ابي وظيفة ،،

تشوه · #1 (**permalink**) 27-01-2010, 04:04 PM

السلام عليكم و رحمة الله ،،

في ظل مماطلة وزارة العمل في توفير جو صحي مناسب للمعاقين ، اتمنى من لدية القدرة على توفير وظائف لنا كـ معاقين الا يبخل علينا فيها و يحتسب الاجر عند الله ،

وزارة العمل للأسف الشديد شريك رئيسي في استغلال المعاق ابشع استغلال من قبل القطاع الخاص في عدم فرض العقوبات المنصوص عليها في نظام العمل و العمال

،،

هل من المعقول ان تستفيد عن معاق مقابل 4 موظفين في سوق العمل و في وزارة العمل ، و لا تمنحه حقة و تقوم بمساواته بالموظف السليم ؟

ساعات عمل طويلة مقابل راتب بخس ، كأنك جاي تشحذ مو تشتغل مقابل مرتب تتقاضه آخر الشهر

،،

يا ناس يا عالم و ربي تعبنا من البحث عن وظائف في ظل جشع القطاع الخاص و استغلاله للمعاقين ،،

شنو تسوي لنا 2500ريال ، اذا الواحد سيارتة إيجار و سكنه ايجار ؟

اي انسانية تتقبل هذا الوضع ؟

وزارة الشؤون الاجتماعية في سبات عميق ، و الاعانات بطلعه الروح تصرف ، و ياليتها تسوي شيئ هـ الإعانات

،،

لمن نشكي ؟ و لمن نعرض مطالبنا ؟ إذا المسؤول مو راضي يتقبل شكاوينا ؟

ابي وظيفة ، عندي خبرة كاشير 9 شهور ، و تسويق عقاري سنتين ، و صحافه و اعلام 5 سنوات ، معي ثانوينة عامه ( علوم شرعيه )

إعاقتي عباره عن كسر بالعمود الفقري ، و تشوه بالطرف الايمن ، امشي اللهم لك الحمد و اخدم نفسي ، ابي وظيفة محترمة بشركة تقدر المعاق ، مش تسلبه حقه

،،

ابو عبد الرحمن طلبتك لا تقفل الموضوع ، ما عندنا غير النت نطرح مطالبنا و شكاوينا فيه

،،

مستفسر · #2 (**permalink**) 28-01-2010, 03:17 AM

مرحبا

اقول ليك
لا عمل للمعاقين بل للواسطات
حقوق المعاقين ضايعه ضايعه من زمان
والان جى من يكملها
نعم
القصه هي ان الواسطه شغاله
الكل يعلم ان بطاقة التخفيض لاتستخرج الا لمن هو معاق اليس كذالك
لكن هناك اناس يستخرجون البطاقه من المركز بالواسطة وهم ليسو معاقين ربما عندهم سكلسل دم لكن ليست نسبة قويه
ومع هذا يستخرجون البطاقه بالواسطه تدرون ليش كي يقدموها للعمل وهذا حرام
تدرون ليش لانهم يستطيعون العمل بدون مايخدون بطاقة معاق
وحرام على الموظف يصرفها لهم

نعم هم راح يخربون على المعاقين
لان اذا كل واحد طلعو له بطاقة بالواسطه يعني يصير لعب بلعب
وين المسؤولين مايخافون الله
اين الرقابه

حراااااااااااااااااااااااااااااااااااااااااااااااا اااااااااا ااااااااااام

مستفسر · #3 (**permalink**) 28-01-2010, 03:23 AM

وربي هالرجال ((تشوه))
كسر خاطري
ولاتقول تشوه ياليت تغير الاسم
انت انسان والانسان كرمه الله
والله ياخوك تصدق بكلامك ماعندنا غير النت وياليت احد يسمع
والله الي عنده واسطه يشتغل
اعرف شخص بس من كم يوم طلع له بطاقة من التأهيل بس عشان يشتغل بها
هل ربك يرضاها
يعني ليش تطلعون حتى للصاحي بطاقة معاق بس عشان انه عنده واسطه
خافوووو الله
انتو جذيه تخلون الكل يطلع بطاقه وهو صاحي ويروح يقدم على عمل وتالي اعظم يخسرون المعاق الحقيقي
لانه اذا مكتب العمل شاف ناس واجد يجوهم عندهم بطاقة معاق راح يشدد بالشروط والمتضررررر المعوقين الحقيقين
كلامي صحيح لو انا غلطان

عـبدالرحمن · #4 (**permalink**) 28-01-2010, 04:32 PM

حياك الله أخوي وياهلابك .. ودنا نتعرف عليك من أي منطقة ونوع الإعاقة .
وحبيت أهمس في أذنك أخوي أن في قسم خاص وظائف ذوي الإحتياجات الخاصة يكون تواصلنا بين الجميع عبر القسم الي ذكرته لك .

وإذا بيدي شي أبشر بسعدك .

حياك الله مره ثانيه وعساك عالقوهـ .. وموضوعك بيكون مفتوح ولايهمك .

تشوه · #5 (**permalink**) 29-01-2010, 07:29 PM

مستفسر ، مشكور يالغلا على تشريف الموضوع و اضافه الكثير من معانة المعاقين ،،

تسلم عبد الرحمن ما تقصر فديتك ،،

انا من الرياض ، لو بوه بالشرقيه شيئ مضمون ما عندي مشكلة اشتغل ، اهم شي وظيفة اقدر اكون نفسي منها ،،

الله يوفقكم و يعطي كل واحد منكم على قدّ نيتة ،،

إكرام · #6 (**permalink**) 30-01-2010, 04:47 PM

اقتباس:

المشاركة الأصلية كتبت بواسطة مستفسر

وربي هالرجال ((تشوه))
كسر خاطري
ولاتقول تشوه ياليت تغير الاسم
انت انسان والانسان كرمه الله
والله ياخوك تصدق بكلامك ماعندنا غير النت وياليت احد يسمع
والله الي عنده واسطه يشتغل
اعرف شخص بس من كم يوم طلع له بطاقة من التأهيل بس عشان يشتغل بها
هل ربك يرضاها
يعني ليش تطلعون حتى للصاحي بطاقة معاق بس عشان انه عنده واسطه
خافوووو الله
انتو جذيه تخلون الكل يطلع بطاقه وهو صاحي ويروح يقدم على عمل وتالي اعظم يخسرون المعاق الحقيقي
لانه اذا مكتب العمل شاف ناس واجد يجوهم عندهم بطاقة معاق راح يشدد بالشروط والمتضررررر المعوقين الحقيقين
كلامي صحيح لو انا غلطان

كلامك صحيح %100وانا معاك ياليت يغير الاسم خليك متفايل الله يفرج عليك وعلى كل مسلم ومضاقت إلا ربى فرجها ربى من جيها ثانيه الله يوفقك ياربى

عـبدالرحمن · #7 (**permalink**) 30-01-2010, 09:25 PM

أخوي شنو نوع الإعاقة الي عندك ؟

تشوه · #8 (**permalink**) 31-01-2010, 01:54 PM

موجوده عبدالرحمن يا قلبي بأول الموضوع ،

كسر بالعمود الفقري ، و تشوه بالطرف الايمن ( عرجه ) ،

الحمد لله امشي و اروح واجي ، و اسوق السيارة ،

عـبدالرحمن · #9 (**permalink**) 31-01-2010, 08:56 PM

اقتباس:

المشاركة الأصلية كتبت بواسطة تشوه

موجوده عبدالرحمن يا قلبي بأول الموضوع ،

كسر بالعمود الفقري ، و تشوه بالطرف الايمن ( عرجه ) ،

الحمد لله امشي و اروح واجي ، و اسوق السيارة ،

[align=center]طيب أخوي تشوهـ خلك على متابعة في قسم وظائف ذوي الإحتياجات الخاصة ..
في وضايف بالشرقية والرياض وبحاول أرصد لك أخر الإعلانات .
بس تأكد أن أسمك موب مسجل في التأمنيات من قبل وإذا كنت شغال بوظيفة من قبل
خذ إخلاء طرف . حياك ربي ومسهلا . [/align]