تجمع المتعينات في سراة عبيدة

سديم الليالي · #**2941** (**permalink**) 17-08-2014, 05:40 AM

بنات انا حاطه سراة عبيده فيدوني الله يخليكم انا من جده
عشان اقنع اهلي اذا نزل اسمي ابي سكن معلمات او قروب ابي بنات جربوا الله يرزقه الجنه الي يرد

ديفانا · #**2942** (**permalink**) 18-08-2014, 06:30 AM

^^^

ياهلا فيج ...

انا زيك يا حبيبتي من جدة واتعينت بالسراة ودرست سنة ومانقلت
السراة تابعة لها مناطق كثيرة وبعضها توصل لحدود اليمن حتى في منطقة
نسيت اسمها يقولك يمسك معاهم ابراج اتصالات اليمن ومافيها تغطية ممتازة من شركات اتصالات السعودية

ماراح اخوفك كتير ..
بس حابة اوضح لك ان السكن راح يكون حسب المكان اللى راح تتعيني فيه
سراة عبيدة قريبة من خميس مشيط تقريبا ساعة أو نص ساعة اذا سكنتي في أحد رفيدة
والأحد منطقة لاصقة بخميس مشيط والمسافة تقريباً زي وسط جدة الصفا مثلاً والأحياء الجنوبية
الوسطى مثل الوزيرية واللي يفصل بين الخميس والأحد اشارة ضوئية
ماعلينا ميزة الأحد شيئين أقرب للسراة والخميس وخدماتها أفضل من السراة

وراح ارتبلك القطاعات بالترتيب
السراة
( ممكن تسكني فيها لكن الخدمات مو مرا عاد وتعرفي احنا اللي من المدن الكبيرة وخصوصا جدة والرياض
متعودين على محلات التوفير والمكتبات والمولات :

ظهران الجنوب مكانها جنوب السراة وفي ناس سكنو السراة ويدامو لظهران وناس سكنت احد رفيدة
وبرضو يدامو للظهران وقلة سكنو في الظهران الخدمات مش ولا بد
بعدها تهامة ظهران الجنوب :
جنوب الظهران من اسمها تهامة يعني ساحلية وفيها عقبة
تهامة قحطان وهذ المنطقة على حدود اليمن وجازان
ولو اتعينتي في التهامتين مستحيل تسكني بالخميس أو الأحد
ممكن السراة لأن المسافة من السراة لتهامة حوالي ساعتين واكثر حسب القرية
وطريقها وعر ونزول عقبات وغيره

في قطاع ماذكرته العرين وطريب هذه المناطق تقع شرق خميس مشيط
على طريق الرياض خميس مشيط ورغم بعدها عن السراة إل انها تابعة لها
العرين تبعد الخميس اقل من ساعة حسب ماسمعت
لذلك أي معلمة تتعين بالعرين وطريب تسكن في خميس مشيط

طبعاً السكن بكل المناطق بشقق مفروشة ايجار شهري في من 1500 لغاية 3000
وفي شركات توصيل وفي نقل جماعي والأهم مطار أبها
وسعر التذكرة من أبها لجدة 380 ذهاب وعودة
وفالك التعيين يارب ولو نزل اسمك بالسراة