افيدوني الله يجزاكم الخير

[ملك بلا ملك]

السلام عليكم ورحمة الله وبركاتة
لو سمحتوا ياجماعة الربع أنا قدمت على الكلية التقنية بس اعطيتهم الشهادة طبق الأصل مو الأصل لأني كنت انتظر ديوان المظالم الله لايسامحهم المهم اعطوني ورقة الكشف الطبي
وخلصتها بس باقي ماوديتها لهم والرجال اللي متوسط لي قال آخر موعد تجيب الأصل الأربعاء أول يوم برمضان وأنا ماوديتها عشان المظالم والحين ماني فاهم انا انقبلت كذا بالتقنية ولا اعطوبي الباب تكفووون يالربع والله ماعاد ادري اروح لهم بعد العيد وافصل البدلة مثل الناس ولا لا
الله لا يهينكم ويعز مقداركم جميع لا تهملون الموضوع ضروووري ردوا عليه

[علاوي الخرج]

البدلة يارجل ماتحتاج تفصيل من الحين ونصيحة ماتفصل انا من خريجين كلية التقنية بالخرج هذا الترم وكان بدلتي عااديه لاتفصيل ولا شي صدق الالوان غبية كنها حقت بوفيه بس انها افضل من التفصيل

اوماا عشان تعرف

انا اللي اعرفها انهم يرسلون لك رسالة عن رقمك الاكاديمي برمضاان انت انتظر وشف وان ماجاك شي رح لهم اول يوم من الدوام وتاكد وانصحك تودي الفحص

[ملك بلا ملك]

المشاركة الأصلية كتبت بواسطة علاوي الخرج

البدلة يارجل ماتحتاج تفصيل من الحين ونصيحة ماتفصل انا من خريجين كلية التقنية بالخرج هذا الترم وكان بدلتي عااديه لاتفصيل ولا شي صدق الالوان غبية كنها حقت بوفيه بس انها افضل من التفصيل

اوماا عشان تعرف

انا اللي اعرفها انهم يرسلون لك رسالة عن رقمك الاكاديمي برمضاان انت انتظر وشف وان ماجاك شي رح لهم اول يوم من الدوام وتاكد وانصحك تودي الفحص

الله يعطيك 1000 عافية ومشكور ياغالي على مرورك