اول يوم اداااااااوم بالقوووات البريه

[خشرم]

السلام عليكم ورحمة الله وبركاته

صبحكم الله بالخير

الحمد لله وحده والصلاة على من لا نبي بعده

بفضل الله امس اول يوم ادااااااااااوم بوزارة الدفااااااع الي الرياض الي على شكل خلية نحل بجانب اسووااااااق الشعله

وانا اداااااااااوم بثوووب وسمعت ان الراتب حول 3500 هذا قبل الدوره اما بعد الدوره فيمكن يتعدى4500 او اكثر

شغلتي جندي امن داخل المكاتب لا شغله ولا مشغله اللهم بس المقدم ولا الرائد يقول صور لي الورق قطع هذا الورق

والحمد لله مافي تهزيئ ولا شي كل الي معي طيبين من جندي الى عقيد

بس تبون الحقيقه والله ما ارتحت فيها مادري ليش يمكن عشان اني ما تعودت على الدوام

لان العطاله اكلتني 3 سنين ويمكن ما تعودت على الدوام....لان دوامي من 7ونص الى 2 ونص وشغلي كله ساعه بالكثير

قاعد لحالي بالرياض لاهل ولا سند

احلى مافي الدوام انه المبني فخم يعني درج كهربائي والفطور ميز للضباط..بس انا اقط معهم

ويسألني الضابط وش عندك اقووول الجوع يخوك يذبح


شباب تكفون ابيكم ترفعون معنوياتي شوي لان كارهها ماادري لييييييييييش ادعولي

وانا ما راح اترك منتدى البطاله واعضائه

[الزهراني فهد]

وعليكم السلام ورحمة الله وبركاته

الف مبروك ياخشرم على القبول ..

يارجال احمد ربك دوام راحة وش تبغى اكثر من كذا ؟

الله يوفقك ياعسل .0

[كروووم الشمري]

حبيبي عطني وظيفتك وخذ سريري وشرايك


احمد ربك ياشيخ 4500 نعمه

[فقران لركبه]

مآشآء الله تبآركَ الله


الف مبروك يالغآلي على التعيين والف مبروك على الوظيفه مآشآء الله تبآركَ الله ..


يالغآلي آحمد ربكَ آنك بأحسن مكآن وشف مكآن غيرك والله آكلينهآ تبن ..

البعض تعين على سكن آمريكآن على طريق الخرج ورب البيت آكلين هوآ وحآلتهم حآله فيه وآحد آعرفه يقول دوآمي شفتآت متقلبه يعني مرآت يدوآم من السآعة 02:00 الظهر إلى السآعة 08:00 بالليل ويقول الجمس حق الدوريه مآفيه مكيف ميت من الحر والقرف ..


آحمد ربكَ آنك بالريآض غيرك مودينه لشرورة والا للجنوب والبعض لشرقيه إجآرآت غآليه وقله حيآ ..


بالعكس الريآض فله وحتى دوآمك فله مع النآس والأجآزآت والونآسه ..

يآزين دوآمك مآشآء الله فترته حلوه مع دوآمآت النآس وبالليل فرفره بالأسوآق والمجمعآت

آنبسط يآعم وآمسك العود وتعلم على خفيف وتصير آحلى فنآن عسكري ..



الله يوفقك يالغآلي وجمع مهر زوآجك وتزوج ترى العزوبيه قشره ..

[عسكرية دت كوم]

ألف مبروك الوظيفة يا الغالي وفالك الصبر والتوفيق يارب .. !!

يالله أن شاء الله تفرج وينقلوك عند أهلك وتعيش مكرم ومريح البال .. !!

موفق .. !!

[ابغى عسكريه]

الف مبروك يالغالي عقبول الزوج
ان شاء الله

[خروووع]

مبرؤؤؤؤؤؤؤؤؤؤك

[اامير الورد]

مبرووك يارجال واذا اخذت الدوره علمني اداقشك انا ابي الرياض ميييييييييييييت

الله يصبرنا لي ننقل ونرتاح عند اهلنا

[راعي العليا20]

الف مبروك

والله يوفقك

كلها ايام وتتعود على الوضع

حاول تتعرف على اخوياك وتطلع تتمشى معاهم عشان ماتطفش


تحياتي

[مطبق]

ألف مبروك خيوو والله يوفقك وطبيعي تمل لسا أنت بأول يوم
تتعود على الدوام ان شاءالله , وشف اللي معك ليش ماملو مثلك ؟
لانهم تعودو وعرفو ان هذه العيشة .. عجل بس نبي نشوفك عرررررريس : (

المشاركة الأصلية كتبت بواسطة اامير الورد

مبرووك يارجال واذا اخذت الدوره علمني اداقشك انا ابي الرياض ميييييييييييييت

الله يصبرنا لي ننقل ونرتاح عند اهلنا

دامك عسكري أنت مطلوووووووووب بالموضوع هذا

https://www.btalah.com/t182154.html


نبي نستفيد منك يلغلا