حلالي ويبو يشاركوني فية

دمعة المقهور · #1 (**permalink**) 29-04-2007, 01:11 PM

السلام عليكم
تحية طيبة الى جميع رواد هذا المنتدى الى يحاكي معاناة الشاب السعودي بصورة خاصة
قصتي ان لدى الوالدة عمارة في احد الاحياء الشعبية في مدينة جده
وكل بعد فترة امر على العمارة اشوف احوالها
وفي يوم انتهت فترة العقد الى بينا وبين العقار وكان قمة في الاحترام ولكن كبر سنة ما عاد يقوا على تحمل المشقة مع المستاجرين
فكلمتني الوالدة ان في عقار على اخر الشارع روح اعطية المفاتيح خلية يأجر العمارة
قلت لها طيب
المهم رحت وعطيتة المفاتيح وجلس يهلل ويرحب فيني بصورة مبالغة كان الى داخلة وزير ولا امير

المهم قلت له هذي مفاتيح العمارة والله الله بالمستاجرين قال ابشر
مرت شهور ولا حياة لمن تنادي ما اجر ولا شقة وكل ما يجي احد عندة يبي يستاجر في عمارتنا يصرفة بحجج واهية

المهم انا ما رضيت الى صاير ورحت لم عمارتنا لقيت حرمتين جالسين على باب العمارة يسألون عن راعيها فقلت لها سمي يا خاله انا ابن صاحبة العمارة قالت يا ولدي كل ما اروح للعقار يصرفني او يرفع الايجار علي كانة حلال ابوة

قلت لها ما يكون خاطرك الا طيب انا بروح اخذ المفاتيح واخليكي تشوفي الشقة وبخصوص سعر الايجار ولا يهمك ما نختلف قالت الله يوفقك ودعتلي من كل قلبها
المهم رحت ودمي فاير من العقار

لة كم شهر ما اجر ولا شقة وانواع التصريف ويتحكم بعمرتنا
المهم رحت ولقيت بنقالي مدري وش يبي قلت له وين عمك ابية بسرعة قال هوا مافي موجود انت ايش يبغى قلت ابي مفاتيح عمارتنا قال انا ما يعطيك لازم عمي هو يجي يعطيك قلت طيب دق علية ابية ضروري المهم دق علية لقى جوالة مقفل . قلت طيب متى يجي قال بكرة قلت حرام عليك وش بكرة الحريم منتظرين عند باب العمارة لا لهم والي ولا محرم جيب المفاتيح قال مافي قلت هو بكيفك هذي مفاتيح عمارتنا المهم شفت المفاتيح معلقة بالصندوق الى عند المكتب ورحت على طول لصندوق ابي ادور على المفاتيح لان كل مفتاح مكتوب علية صاحب العمارة المهم جلست ادور شوي الا طمر عندي ويمسكني من كتفي ويدفني شوي وثوبي يتشقق قلت له وش تبي قال لا مافي شيل مفتاح قلت انا بشيل مفاتيح عمارتنا مو مفاتيحكم قال لا الا وشوي من كثر ما عصبت وهو يدفدفني كاني شغال عند ابوة واصطرة بكف

واخذ المفاتيح واطلع واروح لعمارتنا واوري الشقة للحرمة وانبسطت كثير واعطتني عربون ودعتلي شوي وانا نازل من عمارتنا يجيني سوداني والهندي يقولة هذا الى يضرب انا قلت له خير الا السوداني يمسكني من ثوابي بيسوي فيها مازنجر

واقولة نزل يدك لا اكسرها قال ليه تضرب الهندي قلت لانة دلخ اقولة هذي عمارتنا ونبي مفاتيحها يقول مافي هو بكيفة مافي قال انا اوريك قلت تكفى

الا شوي يدق علي صاحب مكتب العقار يقولي باي حق تضربة قلت له البنقالي اتصل عليك لقى جوالك مقفل وثاني شي جلس يصرفني يقولي تعال بكرة وانت ما اجرت ولا شقة وش تبغاني اسوي قال انا بوديك الشرطة وبسوي وبعمل قلت له اعلى ما في خيلك اركبة تهددني يا نصاب
لو فيك خير كان اجرت الشقق وما حطيت بنقالي يتفلسف على السعودين
وما زالت القضية جارية بيني وبين صاحب العقار وكلة بسبب البنقالي

اتمنى اشوف ردودكم

النشمي · #2 (**permalink**) 29-04-2007, 01:44 PM

الله يعينك اخوي

في الاوله انت غلطت على البنغالي لانه مؤتمن على المكتب واللي فيه

ثانياً
برأيي انك تاخذ مشهد من المستأجره والناس اللي صرفهم وتقدمه للشرطه بانه كان يصرف المستأجرين

والله يكون بعونك

رحاال · #3 (**permalink**) 29-04-2007, 01:48 PM

هههههههههههههههه وسع صدرك اليوم الي يسوي المكيف حقنا هندي ينفخ علي باقوى صوته يقول افتتتتتتتتتتتتتتح الباب انا بس انقلب مخي قلت له وششششششششششش شوي سكت وخاف وسع صدرك يا رجال والله باقي تشوف الاجانب مستقبلا يهينون السعوديين اهانه.