دمروني اقرب الناس دمروني قصه حياتي عذاب انسان .وش لقينا غير الماسي !!

[خالد المذنب]

دمروني اقرب الناس دمروني قصه حياتي عذاب انسان ..وش لقينا غير الماسي والهموم




في البدايه انا شاب عشت معاناه تعجز الحروف عن كتاباته قصه ليست من وحي الخيال بل واقع عشته وحياه مريره جربته وعشت اسوء تفاصيله ..

دخلت الجامعه ب طموح وامال وتحدي وعزيمه تجاوزت السنه التحضيريه باقتدار .. دخلت الحاسب الالي كرغبه مني من اجل تحقيق حلم في الفصل الاول حققت معدل فوق ال 4 .. وفي الترم الثاني قبل نهايته حصلت لي ظروف كثيره جعلتني مشتت حذفت الترم وبعده بايام قليله فقط اجريت 3 عمليات جراحيه في الصدر دون اي اسباب مسبقه ودون ان اعاني من اي امراض ذهبت الي المستشفي بكامل عافيتي وتفاجاءت بصوت الدكتور من بعيد يصرخ يابني حالتك حرجه جدا ادخلت غرفه الانعاش وانا مصدوم وارفض اجراء العمليه والدكتور يقول لي لو تاخرت 5 دقائق حتموت !!


مشت الايام ورجعت لطبيعته كملت الجامعه سنه تقريبا وقررت بعده وانا اذرف الدموع انا اسحب ملفي واضع نقطه في نهايه السطر دخلت الكليه التقنيه وبعد جهد كبير تخرجت بمعدل ممتاز في تخصص المحاسبه هنا ابتدت معاناتي خلاف عائلي مع والدي جعلني اترك البيت واقرر الهجران ..
بدات ابحث عن وظيفه لم اجد سوي حارس امن بمرتب لايقل عن 2000 اشتغلت وكنت اروح من البيت الي الدوام مسافه تتجاوز 6 كليو علي الاقدام وفي البرد القارس جدا وقته لا اعلم اين اضع 2000 هل في السياره التي لااملكه ام اضعه مدخر لي للمستقبل والمصيبه انني بديت اجمع الف علي الف علشان اسدد مخالفاتي وبعده اجدد رخصتي واستاجر موتر ..قصه لم استوعبها كيف اجمع 2000 واجدد ب 150 واجار السياره كم يوم والحسبه عليك ...

ليس المؤلم هنا المؤلم انني قدمت علي نصف الوظائف بواسطه .. تخيل ولم اتوظف والوظيفه في العثيم وبنده وزين وموبايلي وباقي الطقه وقته عرفت انه مالي نصيب في هالدنيا ...

رجعت البيت بعد ذوبان الخلاف وبعد ايام طلب والدي صوره من بطاقه الهويه .. اكتشفت ان والدي يلعب من خلف ظهري طلع عامل زراعي باسمي واخذ من العامل مبلغ 10 الف ريال والمصيبه ليست هنا تقاسم المبلغ مع اخوي ولم يعطيني ريال رغم انه يعلم ان ابنه بلا سياره بلا مصرف بلا وظيفه وقته سكت وقلت بداخلي حسبي علي الظالم .. ليست الاولي فقبل سنوات طلعت مؤسسه وقال الوالد راح ابيع لك الفيزا واشري لك موتر والي وقتك هذا ماشفت لاريال ولا موتر !!


تحتار باللي يصير لك انت تدور وظيفه ولا تدور سياره صراحه لم اعد افهم حياتي الا انني ادفع ثمن الطيبه والنيه الصافيه لكن اجرنا علي الله ويارب سهله علي وفرجها مع الاسف لااحد يقف بجانبك سوي الشخص البعيد اللي ماتعرفه !!


دعواتكم لي ف حالتي يرثي له في كل نواحي الحياه .. مالنا الا الصبر ونتحمل الاذي !!

[عاطله ونحمد الله]

الله يفرج همك ويرزقك

[محمد الحربيِ]

الله يفرج همك اخوي كلنا نعاني مثلك واما المال فأقرب الأقربين ولو كان والدك لن يدفع لك
الاب ولو ترى منه ما ترى اصبر ولا تفكر الا أنه بصحه وعافيه فقط واجرك على الله

انت هنا تروي نفس الحكايه لأغلب الشباب هنا بالمنتدى ولن تجد منهم من يملك سيارة او ارض او بيت او وظيفة الا ما ندر او بعضاً منها والبعض الاخر لن يتحقق الا بقدرة قادر .

انت عليك بنفسك فقط ودع عنك الضعف كافح وجاهد وصابر حتى يفتحها الله بوجهك
والله لن تموت حتى تأخذ رزقك كاملاً ولكن لا تذل نفسك وتطلب من احد مال .

انا حصلت لي تجارب ومن أقرب المقربين كان يعدني بمبلغ وسيارة وحتى زواج ولكن لما تخرجت لم اجد شيئاً ابداً وبدأت العمل والتعلم ولا زلت ابحث عن وظيفه وساكافح حتى يقضي الله امراً كان مفعولاً

اخوي ياليت تحدد لي من اي منطقه انت وانا اعطيك ورقه رابحه ربما ترزقك دعم مالي يغنيك في هذه الحياة بعد توفيق الله .

او تواصل معي على الخاص

[نيلوفر ديزاين]

الله يعينك ياخالد انا مصدقتك سبحان الله الاهل الحين في هالزمن
صاروا اعداء اكثر مايكونوا صدر حنووون

صار الغريب اقرب لك من القريب
ي خالد انا وقفت بنفسي على مثل قصتك في البدايه ماكنت مصدقه
ابدا كنت احسب اني في حلم لكن هالواقع المرير هو الحقيقة

3 حالات عرفتهم ووقفت علي قصصهم ... الله المستعااان ...

ي خالد اول شي قوي صلتك بربك تقرب له اكثر واكثر
سهاام الليل لها مفعولها لاتعجز لا تياس دائما تفائل واحسن الظن بالله
الجامعه ان شاء الله تقدر تكملها عن طريق الانتساب في جامعه الملك فيصل ...

الوظيفة حاول تبحث في منطقتك وظيفه صباحية ومسائية ...
اجمع كراتين وعلب فاضية وبيعهم لو بيعهم بسيط يسد حاجة ...

اهلك كثر دعووات وشوف وش نقطة ضعف والدك وحاول تدخله معها او شخص قريب من والدك يقدر يكلمة ...
عيش لنفسك اولا واعتبر نفسك انك ولدت وحيد كيف بتبدا الحياة
الدنيا يحتاج لها كفاااح وتاكد ان الله ماابتلاءك الا انه يريدك في منزله انت تستحقها
وتاكد وحط هالايه بين عيونك قال تعالى : ( ولقد خلقنا الانسان في كبد ) ...
انت رجل على الاقل مهما كان تقدر تتحمل لكن الانثى صعب عليها ....

احمدالله في السراء وفي الضراء وانا اختك ...

طولت عليك لكن تفائل ولا تياس وتاكد ان كل عسر وراه يسر وكل شر دائما يكون بوسطة خير

ولا تنسى قصه نبينا يوووسف مع اخوته وقصه نبينا محمد مع قومة عليهما السلام

اكثر من قول لاحول ولاقوة الا بالله ... لااله الا انت سبحانك اني كنت من الظالمين ... كثر الاستغفار ...
وتاكد ان الله ماينسى عبدة ابدا تقرب تقرب من الله ولا تشغل نفسك بالتفكير ايش بيصير بكرة وبعدة

عش يومك واترك بكرة لاتفكر فيه ان حصل لك خير في هاليوم احمد الله عليه وان حصل لك شر استغفر لربك

الله يوفقك الله يوفقك الله يوفقك ...
وان شاء الله عن قريب تبشرنا بتحسن احوالك ...

[كل القصائد]

الله يوفقك ويرزقك ويغنيك عن كل مخلقووووووق

[محتاج وظيفية]

[align=center]استعن بالله و اذكر الله يذكرك نصيحة ماحد ينفعك غير ربك لو ايش ترى في هالدنيا الكل يبي مصلحته الا من رحم ربي

وانا حالي مثل حالك لا معي لا سيارة ولا مصروف و الله الشهاد اصبر على اذى الاقربيين و الابعديين

لكن الي مريحني ان علاقتي مع ربي تزيد اكثر

وترى قصص الانبياء ستجد منها عبره لي ولك [/align]

[الطير الأخضر]

الله يفرج همك ويرزقك الوظيفة اللي ترتاح فيها وبراتب عالي يارب

ويفرج هم كل مسلم

اللهم أمين

وأكثر من الإستغفار

( استغفر الله )

[خالد المذنب]

خوي ياليت تحدد لي من اي منطقه انت وانا اعطيك ورقه رابحه ربما ترزقك دعم مالي يغنيك في هذه الحياة بعد توفيق الله

...................................
من القصيم وتحديدا محافظه المذنب استاذي

[خالد المذنب]

الجامعه ان شاء الله تقدر تكملها عن طريق الانتساب في جامعه الملك فيصل ...

الوظيفة حاول تبحث في منطقتك وظيفه صباحية ومسائية ...

.................................................. ..............
انا مقدم علي جامعه المجمعه وباذن الله متفائل بالقبول .. لكن الوظيفه صعبه لكن انا من النوع اللي صعب ياس وراح ابحث وابحث وابحث واقدم لين اوصل الي احلامي حتي لو وقفت الدنيا قدامي!!

[خالد المذنب]

كل من شرف هذا الموضوع وكتب وابدع ودعاء شكرا من القلب لكم ..