مقابلتي مع الكول سنتر بنك ساب!!!!

[Blue Shadow]

إعلان تجاري

عسل سدر بلدي مضمون ذمة ومختبر للطلب / أبو عمار 0503496027

اقتباس:

المشاركة الأصلية كتبت بواسطة tmemey

الله يوفقك

وياك ما قصرت

[الفيصل001]

اقتباس:

المشاركة الأصلية كتبت بواسطة نبى وظيفة

السلام عليكم ورحمة الله وبركاته

اليوم كانت مقابلتي بالكول سنتر ولانها اول مقابلة اسويها في حياتي كنت متخوف منها في البداية.....لكن قلت في نفسي يا ولد منت خسران شيء رح توكل على الله
وتوكلنا على الله ورحنا...وصلت المركز وطلعت الدور الخامس الين لقيت الموظف سعيد جيت سلمت عليه ..قالي انتظر في غرفة الأنتظار او التدريب حتى اناديك...
رحت جلست بالغرفة الى ان جاءوا شباب واحد من جدة وواحد من الأحساء وكلهم مثلي اول مرة يدخلون مقابلة شخصية...

المهم بعد فترة بسيطة جاء الأخ سعيد ورحت معاه على مكتبه وبدت المقابلة
سئلني عن مؤهلاتي ..ثم سئلني عن اللغة الأنجليزية وقلت له تمام
فخلاني اقرا ورقة مكتوب فيها عن البنك بالأنجليزي
ثم جاب الى افعال مضارع مستمر بالأنجليزي وقالي عطني الفعل منها
ثم خلاني اكتب 10 كلمات من القطعة وقالي عطني معانيها ثم قالي حط اربع منها في جمل
ثم عطاني ورقة مكتوب فيها باللغة الأنجليزية عن عرض اسمه اكتساب من بنك ساب قريته وقالي وش هو هالعرض قلته ان العرض عبارة عن انك تحصل على نقطة كل عشرة ريال تشتريها واذا وصلت الى الف نقطة يعطونك كوبونات مكأفات ..
ثم
كان السؤال المحرج لي قال 1000 نقطة يعني كم ريال
فأنا قلت له 1000 ريال وهذا كان خطا لاني اسرعت بالأجابة.. وقعدت افكر عنده ولا جاوبت عنده..

الين قالي انت مستعد للعمل تحت ضغط عمل والشفتات قلت له انا ماعندي مشكلة بس اهم شيء ما تكون صباحي وعطيته السبب لاني ما زلت طالب بمعهد الأدارة العامة
فقالي خلاص توكل على الله وانتظر منا اتصال بعد العيد...

ويوم مشيت من عنده وفكرت في المسألة اللي اعطاني اياها طلعت 10000 ريال
وانقهرت قلت لمخي بدري يبو شباب

لكن الحمدلله......

وهذا اللي حصل معاي

والله يوفقنا واياكم

الله يوفقك

شكله كان شديد معاك

لكن الحمد لله اتوقع كانت مقابلتك ناجحه

الله يوفقك وان شاء الله نكون زملاء في العمل

[Blue Shadow]

اقتباس:

المشاركة الأصلية كتبت بواسطة الفيصل001

الله يوفقك

شكله كان شديد معاك

لكن الحمد لله اتوقع كانت مقابلتك ناجحه

الله يوفقك وان شاء الله نكون زملاء في العمل

تسلم اخوي الفيصل...
صراحه انا كنت ماشي معه صح الين وصلت لم المسألة وصراحه المسألة تافهه لكن كنت مرتبك عنده حتى يوم اني خلصت وصلت عند الأنصنصير عرفت الأجابة ...بس بعد ايش خخخ
لكن الحمدلله...
والله يوفقنا واياك..
والله يجزي العنــــزي كل الخير صراحه لولا الله سبحانه ثم هو ماكان عرفت هالوظيفة

ودمتم ساااالمين

[nasser12]

الله يعطيكم العافيه ياشباب انا دقوا علي امس
وقالو مقابلتك الثلاثااء عااد الله يستر ياليت
الشبااب يعطوونا معلومات اكثــر واسهل كروكي
للي جاي من الشرقيه ,,,,

[Blue Shadow]

اقتباس:

المشاركة الأصلية كتبت بواسطة nasser12

الله يعطيكم العافيه ياشباب انا دقوا علي امس

وقالو مقابلتك الثلاثااء عااد الله يستر ياليت
الشبااب يعطوونا معلومات اكثــر واسهل كروكي

للي جاي من الشرقيه ,,,,

هلا اخوي الله يوفقك
ابد اذا كنت جاي طيران وبتمسك ليموزين قول له شارع الضباب -بنك ساب- عند الغرفة التجارية

اما اذا جاي على موترك حاول انك توصل حول الداخلية واسئل الشباب عن شارع الضباب

وبيدلونك ان شاء الله.

[ريم السعوديه]

بالتوفيق اخوووي

[رسام القلوب]

وانا بعد اتصلوا علي وموعد مقابلتي يوم الثلاثاء الساعه 9

[oo11_5]

السلام عليكم ورحمة الله وبركات
اولا مبروك عليكم العشر الاواخر
ثانيا امس اتصل على شخص من بنك ساب وردية علية قالي اخوي فلان قلت وصلت قال احنا من بنك ساب وانت مقدم السيرة الذاتية وقال وصلت لنا قلت تمام وبعدين قال انت الان موعد مقابلك يوم الثلاثاء القادم اللى يوافق اليوم قلت تمام وبعدين قال تريد الوظيفة قلت كم الراتب قال 3200ريال قلت ومسمى الوظيفة قال خدمة عملاء قلت والله الرايب قليل وانا ليسى من سكان الرياض انا من القصيم قال انت تريد الوظيفة قلت الراتب شوي و رد علي قال الموعد يوم الثلاثاء الموافق 26/08/1428 قلت لا والله ما تصلح الوظيفة وسكرة السماعة وهذهي السالفة

وعلى العموم انا تخصصي فني كهربائي منازل ومسمى الوظيفة خدمة عملاء؟

[Blue Shadow]

اقتباس:

المشاركة الأصلية كتبت بواسطة رسام القلوب

وانا بعد اتصلوا علي وموعد مقابلتي يوم الثلاثاء الساعه 9

بالتوفيق
علمنا وش يصير معك

واذا سمحت اذا قضيت من مقابلتك اسئلة كم موظف طااالبين

والله يوفقك

[الفيصل001]

اقتباس:

المشاركة الأصلية كتبت بواسطة Blue Shadow

بالتوفيق
علمنا وش يصير معك

واذا سمحت اذا قضيت من مقابلتك اسئلة كم موظف طااالبين

والله يوفقك

على ماسمعت انهم طالبين كثير

قدم عليهم وش خسران