استفسار بخصوص مشروع التقسيط

[الدححممي]

السلام عليكم
عندي كذا استفسار بخصوص مشاريع التقسيط
راح ابدأ المشروع بفائدة 500 ريال فقط
والفكره تعتمد على تدوير الاموال وتقسيطها على زباين جدد اكثر من الربح
لكن عندي استفسار هل فيه شروط لمحلات التقسيط ؟ سمعت انه لازم رخصه من الماليه والسجل التجاري من شروطه رخصه من الماليه !
والتقسيط راح يكون استقطاع شهري باتفاق مع البنك بحيث اضمن حقي وحق الزبون وما نتسبب باحراجات لبعض
احد عنده علم عن الرخصه وهل للبنوك شروط بخصوص الاستقطاع ؟

[Fekra_ksa]

الشروط تستاجر محل 24 في 24 لوحه متر في متر وطفايات حريق اثنين وكاشف لدخان واحد ولوحة الدفاع المدني وتروح للبلديه وتاخذ نموذج طلب رخصه وتكتب فيه اسمك رباعي واسم النشاط وموقع المحل المستاجر وترفق صوره بطاقتك وصوره من عقد الاجار والاوراق الاصل تكون معك وملف شفاف
وتقدمه يوقعون لك عليه ويرسلونك لدفاع المدني وتاخذ نموذج وتعبيه نفس الكلام ويواعدونك بعد ثلاث ايام تاخذ الاوراق بعد ثلاث ايام وتروح للبلديه ويقولون راجعنا بعد يومين ويطلع المراقب يشوف المحل ويعطيك الموافقه تروح تسدد ارسوم بعدها تستلم ارخصه بعد يومين او ثلاثه تروح برخصه مع الصور الاولى الي ارفقتها للبلديه لكن هل مره للغرفه التجاريه وتاخذ نموذج طلب سجل تجاري وتعبيه وتسدد تحت 800 اشتراك في الغرفه التجاريه و200 في وزارة الصناعه وتاخذ السجل وصلى الله وبارك اتمنى اكون وضحة لك كل شي دعواتك

[Fekra_ksa]

احد عنده علم عن الرخصه وهل للبنوك شروط بخصوص الاستقطاع ؟

روح البنك المراد الاتفاق معه على الاستقطاع افتح حساب باسم المؤسسة حقك وشوف ايش شروطهم للاستقطاع من العميل واذا اعجبتك وقع النماذج وبكذا تكون عملت الاستقطاع نصيحه دقق في كل ورقه يعطيك موظف البنك واسال عن اي نقطه غير واضحة طبعا البنك يستقطع من عملائك مقابل نسبة منك .

[ملامح المكنون]

تاكد قبل هل تستطيع تفتح محل من اجل الاستقطاع
حسب اللي قريت عنه
انه لابد راس مال كبير جداً وتكون شركة مساهمة او شي من هالقبيل
تاكد انت