ماذا بعد إفتتاح مشروعي الخاص (( شاليهات عائلية ))

[سلطان بن سع]

السلام عليكم ورحمة الله وبركاته

كل عام وأنتم بخير .. جعلنا الله وإياكم من المقبولين ..

الحمدالله في أول أيام العيد أفتتحت مشروعي (( شاليهات عائلية )) طريق الملك سلمان

والمشروع أخذ مني وقت طويل للتفكير والبحث و الحمدالله تجرأت و أخذت قرض و بدأت المشروع

وأنتهيت منه بالكامل مع نهاية رمضان أشتغلت عليه شغل جبار من ناحية التشطيب والأثاث ..

لكن الآن توقفت علي مسألة التسويق للشاليهات وش الطرق اللي ممكن تفيدني فالتسويق غير الأنستقرام و دعوة المشاهير

وكيف أتحكم بمصروفات الشاليهات و مداخيلها .. أتمنى تفيدوني باللي تقدرون عليه لرسم خارطة النجاح للمشروع ..

شاكر لكم ورزقني و إياكم من واسع فضله ..

[متفائل زمانه]

المشاركة الأصلية كتبت بواسطة سلطان بن سع

السلام عليكم ورحمة الله وبركاته

كل عام وأنتم بخير .. جعلنا الله وإياكم من المقبولين ..

الحمدالله في أول أيام العيد أفتتحت مشروعي (( شاليهات عائلية )) طريق الملك سلمان

والمشروع أخذ مني وقت طويل للتفكير والبحث و الحمدالله تجرأت و أخذت قرض و بدأت المشروع

وأنتهيت منه بالكامل مع نهاية رمضان أشتغلت عليه شغل جبار من ناحية التشطيب والأثاث ..

لكن الآن توقفت علي مسألة التسويق للشاليهات وش الطرق اللي ممكن تفيدني فالتسويق غير الأنستقرام و دعوة المشاهير

وكيف أتحكم بمصروفات الشاليهات و مداخيلها .. أتمنى تفيدوني باللي تقدرون عليه لرسم خارطة النجاح للمشروع ..

شاكر لكم ورزقني و إياكم من واسع فضله ..

ماشاء الله تبارك الله والف مبروك والله يكتب لك الرزق الحلال

[زرقا اليمامة]

التسويق يبي صبر لمن تشتهر
الحين المعلمات يستاجرون شالهات بدون صحبة احد من عوائلهم لو اعلنت بقروباتهم الي تخص منطقتك
اتوقع تجد اقبال منهن وفكرة ثانية المحطة الي قريبة من الشاليهات العمال الي يعبون لناس البنزين في المحطة عطهم لهم عشر ريال وخلهم يوزعون الاوراق على الناس الي يمرون المحطة
يعني صمم اعلان فيه صور لشاليه وخريطة الموقع وسعر الاجار واعمل منها نسخ كثيرة ولاتسى بالبداية تنزل من الايجار حتى يقبلون الناس فلما يقبلون ارفع السعر
خطة ربحيه للمشروع ماعندي للاسف بما انك اخذ قرض كبير
لعل الاخوان هنا يفيدونك

[بكلوريوس محاسبة]

تحتاج ثلاث حسابات

حساب تسديد القرض
حساب تسديد فواتير الكهرب والماء
حساب رواتب واجور عمال حارس واذا عندك مزارع او شيء
حساب اصلاحات وتلفيات وتطوير
حساب للدعايه والاعلان

^ تكون على شكل مخصصات عشان تتجمع فيها المبالغ بعد فتره وتكون قادره على الصرف على نفسها مع احتياطي بشكل كافي (يتم تحديدها على حسب االدخل والمصروف لكل بند من البنود)

واخيرا
حساب الارباح الي ترضي فيه نفسك ويكون في البدايه لمجرد الاحساس بان عندك دخل اضافي فقط ويزيد مع بدايت قيام المشروع بشكل كامل
المقصد ان تكون تقسيمه وليس بالضروره ان تكون حسابات منفصله بشكل حقيقي


وبخصوص الاعلانات لا تخلي شي لا تعلن فيه وابدا بتوجيه للفأت الي تستهلك هذي الاشياء مثل النساء كافه والموظفات منهن بتركيز اكثر
صورهـ صور ممتازه وتوضح تفاصيله بشكل ممتاز وحط له حساب انستقرام بمقاطع فديو بنوع من الاحتراف تعكس صوره ممتازه
لو تقدر تقدم خدمات تجهيز الحفلات في شاليهك تكون تابعه لشاليه يعني يستاجرون على حدا ويقدرون يطلبون التجهيزات الي يبونها وتوفرها لهم بسعر مختلف طبعا واتفاق مختلف موب لازم تكون الاغراض عندك ممكن تكون بالاتفاق مع محل او مجموعت محلات يتم الاستاجار منهم وتطلع لك عموله بعد

[سلطان بن سع]

شاكر لكم و مقدر تفاعلكم ..

فكرة التسويق على المعلمات ممتازة و راح أبدأ فيها من الآن ..

بخصوص المخصصات فكرة مناسبة للمساعدة في توفير الإحتياجات مع مرور الوقت ..

ومبدئياً أحاول يكون المشروع يصرف على نفسه من دون خساير و بعدها بإذن الله تكون فيه أرباح ..

ربنا يفتح لكم أبواب رزقه ..

[محتار في التجارة]

كبداية سوي عروض واهم شي انتبه من المستأجرين لا يخربوا الشاليه وتصير الدخل مصروف واهم شي حافظ على مستوى النظافة والتحسين دايما وأبدا والله يرزقك من واسع فضله

[qa22]

أخي الكريم في أي منطقة فاتح وموقعك يمكن نجيك

[منى العبدالله]

ماشاءالله الله يبارك لك
بالنسبة للتسويق من اهمها حساب بالانستقرام وتنزل باغلب الهاشتاقات ومهم تصور رضا الناس اللي استاجرو من قبل
وفيه تطبيق لشباب سعودين اسمه شاليه نت مخصص للشاليهات و الاستراحات ادخل وسجل شاليهاتاك فيه
وفيه نقطه مااعرف انت حاطها ببالك او لا مهم تنزل السعر بالبدايه لمن مهم لك انت انك تحط تامين تقريبا نص السعر لان فيه ناس للاسف تدخل الشاليه جديد تطلع منه متدمر وانت تحفظ حقك بالتامين

والله يوفقك

[Adel007]

اهم شي للتسويق .. بناء وتوسعة قنوات التواصل ..
مثل : انستجرام ، تويتر ، واتس اب ، ايميلات ، موقع الكتروني ، .. الخ

كل ما كنت مرئيا اكثر بيجيك عملاء اكثر .


وبعدها بيبين معاك القنوات اللي تتيح لك الاكثر جذب ، وممكن تتعرف بعدها على قنوات واليات تواصل اكثر للتسويق .

المرحلة الاخيرة المحافظة على عملائك الحاليين وذلك بوضع برامج مسابقات ، هدايا ، خصومات ، الخ ..


والله يوفقك ..

[بالله بالتوفيق]

حياك اخوي

اخ لي عنده شقق فندقية عارضها في بوكنج ونص الزبائن يجون عن طريق بوكنج سجل فيه اذا قدرت

ياخذ 20% بس يستاهل لولا الله ثم هذه المنصة الاكترونية كان ماجاك الزبائن
بالتوفيق