أبشررررركم بخصوص البطاقات

[خدمة اجتماعية]

السلام عليكم والرحمة

ابشرررركم اليوم ولله الحمد والمنة رحت للضمان عشان أجدد بطاقتي وأخذ الجديدة البرتقالية وكانت يدي على قلبي خايفة يكون مشواري ع الفاضي توكلت على الله والحمد لله ربي يسرها كان اليوم أول يوم يوزعون فيه البطاقات للجميع.. طبعاً أقصد مكتب الرياض ماادري عن المناطق الأخرى
بالنسبة للملف الضماني ولا أحد يدري عنه كل مااسأل موظفة تقول اول مرة اسمع عن هالشي ماوصلنا شي بخصوص هالموضوع.. استغربت معقول ولا موظفة عندها حتى فكرة عن الموضوع؟!! المشكلة ماخليت مكان ماسألت فيه كلهم نفس الكلام

دعواااااتكم واسأل الله لكم التوفيق والتيسير

[حلاوةقطن]

جزاك الله خيرا على الخبرية
ماشاءالله تبارك الله
مبارك لكي
الله يسعدك ويبشرك بمايسرك
عقبال أهل مكة وباقي المناطق يارب

أستغفرالله الذي لاإله إلا هوالحي القيوم وأتوب إليه

[ليييمونة]

الف مبروك اختي عقبالنا يارب بالدمام وباقي مناطق المملكه

[من الشحوذية]

وشهي البطاقة البرتقالية

[من الشحوذية]

اللي يدخل يعلمني جزاه الله خير

[سما نجد]

الحمدلله اخيراً


ان شاء الله بكره باذن الله اروح

الله يبشرك بالجنه ي عسل

[نجفه بيضا]

جزاك الله خيرا
طيب عندي استفسار إذا ممكن.
بطاقتي بتنتهي صلاحيتها بعد شهر .. هل بإمكاني الذهاب الآن واستخراج الجديدة؟ أو أنتظر لحد ما تنتهي صلاحية القديمة.

[خدمة اجتماعية]

الله يباركم فيكم يااااارب عقبالكم
آميييين يارب وياكم أجمعين حبيباتي

[خدمة اجتماعية]

المشاركة الأصلية كتبت بواسطة من الشحوذية

وشهي البطاقة البرتقالية

البطاقة البرتقالية هي بطاقة الصرافة الجديدة
أول كانت خضرا وماكنا نقدر نسحب من أي بنك غير الراجحي ولا نستفيد منها بالشراء ولا شي
ولكن الجديدة البرتقالية نقدر نسحب من أي بنك ونشتري من المحلات فيها ونسدد فواتير وكل شي مرة راحة الحمدلله

[خدمة اجتماعية]

المشاركة الأصلية كتبت بواسطة نجفه بيضا

جزاك الله خيرا
طيب عندي استفسار إذا ممكن.
بطاقتي بتنتهي صلاحيتها بعد شهر .. هل بإمكاني الذهاب الآن واستخراج الجديدة؟ أو أنتظر لحد ما تنتهي صلاحية القديمة.

وياك يارب

لا حبيبتي اصبري لاتروحين الآن ماراح تلقينها لأني انا من الأول كلمت الضمان وسألت بهالخصوص قال الموظف لازم توقف فعالية بطاقتك عشان تصدر لك الجديدة ودام ماانتهت صلاحيتها ماراح تلقينها جاهزة

يعني حتى لما تنتهي مدتها اصبري لين تصيرين لما تدخلينها وماتسحب من الصراف أبد وقتها تروحين للضمان وبإذن الله تلقينها جاهزة، أنا منتهية بطاقتي من شهر بس استمرت تشتغل معاي حول الشهر بعد ولما وقفت ماصرت أقدر أسحب بعدها بأسبوعين رحت اللي هو اليوم والحمدلله لقيتها جاهزة

موفقة يارب