مماطله شركة التأمين

[hamlet]

حلول البطالة btalah.com وظائف توظيف وظيفة vacancies job jobs


شباب الا عنده خبرة ويا شركات التأمين الا تماطل في الدفع لاني بصراحة صار لي على حادث وسيارتي واقفة عند البيت ، ووفقا لتقرير المرور ان الخطأ بنسبة 100% على الطرف الاخر وبعد تحديد تكاليف التصليح ، اخذت شركة االتأمين في المماطلة الاسبوع الاول والثاني مع المهندس على شان يشوف الاضرار في سيارة ولاسبوع الثاني مع المندوب كل يوم يقولي الشركة رافضة التسعيره ونتقابل في المرور يوعدني ويرجع يخلف واما اسئلة ليش ما جيت يقولي والله نسيت الاوراق في المكتب يا الله الاسبوع الجاي .


الا عنده خبرة في تعامل مثل هذة الحالات او يعرف النظام يعطني خبر رحم الله والديه

وتحياتي لكم

[فيصل الفهد]

اصلا التامين هدا لعب في لعب واكل فلوس الناس بس

[عاطل 100%]

نحن مانلوم شركات التامين ولكن اللوم على من اتى بها وفرضها على المواطن ومن ثم تخلى عن المواطنيين

[hamad]

اذا كانت نسبة الخطأ 100% على الطرف الاخر الشركة ماتتحمل الحادث

اما اذا كان الخطأ عليك 100% الشركة تتحمل الحادث اذا كان التأمين غير شامل

[جاي مشي]

بلد مافيه نظام !! والدنيا مفلوته !!

انا مثلك صار علي حادث .. وقسم بالله كرهت السياره من كثرة المشاوير !!

تروح تشتكي يقول رح للمحكمه طيب المحكمه يبغالها 6 شهور اقل شئ !! يعني وش اسوي طول هالفتره !!

ما احد يجاوبك ؟؟ مادامك متورط هم مرتاحيييين ؟؟

يعني الله يكون في عونك ؟؟ والله لامرور ولا بطيخ بيوقف معك ؟؟ مامعك الا الله سبحانه

اذا كانت نسبة الخطأ 100% على الطرف الاخر الشركة ماتتحمل الحادث

اما اذا كان الخطأ عليك 100% الشركة تتحمل الحادث اذا كان التأمين غير شامل

اكيد تأمين الطرف الثاني بيتحمل التكاليف ! مايبغالها شئ ذي !

[hamlet]

فيصل الفهد
شكرا لمرورك اخي الفاضل مثل ما قلت اكل اموال الناس بس

عاطل 100%
ما اقول الا شكوه الى الله

جاي مشي
والله انا مثلك رحت المرور ودخلت على رئيس قسم الحوادث وقلت له يا طول العمر الموضوع كيت وكيت وبعدني ما اكمل ولا حتى شاف ارواقي ولا سمع كلامي قالي تبغي تشتكي روح مؤسسة النقد .

[مدرس عربي متعاقد]

أخوي : لي صديق جلسوا يماطلون فيه ثمان شهور ولما دفعوا جلس يسبهم ويشتتمهم

قالوا ترى إحنا احسن شركة تدفع بسرعة ههههههههههههه

سلام