شوركم... إنهاء خدمة أو انتظار التقاعد

[ذو شجون]

السلام عليكم

موظف حكومي (عسكري)
خدمته 14 سنة
راتبه الأساسي (8200 ريال) بدون البدلات
يفكر بإنهاء خدمته وتصفية كامل حقوقه للتفرغ لتجارته البسيطة

أهل الخبرة بماذا يشيرون؟
هل ينهي الخدمة الآن ويأخذ حقوقه كلها ويقطع علاقته نهائياً بعمله؟
أم ينتظر على مضض التقاعد المبكر ليخرج بحقوق نهاية خدمة تصل إلى 150 ألف فقط مع معاش شهري 4000 ريال؟

ماهي إيجابيات وسلبيات كل واحدة؟

مع الشكر والتحية

[صميم الذات]

عصفور في اليد يا غالي لا تطيره
بخصوص التجاره فيه ولدك باسمه زوجتك وخلافه

وخلك ذكي

[SALEM305]

والله الوظيفة ماودك تفرط فيها وبالنسبة للتجارة افضل لكن انت عارف فيها ربح وخسارة

والتقاعد اذا بتنتظر علشان توصل 15 سنة فما تفرق لو تقاعدت الان

لان نظام التقاعد المبكر يكون كحد ادنى 14 سنه ويوم ( تأكد منها )

اليوم يجبر لشهر
والشهر يجبر لسنه

ويصير كانك خدمت 15 سنه ولك حقوقك

لكن نصيحتي فكر الف مره خصوصا ان راتبك راح يصير بالضبط 3514 ريال

والمبلغ المقطوع راح يكون 350 الف

حدد وش الافضل لك

[عاطل مقدماً]

ماشاء الله تبارك الله
اكبر دليل على راحتك في العمل انك تمارس التجارة
لذلك لا تفرط في الوظيفة ما دام مرتاح نفسيا

غير كذا وضعك المادي هو اللي يحدد مستقبلك من غير راتب العسكرية ومسكنك هو ملك ولا ايجار وهل عليك قروض حتى تستطيع اتخاذ القرار المناسب احسبها صح وناخوك وترى اراء الناس تختلف شف اللي يصلح لك
تحياتي لك

[الملازم سهم]

لاتفرط بالوظيفة الا اذا تجارتك لها مكانة بالسوق

[أبن نمي]

الواحد قبل ما يترك الوظيفة يكون قادر يطلع مثل راتبه واكثر في الشهر عشان نعمل توازن مادي
اما بخصوص تركك للوظيفة من اجل تجارة ناشئة فلا أؤيد حاول تدمج بين التجارة والوظيفة
فلا انصحك ابداً بالمخاطرة بها ,, ولك مني اجمل تحية وبالتوفيق لك بالتجارة والله يكتب لك الخير

[شايب للقهوة]

اذا كانت التجارة مربحة والدخل ممتاز و أهم شي ضمان استمرارية الدخل الممتاز هنا يكون الأستقالة

ام اذا كان دخل التجارة مره فوق ومره تحت واحيانا تحصل 500 ريال واحيانا تحصل فقط ريال هنا يكون التقاعد المبكر

ووجهة رأيي راتب الوظيفة يكون للشخص درع من الخسارة والتكاليف ومتطلبات التجارة والأفضل له يستمر في وظيفته مع مزاولة التجارة طيب ليش يستمر لأن راتب الوظيفة مضمون و ربح التجارة غير مضمون

[حلمي جندي]

لو تجارتك لها مكانه عاليه لا تفرط بوظيفتك اصبر 4 سنين وتقاعد ويمشيلك دخل مدى الحياه واهتم لتجارتك كل شيء معرض للخساره الى الدخل الشهري الحكومي الي صبرك 14 سنه مايقدر يصبرك 4 سنين وتتقاعد لو خدمتك اقل من 8 نقولك افصل اما 14 سنه حرام تقديم الاستقاله

[ذو شجون]

أشكركم جميعاً على التفاعل الجميل.

التجارة في كل الأحوال ماشية، والمقصد هو التفرغ التام لها والتركيز فيها.

لنفرض أن دخلها ممتاز، والراتب ما أحد يجيه،

أيهما أفضل... الانتظار إلى سن التقاعد المبكر أم تقديم الاستقالة من الآن؟

كل وحدة لها ميزاتها.

الاستقالة: تأخذ مثلا مبلغ مقطوع 350 ألف وتفتك من الوظيفة نهائيا.
التقاعد المبكر: تأخذ حقوق نهاية خدمة ممكن 180 ألف، مع معاش 3500 ريال شهري لمدة تصل تقريبا 25 سنة (غير متأكد).

فهنا هو السؤال، أيهما أفضل وأصلح؟

[لاسنر]

استخير والله يوفقك ان شاء الله
في رأيي استمر على وظيفتك .. واذا ما فيه مانع ممكن تذكر القطاع اللي تشتغل فيه