01-11-2014, 03:03 AM
|
عضو نشيط
|
|
تاريخ التسجيل: Jul 2014
المشاركات: 177
معدل تقييم المستوى: 20
|
|
اقتباس:
المشاركة الأصلية كتبت بواسطة أوائل الخير
السلام عليكم ورحمة الله وبركاته
اسأل الله ان يفتح لك ابواب الرزق على مصراعيها اكثر من الاستغفار حتى يرزقك الله رزقاً مدرار
شوف حبيبي انا ارد من خبرتي فقط اما عن المشروع والله لا اعلم عنه شئ تخصصي هو تنجيد السيارات لكن هو اجتهاد وحبيت افيدك
1- هل تنصحوني استاجر ارض لمدة طويلة وابدا مشروعي عليها او استاجر موقع تجاري من البلدية ماهو الانسب .
لا انصحك بإستأجار الأرض لمدة طويلة حتى تتأكد من جدوى المشروع ولا تتورط بأجارها باقي المدة لو فرضاً لاسمح الله لم ينجح المشروع لأي سبب من الأسباب لا تكون ملزماً بشئ مع المالك او مكتب العقار أو البلدية.
2- بالنسبة للسيولة عبداللطيف جميل لايدعم المشاريع التي تستورد معداتها من الخارج وانا المكينة بجيبها من برا لانها ارخص مقارنة بالموجود داخل المملكة فما ادري تنصحوني اطلع قرض وهل 180000 كافية كبداية .
هذه النقطة انت افضل من يجيب عليها بنفسه اجمع مصاريفك كامله من اجار ومعدات وتجهيز للمغسلة ورواتب العمال من واقع خبرة بالتجارة احسب انك ستدفع نصف الرواتب من حر مالك والنصف الاخر من دخل المغسله وتوقعاتك للإقبال على المشروع اول سنة او سنتين وهل مجتمعنا مستعد للغسيل الاوتوماتيكي او لا كما ان فلسفة الشباب لها تأثير مثلاً لاتغسل سيارتك عند المغاسل الاتوماتيكيه لانها ممكن تمخش بوية سيارتك ماتلاحظها الا بعد فتره هذه من الاشاعات الفيلسوفيه بين الشباب وصدقني واجهتني هالمشكله مع بداية عملي في تنجيد السيارات الجلد يتقطع يقولون القماش مع الجلد تتقطع الخيوط ويقولون ويقولون وتتعب تقنعهم هذا مو صحيح بعضهم يقتنع وبعضهم لا فأنت اول شئ جس النبض واسأل اصحابك واصدقائك وزملائك لتتضح الصورة لك عن رأي الشباب ورأي الشارع
3- ياليت تعلموني من وين ابد هل استاجر الارض ثم ابدا في اجراءات الرخصة واطلع اجيب المعده والا في طريقة ثانيه انسب بالنسبة للعماله راح انقل كفالات افضل .
لاتستطيع البدأ بأي شئ حتى تستأجر اولا
ثانياً تجهز الارض
ثالثا :تركب لوحة ثم تذهب للبلدية تستخرج الرخصة وانتبه ممكن يطلب منك تركب المكائن حاول تستعطفه انك ماتعرف وين تباع وان العامل اللي بتجيبه عنده خبره وهو يعرف وش الافضل من هالكلام
يطلع مندوب من البلدية يتأكد انك مستوفي كامل الشروط وانتبه من الشروط تراهم بيغثونك لو تعطيها معقب يخلصها لك افضل يعرفون يخلصونهم بسرعه يطلع لك الرخصه ب 1000 او 1500
اذا استخرجت الرخصة وتأكدت ان كل شئ تمام وقتها اقول لك جيب المعدات ليه ما اجيب المعدات من اول واريح راسي سؤال حلو اعرف شخص بدأ مشروع وجاب معدات وجهز المحل والبلدية رفضوا يعطونه الرخصة بحجة الشروط وان المكان غير مناسب فلابد من ان يكون السقف عبارة عن هنجر أو لايوجد دور العلوي للسكن فخسر كثيراً وتورط بالمكائن
بعد ما تطلع الرخصة تفتح لك ملف بمكتب العمل علشان تبدأ نقل الكفالات وطلب الاستقدام وبما انها مغسله اوتوماتيكيه انصحك بالتدرج في زيادة عدد العماله ابدأ بعاملين ثم 3 ثم اكثر لاتجيب 4 دفعه واحده الا اذا فعلا محتاج العدد وشغلك بيوقف لان البدايه دائما متواضعه وتدفع رواتب وتتعب كثير
في الختام اذا كنت موظف او مضاف بالتأمينات لازم توظف سعودي وتنتظر تغير كيان المحل الى اخضر حتى تقدر تستفيد من خدمات وزارة العمل ولاتنسى تفتح حساب في التأمينات الاجتماعيه علشان يربط مع مكتب العمل
بالتوفيق ان اصبت فمن الله وان اخطات فمن نفسي
|
اخوي اوائل الخير بيض الله وجهك على كل حال شاكر مجهودك في الرد المشروع متامل منه خير بعد الله سبحانه وواثق انه راح ينجح باذن الله بس العقبة الوحيدة اللي محيرتني الان هي السيولة المشروع بعد الدراسة سيكلفني مايقارب من 450 الي 500 الف طبعا مع الاجار لاول سنه بس عندي استفسار هل البنك لديهم تمويل مشاريع لو طلبت منهم 500 الف واذا ماعندهم هل في جهه اخرى تدعمني بها المبلغ في غضون شهر او شهرين بالكثير .
أسال الله ان يسعدك دنيا واخره ويرزقك ماتتمناه
|
العرض العادي
