مشروع مقهى شعبي او قهوة شعبية فاخرة

[قيس العتيبي]

انتشرت بالفترة الاخيرة القهوة الشعبية او العربية بشكل قوي
لكن هالمره اتكلم عن محل قهوة فخم وليس مثل المقاهي الصغيرة التي تعتمد على التوصيل لشقق العزاب
اتكلم عن قهوة عربية او شعبية فيها جلسات جيدة وواسعة وتلفزيون وديكور حلو الخ
ممكن تعطوني اضافات ومميزات ارجوكم
حتى تكون فكرتي مميزة وسابقه ورأس المال لن يتجاوز 250 الف

[ايفوني خربان]

بتوفيق

[قيس العتيبي]

ابي رد يااخوان

[غرام شيتا]

فكرتك طيبة اهم شيء الموقع

وفقك الله

[قيس العتيبي]

وين الناس !

[ايفوني خربان]

صراحه فكره مستهلكه ومشروع اعتقد ليس ناجح

وبعدها بتظطر تخليه نفس شيشه
للاسف

[قيس العتيبي]

حتى لو كان في مول تجاري ؟
كشك قهوة شعبية ؟

[ايفوني خربان]

مول تجاري اشوفه ناجح
بذات اذا مول نفس نخيل مول والمملكه ورياض جاليري وغرناطه مول
قهوه
وتميز بحلا غير اللي بكوفيهات الموجوده
كل مولات هذول فيهم قهوه بعضها سفري
وبعضها كوفي عايلي بوسط المول

في كوفي شعبي بغرناطه مول اسمه جدتي حصه جدا ناجح ماشاءالله
اهم شيء خذلك لفه و2 و 3 لين تفهم زين سوق زين

هل فكرة بكشك جنب اي محطه او في حاره مليانه عمارات وزحمه ومافيها خدمات
تتميز مثلن بصنفين حلا
او مطعم يقدم فقط معكرونه
نفس مطعم بحي قرطبه الرياض اسمه ووك تو والك

استخير وسولك دراسة جدوى
يفضل تبدا بمشروع مايتعدى 125 الف
والباقي تدعم المشروع

الان افضل شي مشاريع صغيره
اذا تعرف سوق طيبه بالرياض بدون محلات جالسين
يبيعون اكل وتقليد ماركات
بمبالغ خياليه بساطات وبساطين اعتقد كذا يسمونهم
شوز تقليد وانت بكرامه ب 1000 ريال
شنطه ب200
وحده اعرفها تبيع اكل باليوم بعض احيان ب2500
مقصود مهو مكان مهم كثر التفكير والوقوف على مشروع او شيء اللي المرغوب عند ناس
اممم في مكان اسمه بقشه كافيه مميز توه جديد ونفس فكرتك بالبدايه

ونصيحه استغل اماكن زحمه ومافيها خدمات وفكرلك بخدمه ناقصه ب الحاره او الحي

اهم شيء شوف احتياج المنطقه اللي انت فيها
في حال ماكنت بالرياض خذ فكره ناجحه بالرياض وسويها بمنطقتك
الله يوفقك والاستخاره ثم استخاره
وتخطيط وتفكير جيد

[قيس العتيبي]

عيب المولات غالية جدا ؟؟
وبيكلفني اقل شي 250 الف !!

[الحياة نور]

أولا : أسأل الله ان يرزقك رزقاً طيباً هنيئاً
ثانياً : استخير الله ، ثم ابحث عن الموقع المناسب وادرسه جيداً ، كل موقع له إيجابيات وسلبيات ومن ضمنها المجمعات مع احترامي الشديد لبعض الاخوه اللي دائم يركزون عليها ، قبل الديكور والاهتمام به فكر بالمشروب نفسه طبعاً بتجيب عمال ولازم يكونون عارفين تظبيطه وياحبذا لو كانوا سعوديين ولا تنسى انك تسوي المشروع على طرق صحيح ان القهوة معروفه لكن اهل نجد لهم طريقة وطعم مختلف واهل الجنوب لهم - قبل فترة طلع واحد من الشرقية له مشروع قهوة شعبية في الشرقية اعتقد اسمها شدو او قريب من كذا يسويها على طريقة اكثر من منطقة - ترا مشروعك ممكن يكون ناجح لوكان على طريق سفر الناس بتكون محتاجين لها اكثر مثلاً على طريق الشرقية ، او ممكن يكون عند جامعة او كلية راح يستقطب عدد كبير من منسوبيها اذا حسوا ان منتجاتك نظيفة ومرتبة
اما الوجبات الأخرى مثلاً عصيدة وعريكة وابحث في المواقع التواصل عن سيدات يسون هالاشياء اعرف وحده طبت منها عريكة اول مرة ما توقعتها لذيذة لهذه الدرجة والاهل صاروا يطلبون منها هذا بالإضافة للإقط - طبعاً انت عتيبي وتعرفه وفيه كثير من قبيلتك يبيعونه - لأن فيه حريم يبيعونه على محلات القهوة هذا طبعاً في حال وجود خدمة الطلب أيضا ، طبعاً اذا كان مكان مغلق مو كشك يكون فيه قسم عوائل ، أيضا ابحث عن ما يهم الشباب ممكن تكون فيه منتجات من مقهاك للزبائن الدائمين ميداليات عليها اسمه ، لا تنسى تعرّف عن مقهاك ليس فقط على مواقع التواصل بل ممكن في المناسبات الوطنية او المعارض
قبل لا اختم تذكر اذا الله وفقك وتم مشروعك لا تنسى الزكاة لأن هذا هو الربح الحقيقي للمال ،،