عندي 5 مليون ومؤسسة مقاولات ابحث عن استثمار امن

ناصر من تبوك · #1 (**permalink**) 17-09-2014, 03:58 PM

السلام عليكم ورحمة الله وبركاته
عملت جمعية مع اخواني وبعض افراد العائلة وبعض الاصدقاء واشتغلنا بشقق التمليك
وجمعنا مبلغ 5 مليون وشوي
بس حابين نغير عن شقق التمليك
اللي عنده فكرة استثمارية امنه لايبخل علينا وله 2,5% من الارباح والله على مااقول شهيد
للتواصل : على الخاص
والله يوفق الجميع,,,,,

مفكر عالمي · #2 (**permalink**) 17-09-2014, 05:04 PM

الله يرزقك

انا لايمكنني ارسل على الخاص بحكم قلة مشاركاتي , ولكن مشروع شقق فندقيه في الرياض مشروع جيد ونحن قمنا بتأسيس فندقين موجودين بالرياض أحدهم يتبع لنا والأخر لمجموعة اتفقنا معهم على تأسيس الفندق وتسليمه لهم خلال فترة 6 اشهر تقريبا وهو شغال جاهز , وعليهم ادارته بعد ذلك

طبعا العمارة تستأجر لمدة 10 سنوات تقريبا وهي مجهزة لتكون فندق ويبقى عليكم من رأس المال التأثيث والتصاريح اللازمه و العماله وباقي الأمور لتشغيل فندق

ابا يوسف · #3 (**permalink**) 18-09-2014, 03:18 AM

تفضل شوف هذه المشاريع

https://www.btalah.com/showthread.php?t=535620

مستثمر جدي · #4 (**permalink**) 18-09-2014, 11:47 AM

وعليكم السلام
صباح الخير

لايوجد مشروع آمن , فيه مشروع مريح مثل العقار وأنت طلعت منه مااعرف ليه !

وفيه مشاريع تزيد فيها نسبة الخطوره ,, مثل المحلات والتقسيط والمعدات الثقيله وغيره ,,إلخ

كل ماادخلت نفسك أنت بالمشروع أصبح المشروع آمن وتحت نظرك .. باستثناء العقار

بالتوفيق إن شاء الله

محب الخيل · #5 (**permalink**) 18-09-2014, 11:02 PM

ماشاء الله ...الله يبارك لكم

اعتقد انه يجب التنويع في اكثر من مشروع

حتى لاتخسر ماجمعت

تحياتي

ناجي الحوسني · #6 (**permalink**) 19-09-2014, 01:49 AM

اذا لك رغبة في الشغل في دبي ممكن نتواصل

صمتي حكابك · #7 (**permalink**) 20-09-2014, 04:52 AM

السلام عليكم
عذرا من صاحب الموضوع على المداااخلة .
الاخ مفكر عالمي اذا رغبت بشركة تاثيث مختصة بالفنادق والابراج والمكاااتب
طلبك موووجووود وياليت ترااسلني على الخاااص بوسيلة اتصااال

مؤسسة المهنا · #8 (**permalink**) 20-09-2014, 05:29 AM

السلام عليكم
هات ريال وانا اقول لك
المشروع هو انت الوحيد الذي تحدده و تحدد نجاحه او فشله اخي الحبيب شوف ايش تحب من هوايه او ممارسة ممكن تتحول على مشروع تجاري وانا اعتقد من وجهت نظري هذا الحل

مصعب الرماح · #9 (**permalink**) 20-09-2014, 04:56 PM

ما شاء الله تبارك الله
الله يرزقك ويرزق الجميع

عندي أحد الزملاء يشتري سيارات من خارج السعودية ويبيعها بالسعودية
طبعا هو مايشتري السيارة إلآ إذا كان موجود الزبون سواء زبون شخص واحد أو شركة وطالبين كميات من السيارات

بعطيك مثال بسيط عشان تتضح لك الصورة

الجيب الاندكروزر يشترية من خارج السعودية بريمي بقيمة 219 ألف ويبيعة لك بفايدة 9 ٪ خلال 30 يوم إلى 40 يوم

يعني لو دفعت قيمة الجيب 219 ألف راح يجيك أرباح في خلال 30 يوم 19710 ريال

طبعا العقد اللي بينك وبين التاجر عقد تملك سيارة يعني يشتريها لك خلال 15 يوم وبعد مايشتريها لك يتصل عليك ويقولك السيارة موجودة الآن وتبيها رح خذها من المعرض الفلاني الموجود في النسيم بالرياض أو إذا تبيني أبيعها لك أنتظر 15 يوم عشان يبيعا ويحول لك فلوسك كاملة اللي دفعتها اللي هي 219 ألف مع الأرباح اللي هي 19710 في حسابك .

طبعا أنت حر تبية يشرتيها لك وأنت تبيعا بنفسك أو يبيعها لك

الشغلة مضمونة 100 ٪ بعقد رسمي عقد تملك سيارة بإسمك

الشغلة مربحة جداا خاصة إذا أنت أستمريت معة وصار دخلك الشهري تدخلة معة مرة ثانية خلال 9 شهور يجيك راس مالك كامل مع الدبل أرباح

يعني أول مرة أنت دفعت 219 الف وصرت تشغلها معة لمدة 9 شهور إن شاء الله بعد 9 شهور راح يكون معك حول 420 ألف تقريبا

طبعا الرجال هذا يبيع ويشتري في السيارات بس خلال 9 شهور وبعدها يوقف 3 شهور لأن المديلات الجديدة تنزل ومايبي يشتري سيارة وبعدها بكم من يوم يطلع المديل الجديد

طبعا أنا وش الفايدة أقولك الكلام هذا
الشخص أعرفة وأقدر أوصلك لة عندة مؤوسسة وتقدر تزورة بالمكتب
بس اللي أنا أبية منك أني أخد نسبة من الأرباح أبي 4 ٪ ولك أنت 5٪

إذا موافق بلغني أو تواصل معي على الخاص

وهذا الكلام للجميع مو مخصص لك أنت فقط أنا حبيت أفيد وأستفيد والله يكتب اللي فية الخير

والسيارات اللي هو شغال فيها التاجر هي جيوب اللكزس والاندكروزر بشكل خاص وعندة سيارات صغيرة

المشروع هذا أفضل من العقار لأن العقار يجيب لك مربح 30 ٪ تقريبا على حسب ماسمعت

اللي عندة أي إستفسار يتواصل معي على الخاص
الكلام موجة للجميع بلا إستثناء