يا اخوان ، انا اعمل في قطاع خاص ، باحدى الشركات الكبرى ، وربي رزقني بوظيفه حكوميه .
عندي كذا سؤال احب اطرحهم واتمنى منكم الاجابه لمن يملك الاجابه ويجزاكم الله عني خير الجزاء .
خدمتي حالياً 4 سنوات و 11 شهر و 7 ايام
اخبروني بـ ان حقوقي في هالمرحله بحكم ان عقودنا غير محددة المدة ، راح يكون ثلث راتب ، وان الحقوق من 5 سنوات او اعلى راح تكون ثلثين راتب تقريباً عن كل سنه فتفرق معي واجد واللي باقي لي بس حوالي 23 يوم واكمل 5 سنوات ، لكن عملي الجديد راح يحدد لي المباشره خلال اسبوع تقريباً اذا طالت خلال اسبوعين ،ْ . وغير كذا مطلوب مني شهر انذار .. قلت لادارتي بالشركه اني ابي اقدم استقاله بحيث ان شهر الانذار هذا بوسطه اكون اتممت 5 سنوات ، فبعضهم افادني بان شهر الانذار ما يدخل من ضمن الخدمة ..
فـ سؤالي : هل شهر الانذار يحتسب لي كشهر خدمة ام لا ؟
والسؤال الثاني ، هل اذا عملي الجديد اعطاني موعد مباشرة ، هل المباشره هذي تتأثر اذا كان اسمي لا زال في التامينات ؟
عشان اعرف اللي لي واللي علي ، عشان اذا عملي الجديد بيتاثر وبياخروني ويقولون لي جيب ورقة اخلاء طرف من عملك القديم وانا ما قد قدمت استقاله فـ مشكله راح اخسر الحقوق ، .. فـ اضطر اني اقدمها الحين واتنازل عن ثلثين راتب مقابل ثلث راتب ،ْ واقبل بالمخاطره لكن بالخسائر المعقوله ،
لكن اذا عادي اكون موظف تابع للخدمه المدنيه ويصبرون علي لين اخلص اجراءاتي مع التامينات وما يدققون ، ف، مستعد اني اداوم هنا وهناك بس لمدة من 10 ايام الى 15 يوم مقابل اني اكسب في الحقوق بدل الثلث راتب ثلثين راتب عن كل سنه .
اتمنى وصلت المعلومه واتمنى الافاده وشكراً .