استفسار عن قياس

[الزهرة الحزينة]

السلام عليكم
انا سجلت في قياس لاختبار القدرات
لكن مااعرف كيف طريقه تسديد المبلغ لانه ماعندي حساب في الراجحي
فهل هناك رقم حساب اقدر اسدد عن طريقه خصوصا ان بكره اخر يوم للتسديد

[ولدينبع]

وعليكم السلام والله يا أخوي لازم حساب او تروح البنك بس بكره البنك مقفل

انت حسابك وين

[فتى الباحة]

مو شرط في الراجحي ,, عندك الاهلي وسامبا

تقدر تسدد عن طريق الصراف

عمليات أخرى >> بطاقات مسبقة الدفع >> أخرى >> قياس >> تدخل رقم الاشتراك

[هلالي20]

الله يوفق الجميع

[متحير]

وضحوا لك الفكرة الاخوان لكن انت بتسجل اختبار قدرات لخريجي الثانويه.؟

[سامر سلطان]

رح لصرافة الراجحي تحصل اي واحد يصرف

قله لو سمحت ابيك تسدد القياس بحسابك وعطه المئه

وخذ الوصله

[احب الفقراء]

حبيبي مو تكذيب في كلام الأخوان
بس مو لازم حساب

كل اللي عليك تسويه
تأخذ 100 ريال
وتروح أقرب فرع بنك<<<<<<<فرع مو صرافه
وتعطيهم 100 ريال وتقول أبغى اسدد اختبار تحصيلي أو قدرات<<<على حسب اختبارك


رح يطلب منك بطاقة الأحوال

وماتأخذ دقيقتين
ويعطيك ورقة كبيره فيها رقم الإيصال
اللي تدخل في موقع قياس
ويتم السداد


اي سؤال انا حاظر بجوابه<<<<إذا عرفت

[احمدينهو]

السلام عليكم ورحمة الله وبركاته


والله يا اخوي اذا ماعندك حساب ماتقدر تسدد الا بالطريقه الي قالها سامر انك تروح عند صرافه وتقول لاقرب واحد يصرف يسدد لك القياس

ولا شف اي احد يقرب لك عنده حساب خله يسدد لك


بالتوفيــــــق

[احمدينهو]

ولا مثل ما قال احب الفقراء ما اعتقد في شيء صعــــب

رح لاقرب فرع وسدد

[الملازم نايف]

الشباب مايعرفون يفرقون بين البنت والولد

شوفي اختي كل عضو عطاك طريقه وكل الطرق صحيحه 100%
اخذي الطريقه الاسهل عليك وطبقيها

وشدي حيلك من الان وادعي ربك