اختي الغاليه ربي يوفقك ويفتح عليكي. بما انك سعودية ترى تحصلي ان شاء الله شغل وكمان اشتغلي في مشروعك هذا بس لو بدون منتجات افضل كيف يعني ممكن تسوقي لمحل يبيع مثلا ملابس أطفال او اي شئ في مقابل أرباح من كل زبون وتصوري البضاعه و تنزلها في النت أو يجي ناس عن طريقك مثل موقع حراج وخلافه.


وللبحث عن وظيفه كمان حطي السي في حقتك بكل خبراتك في النت ولو تحبي تسوي ايميل رسمي باسمك بالكامل وتقدمي منه وتخليه مخصص التقديمات على الوظائف.


وبقول لك سر التوجه الان لتمكين الشباب السعودي للعمل. يعني بيجي يوم وكل البلد بتصير مهنها توطين فلزم نبحث نحن السعوديين عن مهن ومجالات تفتح لنا أبواب ثانيه. مثل أي شئ في الاداره مثلا مساعد إداري ممكن مستقبلا تمسكي وظيفه حلوه وربي يفتح عليكي في الاداره.


اهم نقطة الالتزام في العمل وان الشخص لو دخل وظيفه يجلس معاهم اقل شئ سنة لان كثر التنقل يضرب ثقة في الشخص ويخليه قدام الشركات وأصحاب العمل لعاب ويغير كثير.

واي مشروع تحبي فتحيه شوفي سوقه قبل وشوفي ايش تحتاج الناس وسوي لهم بتكسبي مثلا بدل السبح و السجاجيد شواحن جوالات للسيارات و اسلاك.

واشتري جمله وبيعي مثل الناس أو أقل شوي وفيها خير وسوق الجوالات لو تعلمتي الصيانه يا انك ما بتلحقي على الشغل. بس لزم تصبري الا ان تتعلمي الأساسيات. كمان في مجال كبير خصوصا للي حاب يطور من نفسه ويتعلم.