انسي موضوع التأمينات شوي..
اذا انت معدل المهنة لموظف اهلي للأسف مراح تقدر تباشر في الوظيفة الحكومية الا بإخلاء طرف وفي هذى الحالة راح تضطر انك تتنازل عن شهر الانذار وبينخصم من حقوقك، انتبه للنقطة ذي بالنسبة للفترة المسموحة لك تباشر فيها بالوظيفة الحكومية هي 15 يوم من تاريخ ترشيحك.
عشان تكون بالصورة الاشكالية تصير لما تاخذ خطاب تعديل المهنة من الادارة اللي ترشحت فيها للأحوال المدنية راح يبان انك موظف اهلي، والاحوال المدنية مراح تعدلك مهنة لموظف حكومي وتطبعلك برنت ترجعه للإدارة اللي ترشحت فيها الا باخلاء طرف من الشركة.
في حال كان مهنتك مو موظف اهلي، بقولك اللي صار معاي بحكم اني مريت بنفس الحالة قبل 3 سنوات.
وجود اسمك في التأمينات مراح يكون له تأثير في البداية..
في نموذج التوظيف اللي تعبيه اكتب سبب الانفكاك عن العمل (استقاله) وتاريخ انتهاء العمل حط تاريخ الاستقاله ومراح يهمهم شهر إنذار من عدمه ولكن احتمال يطلب منك خطاب الاستقالة مثل ما صار معي. وتستكمل إجراءات التوظيف وتباشر عادى
بعد ماينتهي شهر الانذار والشركة تسقط اسمك من التأمينات، تاخذ خطاب تعريف من عملك انك على راس العمل (مو تعريف بالراتب) + صورة من قرار تعيينك وتتوجه للتأمينات عشان تضم الخدمة لمصلحة التقاعد.
في التأمينات سألني الموظف بعد ماعبيت طلب ضم الخدمة كيف باشرت وانت باقي موظف قطاع خاص فيها تعارض ومدري ايش إلخ..!
قلتله انا قدمت استقالتي بتاريخ كذا كذا وباشرت بتاريخ بعدها والشركة افادتني انو اسمي مراح ينزل من التأمينات الا بعد شهر حسب نظام وزارة العمل وجيت بوريه الاستقالة المشروح عليها بالموافقة من قبل الشركة.
ما اخذها وسكت وكمل إجراءات ضم الخدمة < وصراحة مدري كيف الوضع قانونياً
ولكن قالي موظف التأمينات راح تاخذ وقت عشان فيها تداخل بالمدد، علماً ان خدمتي في القطاع الخاص إجمالا 5 سنوات و 10 أشهر حسب برنت التأمينات.
وبعد ضم الخدمة حسبولي 5 سنوات و 8 أشهر فقط عشان شهر الانذار تداخل مع خدمتي في الحكومة وشهر ماحسبوه لي لانو تداخل بين شركة وشركة آخرى.
بالنسبة للحقوق الأخ Mol88 افادك..