فعلاً سنوات الخبرة ماتحسب الا بعد المؤهل وتحسبلك نقاط افضليه للتعيين او تكون شرط لدخول مسابقة وظيفية وتاخذ عليها مرتبة حسب شروط الجهة المعلنة للوظائف، ولكن في موضوع الترقيات بعدين الخبرات مراح يكون لها اي دور في الترقية كل اللي يساعدك ع الترقية دورات معهد الادارة او مؤهل اعلي تكون حصلت عليه، اتمنى الصورة وضحت.
وكون خدمتك في القطاع الخاص 5 سنوات هذى بتفيدك في حساب الخدمة للتقاعد ولكن بشرط تكون المده كامله مسجلة في التأمينات.
وطريقة حسبتها تكون اجور مو مدد، بمعني آخر التقاعد المبكر بعد 20 سنة خدمة في الدولة، اذا جيت بعد 15 سنة بتطلب تقاعد مبكّر (على أساس عندك 5 سنوات خدمة تم ضمها من التأمينات للتقاعد) مراح يوافقون عليه الا بعد إتمام 20 سنة فعلياً، ولكن بعد 20 سنة عمل طلبت تقاعد مبكّر راح تعامل مالياً على اعتبار ان خدمتك 25 سنة.
بالنسبة لموضوع إسقاط اسمك من نظام التأمينات للأسف بعض الشركات تماطل لان احتمال تنزل عن الأخضر في نطاقات، ولكن اذا قعدت تتابعهم باستمرار راح ينزلون اسمك بسرعه.
والله يوفقك لما يحبه ويرضاه