استفسار بخصوص برنت الأحوال المدنيه

[malookee]

كيف اطلع برنت من الاحوال

[خشرم]

والله ما ادري ياخووووووي.....امس انا رحت طلعت برنت عني عشان العسكريه والحمد لله ما علي شي
===

عندي فكره اذا عندك اخوك كبير ولا ابوك..اعطيه بطاقة احوالك وورقة الوظيفه وخليه يروح يطلع برنت بدالك............جرررررب

الله يعينك...خلاص كلها 50 جلد خفيفه....نسينا ايام الفلكه بالمدرسه يعني

ترى الحين تجيب واسطه يجلد 20 بدال 50 وخفيفه


ربي يسعدك ويعينك

[الإبراهيم]

برنت الأحوال ماتقدر تاخذه من الاحوال الا بخطاب رسمي بنائا على تعليمات وزارة الداخليه وماتقدر تطلعه الا بخطاب او تعرف احد بالاحوال


ممكن أخوي تقلي ايش تبي فيه ممكن أفيدك أو احتمال افيدك وشكرا

[جندي خفر]

اي جه انت مقد عليها يعطونك خطاب وتروحلم الاحوال ويعطونك برنت

((لاازم خطاب من))

بتوفيق لجميع ان شاء الله

[نجمتين وتاج]

الله يوفق الجميع

[برنس الجنوب]

البرنت تتطلعو من الاحوال موظف الحاسب عطه رقم السجل يطلعه لك

[عاطل أول سنة]

ياشباب وش فيكم لحستوا مخه ..
أخوي يالغلا ..
ترى البرنت بس تروح للأحوال تقول لهم أبي برنت من عند الموظفين ..
ويعطونك أياه على طول ... بدون خطاب ولا معرفه ..
أخوي دخل عليهم وقال ابي برنت كانت طلبته مدرسته ...
وأعطوه بيومه ..
ياشباب لاتعقدون الأمور ..

[الإبراهيم]

كلن يتكلم بما يعرف ماأدري إذا أنتو عايشين بالهند هذا شي ثاني أنا رايح الأحوال ابي برنت أكمل فيه ملف لي يعني ماأحد طلبه مني بس أبي أقدم فيه
والله أحوال مكه والمدينه ماأحد راضي أصلا البرنت الخلفيه حقته مكتوب عليها وزارة الداخليه إذا ماخاب ضني
حتى دبرتلي معرفه من واحد في القصيم قال أردلك بعد أسبوع هذا نضام من وزارة الداخليه ماتعطيه إلا واحد معه خطاب من جهه رسميه ولو كانت من القطاع الخاص وعن نفسي أنا طلعته قبل شهر بطلوع الروح


وأتحدى أي واحد يروح يقلب وجهه عند الأحوال يبي برنت يعطونه

[الإبراهيم]

إلا إذا كان الموضف أخوك هذا شي ثاني

[موظف عاطلل]

بعد اذنك اخوي صاحب الموضوع .استفسار

الان يا شباب برنت الاحوال يطلبون جنسية الوالدة؟؟؟ انا عندي الوالدة غير سعودية
تتوقعون ييقبلوني ولا لا .. الله يرحم والديكم اللي عندة اي معلومة يفيدني لا ني اخاف
اطس لهم ويكحتوني وبعدين من اليوم ادق عليهم علشان استفسر ما يردون
اللي عنده خلفية عن هلمو ضوع يفيدني جزاكم الله خير