقابله ترى القويعية اسئلتهم خفيفه وماتاخذ خمس دقايق

انت من وين وش تخصصك

اسئله روتنيه وكانها سوالف


تمنياتي لكم بالتوفيق

[يسجد قلبي لله]

بنات حددتوا الرغبات وشنو حطيتوا الاقرب للرياض او القويعيه نفسها الرغبه الاولى


والمواعيد متا طلع لكم تبدا ومتا اخر يوم


انا للحين ماعرف شي بالرغبات واماكنهن خايفه ارتبهن وانا ماعندي خلفيه عنهن


طلعن لي

حلبان والخاصره
الجله
الرين
الحصاه
الرويضه
القويعيه

شتنصحوني فيه

اخاف احط الاولى الاقرب للرياض وتطلع منطقه بدون خدمات ولانت ولامطاعم):

[سلافوو]

حتى انا مو عارفه على اي اساس راح ارتب القطاعات

الله يفتح علينا ووويقرب لنا البعيد ويبعد الصعب يارب

[تمر وقهوة]

بنات فتحت معكم المواعيد

[يسجد قلبي لله]

بحثت ع السريع وطلع لي ان الاقرب للرياض كذا


تبراك الجله
القويعيه
الرين
الرويضه
حلبان
الحصاه



مدري يابنات خايفه من الرين والرويضه ماني متاكده ايهم اقرب للقويعيه نفسها

[غاره]

اسلام عليكم
مبروك لكم التعيين
الي ناويه تسكن في الرياض وتدوم في القويعيه مين ؟
حتى نجتمع ونكلم سواق معه سيارة فان يوصلنا
لازم نكون مجموعه حتى يوافق اصحاب نقل المعلمات على التوصيل بعدد معلمات اكثر من خمس معلمات ليكون فائدة الماديه للناقل مجدي ويوافق على النقل اما اذا كان عدد المعلمات قليل فبيكون المشوار مش جايب همه يعني مصاريف النقل اكثر من الربح
لذالك الي تبي نقل من الرياض للقويعيه وجادة في كلامها تقول ونتوصل ونكلم سواق واحد

[تمر وقهوة]

بنات بليز متى آخر يوم في المقابلة؟