المساعد الشخصي الرقمي

مشاهدة النسخة كاملة : مناقشة وظائف المدارس الاهلية في الرياض للبنات فقط


الصفحات : 1 2 3 4 5 6 7 8 9 10 [11] 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

بطه شبابيه
16-06-2011, 06:31 PM
بطه شبابيه
لقيت هذا يصلحلك والله يوفقك فيه
نا سجلت فيه ع اني دبلوم خياطه
انتي جربي حظك وشوفي مدري شفتيه قبل ولا لاا



معهد عالي شرق الرياض يطلب (http://www.btalah.com)


موظفات لديهن الرغبة والحماس للعمل (http://www.btalah.com)

كمدربات



خياطة وتطريز

تصميم أزياء

هندسة ديكور

فنون تشكيلية ورسم

تصوير









مؤهل مناسب يفضل تربوي .. وعلى استعداد للعمل كمدربات بدوام جزئي أو كامل .. أو كمتعاونة ..





فعلى الراغبات بالإنضمام معنا , - فقط ممن ذكرت تخصصاتهن في الإعلان ولديهن الرغبة بالعمل كمدربات -



إرسال سيرتهن الذاتية (http://www.btalah.com) ( بشكل عاجل ) على الفاكس : (http://www.btalah.com)


014939286


( عناية أ.اليحيى)


أوالبريد الألكتروني


ayahya@almujaz.org



( مع التكرم بذكر التخصص في عنوان الرسالة , وإرفاق السيرة الذاتية كملف وورد مع تضمين الرسالة لها ) ..



والله الموفق





الله يوفقك يآرب..وتقبلين فيه..مآقصرتي
الحمدلله قدمت عليه ..بالتوفيق لك يآرب

عطر السندريلا
16-06-2011, 08:01 PM
بنااااااااات من تعرف مدارس النرجس ؟؟؟؟؟

بليز ردووووووو


وش دعوه يابنات محد درس فيها معقوله عطونا وجه ردووو:cry: الناس لبعضها

روزلالا
16-06-2011, 08:20 PM
ماسمعت بمدارس الترجس من قبل __


بنات - مدارس النبلاء الأهلية بالشفا - راح يكون عندهم شاغر معلمة انجليزي للقسم الثانوي

للسنة الجديدة - سمعت من وحدة ان معلمتهم هناك بتروح .. قدمو من الحين - اسئل الله لكم التوفيق ..

جرح مجروح
16-06-2011, 10:18 PM
احب مدارس النبلاء:h

انا بها

عاطله ونحمد الله
17-06-2011, 12:18 AM
احب مدارس النبلاء:h

انا بها


وش طاب الطاري
والا دعايه لهم :d

جرح مجروح
17-06-2011, 12:40 AM
لا بس هما روزلالا

تقول ان بوه شاغر

وبسسس يعني هذا الطاري

بعدين والله انا امرتاحى بها

>>>راحت ملح

عطر السندريلا
17-06-2011, 01:25 AM
بنات كيف تكون المقابله في مدرسه المرحله الابتدائيه بغرب الرياض لتخصص العربي ياليت احد يفيدنا

القلب سمايلي
17-06-2011, 01:44 AM
بنات تكفون اي وحده فيكم تعرف مدرسة اهلية شرق الرياض محتاجين مدرسة لغة انجليزية ترسلي ع الخاص اسم المدرسة ورقمها
ربي يسعد قلوبكم
وبدعيلكم من قلبي

مشااعر
17-06-2011, 03:29 AM
بنااااااااات من تعرف مدارس النرجس ؟؟؟؟؟

بليز ردووووووو

سويت بحث طلعت بالسويدي

ورواتبهم 1400 وعدد الطالبات قليل

جورررري
17-06-2011, 03:34 AM
http://**********.com/vb/showthread.php?t=16982
دعواتكم لي بالتوفيق وادعوا لنفستي زفتتتتتتت بقوووة دمار ادعو لي بالشفا وتنحل اموووووووووري

روح مطير
17-06-2011, 04:06 AM
اللهم فارج الهم وكاشف الغم ومجيب دعوة المضطرين رحمن الدنيا والآخرة ورحيمهما أنت ترحمني فارحمني برحمة تغنني بها عن رحمة من سواك
أسأل الله العظيم رب العرش العظيم أن يشفيك أختي جوووري ويفرج همك ويرزقك الراحه والسعاده ويسهل أمورك ويرزقك فوق ما تتمنين :)

الطموحة المحطمة
17-06-2011, 04:47 AM
مين يعرف مدرسة اهلية شمال الرياض محتاجين معلمة حاسب وبها حاضنة

او ممكن تعطوني اسماء المدارس الاهلية الي بشمال الرياض بها حاضنة اطفال

الله يوفق كل من يرد على يرزقها الوظيفة الي تتمناها

آحلآم آنثى
17-06-2011, 08:18 AM
مين يعرف مدرسة اهلية شمال الرياض محتاجين معلمة حاسب وبها حاضنة

او ممكن تعطوني اسماء المدارس الاهلية الي بشمال الرياض بها حاضنة اطفال

الله يوفق كل من يرد على يرزقها الوظيفة الي تتمناها


اختي ماعندي خلفيه عن مدارس الشمال

ان شاء الله البنات مايقصرون يفيدونك

والله يوفقك ويرزقك من وآآسع فضله يااارب :h

دراعة شانيل
17-06-2011, 11:12 AM
وش دعوه يابنات محد درس فيها معقوله عطونا وجه ردووو:cry: الناس لبعضها

هلا هلا صقيقتي :d
ايوه انا اعرفها رواتبهم أعتقد 1700 ومو مشتركة بالموارد..وإدارتها حليلين كانهم تغيروا ماادري
ومثل ماذكرت وحده هنا اعدادهم مره قليلة يمكن 10 بالفصل بس ماانصحك فيها إذا حصل لك الأفضل
لإن مبناهم يجيب المرض :d
والله يوفقكك يارب وبشريني إذا توظفتي :d

دراعة شانيل
17-06-2011, 11:18 AM
مهم جدا جدا
ي ليت تكتبين أسم المدرسه علشان تنفضح ولا احد يجيهم...
والمفرووض تبلغوون عليهم..
كذا اكلوا حقوقكم وانتم ساكتين
حسبي الله عليهم...مايخافوون من ربهم...

+1
ياليت تكتبون لنا أسماء هالمدارس عشان محد يتورط معهم مره ثانية :(
//
ياحلوات من سمع عن مداس طيبة قسم رياض الأطفال ورياض العلوم ومنارات اليمامة
كيف الإدارة ؟؟ وهل هم مشتركين بالموارد او لاء واللي عندها ارقامهم تكتبها
هنا كانت عندي لأرقام بس للأسف ضاعت :do5h:

راحتي في طاعتي
17-06-2011, 12:19 PM
اللي تبي ترسل فاكس من بيتهم ومن جهازها تدخل الرابط اللي بتوقيعي

جرح مجروح
17-06-2011, 01:08 PM
الله يعينكم ياررب

عطر السندريلا
17-06-2011, 06:24 PM
+1
ياليت تكتبون لنا أسماء هالمدارس عشان محد يتورط معهم مره ثانية :(
//
ياحلوات من سمع عن مداس طيبة قسم رياض الأطفال ورياض العلوم ومنارات اليمامة
كيف الإدارة ؟؟ وهل هم مشتركين بالموارد او لاء واللي عندها ارقامهم تكتبها
هنا كانت عندي لأرقام بس للأسف ضاعت :do5h:

صحييييح ياليت تكتبون لنا أسماء هالمدارس عشان محد يتورط معهم مره ثانيه

اماني المستقبل
17-06-2011, 07:34 PM
+1
ياليت تكتبون لنا أسماء هالمدارس عشان محد يتورط معهم مره ثانية :(
//
ياحلوات من سمع عن مداس طيبة قسم رياض الأطفال ورياض العلوم ومنارات اليمامة
كيف الإدارة ؟؟ وهل هم مشتركين بالموارد او لاء واللي عندها ارقامهم تكتبها
هنا كانت عندي لأرقام بس للأسف ضاعت :do5h:

المدارس هذي مااشتركو الموارد ولا نصابييين ولا كيف

روح مطير
17-06-2011, 08:19 PM
مين يعرف مدرسة اهلية شمال الرياض محتاجين معلمة حاسب وبها حاضنة

او ممكن تعطوني اسماء المدارس الاهلية الي بشمال الرياض بها حاضنة اطفال

الله يوفق كل من يرد على يرزقها الوظيفة الي تتمناها

هلا حبيبتي..لقيت لك أسماء مدارس شمال الرياض وما أدري بصراحه عن احتياجهم لمعلمات
بس انتي كلميهم يا قلبي وربي يرزقك بالوظيفه اللي تسعدك :)

الفتح الاهلية 4565457 المروج

الفكر الاهلية 4882953 الرحمانية

العليا الاهلية 4538907 العليا

الغد الاهلية 4624476 السليمانية

الرائد 4613627 العليا

الملك فيصل 4820802 السفارات

المنهل الاهلية 4028000 المربع

دار السلام 4708420 الرحمانية

الرياض 4641804 العليا

النخبة 4632582 العليا
منارات الرياض 4540444 الإزدهار
القبس 4560550 الواحة

الأميرية 4333000 العلياء

ودعوووووواتك لي يا غاليه :w

رائد نشاط متميزة
17-06-2011, 09:02 PM
مدارس الاجيال الاهليه رافضه تدخل بالمواد

دراعة شانيل
17-06-2011, 09:30 PM
مدارس الاجيال الاهليه رافضه تدخل بالمواد
مدارس الأجيال اللي بالشفاء تبع وزارة العمل فماتدخل موارد ولاتشملهم زيادة الملك لإنه تبع وزارة العمل ونفس الشي ينطبق على روضة الحنان والرعاية النهارية

يارب رجاك
17-06-2011, 09:38 PM
اسال الله ان يوفق الجميع


اللي تعرف مدرسه بالشرق او الشمال محتاجين اداريه ترسل لي على الخاص لان قليل ادخل

__________________

خجولآ
17-06-2011, 09:53 PM
يــــــــــــــــــــــــــآآآآآآآآآآآآآررب

روح مطير
17-06-2011, 10:00 PM
س/أريد دعاءً مستجابا..ماذا أقول؟


انتبهوا اخواتي لهذه القصة..
دعا رجل فقال:
"يابديع السموات والأرض يا حي يا قيوم اني أسألك..."
فلما سمع كلامه النبي عليه الصلاة والسلام قال:
"أتدرون بماذا دعا؟"
والذي نفسي بيده لقد دعا الله باسمه الذي اذا دعي به أجاب"

...................
فقط أحتاج دعواتكم :)

آحلآم آنثى
18-06-2011, 05:14 AM
اسال الله ان يوفق الجميع


اللي تعرف مدرسه بالشرق او الشمال محتاجين اداريه ترسل لي على الخاص لان قليل ادخل

__________________




آختي هذي مجموعه ارقآم لمدآرس بشرق الريآض آنت دقي عليهم وآستفسري .. :h

;

مدارس البيان الأهلية \ حي الربوة \ 4933420

مدارس التربية النموذجية \ حي الريان \ 4450555

مدارس الحضارة الأهلية \ حي الروابي \ 4924555

مدارس الأوائل الأهلية \ حي الربوة \ 4458844

مدارس الأثير الأهليه \ حي السلام \ 2348788

مدارس بدر الأهلية \ حي الروابي \ 4964000

مدارس الشفاء الأهلية \ حي الريان \ 2251460

مدارس الصفاء الأهلية \ حي الربوة \ 4913598

مدارس السنابل الأهلية \ حي النسيم \ 2328526

مدارس الأفق الأهلية \ حس القدس\ 2494454

مدارس دار المعرفة \ حي النسيم \ 2341100

مدارس الزيادي النموذجية \ حي السعادة \ 2707051

مدارس روابي الأندلس الأهلية \ حي المنار \ 4933147

مدارس دار الخنساء \ حي الفيحاء \ 2422453

مدارس مناهل نجد الأهلية \ حي الروضة \ 2268717

مدارس السعد الأهلية \ حي الخليج \ 2273960

مدارس الهداية الأهلية \ حي الروضة \ هاتف: 01 4968781 - فاكس: 01 4920729

مدارس الوسط الأهلية \ حي السلام \ هاتف: 01 2308982 - فاكس: 01 2305944

مدرسة الجزيرة الأهلية \ حي الربوة \ 4777123 4770511

مدارس الإحسان الأهلية \ حي الفيحاء \ 2415273

مدارس جرير الأهلية \ حي الاندلس \ 2781076

مدارس الزهراء الأهلية \ حي الروضة \ 2301294

مدارس الشرق الأوسط الأهلية \ حي الروابي \ 2251680

مدارس الفلاح الأهلية \ حي الملك فيصل \ 2267257

مدارس الشمس الأهلية \ حي الاندلس\ 2332883

مدارس البيارق الأهلية \ حي الروابي \ 4963002-4963318

المدارس السعودية الأهلية \ حي المنار \ 2376910

المدارس الرائدة الأهلية \ حي المنار \ 4611044

مدارس الفجر الاهلية \ حي الخليج\ 2273600

مدارس التعاون الأهلية \ حي الروضة \ 2604350

مدارس الحصاد الأهلية \ الملز الربوة \ 4740500

مدارس اليرموك الأهلية \ حي النهضة \ 2265015

مدارس الديوان الأهلية \ حي الروضة\ 2490810

مدارس الامجاد الأهلية \ حي القدس \ 2771394

مدارس الامام الشافعي\ حي الروضة \ 4969202

مدارس الأرقم ( تحفيظ ) \ حي القدس \ 0554128774

مدارس الأجيال\ حي الروضة \ 2328362

مدارس رياض نجد الأهلية \ حي الحمراء \ 2491616

مدارس رياض الربى \ حي الربوة \ 4923264

مدارس الجيال الأهلية \ حي الروضة \ 2323538

مدارس الوائل الأهلية حي الربوة 4455209

مدارس النبراس الأهلية\ حي القدس \ 2486256

مدارس الوطن الإسلامي \ حي النسيم\ 2313218

مدارس حجر اليمامة الأهلية \ حي الروضة\ 2483546

مدارس الريان ( تحفيظ ) \ حي الريان \ 4930100

مدارس المداد الأهلية \ حي الربوة\ 4934202

مدارس جيل الإبداع \ حي الربوة \ 4921095

الطموحة المحطمة
18-06-2011, 08:28 AM
هلا حبيبتي..لقيت لك أسماء مدارس شمال الرياض وما أدري بصراحه عن احتياجهم لمعلمات
بس انتي كلميهم يا قلبي وربي يرزقك بالوظيفه اللي تسعدك :)

الفتح الاهلية 4565457 المروج

الفكر الاهلية 4882953 الرحمانية

العليا الاهلية 4538907 العليا

الغد الاهلية 4624476 السليمانية

الرائد 4613627 العليا

الملك فيصل 4820802 السفارات

المنهل الاهلية 4028000 المربع

دار السلام 4708420 الرحمانية

الرياض 4641804 العليا

النخبة 4632582 العليا
منارات الرياض 4540444 الإزدهار
القبس 4560550 الواحة

الأميرية 4333000 العلياء

ودعوووووواتك لي يا غاليه :w



الله يسعدك ان شاء الله ويرزقك الوظيفة الي تتمنيها يارب

مشكورة مرررررررررره ياقلبي

نابلس
18-06-2011, 09:44 AM
السلام عليكم ورحمة الله وبركاته
التخصص : ماجستير تخطيط حضري وبكالوريس محاسبة
الدورات :دورات متعددة في اللغة انجليزية والكمبيوتر
الخبرة :خبرات ادارية لمدة 4 سنوات
العمل المفضل : تعليم محاسبة او ادارة او كمبيوتر او عمل اداري
ويفضل ان يكون العمل منطقة السليمانية او العليا او ضمن هذه المنطقة
:w:w:w:w:w

بنوته قمر
18-06-2011, 01:09 PM
سلاااااااااام
بنات عندي مقابله بكره في مدرسه الرايه
احديعرف كم رواتبهم وكيف الاداره كويسه والا لا
بلييييييييييز ساااااعدوني

طفل يتيم
18-06-2011, 01:28 PM
انتبهوا اخواتي لهذه القصة..
دعا رجل فقال:
"يابديع السموات والأرض يا حي يا قيوم اني أسألك..."
فلما سمع كلامه النبي عليه الصلاة والسلام قال:
"أتدرون بماذا دعا؟"
والذي نفسي بيده لقد دعا الله باسمه الذي اذا دعي به أجاب"

...................
فقط أحتاج دعواتكم :)

جزاكِ الله كل خير

ووفقتِ في الدارين ~

لحظةغروب
18-06-2011, 02:12 PM
انتبهوا اخواتي لهذه القصة..
دعا رجل فقال:
"يابديع السموات والأرض يا حي يا قيوم اني أسألك..."
فلما سمع كلامه النبي عليه الصلاة والسلام قال:
"أتدرون بماذا دعا؟"
والذي نفسي بيده لقد دعا الله باسمه الذي اذا دعي به أجاب"

...................
فقط أحتاج دعواتكم :)

الله يجزاتس خير وربي اليوم قريته الصبح ودعيت به ان ربي يرزقني الوظيفه ومااهتميت وما جا الظهر الا ومدرسة تتصل علي يقوولوون تعالي اشرحي عاد الله يستر خايفه

اللهم لك الحمد كما ينبغي لجلال وجهك وعظيم سلطانك:h

مايهمني احد
18-06-2011, 05:01 PM
بنات من تعرف مدارس اشبال المستقبل وين ومعلومات عنها ؟

مارشميلو
18-06-2011, 06:30 PM
مرحبا بنات
من تعرف مدرسة شبة الجزيرة وكيف إدارتهم ورواتبهم وتعاملهم؟؟
الله يوفق اللي ترد علي ويرزقها بالوظيفة عااااااجلاا--

روح مطير
18-06-2011, 06:44 PM
الله يجزاتس خير وربي اليوم قريته الصبح ودعيت به ان ربي يرزقني الوظيفه ومااهتميت وما جا الظهر الا ومدرسة تتصل علي يقوولوون تعالي اشرحي عاد الله يستر خايفه

اللهم لك الحمد كما ينبغي لجلال وجهك وعظيم سلطانك:h

واياك حبيبتي..
ويااارب توفقك وترزقك الوظيفه اللي تريحك عاجلا غير آجلا:w

روح مطير
18-06-2011, 06:48 PM
بنات من تعرف مدارس اشبال المستقبل وين ومعلومات عنها ؟

أختي بحثت عنها في النت ولقيت هذي المعلومات..

مدرسة رياض أطفال رائعة جدا في التعليم
للاستفادة لأطفالنا الأعزاء
ج/ 0504274664


موفقه يارب :h

روح مطير
18-06-2011, 06:58 PM
مرحبا بنات
من تعرف مدرسة شبة الجزيرة وكيف إدارتهم ورواتبهم وتعاملهم؟؟
الله يوفق اللي ترد علي ويرزقها بالوظيفة عااااااجلاا--


الخالدية - الرياض
رقم الهاتف: 4485452

كان ودي أساعدك بالاجابه عن الرواتب والاداره والتعامل
بس مالقيت الا رقم المدرسه..تقدرين تتصلين وتستفسرين بنفسك :)

موفقه ياغاليه :h

نيتروجين
18-06-2011, 07:46 PM
روح مطير عسآ ربي يرزقك ماتتمنين .. قولي آمين
لمست حبك للخير وتعاونك مع البنات هنا ..كثر الله من أمثالك :w
الله يسهل لك ويوفقك يارب << كلام بداخلي حبيت أبوح فيه :ash:

هيا بنت تركي
18-06-2011, 07:51 PM
تعلن مدارس منارات المستقبل عن حاجتها إلى :

و كيلة مدرسة قائمة بأعمال مديرة بشرط الخبرة

مشرفات رياض أطفال ( يشترط الخبرة ) - معلمات رياض أطفال ( يشترط الخبرة )

معلمات لغة أنجليزية ( يشترط الخبرة ) - حاضنات أطفال

عاملات نظافة - سائقين مع محارمهم

الرياض - حي الخليج - شارع الشرطة - تلفاكس : 012374743

ج / 0559300032

إيميل : m-shool-2011@hotmail.com (m-shool-2011@hotmail.com)





دعواتكم لي بالوظيفة

احساسي يكفيني
18-06-2011, 09:04 PM
بنات من تعرف عن مدرسه الحرمين داقين علي يقولونن حظري درس وتعالي اشرحي ..
نفسي اعرف عن ادارتهم وهم صعبين ف تعامل وشاكره لكم

روح مطير
18-06-2011, 09:23 PM
روح مطير عسآ ربي يرزقك ماتتمنين .. قولي آمين
لمست حبك للخير وتعاونك مع البنات هنا ..كثر الله من أمثالك :w
الله يسهل لك ويوفقك يارب << كلام بداخلي حبيت أبوح فيه :ash:

يا بعد قلبي والله..:h
الله يسعد قلبك ويبشرك ربي بالوظيفه اللي تريحك عاجلا غير آجلا
وربي فرحت ببوحكـ..
ودعواااتك عندي الاثنين مقابله :c

طفل يتيم
18-06-2011, 09:34 PM
ماشاء الله تبارك الله

وين هالمدارس اللي تسوي
مقابلات ،،

حطيت أسمي في كل مكان

ولا أحد اتصل علي

روح مطير
18-06-2011, 09:37 PM
بنات من تعرف عن مدرسه الحرمين داقين علي يقولونن حظري درس وتعالي اشرحي ..
نفسي اعرف عن ادارتهم وهم صعبين ف تعامل وشاكره لكم


المعلومات الاساسيه




المكانالمملكة العربية السعودية - الرياض- حي المربع- جنوب مستشفى المبارك (http://bing.com/maps/default.aspx?v=2&pc=FACEBK&mid=8100&where1=%D8%A7%D9%84%D9%85%D9%85%D9%84%D9%83%D8%A9+ %D8%A7%D9%84%D8%B9%D8%B1%D8%A8%D9%8A%D8%A9+%D8%A7% D9%84%D8%B3%D8%B9%D9%88%D8%AF%D9%8A%D8%A9+-+%D8%A7%D9%84%D8%B1%D9%8A%D8%A7%D8%B6-+%D8%AD%D9%8A+%D8%A7%D9%84%D9%85%D8%B1%D8%A8%D8%B9-+%D8%AC%D9%86%D9%88%D8%A8+%D9%85%D8%B3%D8%AA%D8%B4 %D9%81%D9%89+%D8%A7%D9%84%D9%85%D8%A8%D8%A7%D8%B1% D9%83&FORM=FBKPL0&name=%D9%85%D8%AF%D8%A7%D8%B1%D8%B3+%D8%A7%D9%84%D 8%AD%D8%B1%D9%85%D9%8A%D9%86+%D8%A7%D9%84%D8%A3%D9 %87%D9%84%D9%8A%D8%A9)
الهاتفت: 4065100 فاكس 4032678
الموقع الإلكترونيhttp://www.alharamainschools.com/contact (http://www.alharamainschools.com/contact)



موفقه :w

نيتروجين
18-06-2011, 09:51 PM
يا بعد قلبي والله..:h
الله يسعد قلبك ويبشرك ربي بالوظيفه اللي تريحك عاجلا غير آجلا
وربي فرحت ببوحكـ..
ودعواااتك عندي الاثنين مقابله :c
آمين :w
ميسرة يارب .. الله يوفقك
ويتتمم لك على خير
:h

لحظةغروب
18-06-2011, 10:25 PM
ماشاء الله تبارك الله

وين هالمدارس اللي تسوي
مقابلات ،،

حطيت أسمي في كل مكان

ولا أحد اتصل علي


هههههههههه ياقلبي انتي لاتياسين انا لي سنه اقدم ع مدارس الرياض كلها ومابقى مدرسه اتوقع الا جيتها وبعضهم قالوا تعالي اشرحي وقابلوني وبعدها مسكوني الباب:q

والله ثم والله لي تقريبا اسبوعين مداومه ع سورة البقره كامله يوميا وكل صلاه ادعي واتصلوا علي اليوم وان شاء الله اتوفق معهم ويقبلوني لاني خايفه يشوفون شرحي ويكرشوني:b

ربي يرزقك ان شاء الله وكل بنات المنتدى بس ترى بقولكم يابنات اذا اتصلوا عليكم المدرسه وقالوا تعالي اشرحي مايعني تتوظفين لا خصوصا اللي ماعندهم خلفيه عن المقابلات والوظايف يحسبون انها بتتوظف ع طول<<الله كريم:c

كابتشينو جامعي
18-06-2011, 10:54 PM
هههههههههه ياقلبي انتي لاتياسين انا لي سنه اقدم ع مدارس الرياض كلها ومابقى مدرسه اتوقع الا جيتها وبعضهم قالوا تعالي اشرحي وقابلوني وبعدها مسكوني الباب:q

نفس الشي صار معي قبل والله سنه وعليها .. الان الحمدلله :m ..

والله ثم والله لي تقريبا اسبوعين مداومه ع سورة البقره كامله يوميا وكل صلاه ادعي واتصلوا علي اليوم وان شاء الله اتوفق معهم ويقبلوني لاني خايفه يشوفون شرحي ويكرشوني:b

ماشاء الله تبارك الله :tsfiq:
ثقي اختي ان الخير جاي بإذن الله ولاتيأسين والله العظيم ان
توفيقي كله بعد الله .. بـ سورة البقرة +الاستغفار +قيام الليل
والدعاااااااااااء ..
صح صار لي فترة مداومه على هالحال لكن والله كل
ماذكر ذيك الايام وكيف الان صرت تنزل دموعي ..

والله والله ماقلت هالشي الا لاني مجربه وواثقه ان اللي يبي الرزق والخير ماله الا
يتقرب الى الله بالطاعات والعبادات ولاتنسين دعاء الوالدين :h:Thumbs:

وكلامي هذا اتمنى من الكل يثق بالله ويطبقه لايجرب يطبببببق
وبالتوكل على الله بيشوفون كيف تتغير احوالكم :rolleyes:

ربي يرزقك ان شاء الله وكل بنات المنتدى بس ترى بقولكم يابنات اذا اتصلوا عليكم المدرسه وقالوا تعالي اشرحي مايعني تتوظفين لا خصوصا اللي ماعندهم خلفيه عن المقابلات والوظايف يحسبون انها بتتوظف ع طول<<الله كريم:c



ان شاء الله راح تبشرينا بكل خير وراح تشوفين بنفسك بعاجل الامر ام اجله
اذا استمريت على اللي ذكريته :rolleyes: والله ماقلت هالشي الا ابي لكم الخير ..


اسال الله لكِ وللجميع التوفيق بجميع اموركم ..

اسالكم بالله اذكرو الله اذا اعجبكم شي ..:u

واسفه ع المداخله ..

:h

حياتك ورد
18-06-2011, 11:13 PM
اهم شي ياغوالي في المقابلات يوم تشرحين درس فيه نقاط مهمه يركزون عليها
شخصيتك لاتتوترين وتتلخبطين عشان اللي حاضرين لك اعتبريهم موب موجودين
درسك لازم يكون فيه اوراق عمل وعرض باور بوينت
نقاط درسك تكون متسلسلة يعني ماتقمزين من نقطه لنقطه بدون ماتربطين بينها
مقدمه درسك يعني التمهيد للدرس لاااااااااااازم يكون ابداعي مايكون عادي كانك حصه عربي
لازم تشدينهم في الخمس دقايق الاولى والا اعتبري نفسك براااااا

عطر السندريلا
18-06-2011, 11:47 PM
اختي مو لازم اوراق عمل لان بس يشوفون طريقة شرحك شوي صح ولالا؟؟ هذا الي فهمته من البنات

طفل يتيم
19-06-2011, 12:28 AM
هههههههههه ياقلبي انتي لاتياسين انا لي سنه اقدم ع مدارس الرياض كلها ومابقى مدرسه اتوقع الا جيتها وبعضهم قالوا تعالي اشرحي وقابلوني وبعدها مسكوني الباب

والله ثم والله لي تقريبا اسبوعين مداومه ع سورة البقره كامله يوميا وكل صلاه ادعي واتصلوا علي اليوم وان شاء الله اتوفق معهم ويقبلوني لاني خايفه يشوفون شرحي ويكرشوني

ربي يرزقك ان شاء الله وكل بنات المنتدى بس ترى بقولكم يابنات اذا اتصلوا عليكم المدرسه وقالوا تعالي اشرحي مايعني تتوظفين لا خصوصا اللي ماعندهم خلفيه عن المقابلات والوظايف يحسبون انها بتتوظف ع طول<<الله كريم




الله يجزاكِ خير

ويوفقكم جميعاً

أنا قبل ما أتكلم وأقول إي كلمة
قلت ما شاء الله تبارك الله
لإني أبي لكم الخير
مثل مآأبيه لنفسي



بس لاتنسون إذا دريتوا ع شيء
وكان فيه فايدة للبنات
ماتنسونا ~

هذا كان قصدي

والله يوفقكم مرة ثانية ...

توتة احلى بنوته
19-06-2011, 06:11 AM
بنات من تعرف عن مدرسه الحرمين داقين علي يقولونن حظري درس وتعالي اشرحي ..
نفسي اعرف عن ادارتهم وهم صعبين ف تعامل وشاكره لكم


المدرسه هذي قدمت فيها واتصلوا علي وسوت معي مشرفة العلوم مقابله كانت المشرفه روعه وبسيطه جدا هذا الاكلام من سنتين تقريبا بس كل الادارة هناك والمعلمات كانوا مرررره طيبين ومتعاونين الله يوفقك يااااارب

احساسي يكفيني
19-06-2011, 06:38 AM
روح مطير شكرا ع رد ا الله يسعدك

توته شكرا من جد فكيتي ازمتي تو ابحث عنها ماحصلت احد يجاوبي شكلي باجلها لبكره

الله يعطيكم العافيه

حياتك ورد
19-06-2011, 07:11 AM
اختي مو لازم اوراق عمل لان بس يشوفون طريقة شرحك شوي صح ولالا؟؟ هذا الي فهمته من البنات

لازم يالغلا
اختك في الله خبره في المدارس الخاصه في الرياض لحد ماشاب الراس
موفقين ياغوالي

سوالف حزن
19-06-2011, 11:00 AM
صباح الخيير بنات


بسآلكم : عن مدارس روض الجنان بحي الغدير ؟ وينها فييه
وكيف رواتبهم وكيف الادارة . .

ارسلو مسج على جوال ابوي ولاخبررني إلا قبل اشوي وفاتني موعد المقابله الساعة 9.30 وش السسوات
رجعت اتصلت عليهم مايردوون

سؤالي الثاني :
مدارس الحرمين فييها متوسط وثانوي ؟ ولا بعد ابتدائي ؟ اذا ابتدائي ابييي رقم الابتدائي

الله يجزاكم خييير

لحظةغروب
19-06-2011, 11:06 AM
الله يجزاكِ خير

ويوفقكم جميعاً

أنا قبل ما أتكلم وأقول إي كلمة
قلت ما شاء الله تبارك الله
لإني أبي لكم الخير
مثل مآأبيه لنفسي



بس لاتنسون إذا دريتوا ع شيء
وكان فيه فايدة للبنات
ماتنسونا ~

هذا كان قصدي

والله يوفقكم مرة ثانية ...

لا شدعوه انا موب قصدي شي بس كنت ابي اوضح لك وللبنات تجربتي خلال هالسنه ووش اللي اعتمدته بعد الله في توفيقي وابي كل وحده تسوي نفسي وان شاء الله ربي يوفقنا كلنا:h

لحظةغروب
19-06-2011, 11:07 AM
صباح الخيير بنات


بسآلكم : عن مدارس روض الجنان بحي الغدير ؟ وينها فييه
وكيف رواتبهم وكيف الادارة . .

ارسلو مسج على جوال ابوي ولاخبررني إلا قبل اشوي وفاتني موعد المقابله الساعة 9.30 وش السسوات
رجعت اتصلت عليهم مايردوون

سؤالي الثاني :
مدارس الحرمين فييها متوسط وثانوي ؟ ولا بعد ابتدائي ؟ اذا ابتدائي ابييي رقم الابتدائي

الله يجزاكم خييير

بالنسبه لمدارس روض الجنان ماعرفها..اما مدارس الحرمين فيها ابتدائي والرقم مو عندي للاسف :w

لحظةغروب
19-06-2011, 11:16 AM
بنات انا توني جيت من مدارس الرايه( اللي في السليمانيه)

طبعا هم اتصلوا علي وقالوا حضري درس وتعالي اشرحي ولما جيت ماخلوني اشرح بس قابلتني وحده وجلست تسالني اسئلة عن تخصصي والتطبيق ايام الكليه وكذا

وقالت لي لو دخلناك ع فصل وقلنا اشرحي وش ممكن تختارين لهم موضوع :eek:

قلت لها اختار لهم دوله واتكلم عنها قالت يلا عطيني دوله وتكلمي عنها انا قمت اضحك:cool::cool:


واخترت السعوديه ونشفت ريقي بالاسئلة :mad:

واخر شي قالت خلاص ان شاء الله بنتصل عليك قبل رمضان تجين توقعين العقد والراتب 2100 ريال فقط قلت لها واوامر ابومتعب هاه بتسحبون عليه :mish::mish:

قالت المدرسه مو مسجله بالموارد واصحاب المدرسه يدرسون هذا الموضوع ع السنه الجايه ان شاء الله ودهم يسجلون وبتكون الرواتب نفس ماقال الملك الله يطول بعمره ..:wa

وهذي تجربتي حبيت انقلها لكم :h:h

مايستفاد منها انك تتوقعين اي شي يسالونك عنه حتى لو قالوا لك شرح لاتحضرين درس وبس :b
حاولي تلمين بكل المعلومات في تخصصك وكوني مستعده وواثقه بنفسك

سوالف حزن
19-06-2011, 11:17 AM
اللـه يجزاك خيير

تقدرين تحصلين رقم الابتدائي ؟

أذا فيه احد عنده خلفية عن روضة الجنان تخببرني


انا ملاحظة المدارس الحين تغيرت مو مهم الشرح , اهم شي صفات المدرسة

يعطيك العافيية لحظة ويرزقك بالوظيفة الي تستاهلينهآ

بنت التريخ
19-06-2011, 12:07 PM
بنات انا توني جيت من مدارس الرايه( اللي في السليمانيه)

طبعا هم اتصلوا علي وقالوا حضري درس وتعالي اشرحي ولما جيت ماخلوني اشرح بس قابلتني وحده وجلست تسالني اسئلة عن تخصصي والتطبيق ايام الكليه وكذا

وقالت لي لو دخلناك ع فصل وقلنا اشرحي وش ممكن تختارين لهم موضوع :eek:

قلت لها اختار لهم دوله واتكلم عنها قالت يلا عطيني دوله وتكلمي عنها انا قمت اضحك:cool::cool:


واخترت السعوديه ونشفت ريقي بالاسئلة :mad:

واخر شي قالت خلاص ان شاء الله بنتصل عليك قبل رمضان تجين توقعين العقد والراتب 2100 ريال فقط قلت لها واوامر ابومتعب هاه بتسحبون عليه :mish::mish:

قالت المدرسه مو مسجله بالموارد واصحاب المدرسه يدرسون هذا الموضوع ع السنه الجايه ان شاء الله ودهم يسجلون وبتكون الرواتب نفس ماقال الملك الله يطول بعمره ..:wa

وهذي تجربتي حبيت انقلها لكم :h:h

مايستفاد منها انك تتوقعين اي شي يسالونك عنه حتى لو قالوا لك شرح لاتحضرين درس وبس :b
حاولي تلمين بكل المعلومات في تخصصك وكوني مستعده وواثقه بنفسك

حبوووبة انا اليووم دقوا علي وبكراا المقابلة بيني وبينك مااااني متحمسة اجل الراتب 2100 :mad:
كيف نفسياتهم واسئلتهم سهلة يقدر الواحد يجااوب علها بسهولة
تراا تخصصي مثل تخصصك :ash:

وياليت وصف المدرسة لاهنتي

لحظةغروب
19-06-2011, 12:15 PM
حبوووبة انا اليووم دقوا علي وبكراا المقابلة بيني وبينك مااااني متحمسة اجل الراتب 2100 :mad:
كيف نفسياتهم واسئلتهم سهلة يقدر الواحد يجااوب علها بسهولة
تراا تخصصي مثل تخصصك :ash:

وياليت وصف المدرسة لاهنتي


لا ماعليك نفسياتهم حلوه وحبوبات بس فاجأتني بالاسئلة العامه عن تخصصي يعني ماتوقعت كذا ابد ولاكنت مستعده لها والاسئلة سهله واشياء عامه بس انا اللي انلخمت طبعا كل الاسئلة في تخصصك حاولي تثرين معلوماتك اليوم ولو باشياء بسيطه وماعليك من الراتب اتوقع مجبورين يطبقون الاوامر ع حسب ماسمعت والله كريم

وصف المدرسه والله ماعرف اوصف بس هي ع طريق الملك عبدالعزيز جنبها محل مفروشات نسيت وش اسمه:q

مقابل القاعده الجويه

كاريزم
19-06-2011, 02:38 PM
تعلن مدارس الصرح الأهلية عن احتياجها لشغل الوظائف التالية

معلمة دين يفضل الخبرة
معلمة اقتصاد منزلي وخياطة يفضل الخبرة
مدخلة بيانات يشترط أن تكون بكالوريوس حاسب آلي وذات خبرة بالنظام المركزي

للالتحاق بالوظائف التقديم خلال أسبوع من الآن
حي الورود - شارع الشيخ عبدالله العنقري - شرق ملاهي الخيمة
عناية قسم المتوسط والثانوي فاكس: 4604441

إميل:
alsarh.lo@gmail.com


موفقين

دعواتكم

هاجس افكاري
19-06-2011, 02:40 PM
صباح الخيير بنات


بسآلكم : عن مدارس روض الجنان بحي الغدير ؟ وينها فييه
وكيف رواتبهم وكيف الادارة . .

ارسلو مسج على جوال ابوي ولاخبررني إلا قبل اشوي وفاتني موعد المقابله الساعة 9.30 وش السسوات
رجعت اتصلت عليهم مايردوون

سؤالي الثاني :
مدارس الحرمين فييها متوسط وثانوي ؟ ولا بعد ابتدائي ؟ اذا ابتدائي ابييي رقم الابتدائي

الله يجزاكم خييير

روض الجنان شمال الرياض حي الغدير مخرج 5 المدرسه روعه هي تحفيظ القران
الاداره روعه رواتبهم 2100 قالت لي

يارب رجاك
19-06-2011, 02:52 PM
بنات ابي موقع الفرسان ضروري الله يرزقنا واياكم

يارب رجاك
19-06-2011, 02:53 PM
روض الجنان شمال الرياض حي الغدير مخرج 5 المدرسه روعه هي تحفيظ القران
الاداره روعه رواتبهم 2100 قالت لي


أهلين يالغلا تعرفين موقعهم وهل فيه تسجيل عن طريق الموقع ردي الله يرزقنا واياكم

تكفين اساليهم يبون اداريات محتاجه اتوظف

روح مطير
19-06-2011, 04:26 PM
بنات ابي موقع الفرسان ضروري الله يرزقنا واياكم

حي النزهه _ شمال الرياض _ شارع آل عساكر
الفاكس: 4556948
رقم الهاتف:4544633
موفقه:)

وافكو
19-06-2011, 04:51 PM
بنات كيف اعرف اذا المدرسة مسجلة بالموارد ؟؟ هل للموارد البشرية موقع نبحث عن المدارس والا لا؟؟
انا استغرب ان المدارس كل سنة تنزل احتياج للمعلمات هل هم يفصلون المعلمات والا هم ينحاشون؟؟ وبالذات السنة هذي عقب المكرمة :

أشجان وأحزان
19-06-2011, 05:40 PM
تعلن مدارس منارات المستقبل عن حاجتها إلى :



و كيلة مدرسة قائمة بأعمال مديرة بشرط الخبرة

مشرفات رياض أطفال ( يشترط الخبرة ) - معلمات رياض أطفال ( يشترط الخبرة )

معلمات لغة أنجليزية ( يشترط الخبرة ) - حاضنات أطفال

عاملات نظافة - سائقين مع محارمهم

الرياض - حي الخليج - شارع الشرطة - تلفاكس : 012374743

ج / 0559300032

إيميل : m-shool-2011@hotmail.com (m-shool-2011@hotmail.com)






دعواتكم لي بالوظيفة


يعطيك العافية ،، الإيميل خطأ .. ياليت تتأكدين من صحته
موفقة بإذن الله

طفل يتيم
19-06-2011, 07:55 PM
بنات مين يعرف مدراس ندوة الشرق
وين موقعها بالضبط ؟!

روزلالا
19-06-2011, 09:30 PM
المفروض مانسكت على هالكلام ...حنا مو عمالة اجنبية عشان ينضحك علينا بهالأسالبيب هذي ديرتنا ومالنا مكان غيرها لما نسمح لهم بهالتصرفات بتضيع البلد ...المفروض تبلغون الموارد باللي يصير أقلها يقطعون عنهم الراتب

كلامك صحيح __ لازم فعلا ماينسكت
مرة نصابين المدارس الأهلية .. والله حتى لو كان عامل اجنبي - الله لا يرضى ان يضيع تعب
من احسن عملا ..
لازم كلنا نسوي مقاطعة للمدارس اللي رواتيهم فيها اجحاف لتعبنا

روزلالا
19-06-2011, 09:34 PM
لا بس هما روزلالا

تقول ان بوه شاغر

وبسسس يعني هذا الطاري

بعدين والله انا امرتاحى بها

>>>راحت ملح

هي تمدح المدرسة بس تقول فيهم شيء سيء - ما يقدرون اللي معهم خبرة واللي لهم كم سنة معهم
يعني اللي جاية جديدة النبلاء وبدون خبرة وتوها متخرجة راتبها 2000 ريال
واللي معها خبرة من قبل ولها مع النبلاء اقل شي 3 سنين 2000 وبالكثير 2200 او 2100
اشوف هالشي ظلم ؟

بس بشكل عام تقول مريحة ولا تخلو من العيوب اللي ممكن تحتمل ..

روزلالا
19-06-2011, 09:37 PM
طيب انا دقيت على مدرسه كبيره قالت 5000 ماتاخذها الموظفه الجديده مو معقوله وحده توها جديدة تاخذ5000 والقديمه لا يعني القديمه راح تاخذ اما الجديدة راح تاخذ اقل منها

ونظام انو الوحده توقع عقد 5 سنوات مع المدرسه بعض المدارس ماطبقوها
ما اشوف هالشي ظلم
الجديدة وتوها متخرجة لو اخذت 3000 او 3500 مرة حلو وعدل
واللي لها خبرة لو سنتين اشوف ما تاخذ اقل من 5000 ريال وبجداااارة

اشوف هالشي عدل .... مع اني توني متخرجة مو من مصلحتي اقول هالكلام ههههه
بس ضميري حي هههههه

هاجس افكاري
19-06-2011, 09:55 PM
أهلين يالغلا تعرفين موقعهم وهل فيه تسجيل عن طريق الموقع ردي الله يرزقنا واياكم

تكفين اساليهم يبون اداريات محتاجه اتوظف


والله مدري اذكر نزلوا اعلان هنا وارسلت السيره الذاتيه على الايميل ودقواعلي سوى لي مقابله ودرس ويبون اداريات ومدرسات الى الحين ماردوا علي بنسبه لمقابله......:confused:

اذا على الاعلان دوريه هنا بالقسم هذا ....الله يرزق الجميع لما يحبه ويرضااة

روح مطير
19-06-2011, 10:00 PM
ما اشوف هالشي ظلم
الجديدة وتوها متخرجة لو اخذت 3000 او 3500 مرة حلو وعدل
واللي لها خبرة لو سنتين اشوف ما تاخذ اقل من 5000 ريال وبجداااارة

اشوف هالشي عدل .... مع اني توني متخرجة مو من مصلحتي اقول هالكلام ههههه
بس ضميري حي هههههه

كلامك جدا منطقي يا عسل ;)..أحيي اللي ضمرها حي
بس بنات في سؤال بالمقابلة الشخصية
كم تتوقع الراتب؟
عجبتني اجابة في أحد المنتديات
قال شي طبيعي رواتب حديثي التخرج بتكون أقل
ويااارب توفيقك لنا جميعا :h

سوالف حزن
19-06-2011, 10:11 PM
روض الجنان شمال الرياض حي الغدير مخرج 5 المدرسه روعه هي تحفيظ القران
الاداره روعه رواتبهم 2100 قالت لي


اللـه يسسعدك

نهر الوفاء
19-06-2011, 10:46 PM
تكفون اذا احد يعرف مدرسة في السويدي او الشفاء محتاجين كيمياء او علوم تقول اسم المدرسة والراتب وموقعها ولها دعوة في ظهر الغيب

سمسووومه
20-06-2011, 12:48 PM
بنات ابي ارقام هالمداررس
بلييز

راية الفرقان
الاوائل

واي مدرسه بجنوب او شرق الرياض

طفل يتيم
20-06-2011, 12:56 PM
ثانوي
+ دورة إدخال بيانات ومعالجة نصوص لمدة ستة شهور
+ خبرة بالحاسب

أرغب بوظيفة إدارية
في مدرسة أهلية شرق الرياض

نيتروجين
20-06-2011, 01:42 PM
بنات ابي ارقام هالمداررس
بلييز

راية الفرقان
الاوائل

واي مدرسه بجنوب او شرق الرياض
الأوائل حي الربوة هذا الرقم 4459944

هاجس افكاري
20-06-2011, 02:55 PM
بنات ابي ارقام هالمداررس
بلييز

راية الفرقان
الاوائل

واي مدرسه بجنوب او شرق الرياض

هذي مدرسه رايه الفرقان

الرياض, حي منفوحة, الرياض


هاتف: 01-2044599



وهذا ارقام مدرسه الاوائل


القسم الرئيسي:



هاتف : 4459944 – 4458844



فاكس : 4458800



قسم الروضة و التمهيدي:



هاتف : 4455209 - 4455978



فاكس : 4455276




قسم الابتدائي:



هاتف : 4453480


ودي الله يوفق الجميع

متخرجه قبل شوي
20-06-2011, 04:51 PM
أقول شخباري يا جدارة كأنهم مصخوها حبتين يعني لا مدارس تبي ترفع الرواتب مثل ما قال الملك ووظايف حكوميه متأخره يعني وش الدبره لازم نشهرفي الصحافه ونشهر بإسم كل مدرسه وبكل خاين وحرامي ولا وش النظام ..

اماني المستقبل
20-06-2011, 04:59 PM
أقول شخباري يا جدارة كأنهم مصخوها حبتين يعني لا مدارس تبي ترفع الرواتب مثل ما قال الملك ووظايف حكوميه متأخره يعني وش الدبره لازم نشهرفي الصحافه ونشهر بإسم كل مدرسه وبكل خاين وحرامي ولا وش النظام ..

هلا اختي متخرجه صدقتي وماعندك وقت . جداره ع جولتهم بيطلعون الاسماء نهايه الشهر هذا يعني الاسبوع القادم وبنشوف والله يوفق الجميع

يارب رجاك
20-06-2011, 05:31 PM
حي النزهه _ شمال الرياض _ شارع آل عساكر
الفاكس: 4556948
رقم الهاتف:4544633

موفقه:)




جزاك الله خير

اذا تعرفين موقعهم علميني شاكرة لك والله يرزقك من اوسع رزقه

خريجه تغذيه
20-06-2011, 05:31 PM
السلام عليكم ورحمة الله وبركاته
بنات مين يعرف وصف لمدارس الجامعه اعرف انها في حي الورود بس ابي وصف دقيق الله يسعدكم ضروري

يارب رجاك
20-06-2011, 05:33 PM
والله مدري اذكر نزلوا اعلان هنا وارسلت السيره الذاتيه على الايميل ودقواعلي سوى لي مقابله ودرس ويبون اداريات ومدرسات الى الحين ماردوا علي بنسبه لمقابله......:confused:

اذا على الاعلان دوريه هنا بالقسم هذا ....الله يرزق الجميع لما يحبه ويرضااة


الله يرزقك وكل مسلم يارب

وين ادوره فيذا الموضوع ؟

يارب رجاك
20-06-2011, 05:36 PM
اللي تعرف موقع روض الجنان الاهليه لا تبخل عي الهي يسعدكم ويرزقنا وايااااكم

اماني المستقبل
20-06-2011, 05:42 PM
بنات انا توني جيت من مدارس الرايه( اللي في السليمانيه)

طبعا هم اتصلوا علي وقالوا حضري درس وتعالي اشرحي ولما جيت ماخلوني اشرح بس قابلتني وحده وجلست تسالني اسئلة عن تخصصي والتطبيق ايام الكليه وكذا

وقالت لي لو دخلناك ع فصل وقلنا اشرحي وش ممكن تختارين لهم موضوع :eek:

قلت لها اختار لهم دوله واتكلم عنها قالت يلا عطيني دوله وتكلمي عنها انا قمت اضحك:cool::cool:


واخترت السعوديه ونشفت ريقي بالاسئلة :mad:

واخر شي قالت خلاص ان شاء الله بنتصل عليك قبل رمضان تجين توقعين العقد والراتب 2100 ريال فقط قلت لها واوامر ابومتعب هاه بتسحبون عليه :mish::mish:

قالت المدرسه مو مسجله بالموارد واصحاب المدرسه يدرسون هذا الموضوع ع السنه الجايه ان شاء الله ودهم يسجلون وبتكون الرواتب نفس ماقال الملك الله يطول بعمره ..:wa

وهذي تجربتي حبيت انقلها لكم:h:h

مايستفاد منها انك تتوقعين اي شي يسالونك عنه حتى لو قالوا لك شرح لاتحضرين درس وبس :b
حاولي تلمين بكل المعلومات في تخصصك وكوني مستعده وواثقه بنفسك

هلا اختي ليش يوقعون معك عقد قبل رمضان احس الامر فيه لعبه وعش انتبهي :confused::confused:
لان اتصلنا ع الموارد البشريه وقال كل المدارس توقع عقد بدايه السنه الجديده سواء كان معلمه جديده ولا قديمه انتبهي لايلعبون عليك الا اذا كنتي راضيه بالراتب وهذا الرقم للتتاكدين 012186500 واتمنا لك التوفيق

لحظةغروب
20-06-2011, 06:54 PM
هلا اختي ليش يوقعون معك عقد قبل رمضان احس الامر فيه لعبه وعش انتبهي :confused::confused:
لان اتصلنا ع الموارد البشريه وقال كل المدارس توقع عقد بدايه السنه الجديده سواء كان معلمه جديده ولا قديمه انتبهي لايلعبون عليك الا اذا كنتي راضيه بالراتب وهذا الرقم للتتاكدين 012186500 واتمنا لك التوفيق

ايه حتى اانا استغربت بس عادي اصلا حتى لو وقعتي عقد مايقدرون يلزمونك بشي

دراعة شانيل
20-06-2011, 07:03 PM
بنات من تعرف رقم مدارس الرشد قسم الإبتدائي او المتوسط..

اماني المستقبل
20-06-2011, 08:14 PM
ايه حتى اانا استغربت بس عادي اصلا حتى لو وقعتي عقد مايقدرون يلزمونك بشي

ليش مايقدرون يلزمونك بشي لا يقدرون يلزمونك بالقعد ماتقدرين تكتبين عقد مع مدرسه ثانيه
الا اذا عطوك اخلا طرف وهم مايبون كذا انت اذا دقو عليك قولي ان شاء الله بجيكم مع بدايه السنه اول مره اشوف مدرسه تكتب عقد في الاجازه يبون يستغلون البنات انتبهي
طيب هذا الي عندي وانتي اذا اعجبك الراتب عادي تقدرين تاخذيه وتاخذ خبره احسن من العطاله بس العقد بيكون كم مدته سنه يعني ولا ترم لان الي اتصلنا عليه يقول لازم تقرون القعد زين وتشوفو انه انه 5000 ولمده خمس سنوات هذا الي عندي
وبالتوفيق ياقلبي

نسكآفية
20-06-2011, 08:24 PM
انا ابي اتاكد هل الاداريات الجامعيات لهم مثل المعلمات ..
بليز ماجاوبتوني

وش بقى ماصار
20-06-2011, 08:41 PM
ايه حتى اانا استغربت بس عادي اصلا حتى لو وقعتي عقد مايقدرون يلزمونك بشي

بيلزمونك ماتروحين لأي مدرسة ثانية

وعادة يكون العقد الأول لمدة ثلاث شهور تجريبي

على العموم الله يكتب لك الخيرة..

ويوفقك ويرزقنا بالحكوومي يارب

وش بقى ماصار
20-06-2011, 08:43 PM
دعاء ذكره الشيخ صالح بن عواد المغامسي لمن ضُيق عليه في الرزق بأن يدعو في سجوده فيقول :



[ حسبنا الله سيؤتينا الله من فضله إنا إلى الله راغبون ].

أشجان وأحزان
20-06-2011, 09:29 PM
الله يعافيكم مين تعرف مكان "مدرسة الأرقم" إلي بحي الحمراء
لان اليوم أكثر من ساعة وأنا أدور من شارع لشارع أدورها ولا حصلتها

مدام نوفا
20-06-2011, 09:37 PM
انا لمن رحت مدارس الفرسان كان فيه بنتين يوقعون عقود
وصديقتي الان موظفه لها سنه كانت موقعه بنفس هالوقت العام يعني قبل العيد وبعد العيد جت توظفت
كيف ما ينفع ؟

هاجس افكاري
20-06-2011, 10:45 PM
اللي تعرف موقع روض الجنان الاهليه لا تبخل عي الهي يسعدكم ويرزقنا وايااااكم


مافهمت

تبين موقع الكتروني ماظن لهم موقع الكتروني

تبين مكانها حي بحي الغدير عند مخرج 5
عندي رقم الحارس يوصف لك مكان0552560272

دراعة شانيل
20-06-2011, 10:47 PM
بنات من تعرف رقم مدارس الرشد قسم الإبتدائي او المتوسط..
بالسويدي :d

لحظةغروب
20-06-2011, 11:49 PM
بيلزمونك ماتروحين لأي مدرسة ثانية

وعادة يكون العقد الأول لمدة ثلاث شهور تجريبي

على العموم الله يكتب لك الخيرة..

ويوفقك ويرزقنا بالحكوومي يارب

امين يارب ..

مايقدرون يمنعونك تروحين اي مدرسه ثانيه لانه بامكانك تعتذرين منهم لو نص الترم وتعطينهم خبر قبل بمده عشان يجيبون وحده ثانيه صحيح فيه مدارس ماتخاف الله وتماطل بالمعلمات بس مو كلهم والدليل انه اغلب المدارس تحتاج في بداية الدارسه حتى لو موقعين عقود مع معلمات من قبل

لحظةغروب
20-06-2011, 11:53 PM
انا لمن رحت مدارس الفرسان كان فيه بنتين يوقعون عقود
وصديقتي الان موظفه لها سنه كانت موقعه بنفس هالوقت العام يعني قبل العيد وبعد العيد جت توظفت
كيف ما ينفع ؟


ايه عادي بس قصدنا عن امر الملك بالراتب مايقل عن 5000 لانه العام بعض صديقاتي موقعين قبل رمضان والاسبوع اللي طاف صديقتي وقعت عقد مع مدرسه وخلت خانة الراتب فاضيه المديره هي اللي خلته كذا وقالت لها انه فيه لجنه نازله للمدارس الاهليه ويشوفون الاوضاع عشان يطبقون قرار الراتب الجديد (مع العلم انه المدرسه اللي راحت لها صديقتي مو مسجله بالموارد ) والله اعلم

لحظةغروب
20-06-2011, 11:55 PM
ليش مايقدرون يلزمونك بشي لا يقدرون يلزمونك بالقعد ماتقدرين تكتبين عقد مع مدرسه ثانيه
الا اذا عطوك اخلا طرف وهم مايبون كذا انت اذا دقو عليك قولي ان شاء الله بجيكم مع بدايه السنه اول مره اشوف مدرسه تكتب عقد في الاجازه يبون يستغلون البنات انتبهي
طيب هذا الي عندي وانتي اذا اعجبك الراتب عادي تقدرين تاخذيه وتاخذ خبره احسن من العطاله بس العقد بيكون كم مدته سنه يعني ولا ترم لان الي اتصلنا عليه يقول لازم تقرون القعد زين وتشوفو انه انه 5000 ولمده خمس سنوات هذا الي عندي
وبالتوفيق ياقلبي


ياعمري مايهم الراتب اهم شي النشاط والهمه والافكار اللي عندنا ماتروح هدر اكيد كل وحده بتقول نبي راتب زين و5000 احسن من 2000 ومحد بعايفها لكن ع قولك احسن من العطاله هع

رنا بنت محمد
20-06-2011, 11:56 PM
السلام عليكم

ماتعرفون مدارس بالشرق جديده اقدم عليها

لأني احسس القديمه مايبونني :m

..

شذاوي
21-06-2011, 12:49 AM
مرحبا

أنـــا معي ماستـــر (( إدارة تربوية )) بتقدير ممتاز مع مرتبة الشرف
+ بكالوريوس (( تغذية وعلوم أطعمة )) بتقدير جيد جدا

إذا فيه ندرسة محتاجين لمعلمة تدبير تكون بشرق الرياض يفضل إبتدائي

أو مدارس رياض أطفال بحاجة لاداريات .....

إذا تعرفون الله يجزاكم الجنة لا تبخلون عــــلي

قاعدة في البيت
21-06-2011, 04:53 AM
وش رايكم يابنات في المدارس الي في حي الروابي خصوصا مدرسة اطياب اذا تعرفون عنها شي افيدوني والي تعرف مدارس تعاملها حلو مع المعلمات تقيدنا
و ش تعرفون عن وظائف الشركات الي تابعة للبنك هل فية قسم للنساء وكيف طبيعة عملهم لاني كلمت على رقم معلنين عن وظائف وردت علي وحدها تقول انهم ياخذون من الي تقدم 200ريال ويوظفونها في شركة تابعة للبنك مادري وش اسوي

شمس الإبدأأأع
21-06-2011, 06:48 AM
من تعرف مدرسه تبي معلمه علوم او كيمياء مبدعه وطمووووحه


مررررررررررررره متحمسسسسسسسسسسسسسسسسه للتدريس
يارب اتوظف هالسنه انا وجميع العاطلات

نهر الوفاء
21-06-2011, 07:11 AM
وش رايكم يابنات في المدارس الي في حي الروابي خصوصا مدرسة اطياب اذا تعرفون عنها شي افيدوني والي تعرف مدارس تعاملها حلو مع المعلمات تقيدنا
و ش تعرفون عن وظائف الشركات الي تابعة للبنك هل فية قسم للنساء وكيف طبيعة عملهم لاني كلمت على رقم معلنين عن وظائف وردت علي وحدها تقول انهم ياخذون من الي تقدم 200ريال ويوظفونها في شركة تابعة للبنك مادري وش اسوي
ياقلبي اذا قصدك اطياب الي في الربوة الله لايوفقهن ولايسامحهم ظلموني نصيحة دوري غيرها والله يرزقك ان شاء الله

دمعةندم
21-06-2011, 09:45 AM
مرحبا صبايا :w:w حبيت افيدكم بحاجه بسيطه
وماابي منكم الا الدعاء
انا اتصلت اليوم على مدارس الحرمين
القسم الابتدائي
وقالت انهم محتاجين لغه عربيه
ومعلمة رياض اطفال
ورقمهم وموقعهم هون بالمنتدى في دليل المدارس الخاصه :Thumbs:
طبعا انا ماتنفع لي لاني دراسات اسلاميه :c
وسلامتكم:rolleyes:

سمسووومه
21-06-2011, 11:17 AM
بنات انا تهورت اليوم ووقعت عقد مع مدارس شبة الجزيرة
براتب ١٨٠٠ ابتدائي
دخلت بقدم ،، قالت اشرحي درس
ووقعنا العقد
وش رايكم
استعجلت
اوو اضمن خبره
خصوصا انها قريبه من بيتي

وتقول احتمال مع السنة الجديدة يتبدل العقد
عشان تدخل ضمن الموارد البشرية ويصير راتبهم ٥٠٠٠

لحظةغروب
21-06-2011, 01:11 PM
بنات انا تهورت اليوم ووقعت عقد مع مدارس شبة الجزيرة
براتب ١٨٠٠ ابتدائي
دخلت بقدم ،، قالت اشرحي درس
ووقعنا العقد
وش رايكم
استعجلت
اوو اضمن خبره
خصوصا انها قريبه من بيتي

وتقول احتمال مع السنة الجديدة يتبدل العقد
عشان تدخل ضمن الموارد البشرية ويصير راتبهم ٥٠٠٠


عادي ع الاقل تضمنين خبره وان شاء الله السنه الجايه تصير الرواتب 5000 ع حسب ماسمعت كل المدارس مجبوره تطبق النظام حتى لو ما كانت في الموارد تطمني واذا صار راتبك 1800 خير وبركه والخيره فيما اختاره الله وهذا رزقك ..

المدرسه اللي رحت لها قالت لي الرواتب 2100 وتوقيع العقد قبل رمضان ان شاء الله :w

خجولآ
21-06-2011, 01:20 PM
مساءو عسولات
انا امس شررحت عند الفرسان واللي حضر لي المديررة يالبيه بسسسسسسس مرررا عسل
بس انقهرت وتنكدت بعد ماخلصت المشررفه على التوظيف ماسووت لي مقابلة شخصية خصوصا كل البنات سووت لهم مقابلة قبل الشررح وانا تقول مووب فاضيه اذا تم ترشيحك نسوي لك مقابلة

والله متنكدة اللي الحين تتوقعون بيتصلون علي ومتى هم يتصللون عشان الترشيح

مررررا ضايق صدرري

امي غلاها بدمي
21-06-2011, 01:49 PM
يعطيك العافيه

سمسووومه
21-06-2011, 02:14 PM
عادي ع الاقل تضمنين خبره وان شاء الله السنه الجايه تصير الرواتب 5000 ع حسب ماسمعت كل المدارس مجبوره تطبق النظام حتى لو ما كانت في الموارد تطمني واذا صار راتبك 1800 خير وبركه والخيره فيما اختاره الله وهذا رزقك ..

المدرسه اللي رحت لها قالت لي الرواتب 2100 وتوقيع العقد قبل رمضان ان شاء الله :w



رايك كذا ياختي
الله يوفقنا واياك
تصدقين ارتبكت وخفت
بس الحمدلله
والله يسهل امورنا:m

لحظةغروب
21-06-2011, 02:17 PM
مساءو عسولات
انا امس شررحت عند الفرسان واللي حضر لي المديررة يالبيه بسسسسسسس مرررا عسل
بس انقهرت وتنكدت بعد ماخلصت المشررفه على التوظيف ماسووت لي مقابلة شخصية خصوصا كل البنات سووت لهم مقابلة قبل الشررح وانا تقول مووب فاضيه اذا تم ترشيحك نسوي لك مقابلة

والله متنكدة اللي الحين تتوقعون بيتصلون علي ومتى هم يتصللون عشان الترشيح

مررررا ضايق صدرري

عاااادي لايضيق صدرتس ولاشي وانا اختس استانسي وماعليك اذا هالوظيفه ربي كاتبه لك اكيد بتكون لك ولاتقعدين كذا قدمي ع مدارس ثانيه وكثيره واذا اعجبهم شرحك بيتصلون عليك

لحظةغروب
21-06-2011, 02:19 PM
رايك كذا ياختي
الله يوفقنا واياك
تصدقين ارتبكت وخفت
بس الحمدلله
والله يسهل امورنا:m

ههههههههههه والله مااكذب عليك انا بس لما قالت لي توقيع العقد بيكون قبل رمضان ان شاء الله مغصني بطني مدري ليه بس لاتخافين واللي كاتبه ربي لك بيجيك لو انه بعيد كل البعد عنك:h

سوسو عبدالله
21-06-2011, 02:36 PM
بنات انا تهورت اليوم ووقعت عقد مع مدارس شبة الجزيرة
براتب ١٨٠٠ ابتدائي
دخلت بقدم ،، قالت اشرحي درس
ووقعنا العقد
وش رايكم
استعجلت
اوو اضمن خبره
خصوصا انها قريبه من بيتي

وتقول احتمال مع السنة الجديدة يتبدل العقد
عشان تدخل ضمن الموارد البشرية ويصير راتبهم ٥٠٠٠

اولااا الف مبروووووووووووك
الله يوفقك وان شاءالله خييير لك
بالعكس ماتهورتي اللي سويتيه افضل شي
اي مرحلة بتمسكين وكم حصصك ؟؟

سوسو عبدالله
21-06-2011, 02:39 PM
مساءو عسولات
انا امس شررحت عند الفرسان واللي حضر لي المديررة يالبيه بسسسسسسس مرررا عسل
بس انقهرت وتنكدت بعد ماخلصت المشررفه على التوظيف ماسووت لي مقابلة شخصية خصوصا كل البنات سووت لهم مقابلة قبل الشررح وانا تقول مووب فاضيه اذا تم ترشيحك نسوي لك مقابلة

والله متنكدة اللي الحين تتوقعون بيتصلون علي ومتى هم يتصللون عشان الترشيح

مررررا ضايق صدرري

لا يضيق صدرك ولا شي اللي كاتبة ربي بيصير
وهالفترة دوري وابحثي ماتدرين وين ربي كاتب لك

الله يسهل امورنا وياكم

سوسو عبدالله
21-06-2011, 02:40 PM
مساءو عسولات
انا امس شررحت عند الفرسان واللي حضر لي المديررة يالبيه بسسسسسسس مرررا عسل
بس انقهرت وتنكدت بعد ماخلصت المشررفه على التوظيف ماسووت لي مقابلة شخصية خصوصا كل البنات سووت لهم مقابلة قبل الشررح وانا تقول مووب فاضيه اذا تم ترشيحك نسوي لك مقابلة

والله متنكدة اللي الحين تتوقعون بيتصلون علي ومتى هم يتصللون عشان الترشيح

مررررا ضايق صدرري

لا يضيق صدرك ولا شي واللي كاتبة ربي لنا بيصير
دوري خلال هالفتره والله يسهل عليك وعلينا

رنا الشطورة
21-06-2011, 03:16 PM
السلام عليكم ورحمة الله وبركاته

يا بنات ما تعرفون كم رواتب أكاديمية الفيصل , واكاديمية الجزيرة بالفترة الواحدة لمدرسات الانجليزي؟

وهل فيه مواصلات لكل منهما ؟

يارب رجاك
21-06-2011, 03:23 PM
مافهمت

تبين موقع الكتروني ماظن لهم موقع الكتروني

تبين مكانها حي بحي الغدير عند مخرج 5
عندي رقم الحارس يوصف لك مكان0552560272



اقصد الكتروني

الله يجزاك خير ويرزقك ويرزقنا وكل مسلم

في قديم الزمان
21-06-2011, 04:31 PM
مرحبا صبايا :w:w حبيت افيدكم بحاجه بسيطه
وماابي منكم الا الدعاء
انا اتصلت اليوم على مدارس الحرمين
القسم الابتدائي
وقالت انهم محتاجين لغه عربيه
ومعلمة رياض اطفال
ورقمهم وموقعهم هون بالمنتدى في دليل المدارس الخاصه :Thumbs:
طبعا انا ماتنفع لي لاني دراسات اسلاميه :c
وسلامتكم:rolleyes:
الله يوفقك ويسعدك يارب طيب كيف طريقة التقديم عن طريق الموقع ولا شلون؟ وإذا عندك خلفية عن رواتبهم الله يعطيك العافيه مشكوره جداجدا

متخرجه قبل شوي
21-06-2011, 06:49 PM
بنات احد يعرف رواتب مدارس الصرح للاداريات كم.... اليوم دقوا علي وطلبوني مقابله بس ودي اعرف كم الراتب قبل اروح واطق مشوار بعدين طالبين خبره بالنظام المركزي الله يسهل يعني اشلون بتكون مقابلتي كمدخله بيانات بنات بليز اللي عندها خلفيه تسدح تجربتها

عطر السندريلا
21-06-2011, 07:00 PM
بنات انا تهورت اليوم ووقعت عقد مع مدارس شبة الجزيرة
براتب ١٨٠٠ ابتدائي
دخلت بقدم ،، قالت اشرحي درس
ووقعنا العقد
وش رايكم
استعجلت
اوو اضمن خبره
خصوصا انها قريبه من بيتي

وتقول احتمال مع السنة الجديدة يتبدل العقد
عشان تدخل ضمن الموارد البشرية ويصير راتبهم ٥٠٠٠


الف مبروووووووووووك ياختي

حبيت ابارك لك بالتوفيق

خريجه تغذيه
21-06-2011, 11:43 PM
بنات انا بكرا عندي مقابلة بالغرفه التجارية الفرع النسائي تتوقعون كيف بتكون المقابله الله يعافيك اللي عندها خلفية تقولي مره خايفه

روح مطير
22-06-2011, 12:40 AM
^^
والله ما عندي أي خلفية عن مقابلة الغرفة التجارية
الله يوفقك حبيبتي ويكتب اللي فيه الخير :)

روح مطير
22-06-2011, 12:43 AM
سمسوومه
ألف مبرووووووك يا قلبي
بالعكس لا تهور ولا شيء
حطي في بالك المهم الخبرة وماشاء الله مثل ما قلتي المدرسة قريبة من بيتكم
وبإذن الله يطبقون اشتراك الموارد وترتاحين بالمدرسة وتكونين ثابته عندهم
وربي فرحت لك..وعقبال الجميع :)

روح مطير
22-06-2011, 01:26 AM
http://im4.gulfup.com/2011-06-22/1308695326211.jpg (http://www.gulfup.com/)

دعوااااتكم :)

دمعةندم
22-06-2011, 02:12 AM
الله يوفقك ويسعدك يارب طيب كيف طريقة التقديم عن طريق الموقع ولا شلون؟ وإذا عندك خلفية عن رواتبهم الله يعطيك العافيه مشكوره جداجدا


مدارس الحرمين القسم الابتدائي رقمهم 014065100

وموقعهم http://www.alharamainschools.com/

طبعا انا اعرف بنات في القسم الثانوي والمتوسط راتبهم 3000

بس مايمدحون القسم الثانوي والمتوسط ابد ابد والظاهر انهم بينسحبون منها

لكن الاحتياج للقسم الابتدائي ويمدحونهم

روحي والله يكتب لك الي فيه الخير :h

دلوعتك انا
22-06-2011, 02:30 AM
بنات ايش رايكم في مدرسة الديوان من ناحية الادارة والطالبات
ياليت الي عندها معلومة تفيدني

الأستاذة ليان
22-06-2011, 02:32 AM
السلام عليكم

عدنا لكم يا بنات بعد سنة من الخبرة

من يعرف مدرسة تحفيظ محتاجين معلمات دين شرقا؟؟

يارب حقق امنيتي
22-06-2011, 02:45 AM
بنات امس مدرسة الرايه دقو علي قالو انتي مقدمه اداريه قلت ايه وقالو عادي تدرسين قلت لا
واحس اني تحسفت عادي اروح لهم اليوم بنات تكفون جاوبوني ابوي يقول لازم تروحين
وكيف المقابله عندهم

إشراقة حلم
22-06-2011, 02:53 AM
بنات امس مدرسة الرايه دقو علي قالو انتي مقدمه اداريه قلت ايه وقالو عادي تدرسين قلت لا
واحس اني تحسفت عادي اروح لهم اليوم بنات تكفون جاوبوني ابوي يقول لازم تروحين
وكيف المقابله عندهم


توكلي على الله وروحي
ويارب تكون الوظيفة من نصيبك
المقابله مادري عنها البنات إن شاء الله يفدوك
وبتوفيق لك :w

توتة احلى بنوته
22-06-2011, 03:35 AM
مشالله الاخبار بدت تتحسن ياااااااااااااااااااااااااااااااارب كلم وانا معكم نتوظف وظايف مريحه

راجيه نصر الله
22-06-2011, 03:46 AM
ياارب وفقني ووفق الجميع ،،
استغفر الله واتووب اليه

قاعدة في البيت
22-06-2011, 04:12 AM
ياقلبي اذا قصدك اطياب الي في الربوة الله لايوفقهن ولايسامحهم ظلموني نصيحة دوري غيرها والله يرزقك ان شاء الله


ليش ومشكلتك معهاهم وش مسوين معاك:mad:



وش المدارس الزينة الي تعاملها حلو مع المعلمات في شرق الرياض

السنعه
22-06-2011, 05:20 AM
بنات انا بكرا عندي مقابلة بالغرفه التجارية الفرع النسائي تتوقعون كيف بتكون المقابله الله يعافيك اللي عندها خلفية تقولي مره خايفه


انا رحت لهم قبل سنة ارسلوا لي رسالة انه راح يكون يوم كذا مقابلتك ومستانسة ومانمت ذاك اليوم بس افكر وش اسوي براتبي اذا توظفت هههههههههههه
كانوا طالبين موظفتين فقط لا غير
والساعه 7 وانا مسنترة عندهم شوي الا بنت داخلة وقعدت جمبي ثم دخلت الثانية والثالثة لين ضاق المكان وجابوا كراسي زيادة وامتلت الصاله احس
اختنقت من الكتمة الساعه 11 شرفوا الاخوات اللي يبون يسوون مقابلة مقابلتهم فاشلة بس يأخذون منك اوراق مؤهلاتك وخلاص
ورينا عرض كتافك الى يومك هذا مدري وش صاااار
تحطمت كل امنياتي هههههههههه ...

راحتي في طاعتي
22-06-2011, 08:20 AM
تخيلوا اتصلت على مدارس المنهاج جنوب الرياض
عشان الخبر هذا


مدارس المنهاج الأهلية بالرياض

تعلن عن حاجتهافي قطاعي( البنين ،والبنات ) إلى الوظائف التالية :

- مديرون ( متقاعدين ) ،ومديرات .
- مشرفون تربويون ، ومشرفات .
- معلمون ، ومعلمات في جميع التخصصات .
- معلمات أطفال ( 1 - 3 ) سنوات .
- رواد وررائدات نشاط .
- مرشدون طلابيون ، ومرشدات طلابيات .

قلت أنا قريت انوا محتاجين مةظفات مشرفات وووووو قالت إعلان وهمي :yaa:


وش السالفة :b

آحلآم آنثى
22-06-2011, 08:35 AM
تخيلوا اتصلت على مدارس المنهاج جنوب الرياض
عشان الخبر هذا


مدارس المنهاج الأهلية بالرياض

تعلن عن حاجتهافي قطاعي( البنين ،والبنات ) إلى الوظائف التالية :

- مديرون ( متقاعدين ) ،ومديرات .
- مشرفون تربويون ، ومشرفات .
- معلمون ، ومعلمات في جميع التخصصات .
- معلمات أطفال ( 1 - 3 ) سنوات .
- رواد وررائدات نشاط .
- مرشدون طلابيون ، ومرشدات طلابيات .

قلت أنا قريت انوا محتاجين مةظفات مشرفات وووووو قالت إعلان وهمي :yaa:


وش السالفة :b



يمكن الاعلان قـديـــــــــــــم ..!!

راحتي في طاعتي
22-06-2011, 09:40 AM
يمكن الاعلان قـديـــــــــــــم ..!!
طيب كان ممكن تقول ها الاعلان من سنة قديم http://208.43.41.186/~btalahc/images/icons/dc.gif

ودالمشاعر
22-06-2011, 10:07 AM
بنات من تعرف عن مدارس المتقدمه الاهلية بحي العقيق اذا فيها احتياج اولا لان ادق عليهم مايردون

راجيه خير
22-06-2011, 02:50 PM
بنات انا تهورت اليوم ووقعت عقد مع مدارس شبة الجزيرة
براتب 1800 ابتدائي
دخلت بقدم ،، قالت اشرحي درس
ووقعنا العقد
وش رايكم
استعجلت
اوو اضمن خبره
خصوصا انها قريبه من بيتي

وتقول احتمال مع السنة الجديدة يتبدل العقد
عشان تدخل ضمن الموارد البشرية ويصير راتبهم 5000

ماشاء الله مبروك

ماعليك اصلا الى الحين مافيه مدرسه طبقت هالنظام

شبه الجزيره حلوه انا درست فيها قبل ولاتجلسين تسمعين كلام المعلمات المحبطات الي عندهم

لان كل المدارس الاهلية تعب على الاقل تعاملهم جيد
ادعيلي احصل وظيفة :(

هاجس افكاري
22-06-2011, 04:37 PM
تخيلوا اتصلت على مدارس المنهاج جنوب الرياض

عشان الخبر هذا


مدارس المنهاج الأهلية بالرياض

تعلن عن حاجتهافي قطاعي( البنين ،والبنات ) إلى الوظائف التالية :

- مديرون ( متقاعدين ) ،ومديرات .
- مشرفون تربويون ، ومشرفات .
- معلمون ، ومعلمات في جميع التخصصات .
- معلمات أطفال ( 1 - 3 ) سنوات .
- رواد وررائدات نشاط .
- مرشدون طلابيون ، ومرشدات طلابيات .

قلت أنا قريت انوا محتاجين مةظفات مشرفات وووووو قالت إعلان وهمي :yaa:



وش السالفة :b


في مدراس المنهاج بشمال نفس الاسم تاكدي

أشجان وأحزان
22-06-2011, 06:27 PM
في مدراس المنهاج بشمال نفس الاسم تاكدي
عزيزتي ،،المدرسة إلي بالشمال أسمها المناهج وإلي جنوب الرياض إسمها المنهاج

الأستاذة ليان
23-06-2011, 12:34 AM
بنات الله يعافيكم أبي اسماء مدارس تحفيظ قرآن بشررررررررق الرياض

ويفضل الربوة - الريان - الفيحاء - السلام ..

عطر السندريلا
23-06-2011, 12:37 AM
تعلن مدارس العناية الاهلية بحي الملك فهد عن حاجة قسم الروضة والتمهيدي الى :
- مديرة ومساعدة
من السعوديات الاتي لديهن خبرة ويحملن بكالوريوس رياض اطفال
الرواتب مجزئة
ترسل السيرة الذتية على ورقة واحدة على الفاكس

دعواتكم

معي خبرة عطآلة
23-06-2011, 01:15 AM
مرحبآ بنات

انا ادرس بمدرسة اهلية يعطونا 1000 ريال والحصص 20 حصة
واحيانا والله يعطونا 300 ريال او 500 بسبب الاجازات ..
المهم ماعلينا

ابي اسأل فيه امل يطبقون قرار الملك او لا ؟ ابي اسمع اخبار تسر
سؤال ثاني وش يضر صاحب المدرسة لو اشترك بالموارد وافادنا بيضره شي مثلا ً؟

نهر الوفاء
23-06-2011, 02:23 AM
ليش ومشكلتك معهاهم وش مسوين معاك:mad:



وش المدارس الزينة الي تعاملها حلو مع المعلمات في شرق الرياض

موانا وبس اكثر من معلمة تركتهم طبعا الادارة كانت مرررررررة حلوة قبل لا تجي المديرة بس المديرةمسوية فيها الله لايوفقها والمشرفة التعليمية اسمها رازان هذي عقرب رمل كلامه حلو بس قمة الحقارة كنت انعامل معها بطيبة بس للأسف تندمت وفي الاخير انطردت من المدرسة بسببها
والمديرة طلبت من المعلمات الترم الثاني التحضير يدوي يعني ماتبي طباعة وعاد شوفي كم منهج عندك ؟ واغلب المدرسات بيتركون المدرسة من تعامل الادارة هذ عدى الدلع للبنات وعطينهم وجه

انا فطوم
23-06-2011, 03:55 AM
مرحبآ بنات

انا ادرس بمدرسة اهلية يعطونا 1000 ريال والحصص 20 حصة
واحيانا والله يعطونا 300 ريال او 500 بسبب الاجازات ..
المهم ماعلينا

ابي اسأل فيه امل يطبقون قرار الملك او لا ؟ ابي اسمع اخبار تسر
سؤال ثاني وش يضر صاحب المدرسة لو اشترك بالموارد وافادنا بيضره شي مثلا ً؟


حسبي الله على ابليس :court:ليش عاد 1000 ريال و 20 حصه
مرره قليل الراتب:cry:

والله حرام عليهم شنو اسم هالمدرسه:mish:

روح مطير
23-06-2011, 04:27 AM
بنات الله يعافيكم أبي اسماء مدارس تحفيظ قرآن بشررررررررق الرياض

ويفضل الربوة - الريان - الفيحاء - السلام ..


تفضلي أختي هذا رابط فيه اللي طلبتي :)
http://forum.**********.com/showthread.php?threadid=176036

روح مطير
23-06-2011, 04:33 AM
مرحبآ بنات

انا ادرس بمدرسة اهلية يعطونا 1000 ريال والحصص 20 حصة
واحيانا والله يعطونا 300 ريال او 500 بسبب الاجازات ..
المهم ماعلينا

ابي اسأل فيه امل يطبقون قرار الملك او لا ؟ ابي اسمع اخبار تسر
سؤال ثاني وش يضر صاحب المدرسة لو اشترك بالموارد وافادنا بيضره شي مثلا ً؟

حسبي الله ونعم الوكيل في جشع وظلم بعض المدارس الأهلية
الله يعوضك خير أختي وان شاء بعد الله ثم قرارات ابو متعب الغالي تتحسن الأوضاع

والله حسب علمي ان غااااالبية المدارس راح تطبق القرار والغالب ان المدارس الكبيرة
واللي يكون 90%من موظفينها سعوديين
وأكيد ان اشتراك المدرسة بالموارد له سلبيات وايجابيات تخص المدرسة
والعلم عند المدرسة نفسها هي اللي بتفيدنا عن سلبيات الاشتراك


موفقه يا غاليه :w

معي خبرة عطآلة
23-06-2011, 05:14 AM
حسبي الله على ابليس :court:ليش عاد 1000 ريال و 20 حصه
مرره قليل الراتب:cry:

والله حرام عليهم شنو اسم هالمدرسه:mish:

هلابك
انا ماني من الرياض
المدرسة بإحدى محافظات الرياض
ربي ييسرها علي وعليكم

روعة المجلاس
23-06-2011, 10:56 AM
مرحبا بنات:-)
كيفكم؟
حبيت اسألكم عن مدرسة الورود هل هي كويسه ومديرتها كويسه لأني طلبو مني شرح يوم السبت الله يجزاكم خير فيه احد قد شرح عندهم وش يطلبون اثناء الشرح لأني اول مره اشرح بمدرسه وتطول الوحده وهي تشرح ولا شوي بس محتاجه ردكم علي ضروري الله يجزاكم الجنه ...

راجيه الله
23-06-2011, 11:55 AM
بنات ابي اسالكم عن مدارس المملكه حقت الوليد

انا سمعت عنها شئ والله اعلم هل هو صحيح ان الوليد يوظف حسب الشكل

وانا الفصول فيها كاميرات وانه مطلوب يكون جسم الوحده حلو

علموني بليز وابي شى اكيد وحده ادخلت فيها

طيرة شلوى
23-06-2011, 05:01 PM
8
8
اوووما عااااد

بس مااتوقع هاذي اشاعات مدري وش تبي شافو المدرسه للوليد قالو بس مافيها كلام تصوير خخخخخ

/

الله يرزقنا

بنات يمديني اقدم ع مدارس هالأسبووع؟؟!

احب روحي
23-06-2011, 08:39 PM
ياحلوات مافي احد رد علي
هل الاداريات والمرشده الطلابية يشملهم قرار الملك
تكفون ابي اجابه

سندريلا الحلوة
23-06-2011, 11:49 PM
من قالك شبه الجزيرة حلوة الا مااقول غير حسبي الله عليهم ونعم الوكيل الله ينتقم من كل شريرة فيها

اولهم مديرتها والله كنت ناويه فيهم وزارة العمل بس صار عندي ظرف لكن باب الدعاء مفتوح لكل مظلوم

مناها الجنه
24-06-2011, 12:55 AM
ياحلوات مافي احد رد علي
هل الاداريات والمرشده الطلابية يشملهم قرار الملك
تكفون ابي اجابه

نعم اذا كانت بكالوريوس يشملها

حياتك ورد
24-06-2011, 01:11 AM
ياحلوات مافي احد رد علي
هل الاداريات والمرشده الطلابية يشملهم قرار الملك
تكفون ابي اجابه
لا مايشملهم يالغلا
الاداري دايما في المدارس الاهليه اقل في الراتب و القرار الاخير مايشملهم يالغلا فيه كثير اعرفهم طلبو يرجعون مدرسات عشان كذا

توتة احلى بنوته
24-06-2011, 01:43 AM
حرام عليهم ليش مايشمل الاداري كلهم يتعبون ويكرفون

روح مطير
24-06-2011, 04:27 AM
^
^

مابين طرفة عين وانتباهتها.. يبدل الله من حالٍ إلى حالِ (http://www.hikm4.com/vb/showthread.php?t=5556)

الله كريم بإذن الله على بداية السنة يشمل القرار الجميع بدون استثناء :)

سمسووومه
24-06-2011, 05:21 AM
من قالك شبه الجزيرة حلوة الا مااقول غير حسبي الله عليهم ونعم الوكيل الله ينتقم من كل شريرة فيها

اولهم مديرتها والله كنت ناويه فيهم وزارة العمل بس صار عندي ظرف لكن باب الدعاء مفتوح لكل مظلوم



ليه ياختي وش صار
وهل هالكلام قريب او قديم
كنتي تدرسين ابتدائي او متوسط؟؟؟؟ :y

سوالف حزن
24-06-2011, 10:55 AM
صصباح الخييرات بنات

عندي ششرح درس السبـت لمنهج الحاسب لمرحلة الابتدائية وبتحضر مشرفة الحاسب و المديرة
قالت لي حضري درس على ورق وعرض بوربوينت لدرس ابي افكار ابي اشوف ابداع ابي طاقة :do5h::d


بنات ساعدوني تراني مالي خبرة بالمدارس , وش يبون:cry:

يعني اول شي وش اقول لهم وش اسوي وش الي ماا اسويه , بجدد بديت اتووترر :(:(

وبالنسبة للدرس قلت يا اشرح واجهة برنامج الوورد ولا اشرح شريط التنسيق وخطوات تنسيق الخط ؟:(

بالبوربوينت احط صور متحركه واصوات , ولا اسووي الدرس مثل القصة بعدين اشرح الواجهة .:Looking:


ياليييت معلمات الحاسسب يساعدووني :m

مناها الجنه
24-06-2011, 12:07 PM
لا مايشملهم يالغلا
الاداري دايما في المدارس الاهليه اقل في الراتب و القرار الاخير مايشملهم يالغلا فيه كثير اعرفهم طلبو يرجعون مدرسات عشان كذا

من قالك ان راتب الادارية في الاهلي اقل انا اداريه و راتبي2865 مثل راتب المعلمه



بعدين انا مكلمه الموارد وقال يشملكم

طفل يتيم
24-06-2011, 04:28 PM
صصباح الخييرات بنات

عندي ششرح درس السبـت لمنهج الحاسب لمرحلة الابتدائية وبتحضر مشرفة الحاسب و المديرة
قالت لي حضري درس على ورق وعرض بوربوينت لدرس ابي افكار ابي اشوف ابداع ابي طاقة :do5h::d


بنات ساعدوني تراني مالي خبرة بالمدارس , وش يبون:cry:

يعني اول شي وش اقول لهم وش اسوي وش الي ماا اسويه , بجدد بديت اتووترر :(:(

وبالنسبة للدرس قلت يا اشرح واجهة برنامج الوورد ولا اشرح شريط التنسيق وخطوات تنسيق الخط ؟:(

بالبوربوينت احط صور متحركه واصوات , ولا اسووي الدرس مثل القصة بعدين اشرح الواجهة .:Looking:


ياليييت معلمات الحاسسب يساعدووني :m

انآ أقولك بحكم أني درست حاسب ستة شهور من مدرسة ما شاء الله قمة

حاولي أنك تدكرين كل شيء بالتفصيل
مثلاً أنتِ بتشرحين برنامج وود مثلاً

تكلمي عنه خطوة خطوة

أوضح أكثر

يعني : برنامج وود من البرامج المهمة في الحاسب << هذي مقدمة لازمـ تقولينها
بعدين أذكري مثلاً أو شيء قائمة ملف وش فيها حبة حبة


وتراه سهل ما يبيله شيء


والله يوفقكِ ~

اكتفيت
24-06-2011, 07:20 PM
السلام عليكم
بنات الله يعافيكم اذا تعرفون مدارس غرب الرياض محتاجين معلمات لغة انجليزية، ياليت تقولون لي..
أكون لكم من الشاكرين!

امل الراشد
24-06-2011, 08:42 PM
مساء الخير للجميع
اللي تعرف مدرسة جنوب الرياض او غربها محتاجة مدرسة علوم ياليت تبلغني
تخصص احياء

سوالف حزن
24-06-2011, 09:31 PM
انآ أقولك بحكم أني درست حاسب ستة شهور من مدرسة ما شاء الله قمة

حاولي أنك تدكرين كل شيء بالتفصيل
مثلاً أنتِ بتشرحين برنامج وود مثلاً

تكلمي عنه خطوة خطوة

أوضح أكثر

يعني : برنامج وود من البرامج المهمة في الحاسب << هذي مقدمة لازمـ تقولينها
بعدين أذكري مثلاً أو شيء قائمة ملف وش فيها حبة حبة


وتراه سهل ما يبيله شيء


والله يوفقكِ ~


الله يجزاك خييير

بس هل اعتمد على عرض بوربوينت ولا بس اكتفي بالتمهيد وخطوات فتح البرنامج عن طريق الداتا شو

نيتروجين
24-06-2011, 09:43 PM
احد يعرف مدرسة بشرق الرياض محتاجه علوم او كيمياء

الانسه العاطله
24-06-2011, 10:18 PM
مساء الخير
اخواتي محتاجه احمل كتاب علوم للمرحله المتوسطه الفصل الثاني ياليت اللي عندها رابط تعطينياه
موفقيييييين

طفل يتيم
24-06-2011, 10:19 PM
الله يجزاك خييير

بس هل اعتمد على عرض بوربوينت ولا بس اكتفي بالتمهيد وخطوات فتح البرنامج عن طريق الداتا شو

هي صرآحة المعلمة اللي كانت تدرسني تشرح ع البلاجكتر
وكان شرحها مرة حلووو

نيتروجين
24-06-2011, 10:23 PM
مساء الخير
اخواتي محتاجه احمل كتاب علوم للمرحله المتوسطه الفصل الثاني ياليت اللي عندها رابط تعطينياه
موفقيييييين
اي سنة تبغين؟

الانسه العاطله
24-06-2011, 11:42 PM
افضل ثاني متوسط بس اذا توفر غيره مافيه مشكله

نيتروجين
25-06-2011, 12:32 AM
افضل ثاني متوسط بس اذا توفر غيره مافيه مشكله
شوفي هذا الرابط اختاري منه .. لانو مالقيت العلوم غير ثاني متوسط وثالث متوسط الفصل الأول
بقسم البنين واتوقع منهج البنات نفس منج الأولاد
http://www.book.ed.edu.sa/girldefault.aspx
دعوآتكـ :w

مناها الجنه
25-06-2011, 02:30 AM
الله يعافيكم وين مكان مدارس الرواد اللي في الروابي


ومدارس الشااافعي

ضروري

روح مطير
25-06-2011, 04:10 AM
الله يعافيكم وين مكان مدارس الرواد اللي في الروابي


ومدارس الشااافعي

ضروري

مدارس الشافعي:
شارع حاتم الطائي, حي الروضة, الرياض
ص.ب : 104442, الرمز البريدي : 11626
هاتف: 01-2313044


كروكي موقع مدارس الرواد

http://store2.up-00.com/Jun11/Zc064286.jpg (http://www.up-00.com/)


ودعواااااتك :)

مناها الجنه
25-06-2011, 06:44 AM
مدارس الشافعي:
شارع حاتم الطائي, حي الروضة, الرياض
ص.ب : 104442, الرمز البريدي : 11626
هاتف: 01-2313044


كروكي موقع مدارس الرواد

http://store2.up-00.com/Jun11/Zc064286.jpg (http://www.up-00.com/)


ودعواااااتك :)

الله يوفقك دنيا واخرة

من تعرف مكان مدارس الزيادي النموذجية
ومدارس الوطن

روح مطير
25-06-2011, 10:49 AM
^
^
2411696 /2707051
السلي/حي السعاده


مدارس الوطن الإسلامي \ حي النسيم\ 2313218

خريجه تغذيه
25-06-2011, 12:26 PM
مرحبا بنات وين موقع مدارس الصرح

وجدان الامل
25-06-2011, 12:53 PM
مدارس الصرح في حي المروج

وجدان الامل
25-06-2011, 12:54 PM
مدارس الصرح في المرووج

حلا الكووون
25-06-2011, 01:09 PM
السلااام عليكم

انا خريجة اقتصاد منزلي وتقديري ممتاز
تكفووون اللي تصادف مدرسه محتاجه لهالتخصص او اي وظيفه
ترسل لي ع الخاااص معليش بس لاني انسى وين كتبت بالضبط
ولها دعوااات من كل قلبي~_~

روزلالا
25-06-2011, 05:55 PM
الله يوفق الجميع ..

أبوي الغالي
25-06-2011, 06:04 PM
الله يوفق الجميع

بطه شبابيه
25-06-2011, 06:48 PM
السلااام عليكم

انا خريجة اقتصاد منزلي وتقديري ممتاز
تكفووون اللي تصادف مدرسه محتاجه لهالتخصص او اي وظيفه
ترسل لي ع الخاااص معليش بس لاني انسى وين كتبت بالضبط
ولها دعوااات من كل قلبي~_~



بالتوفيق يآقلبي..
ان شآء الله البنآت مآيقصرون
وينزلون طلبآت المدآرس
ولو اني ألآحظ مآفيش أحد يبغى تخصصنآ

إباء
25-06-2011, 07:38 PM
بنات ياليت اللي تعرف مدرسة بشرق الرياض محتاجة معلمة حاسب ابتدائي او ادارية باي مرحلة تبلغني....الله يجزاكم خير.

راجيه خير
25-06-2011, 09:48 PM
بنات الله يرضى عليكم من تعرف رواتب مدرسه الشفاء الاهلية

والمنهاج الي بالشفاء

والتقوى؟؟؟؟؟؟؟؟؟؟؟؟

روزلالا
25-06-2011, 09:53 PM
كنت اتمنى اساعدك ما أدري ؟ لو عرفتي علمينا ؟ ولو في شواغر بالمنهاج احياء او علوم عطيني خبر واكون شاكرة لك ودي ادرس بالمنهاج

عاطله ونحمد الله
25-06-2011, 11:06 PM
بنات محتاجه منهج ثاني ثانوي علم نفس
ماعندي احد ادبي
هل فيه منتديات اقدر القاه فيها

نيتروجين
25-06-2011, 11:13 PM
بنات محتاجه منهج ثاني ثانوي علم نفس
ماعندي احد ادبي
هل فيه منتديات اقدر القاه فيها
تفضلي
http://www.book.ed.edu.sa/Girlpdflist.aspx?id=13&pgno=3
دعوآتكـ :w

عاطله ونحمد الله
25-06-2011, 11:16 PM
تفضلي
http://www.book.ed.edu.sa/Girlpdflist.aspx?id=13&pgno=3
دعوآتكـ :w


الله يوفقك وييسر امرك
مشكوره

نسائم الأمل
26-06-2011, 12:13 AM
من قالك ان راتب الادارية في الاهلي اقل انا اداريه و راتبي2865 مثل راتب المعلمه



بعدين انا مكلمه الموارد وقال يشملكم


اذا ماعليك أمر أختي ياليت تعطيني رقم الموارد

الانسه العاطله
26-06-2011, 12:55 AM
شوفي هذا الرابط اختاري منه .. لانو مالقيت العلوم غير ثاني متوسط وثالث متوسط الفصل الأول
بقسم البنين واتوقع منهج البنات نفس منج الأولاد
http://www.book.ed.edu.sa/girldefault.aspx
دعوآتكـ :w


مشكوره اختي ربي يوفقك ويرزقك بالوظيفه اللي تتمنينها

ابلة سندريلا
26-06-2011, 04:01 AM
السلام عليكم ورحمة الله وبركاته
إن شاء الله يكون الجميع بصحة وعافيه ، شوفوا أنا محتارة في موضوع ومالقيت غيركم يحل هذي المشكلة .
عندي كم سؤال عن مدارس الاحسان الي في الفيحاء مثل : هل هم على الموارد ، وكم رواتبهم عادة ، وكيف إدارتهم وهل هي ادارة واحدة ام كل قسم له إدارة وانا يهمني إدارة الابتدائي ، هل المدرسة توفر الوسائل للمعلمات ولا اشلون وكم يكون الخصم للمعلمة اذا بيدرس احد اطفالها في نفس المدرسة .
والف شكر للي بترد على اسألتي وشكر لجميع من يقرأ ولم يستطع الاجابة وانا اعرف بنات هذا المنتدى راعين فزعات ياحبي لكم

روح مطير
26-06-2011, 05:27 AM
شارع الفانوس, حي الفيحاء, الرياض
هاتف: 01-2415111


اللي قدرت اجمعه لك من ردود أخوات في منتديات ثانيه
ما مدحوا ادارة الثانوي
وبالنسبة لموضوع اشتراكها بالموارد كلميهم واسأليهم
اما بخصوص الخصم اللي أعرفه يكون فيه خصم للمعلمه بس كم مدري والله :)

اتمنى اني قدرت افيدك وبإذن الله الاخوات هنا ما يقصرون واياك

راحتي في طاعتي
26-06-2011, 11:34 AM
بنات الله يرضى عليكم من تعرف رواتب مدرسه الشفاء الاهلية

والمنهاج الي بالشفاء

والتقوى؟؟؟؟؟؟؟؟؟؟؟؟
لو تعرفين أرقامهم عطينياهم الله يرضى عليك

طموحي عال
26-06-2011, 11:40 AM
الله يكتب اللي فيه خيير للجمييع

روزلالا
26-06-2011, 11:44 AM
السلام عليكم ورحمة الله وبركاته
إن شاء الله يكون الجميع بصحة وعافيه ، شوفوا أنا محتارة في موضوع ومالقيت غيركم يحل هذي المشكلة .
عندي كم سؤال عن مدارس الاحسان الي في الفيحاء مثل : هل هم على الموارد ، وكم رواتبهم عادة ، وكيف إدارتهم وهل هي ادارة واحدة ام كل قسم له إدارة وانا يهمني إدارة الابتدائي ، هل المدرسة توفر الوسائل للمعلمات ولا اشلون وكم يكون الخصم للمعلمة اذا بيدرس احد اطفالها في نفس المدرسة .
والف شكر للي بترد على اسألتي وشكر لجميع من يقرأ ولم يستطع الاجابة وانا اعرف بنات هذا المنتدى راعين فزعات ياحبي لكم



كان ودي اساعدك بس لا املك اي معلومات ...

بالتوفيق لك يارب

راجيه خير
26-06-2011, 11:46 AM
لو تعرفين أرقامهم عطينياهم الله يرضى عليك

هلا اختي

هذا رقم المنهاج 4231560

وهذا رقم الشفاء الاهلية 4217177
4390000 التقوى
4215367 العلا


4244443روادروالتربية
4271186 القمم

4211612 قرطبة


هذي ارقام مدارس الشفاء والسويدي

دعواتكم اختي بان الله يرزقني الوظيفة المناسبة

همسة عابره
26-06-2011, 12:47 PM
بناااات

كان فيه اعلان قبل فتره عن مدارس المنار

ارسلت ع ايميلهم واليوم مرسلين لي جدول المقابلات وبكرا مقابلة الدين

بس الموقع مدري وين

كاتبين بملف وورد الموقع بس مافيه اي معلومات مدري ناسين والا وش قصتهم !!!

أحد يعرف موقعهم ؟

فاطمة البراهيم
26-06-2011, 01:14 PM
صباح / مساء الخير ....

اخواتي بنات الرياض اتمنى تقبلوني بينكم
انا من الشرقية بس الظروف في هالزمن صعبة فقلت يمكن احصل لي وظيفة حتى لو بمدرسة اهليه بالرياض
ياليت لو تساعدوني بس بارقام المدارس اللي ممكن يحتاجون مدرسات عربي وراتبهم 3500 ما يقل تعرفون سكن ومواصلات

والله يجزاكم خير الجزاء

ابلة سندريلا
26-06-2011, 01:37 PM
يابعد الدنيا انتي ياروح مطير وروزلالا على الردود والتفاعل وعارفة ان ودكم تساعدوني الله لايحرمني من الطيبين أمثالكم وأدري أن فيه كثير مرو بس ماعندهم جواب لازم الي بترد تكون اشتغلت في المدرسة .
السؤال : من وين أجيب وحدة كانت في الاحسان علشان ترد والله مشكلة ............

بنوته قمر
26-06-2011, 01:53 PM
بناااات

كان فيه اعلان قبل فتره عن مدارس المنار

ارسلت ع ايميلهم واليوم مرسلين لي جدول المقابلات وبكرا مقابلة الدين

بس الموقع مدري وين

كاتبين بملف وورد الموقع بس مافيه اي معلومات مدري ناسين والا وش قصتهم !!!

أحد يعرف موقعهم ؟
ياليت خيتو تعطيني ايميلها مشكوره

همسة عابره
26-06-2011, 04:15 PM
^

أبشري

هذا الايميل اللي أرسلت عليه

مخالف


وياليت أحد يفيدني بالموقع لأني بكرآ لازم أروح >_<

خريجه تغذيه
26-06-2011, 04:29 PM
انا رحت لهم وقدمت بس ايش سالفه جدول المقابلات

عاطله ونحمد الله
26-06-2011, 05:19 PM
بناااات

كان فيه اعلان قبل فتره عن مدارس المنار

ارسلت ع ايميلهم واليوم مرسلين لي جدول المقابلات وبكرا مقابلة الدين

بس الموقع مدري وين

كاتبين بملف وورد الموقع بس مافيه اي معلومات مدري ناسين والا وش قصتهم !!!

أحد يعرف موقعهم ؟


نفس الايميل وصلني
بس مافيه تخصصي
احد يعطيني رقمهم بشوف وش عندهم

احاسيس الغلا
26-06-2011, 05:50 PM
بناات الله يسعدكم
النظام رواتب الاهليه يتطبق على جميع المدارس
طيب المدارس ضعيفه كيف

صمتي غرام
26-06-2011, 06:07 PM
تتقفـــــــــــــــــــــــــــــــــــــــــــــل

احاسيس الغلا
26-06-2011, 06:10 PM
تتقفـــــــــــــــــــــــــــــــــــــــــــــل
تتقفل المدارس الضعيفه اكيد

مناها الجنه
26-06-2011, 06:19 PM
نفس الايميل وصلني
بس مافيه تخصصي
احد يعطيني رقمهم بشوف وش عندهم

الله يعافيك حطي الايميل اللي وصل هون عشان نعرف متى المقابله

احاسيس الغلا
26-06-2011, 06:30 PM
http://www.btalah.com/images/misc/quotes/quot-top-right-10.gifالسلام عليكم ورحمة الله وبركاته

بناااات احد يعرف مدارس التقوى الي بشاارع سلطانه وش رايكم فيها !

تكفووون احد يقولولي شي عنها http://www.btalah.com/images/misc/quotes/quot-bot-left.gifhttp://www.btalah.com/images/misc/quotes/quot-bot-right.gif
والله مانصصحك فيها ابد .. لا تعامل ولا اسلوب .. لا رواتب .. لابنات
سيئة جدا كنت فيها والحمدالله ربي اكرمني وطلعت ودائما معلماتها مايطولون
اكثر واحده تحصلينها موجوده عندهم سنتين فقط لان سلمك الله 23 و 24 حصه علـى 1700 ..

عندك رواد التربيه الاداره مو حلوه بس فيها رواتبها حلووه 2200
ومسجلين بالموارد
__________________





يعني مااااافيه امل يطبقوون قرار الزيااده

دلوعتك انا
26-06-2011, 10:35 PM
بناااات

كان فيه اعلان قبل فتره عن مدارس المنار

ارسلت ع ايميلهم واليوم مرسلين لي جدول المقابلات وبكرا مقابلة الدين

بس الموقع مدري وين

كاتبين بملف وورد الموقع بس مافيه اي معلومات مدري ناسين والا وش قصتهم !!!

أحد يعرف موقعهم ؟


طيب محتاجين عربي ؟؟؟

امي غلاها بدمي
26-06-2011, 10:59 PM
شـكرا لك وبارك الله فيك.

همسة عابره
26-06-2011, 11:32 PM
انا رحت لهم وقدمت بس ايش سالفه جدول المقابلات

طيب مادامك رحتي ممكن تفيديني بموقعهم لأني بكرا بروح ولا أدري وينهم

أما بالنسبه للمقابلات كانو حاطين جدول لكل تخصص يوم من الساعه 9 إلى 1 الظهر

همسة عابره
26-06-2011, 11:34 PM
طيب محتاجين عربي ؟؟؟

الإعلان أتوقع كان لكل التخصصات

بس فيه أقسام انتهت مقابلتهم وأقسام باقي

عاطله ونحمد الله
26-06-2011, 11:41 PM
بنات عندكم رقم مدارس المنار .؟؟
ارسلوا لي جدول المقابلات بس تخصصي مو موجود فيه

خريجه تغذيه
26-06-2011, 11:42 PM
والله مااذكر وين مكانها بالضبط بس اذكر انها ع شارع عام وان شاء الله احد يفيدك انا رحت بالصدفه حصلتها بس اتوقع انها قريبه من سوق الصين بس هيي جهه اليسار تكون

همسة عابره
26-06-2011, 11:48 PM
اوووووه سوق الصين

يعني مو في الشرق زي ماقريت في الإعلان !!

عمومآ يعطيك العافية بعيده مرره عني ماراح أروح لهم

عاطله ونحمد الله
27-06-2011, 12:04 AM
اوووووه سوق الصين

يعني مو في الشرق زي ماقريت في الإعلان !!

عمومآ يعطيك العافية بعيده مرره عني ماراح أروح لهم

همووسه طيب اوصفي لي مكانها الله يخليك على اي شارع واي شي معروف قريب منها بس يكون سوق سعودي ههههههههه لاني مااعرف سوق الصين هذا

نيتروجين
27-06-2011, 12:40 AM
همووسه طيب اوصفي لي مكانها الله يخليك على اي شارع واي شي معروف قريب منها بس يكون سوق سعودي ههههههههه لاني مااعرف سوق الصين هذا
سوق الصين هو لي مول مخرج 5
بس نبي الوصف الدقيق ياليت اللي تعرف تقولنا

عاطله ونحمد الله
27-06-2011, 12:44 AM
طيب بنات مين تعرف موقع مدارس الحرمين اللي في المربع ؟؟؟

روح مطير
27-06-2011, 01:31 AM
^
^
مدارس الحرمين الأهلية للبنات - حي المربع -شارع الملك فيصل
العنوان: الادارة العامة 4028000
http://www.alharamainschools.com (http://www.alharamainschools.com)
الهاتف: 4065100

مدام نوفا
27-06-2011, 01:40 AM
مدارس المنار وينها وكيف ادارتها وكم رواتبها ؟
ومتى مقابلات تخصص رياض أطفال ؟

بنات الي يسألون عن ابن خلدون رحت لهم وقالولي قدمي بالنت ارسلي السي في ع هالاييميل
job1@ikcedu.com
والايميل كان مكتوب في ورقه صغيره يعطونها كلمن يقدم عندهم ومكتوب تحت ارسال السيفي بصيغه واضحه في ملف وورد عبارة عن صفحه واحده

بنات وش تعرفون عن مدارس عهد ؟

همسة عابره
27-06-2011, 02:20 AM
عاطله زي ماقالت نيتروجين

انا بس تذكرت سوق الصين عرفت انه بعيد لكن بالضبط مااعرف والله أوصف >_<

ان شاء الله أحد يفيدك

سفاحه
27-06-2011, 04:11 AM
بنات الله يخلييكم اللي تعرف مدرسه محتاجه تربيه فنيه تبلغني
الله يجزاها خير

مشااعر
27-06-2011, 04:41 AM
http://alfrasha.maktoob.com/alfrasha60/thread1611850-3/

اللي تبي وظيفة رياض أطفال

روح مطير
27-06-2011, 04:53 AM
بنات الي يسألون عن ابن خلدون رحت لهم وقالولي قدمي بالنت ارسلي السي في ع هالاييميل
job1@ikcedu.com
والايميل كان مكتوب في ورقه صغيره يعطونها كلمن يقدم عندهم ومكتوب تحت ارسال السيفي بصيغه واضحه في ملف وورد عبارة عن صفحه واحده



جزاك الله خير الدنيا والآخرة
بس لو تكرمتي ممكن عنوان المدرسة:w

روح مطير
27-06-2011, 05:15 AM
مدارس المنار وينها وكيف ادارتها وكم رواتبها ؟
ومتى مقابلات تخصص رياض أطفال ؟



بنات وش تعرفون عن مدارس عهد ؟

مدارس المنار
حي المصيف
الهاتف:
4701116

مدارس عهد:
حي التعاون-شمال الرياض
رقمهم:4566920-4546224

آحلآم آنثى
27-06-2011, 06:48 AM
مدارس المنار وينها وكيف ادارتها وكم رواتبها ؟
ومتى مقابلات تخصص رياض أطفال ؟

بنات الي يسألون عن ابن خلدون رحت لهم وقالولي قدمي بالنت ارسلي السي في ع هالاييميل
job1@ikcedu.com
والايميل كان مكتوب في ورقه صغيره يعطونها كلمن يقدم عندهم ومكتوب تحت ارسال السيفي بصيغه واضحه في ملف وورد عبارة عن صفحه واحده

بنات وش تعرفون عن مدارس عهد ؟


آختي الله يعطيك العافيه ياليت تفيديني وين موقها يعني شرق الرياض او غرب او شمال ..

آحلآم آنثى
27-06-2011, 06:55 AM
بنات ياليت اللي تعرف مدرسة بشرق الرياض محتاجة معلمة حاسب ابتدائي او ادارية باي مرحلة تبلغني....الله يجزاكم خير.


آختي هذي ارقام مدارس بشرق الرياض دقي واستفسري ..

موفقه يارب .. :h




مدارس البيان الأهلية \ حي الربوة \ 4933420

مدارس التربية النموذجية \ حي الريان \ 4450555

مدارس الحضارة الأهلية \ حي الروابي \ 4924555

مدارس الأوائل الأهلية \ حي الربوة \ 4458844

مدارس الأثير الأهليه \ حي السلام \ 2348788

مدارس بدر الأهلية \ حي الروابي \ 4964000

مدارس الشفاء الأهلية \ حي الريان \ 2251460

مدارس الصفاء الأهلية \ حي الربوة \ 4913598

مدارس السنابل الأهلية \ حي النسيم \ 2328526

مدارس الأفق الأهلية \ حس القدس\ 2494454

مدارس دار المعرفة \ حي النسيم \ 2341100

مدارس الزيادي النموذجية \ حي السعادة \ 2707051

مدارس روابي الأندلس الأهلية \ حي المنار \ 4933147

مدارس دار الخنساء \ حي الفيحاء \ 2422453

مدارس مناهل نجد الأهلية \ حي الروضة \ 2268717

مدارس السعد الأهلية \ حي الخليج \ 2273960

مدارس الهداية الأهلية \ حي الروضة \ هاتف: 01 4968781 - فاكس: 01 4920729

مدارس الوسط الأهلية \ حي السلام \ هاتف: 01 2308982 - فاكس: 01 2305944

مدرسة الجزيرة الأهلية \ حي الربوة \ 4777123 4770511

مدارس الإحسان الأهلية \ حي الفيحاء \ 2415273

مدارس جرير الأهلية \ حي الاندلس \ 2781076

مدارس الزهراء الأهلية \ حي الروضة \ 2301294

مدارس الشرق الأوسط الأهلية \ حي الروابي \ 2251680

مدارس الفلاح الأهلية \ حي الملك فيصل \ 2267257

مدارس الشمس الأهلية \ حي الاندلس\ 2332883

مدارس البيارق الأهلية \ حي الروابي \ 4963002-4963318

المدارس السعودية الأهلية \ حي المنار \ 2376910

المدارس الرائدة الأهلية \ حي المنار \ 4611044

مدارس الفجر الاهلية \ حي الخليج\ 2273600

مدارس التعاون الأهلية \ حي الروضة \ 2604350

مدارس الحصاد الأهلية \ الملز الربوة \ 4740500

مدارس اليرموك الأهلية \ حي النهضة \ 2265015

مدارس الديوان الأهلية \ حي الروضة\ 2490810

مدارس الامجاد الأهلية \ حي القدس \ 2771394

مدارس الامام الشافعي\ حي الروضة \ 4969202

مدارس الأرقم ( تحفيظ ) \ حي القدس \ 0554128774

مدارس الأجيال\ حي الروضة \ 2328362

مدارس رياض نجد الأهلية \ حي الحمراء \ 2491616

مدارس رياض الربى \ حي الربوة \ 4923264

مدارس الجيال الأهلية \ حي الروضة \ 2323538

مدارس الوائل الأهلية حي الربوة 4455209

مدارس النبراس الأهلية\ حي القدس \ 2486256

مدارس الوطن الإسلامي \ حي النسيم\ 2313218

مدارس حجر اليمامة الأهلية \ حي الروضة\ 2483546

مدارس الريان ( تحفيظ ) \ حي الريان \ 4930100

مدارس المداد الأهلية \ حي الربوة\ 4934202

مدارس جيل الإبداع \ حي الربوة \ 4921095

روح مطير
27-06-2011, 08:12 AM
مرحبا بنات..
اليوم كلمت مدارس الاحسان-حي الفيحاء-شرق الرياض
وقالت محتاجين ..(معلمات صف أول -لغة عربية-علوم-رياضيات)
وهذا رقمهم:2415273

ما ابي الا دعواااتكم :)

همس الطفولة
27-06-2011, 08:30 AM
حبايبي قلبي
أحد يعرف مدارس علوم الرياض
إللي بحي الخليج

نيتروجين
27-06-2011, 01:29 PM
مرحبا بنات..
اليوم كلمت مدارس الاحسان-حي الفيحاء-شرق الرياض
وقالت محتاجين ..(معلمات صف أول -لغة عربية-علوم-رياضيات)
وهذا رقمهم:2415273

ما ابي الا دعواااتكم :)

الله يوفقك ويرزقك من واسع فضله

إباء
27-06-2011, 02:35 PM
آختي هذي ارقام مدارس بشرق الرياض دقي واستفسري ..

موفقه يارب .. :h



مشكورة عزيزتي:w

سوسو عبدالله
27-06-2011, 05:02 PM
الله يعافيكم اذا تعرفون مدارس محتاجه معلمات انجلش بلغوني

الله يفرج علينا وعليكم


مدارس العليا كنسلت عقدي مااقول الا حسبي الله ونعم الوكيل

مناها الجنه
27-06-2011, 06:11 PM
ياقلبي انت

مدرسة روابي الاندلس قسم الثانوي محتاجين انقلش
روحي لانهم هذا الاسبوع ضروري
حي المنار خلف مستوصف اليمامه

جويلز
27-06-2011, 09:33 PM
السلام عليكم

بنات ياحلوات

اليوم رحت لمدارس الحرمين الأهلية اللي بشارع الملك فيصل

وقالوا لي إنهم يحتاجون معلمة عربي .. اللي بتروح لازم تحضر درس عشان تشرح عندهم

بس والله ما أدري كم وحدة يحتاجون ولأي مرحلة ..

استقبالهم حلو ومحترمات جدا

الله يوفق الجميع .. ادعوا لي ولأختي اللي يجزاكم الجنة
..

عاطله ونحمد الله
27-06-2011, 09:37 PM
السلام عليكم

بنات ياحلوات

اليوم رحت لمدارس الحرمين الأهلية اللي بشارع الملك فيصل

وقالوا لي إنهم يحتاجون معلمة عربي .. اللي بتروح لازم تحضر درس عشان تشرح عندهم

بس والله ما أدري كم وحدة يحتاجون ولأي مرحلة ..

استقبالهم حلو ومحترمات جدا

الله يوفق الجميع .. ادعوا لي ولأختي اللي يجزاكم الجنة
..



المشكله انهم مصممين ياخذون الشهاده الاصليه مدري وش الحكمه
بكره يعلونا على مايرجعونها

جويلز
27-06-2011, 09:40 PM
الله يعافيكم اذا تعرفون مدارس محتاجه معلمات انجلش بلغوني

الله يفرج علينا وعليكم


مدارس العليا كنسلت عقدي مااقول الا حسبي الله ونعم الوكيل


سوسو ياقلبي عندي خبر من كم يوم إن مدارس النجباء قسم رياض الأطفال بحاجة

إلى معلمة إنجليزي ..


إذا تبين الوصف :

اتركي جامعة الملك سعود اللي بعليشة على يسارك وكلية العلوم الطبية على يمينك بتكونين في شارع الأمير سطام بن عبدالعزيز

وامشي سيده بتجيك مدارس العروبة الأهلية على اليمين قدمي عليهم تراهم جادين

إذا احتاجوا اتصلوا .. ثم امشي سيدة وتعدي الإشارة وامشي سيده برضو
ولفي يسار مع أول حارة يسار ثم بتجيك مدارس النجباء على يسارك ..

قولي أبي أقدم على رياض الأطفال ..

..

جويلز
27-06-2011, 09:42 PM
المشكله انهم مصممين ياخذون الشهاده الاصليه مدري وش الحكمه
بكره يعلونا على مايرجعونها

عاطلة عيني طبيعي يطلبون الأصل .. أي وظيفة تقدمين عليها يطلبون الأصل ..

توكلي على الله وقدمي


..

سوسو عبدالله
27-06-2011, 09:57 PM
سوسو ياقلبي عندي خبر من كم يوم إن مدارس النجباء قسم رياض الأطفال بحاجة

إلى معلمة إنجليزي ..


إذا تبين الوصف :

اتركي جامعة الملك سعود اللي بعليشة على يسارك وكلية العلوم الطبية على يمينك بتكونين في شارع الأمير سطام بن عبدالعزيز

وامشي سيده بتجيك مدارس العروبة الأهلية على اليمين قدمي عليهم تراهم جادين

إذا احتاجوا اتصلوا .. ثم امشي سيدة وتعدي الإشارة وامشي سيده برضو
ولفي يسار مع أول حارة يسار ثم بتجيك مدارس النجباء على يسارك ..

قولي أبي أقدم على رياض الأطفال ..

الله يسلمك ماتقصرين انا كنت ادرس في عليشة واعرف العروبة
شكرا والله يسهل لك كل عسر

سوسو عبدالله
27-06-2011, 09:59 PM
ياقلبي انت

مدرسة روابي الاندلس قسم الثانوي محتاجين انقلش
روحي لانهم هذا الاسبوع ضروري
حي المنار خلف مستوصف اليمامه

الله ييسر امورك حبيبتي ماقصرتي

عاطلة فريش
27-06-2011, 11:28 PM
السلام عليكم ورحمة الله وبركاته......فيه احد يعرف مكان مدرسة الفلاح....اتصل عليهم وما احد يرد...والله يوفقنا جميعا....شـكرا لكم....

روح مطير
28-06-2011, 12:28 AM
^
^

شارع عبد الرحمن الناصر, حي الخليج, الرياض
ص.ب : 106607, الرمز البريدي : 11676
هاتف: 01-2267701فاكس: 01-2267404
الهاتف: 2266750

حاولي تكلمينهم بعد الساعه 8الصباح
انا اتذكر اني رحت لهم مره قريب لنا
بسأل لك وأكتب لك الوصف هنا ان شاء الله
موفقه يا حلوه :)

آحلآم آنثى
28-06-2011, 12:36 AM
عسولات من شويات جاني المسج هذآ


السلام عليكم ورحمة الله وبركاته
يسر مدارس المنر الاهليه النظر في طلبك والاعلان عن بدء اجراء المقابله الشخصيه هام جدا
مع العلم بان يلزم كل معلمه قبل حضورها للمقابله الشخصيه تحضير درس في تخصصها من احد مناهج المرحله المتوسطه وتجهيز جميع الادوات التي يتطلبها الدرس مع ارفاق السيره الذاتيه للمعلمه يوم الاربعاء 27/7/1432 هـ



(( مشكلتي ضيعت من كثر ما اقدم على المدارس من اللي تعرف المدرسه هذي

تعلمني عن موقعها الله يسعدكم ))

روح مطير
28-06-2011, 12:39 AM
^
^
الله يوفقك ويرزقك من أوسع ابوابه
ما عندي أي فكرة بخصوص المسج:)
ان شاء الله الاخوات يفيدونك

جويلز
28-06-2011, 12:46 AM
حبيبتي بحثت لك ووجدت أن مدارس المنار في حي المصيف مخرج 6

أعتقد انها على الدائري الشمالي

وهذا رقمهم 4701791

أتمنى أكون أفدتك ..

..

آحلآم آنثى
28-06-2011, 12:48 AM
^
^
الله يوفقك ويرزقك من أوسع ابوابه
ما عندي أي فكرة بخصوص المسج:)
ان شاء الله الاخوات يفيدونك



بعد قلبي انت والله تسلمين .. وياااك يااارب .. :h

آحلآم آنثى
28-06-2011, 12:52 AM
حبيبتي بحثت لك ووجدت أن مدارس المنار في حي المصيف مخرج 6

أعتقد انها على الدائري الشمالي

وهذا رقمهم 4701791

أتمنى أكون أفدتك ..

..




تسلمين لي يابعدي ربي يوفقك ويسعدك وييسر امورك دنيآ واخره يارب ... :h

عاطله ونحمد الله
28-06-2011, 01:05 AM
عاطلة عيني طبيعي يطلبون الأصل .. أي وظيفة تقدمين عليها يطلبون الأصل ..


توكلي على الله وقدمي


..


هم يبون يتركون الاصل عندهم فهمتي علي
دايم اقدم بالصور واذا مره مشددين يطابقون الصوره بالاصل ويرجعونها
بس هي تقول بتترك الاصل عندها فرضا طلع اسمي بجداره والمدارس بتقفل < مره متفائله :d

جويلز
28-06-2011, 01:12 AM
هم يبون يتركون الاصل عندهم فهمتي علي
دايم اقدم بالصور واذا مره مشددين يطابقون الصوره بالاصل ويرجعونها
بس هي تقول بتترك الاصل عندها فرضا طلع اسمي بجداره والمدارس بتقفل < مره متفائله :d

فاهمة عليك :k

انا سبق ودرست بمدرسة 4 أشهر وأخذوا مني الأصل

وأول ماقدمت استقالتي رجعوها لي بنفس اليوم ..



..

جويلز
28-06-2011, 01:13 AM
ههههههههههههههه

جدارة ما أعتقد بيطلع أسماء قبل العيد

راجيه خير
28-06-2011, 01:15 AM
بنات طلوا على هالموضوع

http://www.btalah.com/showthread.php?p=4775502#post4775502

راجيه خير
28-06-2011, 01:17 AM
هم يبون يتركون الاصل عندهم فهمتي علي
دايم اقدم بالصور واذا مره مشددين يطابقون الصوره بالاصل ويرجعونها
بس هي تقول بتترك الاصل عندها فرضا طلع اسمي بجداره والمدارس بتقفل < مره متفائله :d

حبيبتي لازم ياخذوا الاصل علشان يضمنونك

او بعض المدارس يحجزون اول راتب

بس بالاغلب ياخذون الاصل

جويلز
28-06-2011, 01:25 AM
قلبي عاطلة .. ما أقدر أرد خاص بسبب عدد مشاركاتي ..

انا كنت في دار السلام اللي في الرحمانية ..



..

روح مطير
28-06-2011, 02:16 AM
http://im4.gulfup.com/2011-06-28/1309216317287.jpg (http://www.gulfup.com/)

دعواااتكم يا حلوين :)