المساعد الشخصي الرقمي

مشاهدة النسخة كاملة : مناقشة وظائف المدارس الاهلية في الرياض للبنات فقط


الصفحات : 1 2 3 4 5 6 7 8 9 10 11 12 13 [14] 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

شموخ الدعوة
15-08-2011, 03:26 PM
^
^
اللي أعرفه يا قلبي..بدل مواصلات يعني يعطونك قيمة المواصلات
مثلا تعطين السواق اللي يوديك ويجيبك من البيت للمدرسة هذي ال600:)

الله يكتب أجرك ويرزقك من حيث لا تتحتسبي ياحق

.................

على فكرة توقيعك رااائع ويارب تحقق لك أمنياتك

اللهم آمين وإياك غناتي .. الروعه وجودك وطلتك الحلوه

لاحرمتها ياحق :h:w:h

دمعة غلا
15-08-2011, 04:48 PM
http://www.btalah.com/Rmdan.Ma/misc/quotes/quot-top-left.gif (http://www.btalah.com/Rmdan.Ma/misc/quotes/quot-top-left.gif)اقتباسhttp://www.btalah.com/Rmdan.Ma/misc/quotes/quot-top-right.gif (http://www.btalah.com/Rmdan.Ma/misc/quotes/quot-top-right.gif)http://www.btalah.com/Rmdan.Ma/misc/quotes/quot-by-left.gif (http://www.btalah.com/Rmdan.Ma/misc/quotes/quot-by-left.gif) http://www.btalah.com/Rmdan.Ma/misc/quotes/viw.gif (http://www.btalah.com/showthread.php?p=5052507#post5052507) المشاركة الأصلية كتبت بواسطة لاتنس الذكرhttp://www.btalah.com/Rmdan.Ma/misc/quotes/quot-by-right.gif (http://www.btalah.com/Rmdan.Ma/misc/quotes/quot-by-right.gif)http://www.btalah.com/Rmdan.Ma/misc/quotes/quot-top-right-10.gif (http://www.btalah.com/Rmdan.Ma/misc/quotes/quot-top-right-10.gif)سؤؤؤؤؤؤؤؤؤؤؤؤؤؤؤؤؤؤؤال عالطايررررر

الحين وش الفايده اذا كانت المدرسه داخله بالموارد؟
وش الحاجه الايجابيه في ذلك ؟

ردووووو بليييييييييييييييييييييييييييييييييييييييز http://www.btalah.com/Rmdan.Ma/misc/quotes/quot-bot-left.gif (http://www.btalah.com/Rmdan.Ma/misc/quotes/quot-bot-left.gif)http://www.btalah.com/Rmdan.Ma/misc/quotes/quot-bot-right.gif (http://www.btalah.com/Rmdan.Ma/misc/quotes/quot-bot-right.gif)


بيكون شامله نظام الملك نص الراتب تدفعه الحكومه 2500 من المدرسه 2500 من الحكومه 600 بدل مواصلات


وبيكون الراتب يشي في العطلة اذا كانت المدرسة داخلة موارد

مع اني اعرف مدرسة فيها بحدود 25 معلمة ومادخلوا موارد الا10 واقل بعد
مدري ليش سبحان الله

دمعة غلا
15-08-2011, 04:53 PM
وش قصدك بدل مواصلات ._ وتأمين : )


اسمع يقولونها بس مدري وش قصدهم

ممكن توضحون لي





بدل مواصلات مثل ماقالت لك روح مطير الله يسعدها

وتأمين هذا يقصدون فيه ياخذون من راتبك مبلغ وقدره 165 بهالحدود ويعطونها التأمينات الاجتماعية تبع الدولة وتحفظها لك طول فترة خدمتك ومتى مابغيتيها تاخذينها عادي
هذا ع حد علمي والله اعلم


دعواتك

صار خصمي
15-08-2011, 04:54 PM
روح مطير يعنى ماتعرفين هالشركات نصب في نصب ال 200 هن اولى فيها واذا على الوظائف ترى يابنات يجيبون لكم في اهليه او موظفة استقبال في مراكز اهلية يعنى وفروا فلوسكم وانتم ارسلوا محد يعرف مصلحتكم كثركم وانتى ياروح مطير يختى مو تشكيك فيك بس ترى تورطين البنات بمثل هالشركات الغير مرخصة يمكن انتى مندوبة لهم او شئ او مصدقتهم بس ترى مايجيبون غير الغث فحبيت انصحكم يابنات اختى راح عليها حول ال2000 وماجابوا لها شئ

دمعة غلا
15-08-2011, 04:57 PM
بسم الله الرحمن الرحيم


انا خريجة بكالوريوس ملابس ونسيج


بشرق الرياض ياليت تساعدوني اذا فيه مدارس محتاجة


معلمة تفصيل وخيااطة :m



ربي يسعدكم ويوفقكم :w



مثل ماقالت لك روح مطير .. روحي قدمي ع كل المدارس وماتدرين متى يدقون عليك يمكن بنص الترم
متى ماسحب عليهم احد او احتاجوا دقوا عليك
مشكلة تخصصك كل مدرسة ماتحتاج الا وحدة او ثنتين بالكثير

الله يوفقك وييسر لك
شوفي قدمي ع عباللطيف جميل لخدمة المجتمع .. خذي رقمهم من النت وهو يبحثون لك وظيفة بمدارس وشركات وجمعيات وكل شئ
وشوفي بعد جمعية النهضة النسائية بالنسيم
وانتي بعد قدمتي بالنت ع مدارس
وروح بعد العيد وحطي بيناتك في كل مكان ولاتقعديييييييين ولاتياسين ابد ابد
والله يوفقك



لاتنسيني من دعواتك

ريم سعد
15-08-2011, 05:13 PM
بنات بسألكم كيف المدرسه داخله بالموارد ؟ وش الميزة يعني ؟

دمعة غلا
16-08-2011, 12:49 AM
بنات بسألكم كيف المدرسه داخله بالموارد ؟ وش الميزة يعني ؟



ريم سعد
سبق وجاوبت ع نفس السؤال بالصفحة اللي قبل
ولعيونك بعيد الجواب

المدرسة اللي داخلة موارد تعطي راتب في الاجازة لان الموارد البشرية تعطيهم نصف الراتب اللي بيعطونك اياها المدرسة
اتمنى وصلت الفكرة


دعوااااااااااااااااااااتك

روح مطير
16-08-2011, 02:31 AM
روح مطير يعنى ماتعرفين هالشركات نصب في نصب ال 200 هن اولى فيها واذا على الوظائف ترى يابنات يجيبون لكم في اهليه او موظفة استقبال في مراكز اهلية يعنى وفروا فلوسكم وانتم ارسلوا محد يعرف مصلحتكم كثركم وانتى ياروح مطير يختى مو تشكيك فيك بس ترى تورطين البنات بمثل هالشركات الغير مرخصة يمكن انتى مندوبة لهم او شئ او مصدقتهم بس ترى مايجيبون غير الغث فحبيت انصحكم يابنات اختى راح عليها حول ال2000 وماجابوا لها شئ

هلا أختي..

مندوبة لهم:do5h: الله يسامحك

يا غالية..أنا مستحيل أتكلم وأنصح غيري بالكذب..(وانا اختك ورانا قبر وحساب)
وبالنسبة لكفاءات المستقبل بالذات..أنا تكلمت عن تجربتي..وعن مقابلتي وحتى ان كثير من الغاليات حبوا يستفسرون مني عن طبيعة الأسئلة
ولو شفتي رد لي عن قيادات الوطن..كان عرفتي نيتي صح

عالعموم..كفاءات عطتنا سند قبض بالمبلغ ونروح نسترجعه بأي وقت..
وربي يعوض أختك بالوظيفة

............................

هاجس افكاري
16-08-2011, 03:16 AM
http://www.btalah.com/Rmdan.Ma/misc/quotes/quot-top-left.gif (http://www.btalah.com/Rmdan.Ma/misc/quotes/quot-top-left.gif)اقتباسhttp://www.btalah.com/Rmdan.Ma/misc/quotes/quot-top-right.gif (http://www.btalah.com/Rmdan.Ma/misc/quotes/quot-top-right.gif)http://www.btalah.com/Rmdan.Ma/misc/quotes/quot-by-left.gif (http://www.btalah.com/Rmdan.Ma/misc/quotes/quot-by-left.gif) http://www.btalah.com/Rmdan.Ma/misc/quotes/viw.gif (http://www.btalah.com/showthread.php?p=5052507#post5052507) المشاركة الأصلية كتبت بواسطة لاتنس الذكرhttp://www.btalah.com/Rmdan.Ma/misc/quotes/quot-by-right.gif (http://www.btalah.com/Rmdan.Ma/misc/quotes/quot-by-right.gif)http://www.btalah.com/Rmdan.Ma/misc/quotes/quot-top-right-10.gif (http://www.btalah.com/Rmdan.Ma/misc/quotes/quot-top-right-10.gif)سؤؤؤؤؤؤؤؤؤؤؤؤؤؤؤؤؤؤؤال عالطايررررر


الحين وش الفايده اذا كانت المدرسه داخله بالموارد؟
وش الحاجه الايجابيه في ذلك ؟

ردووووو بليييييييييييييييييييييييييييييييييييييييز http://www.btalah.com/Rmdan.Ma/misc/quotes/quot-bot-left.gif (http://www.btalah.com/Rmdan.Ma/misc/quotes/quot-bot-left.gif)http://www.btalah.com/Rmdan.Ma/misc/quotes/quot-bot-right.gif (http://www.btalah.com/Rmdan.Ma/misc/quotes/quot-bot-right.gif)





وبيكون الراتب يشي في العطلة اذا كانت المدرسة داخلة موارد

مع اني اعرف مدرسة فيها بحدود 25 معلمة ومادخلوا موارد الا10 واقل بعد
مدري ليش سبحان الله

دمعه تصدقين كنت بمدرسه المديرة مادخلت الا اربعه الموارد من معلمات وكان مدرسه فيها 30 معلمه تقول ماتدخلك الابعد سنه وتجلسين طول السنه تنظرين السنه الجديده واخر السنه تنهي العقود الكل ... لانه ملزمه لم تكتب عقد الموارد السنه الجديده تكتب عقد سنتين معك وهي ماتبي تلزم بطاقم تبي تجدد يعني شفتي كيف الظلم داخله بالموارد المدرسه وتماطل ولاكانه حق من حقوقنا الله يسهلهآ علينا ويتوظف كل بنات المنتدى

صريحة
16-08-2011, 03:40 AM
بنات ابشرررو بالخير ان شالله خلال هالست اشهر راح تنزل 600 الف وظيفه تعليميه امس الخبر مكتوب بصحيف سبق الالكترونيه

يعني بأذن الله الكل راح يتوظف ....والله يوفقنا وأياكم ....

روح مطير
16-08-2011, 04:35 AM
^
^

بإذن الله ربي يرزقنا حلاله عن حرامه

الله يرزقك يا غالية على نيتك الطيبة:)

دمعة غلا
16-08-2011, 01:49 PM
روح مطير يعنى ماتعرفين هالشركات نصب في نصب ال 200 هن اولى فيها واذا على الوظائف ترى يابنات يجيبون لكم في اهليه او موظفة استقبال في مراكز اهلية يعنى وفروا فلوسكم وانتم ارسلوا محد يعرف مصلحتكم كثركم وانتى ياروح مطير يختى مو تشكيك فيك بس ترى تورطين البنات بمثل هالشركات الغير مرخصة يمكن انتى مندوبة لهم او شئ او مصدقتهم بس ترى مايجيبون غير الغث فحبيت انصحكم يابنات اختى راح عليها حول ال2000 وماجابوا لها شئ



لا ياعيوني
ياحياتي ع روح مطير والله انها على نياتها وتستاهل كل خير ومصدقتهم وهي لامندوبة لهم ولاشئ
هي تدور ع وظيفة حالها حالنا
ومو كل هالشركات نصب في نصب انا شفت وحدة توظفت عن طريقهم
لكن
اذا فيه احد شخصيا جربهم خليهم يقولون لنا وش اسمم الشركات هذي
لانها كثييييييييييييييرة مرة ومانبي نظلمها كلها
والله يعافيك اكتبي لنا اسم الشركات اللي اختك راحت لهم ونصبوا عليها عشان نحذر منها

ومشكورة وماقصرتي عالنصيحة..

دمعة غلا
16-08-2011, 01:53 PM
دمعه تصدقين كنت بمدرسه المديرة مادخلت الا اربعه الموارد من معلمات وكان مدرسه فيها 30 معلمه تقول ماتدخلك الابعد سنه وتجلسين طول السنه تنظرين السنه الجديده واخر السنه تنهي العقود الكل ... لانه ملزمه لم تكتب عقد الموارد السنه الجديده تكتب عقد سنتين معك وهي ماتبي تلزم بطاقم تبي تجدد يعني شفتي كيف الظلم داخله بالموارد المدرسه وتماطل ولاكانه حق من حقوقنا الله يسهلهآ علينا ويتوظف كل بنات المنتدى


حسبنا الله عليهم
الله لايربحهم ولايوفقهم
وش هالظلم
الله ينهيهم يارب ويستبدلهم بحكوميات ان شاء الله .. مافيه شئ عالرحمن مستحيل ..
يااااااااااااااارب انك ترزقني وترزق بنات المنتدى كلهم وشبابهم بحكومية عاجلا غير اجل ياااااااااارب

دمعة غلا
16-08-2011, 01:59 PM
بنات ابشرررو بالخير ان شالله خلال هالست اشهر راح تنزل 600 الف وظيفه تعليميه امس الخبر مكتوب بصحيف سبق الالكترونيه

يعني بأذن الله الكل راح يتوظف ....والله يوفقنا وأياكم ....



يااااااااااااااااااااااااااااااااااااااااارب انا من يوم شفت الخبر بالجريدة امس تفائلت خير
وان شاء الله كلنا راح نتوظف وننسى هالاهلية الله اخذهم<< شايلة عليهم من قلب من كثر اللي اسمعه واشوفه
لاحول ولاقوة الا بالله
قال الترمذي ( من قال لاحل ولاقوة الا بالله كانت له دواء من 99 داء ايسرها الهم )
وقال أيضا : ( من قال لاحول ولاقوة الا بالله ولامنجى من الله الا إليه كشف الله عنه سبعين بابا) من الضر أدناهن الفقر )

دمعة غلا
16-08-2011, 06:37 PM
هذا الأسبوع .. تبدأ إجراءات شغل 52 ألف وظيفة تعليمية و إدارية للرجال والنساء بوزارة التربية والتعليم
صورة الصفحة


محتوى الصفحة

تبدأ وزارة الخدمة المدنية هذا الأسبوع بالبدء في خطوات ترشيح المواطنين المعدين للتدريس إنفاذاً لما جاء به الأمر السامي الكريم القاضي باستحداث 52 ألف وظيفة تعليمية وإدارية لوزارة التربية والتعليم بعد ان عقدت لجنة مكونة من مسؤولي وزارة الخدمة المدنية ووزارة التربية والتعليم اجتماعاً بمقر وزارة الخدمة المدنية أقرت فيه الترتيبات النهائية لتسريع عملية شغل الوظائف التي حددها الأمر السامي الكريم وتم تحديد مستوياتها ومراتبها ومقارها بالاتفاق بين وزارتي التربية والتعليم والمالية:
21.000وظيفة تعليمية نسوية
7.000 وظيفة رياض أطفال
11.000 وظيفة إدارية نسوية
7.000وظيفة تعليمية رجال
6.000 وظيفة إدارية رجال
أوضح ذلك المتحدث الرسمي لوزارة الخدمة المدنية الأستاذ عبد العزيز بن عبد الرحمن الخنين الذي بين انه تنفيذا لما صدر به الأمر السامي الكريم بفقرته السادسة أن شغل الوظائف المشار إليها لن يشمل من سبق أن شملهم الأمر السامي الكريم القاضي بتثبيت العاملين على البنود.
وحول آليات تنفيذ الأمر السامي الكريم بين الخنين أن اللجنة قد اتخذت عدد من الترتيبات التي تبدأ بها هذا الأسبوع -إن شاء الله- والتي ستكون كالتالي:
أولاً: الوظائف التعليمية للرجال حيث ستقوم وزارة الخدمة المدنية بتزويد وزارة التربية والتعليم ببيانات المتبقين على القوائم في كافة التخصصات (ممن اجتازوا اختبار القياس) بعد استبعاد المشمولين بالتثبيت منهم لتقوم وزارة التربية والتعليم باستيعابهم في الوظائف التي أحدثت لها حيث أن جزءاً منهم سبق أن أجرى المقابلة الشخصية أما من لم يسبق له ذلك فتحدد وزارة التربية والتعليم مكان وزمان المقابلة لهم عبر موقعها الإلكتروني على الانترنت.
ثانياً : الوظائف التعليمية نساء ستقوم وزارة الخدمة المدنية بدعوة المتقدمات على الوظائف التعليمية النسوية في وقت لاحق لزيارة موقع الوزارة على شبكة الانترنت(برنامج جدارة) لتعديل رغباتهن المكانية على مستوى المملكة بعد أن تم إلغاء شرط إثبات الإقامة للمتقدمات على الوظائف التعليمية النسوية إنفاذا لما جاء في الموافقة الساميـة الكريمة رقم (5632/م ب) وتاريخ 21/8/1432هـ ومن ثم تقوم الوزارة بإجراء المفاضلة بينهن على مستوى المملكة وترشيحهن حسب الرغبات المكانية المحددة من قبلهن بناءً على توزيع الوظائف من قبل وزارة التربية والتعليم من حيث التخصص والمقر.
و أوضح الخنين أن شغل الوظائف الإدارية للرجال والنساء سياتي في مرحلة لاحقة لاستكمال إنفاذ ما جاء به الأمر السامي بعد الانتهاء من شغل الوظائف التعليمية .



ابي البشارة ياحلوات بدعوووات حلوووة ..

شموخ الدعوة
17-08-2011, 01:46 AM
حسبنا الله عليهم
الله لايربحهم ولايوفقهم
وش هالظلم
الله ينهيهم يارب ويستبدلهم بحكوميات ان شاء الله .. مافيه شئ عالرحمن مستحيل ..
يااااااااااااااارب انك ترزقني وترزق بنات المنتدى كلهم وشبابهم بحكومية عاجلا غير اجل ياااااااااارب

آآآآآآآآآآآآآآآآآمين يارررب

شموخ الدعوة
17-08-2011, 01:51 AM
هذا الأسبوع .. تبدأ إجراءات شغل 52 ألف وظيفة تعليمية و إدارية للرجال والنساء بوزارة التربية والتعليم
صورة الصفحة


محتوى الصفحة

تبدأ وزارة الخدمة المدنية هذا الأسبوع بالبدء في خطوات ترشيح المواطنين المعدين للتدريس إنفاذاً لما جاء به الأمر السامي الكريم القاضي باستحداث 52 ألف وظيفة تعليمية وإدارية لوزارة التربية والتعليم بعد ان عقدت لجنة مكونة من مسؤولي وزارة الخدمة المدنية ووزارة التربية والتعليم اجتماعاً بمقر وزارة الخدمة المدنية أقرت فيه الترتيبات النهائية لتسريع عملية شغل الوظائف التي حددها الأمر السامي الكريم وتم تحديد مستوياتها ومراتبها ومقارها بالاتفاق بين وزارتي التربية والتعليم والمالية:
21.000وظيفة تعليمية نسوية
7.000 وظيفة رياض أطفال
11.000 وظيفة إدارية نسوية
7.000وظيفة تعليمية رجال
6.000 وظيفة إدارية رجال
أوضح ذلك المتحدث الرسمي لوزارة الخدمة المدنية الأستاذ عبد العزيز بن عبد الرحمن الخنين الذي بين انه تنفيذا لما صدر به الأمر السامي الكريم بفقرته السادسة أن شغل الوظائف المشار إليها لن يشمل من سبق أن شملهم الأمر السامي الكريم القاضي بتثبيت العاملين على البنود.
وحول آليات تنفيذ الأمر السامي الكريم بين الخنين أن اللجنة قد اتخذت عدد من الترتيبات التي تبدأ بها هذا الأسبوع -إن شاء الله- والتي ستكون كالتالي:
أولاً: الوظائف التعليمية للرجال حيث ستقوم وزارة الخدمة المدنية بتزويد وزارة التربية والتعليم ببيانات المتبقين على القوائم في كافة التخصصات (ممن اجتازوا اختبار القياس) بعد استبعاد المشمولين بالتثبيت منهم لتقوم وزارة التربية والتعليم باستيعابهم في الوظائف التي أحدثت لها حيث أن جزءاً منهم سبق أن أجرى المقابلة الشخصية أما من لم يسبق له ذلك فتحدد وزارة التربية والتعليم مكان وزمان المقابلة لهم عبر موقعها الإلكتروني على الانترنت.
ثانياً : الوظائف التعليمية نساء ستقوم وزارة الخدمة المدنية بدعوة المتقدمات على الوظائف التعليمية النسوية في وقت لاحق لزيارة موقع الوزارة على شبكة الانترنت(برنامج جدارة) لتعديل رغباتهن المكانية على مستوى المملكة بعد أن تم إلغاء شرط إثبات الإقامة للمتقدمات على الوظائف التعليمية النسوية إنفاذا لما جاء في الموافقة الساميـة الكريمة رقم (5632/م ب) وتاريخ 21/8/1432هـ ومن ثم تقوم الوزارة بإجراء المفاضلة بينهن على مستوى المملكة وترشيحهن حسب الرغبات المكانية المحددة من قبلهن بناءً على توزيع الوظائف من قبل وزارة التربية والتعليم من حيث التخصص والمقر.
و أوضح الخنين أن شغل الوظائف الإدارية للرجال والنساء سياتي في مرحلة لاحقة لاستكمال إنفاذ ما جاء به الأمر السامي بعد الانتهاء من شغل الوظائف التعليمية .




ابي البشارة ياحلوات بدعوووات حلوووة ..

:Thumbs::Thumbs::):Thumbs::k:wa

الله يبشرك بجنان الخلد يارب والوظيفه المريحه

يارب تساهيلك ياكريم :ash:
رووووحي ربي يوفقك قلبووو

:h:w

شموخ الدعوة
17-08-2011, 01:55 AM
روح مطير يعنى ماتعرفين هالشركات نصب في نصب ال 200 هن اولى فيها واذا على الوظائف ترى يابنات يجيبون لكم في اهليه او موظفة استقبال في مراكز اهلية يعنى وفروا فلوسكم وانتم ارسلوا محد يعرف مصلحتكم كثركم وانتى ياروح مطير يختى مو تشكيك فيك بس ترى تورطين البنات بمثل هالشركات الغير مرخصة يمكن انتى مندوبة لهم او شئ او مصدقتهم بس ترى مايجيبون غير الغث فحبيت انصحكم يابنات اختى راح عليها حول ال2000 وماجابوا لها شئ

ررروح فديت قلبها الطيب :h:w

ربي يوفقها ياحق :ash:
جزاك الله خير ع النصيحه غناتي

روح مطير
17-08-2011, 03:15 AM
دمعة غلا -شموخ الدعوه

جزاكم ربي الجنة والسعادة

ما انحرم من مشارعركم الطيبة يا غوالي

روح مطير
17-08-2011, 03:18 AM
يا غاليات..
لكل من قدمت على كفاءات المستقبل بخصوص وظيفة"مرشدة أكاديمية"

أنا أمس كنت بالشركة واستفسرت من المسئولة عن آخر موعد لإعلان النتائج"الترشيح من عدمه"

الأسبوع الجاي...

وعلى فكرة الإستقبال الى الآن بس مع تناقص شديد بعدد المتقدمات

الزحمة كانت أول أسبوع


بس حبيت أفيدكم من خبر سمعته بنفسي من المسئولة



ما أستغني عن دعواتكم

احب روحي
17-08-2011, 05:12 AM
يا غاليات..
لكل من قدمت على كفاءات المستقبل بخصوص وظيفة"مرشدة أكاديمية"

أنا أمس كنت بالشركة واستفسرت من المسئولة عن آخر موعد لإعلان النتائج"الترشيح من عدمه"

الأسبوع الجاي...

وعلى فكرة الإستقبال الى الآن بس مع تناقص شديد بعدد المتقدمات

الزحمة كانت أول أسبوع


بس حبيت أفيدكم من خبر سمعته بنفسي من المسئولة



ما أستغني عن دعواتكم


الله يجزاك الجنه
لاني بصراحه فقدت الامل
لكن الامل بالله كبير انشاء الله

لاتنس الذكر
17-08-2011, 07:00 AM
حبيباتي اللي جاوبو على سؤالي ربي يسسسعدكم ويرزقني وياكم الوظايف الحكوميه اللي تسسسر خواطرنا ياكرررررررررررريم وكل بنات المنتدى


سؤالي ..
يعني اذا وقعتني المدرسه على 2500 اكون بكذا اضمن ان شاء الله اخذ القرار
علما ان المدرسه داخله بالموارد .
وهل المرشده يشملها القرار ؟

ترا سؤالين جاوبو وشكرا مقدما حبيباتي

sadeem2
17-08-2011, 07:28 PM
ما دام المدرسه تابعه للموارد فإن شاء الله تطبق الزيادة
وياا عيووني اذا المرشدة ما بنطبق عليها القرار فالمديرة والمساعده والمراقبه ما ينطبق عليهم لانهم كلهم ما يدرسوون :)

لا تصدقون عاد انا بوضح لها ان المرشدة موظفه مثلها مثل غيرها

زهرة البتول
17-08-2011, 10:31 PM
السلام عليكم
اتمنى تساعدوني ألقى وظيفة الله يجزاكم خير ..
التخصص : بكالوريوس اصول دين
تربوية و لايوجد خبرة
تخرجت هذي السنة 1432 هـ
المدينة : الرياض
وودي اتوظف في مدرسة اهليه تكون شرق الرياض
يااارب توفيقك

أرض وسماء
17-08-2011, 11:20 PM
حبيباتي اللي جاوبو على سؤالي ربي يسسسعدكم ويرزقني وياكم الوظايف الحكوميه اللي تسسسر خواطرنا ياكرررررررررررريم وكل بنات المنتدى


سؤالي ..
يعني اذا وقعتني المدرسه على 2500 اكون بكذا اضمن ان شاء الله اخذ القرار
علما ان المدرسه داخله بالموارد .
وهل المرشده يشملها القرار ؟

ترا سؤالين جاوبو وشكرا مقدما حبيباتي

امين يارب
لا حبيبتي اذا وقعتي على عقد 2500 ماتاخذين الا 2500
ومو شرط المدرسة اللي داخلة بالموارد تعطيك 5000 عادي ياكلون حقك

والقرار على ما اعتقد للمعلمات فقط
بس تأكدي

احب روحي
20-08-2011, 01:12 AM
يابنات انا دقوا علي كفاءات وقالوا تم قبولك بوظيفة مرشدة اكاديمية
فيه احد دقوا عليه بعد
انا استغربت هم يداومون يوم الجمعه دقوا علي وقالوا تعالي عشان توقعين العقد
وقالوا الراتب 4500ريال
بصراحه فرحتي ماتنوصف على الاقل احسن من هالمدارس اللي سببت لنا نفسيه وكرف كاننا خدامات

ودي اعرف اللي عندها خبر هل فيه زيادات
وهل الراتب ماشي في العطله
او شروط جزائيه عند فسخ العقد
ياليت اللي عندها فكره عنهم وعن تعاملهم يعطيني خبر
وياليت اللي دقوا عليها بعد تعلمنا ندعيلها و
ادعولي واياكم بالتوفيق من رب العاملين

فووووووشه
20-08-2011, 01:18 AM
يابنات انا دقوا علي كفاءات وقالوا تم قبولك بوظيفة مرشدة اكاديمية
فيه احد دقوا عليه بعد
انا استغربت هم يداومون يوم الجمعه دقوا علي وقالوا تعالي عشان توقعين العقد
وقالوا الراتب 4500ريال
بصراحه فرحتي ماتنوصف على الاقل احسن من هالمدارس اللي سببت لنا نفسيه وكرف كاننا خدامات

ودي اعرف اللي عندها خبر هل فيه زيادات
وهل الراتب ماشي في العطله
او شروط جزائيه عند فسخ العقد
ياليت اللي عندها فكره عنهم وعن تعاملهم يعطيني خبر
وياليت اللي دقوا عليها بعد تعلمنا ندعيلها و
ادعولي واياكم بالتوفيق من رب العاملين

مبروووووووووووووووووك اختي الله يوفقك

بس حبيت أسألك ايش تخصصك وهل عندك خبره

أرض وسماء
20-08-2011, 01:28 AM
احب روحي
مبرووووووووووووك
الله يتمم لك على خير ياااااارب
ويوفقك :)

متى توقعين العقد ؟!
أي يوم وأي وقت ؟!
صديقتي دقوا عليها بعد
بس تقول ماثبت الوقت من الفرحه خخخخخ

ولا عندي اي خبر عن تعاملهم
وشروطهم في العقود
حتى بحثت عنهم بس مالقيت شي

روح مطير
20-08-2011, 01:31 AM
يابنات انا دقوا علي كفاءات وقالوا تم قبولك بوظيفة مرشدة اكاديمية
فيه احد دقوا عليه بعد
انا استغربت هم يداومون يوم الجمعه دقوا علي وقالوا تعالي عشان توقعين العقد
وقالوا الراتب 4500ريال
بصراحه فرحتي ماتنوصف على الاقل احسن من هالمدارس اللي سببت لنا نفسيه وكرف كاننا خدامات

ودي اعرف اللي عندها خبر هل فيه زيادات
وهل الراتب ماشي في العطله
او شروط جزائيه عند فسخ العقد
ياليت اللي عندها فكره عنهم وعن تعاملهم يعطيني خبر
وياليت اللي دقوا عليها بعد تعلمنا ندعيلها و
ادعولي واياكم بالتوفيق من رب العاملين


ما شاء الله تبارك الله

ألف مبرووووووووووك يا قلبي وربي فرحت لك من كل قلبي

غريبة..اتصلوا يوم الجمعه!

بس بسألك يا غالية ..عندك خبرة؟
وتخصصك"علم أو خدمة"
بكالوريوسأو ماجستير؟

لأني أنا قدمت وسويت المقابلة في أول أسبوع من رمضان

ومثل ما قلت لكم لما رحت للشركة قالوا ان الرد بيكون هالأسبوع

والله يا قلبي أنا قالت لي الموظفة أول ثلاث شهور اذا ما عجبك الوضع تقدرين تنسحبين"هذا اللي فهمته منها"-وبإذن الله يكون الأولوية تترسمين على وظيفة حكومية بالجامعه
والعقد لمدة سنة


وياااارب تبارك لك وتوفقك

والفال لنا جميعا

أرض وسماء
20-08-2011, 01:37 AM
يااااااااااارب بهالشهر الفضيل
وبهالوقت أنك ماترد دعوتي
وترزق روح مطير على قد نيتها
وتوفقها وتسخر لها خلقك يااااااارب العالمين
وجميع بنات المسلمين امين

<<< كل ماشفت لك رد ادعي لك
ماشاء الله عليك خدووووومه وتدخلين القلب

دمعة غلا
20-08-2011, 01:40 AM
يابنات انا دقوا علي كفاءات وقالوا تم قبولك بوظيفة مرشدة اكاديمية
فيه احد دقوا عليه بعد
انا استغربت هم يداومون يوم الجمعه دقوا علي وقالوا تعالي عشان توقعين العقد
وقالوا الراتب 4500ريال
بصراحه فرحتي ماتنوصف على الاقل احسن من هالمدارس اللي سببت لنا نفسيه وكرف كاننا خدامات

ودي اعرف اللي عندها خبر هل فيه زيادات
وهل الراتب ماشي في العطله
او شروط جزائيه عند فسخ العقد
ياليت اللي عندها فكره عنهم وعن تعاملهم يعطيني خبر
وياليت اللي دقوا عليها بعد تعلمنا ندعيلها و
ادعولي واياكم بالتوفيق من رب العاملين



الف مبروووووووووووووووووك وعقبال بنات المنتدى كلهم ان شاء الله
ياعيوني قبل توقعين العقد اقري الشروط واساليهم عنها
واسلي كل شئ في بالك
والله يوفقك يالغلا

هاجس افكاري
20-08-2011, 01:56 AM
يابنات انا دقوا علي كفاءات وقالوا تم قبولك بوظيفة مرشدة اكاديمية
فيه احد دقوا عليه بعد
انا استغربت هم يداومون يوم الجمعه دقوا علي وقالوا تعالي عشان توقعين العقد
وقالوا الراتب 4500ريال
بصراحه فرحتي ماتنوصف على الاقل احسن من هالمدارس اللي سببت لنا نفسيه وكرف كاننا خدامات

ودي اعرف اللي عندها خبر هل فيه زيادات
وهل الراتب ماشي في العطله
او شروط جزائيه عند فسخ العقد
ياليت اللي عندها فكره عنهم وعن تعاملهم يعطيني خبر
وياليت اللي دقوا عليها بعد تعلمنا ندعيلها و
ادعولي واياكم بالتوفيق من رب العاملين


مبرررررررررروك والف مبروك يآغلا :tsfiq:
الله يوفقك يآرب فرحتينا والله نبي نسمع الاخبار هذي الحلوة :h

يارب ترزق جميع بناات وشباب المنتدى :w

عطر السندريلا
20-08-2011, 02:16 AM
يابنات انا دقوا علي كفاءات وقالوا تم قبولك بوظيفة مرشدة اكاديمية
فيه احد دقوا عليه بعد
انا استغربت هم يداومون يوم الجمعه دقوا علي وقالوا تعالي عشان توقعين العقد
وقالوا الراتب 4500ريال
بصراحه فرحتي ماتنوصف على الاقل احسن من هالمدارس اللي سببت لنا نفسيه وكرف كاننا خدامات

ودي اعرف اللي عندها خبر هل فيه زيادات
وهل الراتب ماشي في العطله
او شروط جزائيه عند فسخ العقد
ياليت اللي عندها فكره عنهم وعن تعاملهم يعطيني خبر
وياليت اللي دقوا عليها بعد تعلمنا ندعيلها و
ادعولي واياكم بالتوفيق من رب العاملين


مبروووووووووك

روح مطير
20-08-2011, 02:58 AM
يااااااااااارب بهالشهر الفضيل
وبهالوقت أنك ماترد دعوتي
وترزق روح مطير على قد نيتها
وتوفقها وتسخر لها خلقك يااااااارب العالمين
وجميع بنات المسلمين امين

<<< كل ماشفت لك رد ادعي لك
ماشاء الله عليك خدووووومه وتدخلين القلب


فدييييت روحك يا قلبي:h
وربي فرحت حيل بدعواتك:m
ويارب تجزاك عني كل خير ولك بمثل ما دعوت وزيادة


اللهم آمين ولك والجميع

sadeem2
20-08-2011, 04:11 AM
يابنات انا دقوا علي كفاءات وقالوا تم قبولك بوظيفة مرشدة اكاديمية
فيه احد دقوا عليه بعد
انا استغربت هم يداومون يوم الجمعه دقوا علي وقالوا تعالي عشان توقعين العقد
وقالوا الراتب 4500ريال
بصراحه فرحتي ماتنوصف على الاقل احسن من هالمدارس اللي سببت لنا نفسيه وكرف كاننا خدامات

ودي اعرف اللي عندها خبر هل فيه زيادات
وهل الراتب ماشي في العطله
او شروط جزائيه عند فسخ العقد
ياليت اللي عندها فكره عنهم وعن تعاملهم يعطيني خبر
وياليت اللي دقوا عليها بعد تعلمنا ندعيلها و
ادعولي واياكم بالتوفيق من رب العاملين
الف الف مبرووووك ياعسل

الله يعطيك خير هالوظيفة ويكفيك شرهاا

وعقبالنا ياررب

احب روحي
20-08-2011, 04:21 AM
الله يبارك فيكم
ويرزقكم من واسع فضله
وبالنسبه لتخصصي خدمة اجتماعية
وعندي خبرة سنتين في مدارس اهليه وسنه في مستشفى اهلي
وموعد توقيع العقد يوم الاحد بعد الظهر
الله يعطيني خيرها ويكفيني شرها

ويارب ياكريم ترزق كل عاطل وعاطله بالوظيفه الحلال اللي تريح قلوبهم

روح مطير
20-08-2011, 05:24 AM
^
^
الله يتمم لك على خير يا قلبي:)

والفال لنا يارب

راحتي في طاعتي
20-08-2011, 08:03 AM
وشلون قدمتوا ياأخوات على كفاآت هذا ؟

ووش وظائفهم ؟

شموخ الدعوة
20-08-2011, 05:13 PM
يابنات انا دقوا علي كفاءات وقالوا تم قبولك بوظيفة مرشدة اكاديمية
فيه احد دقوا عليه بعد
انا استغربت هم يداومون يوم الجمعه دقوا علي وقالوا تعالي عشان توقعين العقد
وقالوا الراتب 4500ريال
بصراحه فرحتي ماتنوصف على الاقل احسن من هالمدارس اللي سببت لنا نفسيه وكرف كاننا خدامات

ودي اعرف اللي عندها خبر هل فيه زيادات
وهل الراتب ماشي في العطله
او شروط جزائيه عند فسخ العقد
ياليت اللي عندها فكره عنهم وعن تعاملهم يعطيني خبر
وياليت اللي دقوا عليها بعد تعلمنا ندعيلها و
ادعولي واياكم بالتوفيق من رب العاملين

الله يوفقك يالغاليهـ يااااااااااارب
ويرزق كل البنوتات ويرزقني معهم ياكريم :m

شموخ الدعوة
20-08-2011, 05:18 PM
يااااااااااارب بهالشهر الفضيل
وبهالوقت أنك ماترد دعوتي
وترزق روح مطير على قد نيتها
وتوفقها وتسخر لها خلقك يااااااارب العالمين
وجميع بنات المسلمين امين

<<< كل ماشفت لك رد ادعي لك
ماشاء الله عليك خدووووومه وتدخلين القلب

آآمين ياااارب روح تستاهل والبنوتات كلهم بعد

وفق الله الجميع :m

خريجة تقنيه
20-08-2011, 05:49 PM
بنااااات
اللي سجلوا عن طريق كفائات المستقبل<<
شلوون قدمتواا,,
يوم فتحته
طلع عندي مكتوب بالقائمه
طالب عمل واخترته وفتحته
قالي أسم المستخدم وكلمة المرور,,,
حطيت اسمي وطلع عندي رفض
شلون حطيتوااا...؟؟؟
ردووو
ضروووووري
أنتظركم...

أرض وسماء
20-08-2011, 06:53 PM
^^^
أنا مارضى يسجلني
بس ارسلت لهم ع الايميل سيرتي الذاتية
اخذت الايميل من موقعهم فوق من اتصل بنا

روح مطير
20-08-2011, 09:53 PM
آآمين ياااارب روح تستاهل والبنوتات كلهم بعد



وفق الله الجميع :m



تستاهلين الطيب يالغالية:h
ربي يسلمك ويجزاك الجنة
ويارب ترزقنا الوظايف اللي تريحنا عاجلا غير آجلا

راحتي في طاعتي
20-08-2011, 11:40 PM
يابنات اللي سجلوا بكفآات المستقبل هذا يعلمونا وش هو من لحية ؟
وكيف سجلوا وباقي الأجراءات كلها

أحبو لغيركم ماتحبوا لنفسكم

روح مطير
21-08-2011, 12:15 AM
^
^
لحيةٍ غانمة :)
................

اسمعي يا طويلة العمر

ادخلي على موقعهم وراسليهم من "اتصل بنا"أعلى الصفحه

واكتبي بالإيميل وظيفة"مرشدة أكاديمية"

وبالتوفيق يارب

sadeem2
21-08-2011, 12:27 AM
اتصلوا على أحد اليوم
بديت افقد الامل :(

حيااااتي فراااغ
21-08-2011, 12:32 AM
بنات عطوني رابط كافآآآت المستقبل تكفووووون الله يرزقكم بحق هذا الشهر الفضيييييييل

حيااااتي فراااغ
21-08-2011, 12:37 AM
بناااااااااات انتو متأكدات من مصداقية كفاءات المستقبل اخاف ياخذون معلومات ويستخدمونها استخدام غلط يعني موثوق؟؟؟؟؟

هاجس افكاري
21-08-2011, 12:39 AM
http://www.*****2.com/vb/imgcache/28038.imgcache.jpg]

أرض وسماء
21-08-2011, 03:33 AM
بناااااااااات انتو متأكدات من مصداقية كفاءات المستقبل اخاف ياخذون معلومات ويستخدمونها استخدام غلط يعني موثوق؟؟؟؟؟

شوفي ياطويلة العمر
أنا كنت خايفه منهم وبحثت عنهم
لقيت ردود تمدحهم ولا لقيت سب لهم
وبعد لقيت خبر في جريدة الرياض أن جامعة الامام
موقعه اتفاقيه معاهم بحيث اذا احتاجوا لموظفات بالتعاقد
يطلبونهم عن طريق كفاءات المستقبل


وهذا اللي عندي
وبإذن الله أن مامنهم خوف

أرض وسماء
21-08-2011, 03:48 AM
ايه صح نسيت اقولك
خبراء التربية وكفاءات المستقبل
شركاء
ابحثي وأسألي عن الثنتين
اذا حابه تتأكدين بنفسك

حلمي التدريس
21-08-2011, 06:27 AM
مرحبا بنآآآآآآآآت

شخباركم ؟؟

حبيت أسالكم بخصوص زيادة الرواتب يعني المدارس الي مو مشتركة بالموارد

مارح يطبق فيها القرآآر؟؟

وموفقااات يآآرب..

لاتنس الذكر
21-08-2011, 07:14 AM
مبررررررررررررررررررررررررررروك احب روحي والله يطعمك خيرها ويكفيك شرها يارب

انا كانو داقين علي بداية رمضان على اساس انو اجي اسوي عندهم مقابله بس اعتذرت لاني وقعت عقدي بمدرسه اهليه ببدايه شهر 8
لعلها خيره باذن الله

بس ماادري شكلهم يهتمون بالخبره صح والا

خريجة تقنيه
21-08-2011, 07:37 AM
يعطيكم العافيه بنات,,
هاللحين كفائات المستقبل م عندهم غير وظيفة مرشده اكاديميه..؟؟

وانا داخله ع الموقع يطلع شريط فوق مكتوب مطلوب معلمين ومعلمات لجميع التخصصات,,

بتوظف ان شاءالله
21-08-2011, 09:04 AM
بنات سؤالي ضروري ومهم للي تعرف بليز تجاوبني ...

ودي اقدم في مدارس المملكه >> وابي اعرف كيف طالباتها ومن اي فئه
لان فيه كثير خوفوني وقالوا انهم بنات امراء ومسؤلين وتعاملهم سيء .. وطريفة التعليم عندهم متعبه وصعبه ..
وبعد مدارس الرياض >>ابي اعرف اي شي عنها


^
^
^
اي تجربه تعرفونها عنها بالله قولولي احتاااج ردودكم ضروري

أرض وسماء
21-08-2011, 04:22 PM
بنات سؤالي ضروري ومهم للي تعرف بليز تجاوبني ...

ودي اقدم في مدارس المملكه >> وابي اعرف كيف طالباتها ومن اي فئه
لان فيه كثير خوفوني وقالوا انهم بنات امراء ومسؤلين وتعاملهم سيء .. وطريفة التعليم عندهم متعبه وصعبه ..
وبعد مدارس الرياض >>ابي اعرف اي شي عنها


^
^
^
اي تجربه تعرفونها عنها بالله قولولي احتاااج ردودكم ضروري

مدارس المملكة جنب بيتنا :)
وطالباتها من الطبقات العليا
بنات امراء ومسؤولين لأن رسومها عالي جداً

وطبعاً دروسك كلها لازم نموذجية وفيها وسائل
أعرف وحده قدمت عندهم تقول لازم الدرس يكون توب
هذا اللي اعرفه عنهم

أما مدارس الرياض ما أعرف عنها شي

أرض وسماء
21-08-2011, 04:24 PM
يعطيكم العافيه بنات,,
هاللحين كفائات المستقبل م عندهم غير وظيفة مرشده اكاديميه..؟؟

وانا داخله ع الموقع يطلع شريط فوق مكتوب مطلوب معلمين ومعلمات لجميع التخصصات,,

الله يعافيك

لا عندهم وظايف مختلفه
اداري بالجامعات
أو ادراي بمدارس
او تدريس

خريجة تقنيه
21-08-2011, 05:40 PM
أرض وسماء
جزاك الله خير...

ضمأ الإحساس
21-08-2011, 08:28 PM
مبروووووووووووووووووووووك الله يوفقك ويسخر لك خلقه

اسراء محمد
22-08-2011, 12:00 PM
يا ريت يا ينات تساعدوني انا حابه اعرف مدارس المتقدمه في العقيق كيف رواتبهم ؟؟؟؟؟؟؟؟؟؟؟؟؟ واللي تعرف اي شي عنهم تخبرني ؟؟؟ بليييييييييييييييييييييييييييز

صمتي غرام
22-08-2011, 12:31 PM
طيب خبراء التربية لما رحت اعمل مقابله قالو ادفعي 200 ودفعت

ولاترشحت للوظيفة هل كل مره اترشح ادفع او يبحثون لي وظيفة اخرى

ساعدوني بليز

أرض وسماء
22-08-2011, 06:48 PM
^^^
دقي عليهم وأسأليهم أفضل

أنا اللي أعرفه أنك اذا ماترشحتي يبحثون لك عن غيرها
بدون دفع
بس مو متأكدة

دمعة غلا
22-08-2011, 07:05 PM
طيب خبراء التربية لما رحت اعمل مقابله قالو ادفعي 200 ودفعت

ولاترشحت للوظيفة هل كل مره اترشح ادفع او يبحثون لي وظيفة اخرى

ساعدوني بليز



لا ياعمري مو في كل مرة تدفعين ..
اللي انا اعرفه ان شركات التوظيف تدفعين لهم مرة وحدة بس وطول العمر يدورون لك
وفيه بعضها تاخذ نسبة من اول راتب لك بعد
هذا والله اعلم ..
انتي اساليهم واتاكدي
واذا قالوا لك كل مرة تدفعين فهي بصراحة شركة نصاااااااااابة وتستغل حاجة الناس للوظايف
هذا برأيي أنا الشخصي وبقناعتي والله اعلم وما احط في ذمتي شئ
لان لو فكرتي شوي ودفعتي لهم كل مرة ما استفدتي شئ وانت اللي تبين وظيفة عشان هالفلوس منتب ناقصة احد يسحب منك طول القوت وبيقعدون كل شوي يدورون ويرشحوني ثمن ياخذون وياكلونك
والا كلامي غلط
بنااات فكرووووووووا قبل تسوون اي شئ بليز ؟؟
اسألوهم وتأكدوا مع اني متاكدة من ان كلامي صح 100 %
بس مابي احط بذمتي شئ مثل ماقلت لكم

روح مطير
22-08-2011, 07:59 PM
^
^
أنا سألت شركة كفاءات المستقبل

مو كل مرة أدفع لهم خلاص على الرسوم اللي دفعتها الــ200وهم يبحثون لك

وبعد كذا ياخذون نسبة من أول راتب(10%)


الله يغنينا جميعا بالوظائف اللي تسعدنا وتريحنا

اسراء محمد
22-08-2011, 08:49 PM
بليز بنات ردو علي ما حد يعرف اي شي عن مدارس المتقدمه في العقيق ... اي شي عنهم ؟؟؟ ارجوكم ردو ؟؟؟
الله يوفقكم يا رب ويرزقكم بالوظيفه ان شاء الله الله

روح مطير
22-08-2011, 10:16 PM
^
^
هاتف ٠١٤٨٩٥١٥١ جوال ٠٥٥٠٠٠٤٠٠٧ بريد الكتروني info @almotaqadimah.com (http://hostimaroc.com/news/?url=%62%57%46%70%62%48%52%76%4f%6d%6c%75%5a%6d%39 %41%59%57%78%74%62%33%52%68%63%57%46%6b%61%57%31%6 8%61%43%35%6a%62%32%30%3d)

الرياض - العقيق (http://www.****4.com/vb/showthread.php?t=85320)- شارع البحر المتوسط

موفقه

اسراء محمد
22-08-2011, 10:42 PM
[QUOTE=روح مطير;5100938] ^
^
هاتف ٠١٤٨٩٥١٥١ جوال ٠٥٥٠٠٠٤٠٠٧ بريد الكتروني info @almotaqadimah.com (http://hostimaroc.com/news/?url=%62%57%46%70%62%48%52%76%4f%6d%6c%75%5a%6d%39 %41%59%57%78%74%62%33%52%68%63%57%46%6b%61%57%31%6 8%61%43%35%6a%62%32%30%3d)

الرياض - العقيق (http://www.****4.com/vb/showthread.php?t=85320)- شارع البحر المتوسط

موفقه[/QUOTE
جزاك الله خير روح مطير الله يوفقك ...

مشاعل العبيد
23-08-2011, 01:37 AM
انا عندي بكره مقابله مع كفاءات المستقبل وقالتلي اذا كتبتي العقد تدفعين ال 200

بس على اي اساس ادفع وليش هم مكتب توظيف يعني ؟؟ اللي اعرفه انه في شراكه بينهم وبين الامام وقالولي الوظيفه بالامام ومادري وشهي كنت نايمه وما سمعت زين ..

أرض وسماء
23-08-2011, 01:58 AM
^
^
أنا سألت شركة كفاءات المستقبل

مو كل مرة أدفع لهم خلاص على الرسوم اللي دفعتها الــ200وهم يبحثون لك

وبعد كذا ياخذون نسبة من أول راتب(10%)


الله يغنينا جميعا بالوظائف اللي تسعدنا وتريحنا

أنا يوم سألتهم قالوا لو لي بس 200
ولا فيه نسبه من اول راتب

وش سالفتهم خخخخخ

أرض وسماء
23-08-2011, 02:02 AM
انا عندي بكره مقابله مع كفاءات المستقبل وقالتلي اذا كتبتي العقد تدفعين ال 200

بس على اي اساس ادفع وليش هم مكتب توظيف يعني ؟؟ اللي اعرفه انه في شراكه بينهم وبين الامام وقالولي الوظيفه بالامام ومادري وشهي كنت نايمه وما سمعت زين ..

أيوه هم مكتب توظيف يبحثون لك عن وظيفه
وياخذون حق بحثهم
وبما أنهم قالوا لك وظيفه في الامام
جربي روحي وشوفي وش نوع الوظيفه
هي أكيد بتكون عقد
واحتمال كرف بس دوامهم حلو مره وقليل
ما انصحك تفوتينها يكفي خبرة الجامعة

مشاعل العبيد
23-08-2011, 03:04 AM
أيوه هم مكتب توظيف يبحثون لك عن وظيفه
وياخذون حق بحثهم
وبما أنهم قالوا لك وظيفه في الامام
جربي روحي وشوفي وش نوع الوظيفه
هي أكيد بتكون عقد
واحتمال كرف بس دوامهم حلو مره وقليل
ما انصحك تفوتينها يكفي خبرة الجامعة

انا عندي خبرة سنه في جامعة الاميرة نورة السنه الماضيه فماراح يرضيني اي شغل الصراحه انا ابغى تدريس , تعتقدون فيه ؟؟؟ ولا قصدهم شي اداري؟؟

أرض وسماء
23-08-2011, 04:22 AM
انا عندي خبرة سنه في جامعة الاميرة نورة السنه الماضيه فماراح يرضيني اي شغل الصراحه انا ابغى تدريس , تعتقدون فيه ؟؟؟ ولا قصدهم شي اداري؟؟

احتمال يكون تدريس
لأن الامام عندهم تعاقد تدريس لكن مو كل التخصصات
بس انتي وش تخصصك ؟!


وممكن إذا ماعليك أمر تقولين لي كيف توظفتي بجامعة الاميرة نوره ؟!
وأيش كانت وظيفتك فيها ؟!

مشاعل العبيد
23-08-2011, 04:29 AM
احتمال يكون تدريس
لأن الامام عندهم تعاقد تدريس لكن مو كل التخصصات
بس انتي وش تخصصك ؟!


وممكن إذا ماعليك أمر تقولين لي كيف توظفتي بجامعة الاميرة نوره ؟!
وأيش كانت وظيفتك فيها ؟!

اتمنى التدريس بصراحه

انا قسمي لغة انجليزية وتوظفت في تحضيري نوره مدرسة لغة انجليزية عن طريق اكاديمية الفيصل لانها كانت ماسكه التحضيري بس هالسنه غير اللي ماسكها المركز السعودي البريطاني وخبراء التربيه وشركه بعد مدري مين نسيت

الله يوفقنا جميعا:h

أرض وسماء
23-08-2011, 04:34 AM
اتمنى التدريس بصراحه

انا قسمي لغة انجليزية وتوظفت في تحضيري نوره مدرسة لغة انجليزية عن طريق اكاديمية الفيصل لانها كانت ماسكه التحضيري بس هالسنه غير اللي ماسكها المركز السعودي البريطاني وخبراء التربيه وشركه بعد مدري مين نسيت

الله يوفقنا جميعا:h

اهااا
حلووو انقلش فيه تعاقد
واعرف بنت درست تعاقد انقلش بالامام
وبعد ماكملت ماستر تعينت رسمي :)

الله يوفقك ويحقق لك امنياتك ..

روح مطير
23-08-2011, 05:27 AM
أرض..

أنا سألتها لما قالت تدفعين 200
قلت طيب "كم تاخذون من الراتب"
لأني فهمتها اني أعرف ان أي شركة توظيف تاخذ نسبة


الله يغنينا من واسع فضله

sadeem2
23-08-2011, 05:41 AM
بنات
ابي رقم كفاءة المستقبل

بشووف ترشحت ولا لا

عاطله و بجدآره
23-08-2011, 06:29 AM
صباح الخير


بنات كيف اقدم على كفاءة المستقبل ؟؟ وش نوعية الوظايف اللي تقدمهاااا ؟؟ وهل هي مضمونه ؟؟

ابغا شرح بالتفصيل الممل :d

.
.

اممم
بغيت اسال اللي تعرف مدارس اهليه بشرق الرياض ( طالباتهاا محترمين ) محتاجين معلماات :ash:


:w

سحرالانوثه
23-08-2011, 06:40 AM
انا سجلت فيهااا تووو والله يرزقنا جميعاااا


اختي التقديم على كفاءات المستقبل اكتبيه بقوقل ويطلع كل شي انا سويت كذااا

والله يوفق الجميع

:h:h:h:h:h

عاطله و بجدآره
23-08-2011, 07:43 AM
انا سجلت فيهااا تووو والله يرزقنا جميعاااا


اختي التقديم على كفاءات المستقبل اكتبيه بقوقل ويطلع كل شي انا سويت كذااا

والله يوفق الجميع

:h:h:h:h:h


آآمـــــــــــــــــــــــين يآقلبي ويآآك :m
وأنآآآ ارسلت لهم CV على الآيميل والله يكتب اللي فيه الخير لنااا :h

أرض وسماء
23-08-2011, 07:54 AM
أرض..

أنا سألتها لما قالت تدفعين 200
قلت طيب "كم تاخذون من الراتب"
لأني فهمتها اني أعرف ان أي شركة توظيف تاخذ نسبة


الله يغنينا من واسع فضله

حتى انا سألتها وقالت ماناخذ شي
وكان فيه عقد مع بنات وقرأته مافيه أي شي
آمين يارب :)


اللي تسأل عن رقم كفاءات المستقبل
ادخلي موقعهم تلقينه في اتصل بنا
بس ترا لو ترشحتي لمقابله هم يدقون عليك

صمتي غرام
23-08-2011, 12:56 PM
شكرا لكل البنات الي ردو علي

الله لايحرمكم الاجر ويرزقكم

سندس الشروق
23-08-2011, 02:16 PM
من تعرف مدارس بالملز او الربوه تكون زينه

وكيف صارت الرواتب بالمدارس ؟

روح مطير
23-08-2011, 10:31 PM
^
^
ما عندي فكرة عن مدارس الربوة والملز
بس تفضلي هذي مجموعة أرقام ..تستفسرين منهم

مدارس البيان الأهلية / حي الربوة / 4933420
مدارس الصفاء الأهلية / حي الربوة / 4913598
مدرسة الجزيرة الأهلية / حي الربوة / 4777123 --4770511
مدارس الحصاد الأهلية / الملز الربوة / 4740500
مدارس رياض الربى / حي الربوة / 4923264
مدارس الياسمين الأهليه / حي الملز/4777276
مدارس براعم اطياب لتحفيظ القران / حي الملز/ 4725407

مدرسة بالملز ما أعرف اسمها..
4770519

موفقه..
دعوااتك

رنا بنت محمد
24-08-2011, 01:19 AM
مين يعرف كم رواتب مدارس الشمس الآهليه ؟

وبسآلكم عنها كل المعلومات حطوها

..

شهرزاد وشهريار
24-08-2011, 01:23 AM
مين يعرف كم رواتب مدارس الشمس الآهليه ؟

وبسآلكم عنها كل المعلومات حطوها

..

انا كنت فيها يااااااعلتي منها

مابي اقطع رزقك يمكن تمشين معها الله يوفقك

رنا بنت محمد
24-08-2011, 01:54 AM
ههههههههههههههههههههههههه


كم رواتبهم ؟


مررره شينه يعني


صعب القى مدرسه مثاليه


..

سحرالانوثه
24-08-2011, 02:43 AM
صبايا طيب المدارس الاهليه لو بدق ع ارقامهم راح يردون علي يعني يداومون برمضان ولا

وجزااكم الله خير وربي يوفق الجميع:w:w:w

اسراء محمد
24-08-2011, 03:33 AM
بنات اللي تعرف مدرسه بشرق الرياض محتاجين معلمه رياضيات ؟؟؟

جورررري
24-08-2011, 03:40 AM
صباح الخير صبايا حبيت اقولكم ودي نسوي قرررررررررررروب في بلاك بيري لبنات وبس لوظائف والي اخره................. اللي تبغي ترسالي البن حقها علي خاص

رنا بنت محمد
24-08-2011, 04:41 AM
طيب هنا زين ليش قروب ؟


..

ملامح يوسفية
24-08-2011, 05:37 AM
نصابين هالشركه حقت التوظيف انا دفعت لهم وخساير عالفاضي واخرتها لاوظيفه ولايحزنون نصب بنصب الله لايحللهم بكل ريال ياخذونه

للهدوء عنوان
24-08-2011, 06:58 AM
بنات الحين كم رواتب المدارس الاهليه بعد سالفة الموارد ؟؟

لاتنس الذكر
24-08-2011, 07:21 AM
اللي سوو مقابله لوظيفه مرشده اكاديميه
تقولي اسئلتها في المقابله بليزززززززززززز
لاهنتووووو

مشاعل العبيد
24-08-2011, 08:01 AM
اهااا
حلووو انقلش فيه تعاقد
واعرف بنت درست تعاقد انقلش بالامام
وبعد ماكملت ماستر تعينت رسمي :)

الله يوفقك ويحقق لك امنياتك ..

ابشرك سويت المقابله وكانوا يبون تدريس

ادعيلي تكفين يقبلووني يااااااارب ياااكريم حلمي والله اكون مدرسة بالامام جامعتي اللي تخرجت منها ...

مشاعل العبيد
24-08-2011, 08:04 AM
اللي سوو مقابله لوظيفه مرشده اكاديميه
تقولي اسئلتها في المقابله بليزززززززززززز
لاهنتووووو



وحده من صديقاتي راحت سوت المقابله وقالت انو كان تعرفين عن نفسك عادي ويناقشون سيرتك الذاتيه معاك كل اللي فيها يسالونك عنه وبس

الله يوفقك ياارب واهم شي كووني واثقه ورزي ظهرك ولا تبينين انك متوتره لانهم يحبون الشخصيه لان طبيعة الوظيفة بتكون تعامل مع الطالبات..:w

أرض وسماء
24-08-2011, 08:43 AM
نصابين هالشركه حقت التوظيف انا دفعت لهم وخساير عالفاضي واخرتها لاوظيفه ولايحزنون نصب بنصب الله لايحللهم بكل ريال ياخذونه

لا تعممين على كل الشركات
فيه بنات هنا توظفوا عن طريق كفاءات المستقبل
ولو بحثتي عنها بتلقين الجامعات يتعاقدون معاهم
مستحيل يتعاقدون معاهم وهم يحتالون
الله يعوظك عن اللي خسرتيه


بنات الحين كم رواتب المدارس الاهليه بعد سالفة الموارد ؟؟

5000 وبدل مواصلات 600
بس ترا مو كل المدارس طبقت النظام :/


اللي سوو مقابله لوظيفه مرشده اكاديميه
تقولي اسئلتها في المقابله بليزززززززززززز
لاهنتووووو

أول شي تعرفين بنفسك
ونقاط الضعف والقوة عندك ؟!
أيش تفضلين العمل الإداري أو التدريس ؟!
لو وجد عندك طالبة متعثره في دراستها كيف تحلين لها مشكلة التعثر ؟!
ولو جت عند طالبه متعثرة وتتشكى كثير أيش الأسلوب اللي تبعينه معاها ؟!
أنا هذي اللي سألوني عنه

فيه هنا بنات قالوا سألوهم
أيش تعرفين عن الإرشاد الاكاديمي ؟!
وهل عندك خبره بالحاسب أو لا ؟!

أهم شي تكونين واثقة من نفسك وكلامك مرتب ومافيه تردد

موفقه :)



ابشرك سويت المقابله وكانوا يبون تدريس

ادعيلي تكفين يقبلووني يااااااارب ياااكريم حلمي والله اكون مدرسة بالامام جامعتي اللي تخرجت منها ...

حلو الحمدلله
يااااااااارب يقبلونك
وتبشرينا بترسيمك يارب :)

روح مطير
24-08-2011, 08:51 AM
اللي سوو مقابله لوظيفه مرشده اكاديميه
تقولي اسئلتها في المقابله بليزززززززززززز
لاهنتووووو

أنا سويت المقابلة

بداية السؤال التقليدي"عرفينا بنفسك"

وبعدين سألوا وش تعرفين عن مهام المرشدة الأكاديمية
ولو عيناك مرشدة اش ممكن راح تقدمين للكلية
وأعطوني مثال:
فئتين من الطالبات"موهوبات/ضعيفات"..
شلون بيكون تعاملي معاهم ووش ممكن أقدم لهم
وووو أسئلة تختص بالتخصص

موفقه :h

دعوااااتك يا غالية:w

روح مطير
24-08-2011, 08:54 AM
صبايا طيب المدارس الاهليه لو بدق ع ارقامهم راح يردون علي يعني يداومون برمضان ولا

وجزااكم الله خير وربي يوفق الجميع:w:w:w

على حسب علمي اليوم تبدأ الإجازة

مالك الا بعد الإجازة اذا ربي أحيانا..تروحين وتقدمين

موفقه:h

شموخ الدعوة
24-08-2011, 07:04 PM
ابشرك سويت المقابله وكانوا يبون تدريس

ادعيلي تكفين يقبلووني يااااااارب ياااكريم حلمي والله اكون مدرسة بالامام جامعتي اللي تخرجت منها ...

الله يوفقك ويجعل لك من كل أمر يسرا :m

دمعة غلا
24-08-2011, 08:32 PM
وانا مع ام ايهم في كل كلمة قالتها انا سمعت مرة قصة وحدة تقدم على وظائف اي وظائف تطرح باي مكان وبعدها بفترة دقوا عليها مدرسة وقالوا تعالي وقعي العقد ومدرستنا فيها ميزات وقام يعدد الراجل ومن ضمن الميزات قال تتوفر عندنا مواصلات البنت مسكينة صدقت وطارت من الفرحة وخصوصا انها كانت محتاجة او مالة من الفراغ زيناالمهم يوم جا اول يوم الصبح ويمرها سواق المدرسة ومعه رجال ثاني واستنكرت وسالت ليش مامعك معلمات المدرسة الباقين وليش معك رجال وما معك محرم او ان الرجال الثاني كان لابس عباية وياخذها ويوديها بشقة ويلعب فيها هو وولده الكبير اللي معه وطلعوا لاهم تبع مدرسة ولاشئ حسبنا الله ونعم الوكيل (( قصة منقولة انا سمعتها من البنات ))يابنات انتبهوا اهم شئ سمعتكم ومصلحتكم ولا ابوها من وظيفة تسوي فينا كذا حسبنا الله ونعم الوكيل وارجع اكرر لاترسلون السيرة الذاتية لاي احد الا اذا شفتوا الخبر من مصدر موثوق زي جريدة الرياض والجرايد هالكبار والا الوسيلة والمبوبة احذروا منها ...وان ارسلتوا السيرة الذاتية لاتحطون اسمائكم عشان مايلقون شئ يبتزونكم فيه وحطوا ارقام اخوانكم ابوكم امكم والله يستر علينا وعليكم .. قولوا امين

دمعة غلا
24-08-2011, 08:33 PM
نصابين هالشركه حقت التوظيف انا دفعت لهم وخساير عالفاضي واخرتها لاوظيفه ولايحزنون نصب بنصب الله لايحللهم بكل ريال ياخذونه

مشكورة يالغالية عالنصيحة بس ياليت تحطين لنا اسماء الشركات اللي تعاملتي معهم عشان نحذر منهم ..

ﻣﭡﮙﯿﺔ
24-08-2011, 11:47 PM
مساء الخير بنات

انا تخصصي لغة عربية وعندي خبرة صفوف اولية

اذا في اي احتياج ياليت ترسلون لي ع الخاص لان نادر ادخل

ومشكورين

لاتنس الذكر
25-08-2011, 07:36 AM
أنا سويت المقابلة

بداية السؤال التقليدي"عرفينا بنفسك"

وبعدين سألوا وش تعرفين عن مهام المرشدة الأكاديمية
ولو عيناك مرشدة اش ممكن راح تقدمين للكلية
وأعطوني مثال:
فئتين من الطالبات"موهوبات/ضعيفات"..
شلون بيكون تعاملي معاهم ووش ممكن أقدم لهم
وووو أسئلة تختص بالتخصص


روحي جعل ربي يوفقك ويسسعدك ويجعل لك من كل خير نصيبب

بس يالبا قلبك قوليلي اجوبتك
لان بصراحه اكره هالسؤال
ولو عيناك مرشدة اش ممكن راح تقدمين للكلية

مدري وش اجاوب يقهررر

مترجمة طموحة
25-08-2011, 08:18 AM
السلام عليكم ...

من يعرف مدارس غرب الرياض محتاجة لمعلمة لغة إنجليزية؟

جورررري
25-08-2011, 10:28 AM
صـــــــــــــــــــــــــــــــــــــــــــــــــ ـــــــباح الخير ياصبايا الللي تبغي تدخل في قرررررررررررررررررروب البطاله الللي في بلاك البيري ترسالي ع خاص اختكم جووووري

دمعة غلا
25-08-2011, 03:18 PM
السلام عليكم ...

من يعرف مدارس غرب الرياض محتاجة لمعلمة لغة إنجليزية؟


مدرسة النبلاء الاهلية .. جنوب الرياض حي الشفا خلف سيتي مول .. كانوا محتاجين واعتقد مازالوا
روحي لهم بداية الدوامات بعد العيد
وهذا رقمهم 4201168
القسم المتوسط والثانوي طبعا .

لاتنسيني من دعواتك

اقلها حطي بياناتك عشان هم دايييييييييم يحتاجون فجأة ..

اسراء محمد
25-08-2011, 03:32 PM
بنات انا دقو علي مدارس المتقدمه اللي بالعقيق بدهم معلمه رياضيات بس انا اعتذرت لانه حابه ادرس بمدرسه قريبه من سكن بيتي انا ساكنه شرق الرياض باشبيليه اللي تخصصها رياضيات تروح تقدم عندهم ... واللي تعرف اي مدرسه بشرق الرياض مجتاجين رياضيات يا ريت ما تبخل علينا ...

جورررري
26-08-2011, 02:45 AM
صباح الخير صبايا حبيت اقولكم ودي نسوي قرررررررررررروب في بلاك بيري لبنات وبس لوظائف والي اخره................. اللي تبغي ترسالي البن حقها علي خاص

ياكبر همي
26-08-2011, 02:53 AM
اوك جوريتم قبول الإضافة وان شاء الله نستفيد من القروب

روح مطير
26-08-2011, 06:35 AM
بنات انا دقو علي مدارس المتقدمه اللي بالعقيق بدهم معلمه رياضيات بس انا اعتذرت لانه حابه ادرس بمدرسه قريبه من سكن بيتي انا ساكنه شرق الرياض باشبيليه اللي تخصصها رياضيات تروح تقدم عندهم ... واللي تعرف اي مدرسه بشرق الرياض مجتاجين رياضيات يا ريت ما تبخل علينا ...

جزاك ربي الجنة وما تتمنين ..
الله يعطيك ويرزقك على قد نيتك وحبك للخير يا غالية :h

زهرة البتول
26-08-2011, 07:55 AM
صباح الخير صبايا حبيت اقولكم ودي نسوي قرررررررررررروب في بلاك بيري لبنات وبس لوظائف والي اخره................. اللي تبغي ترسالي البن حقها علي خاص


يااختي ياليت تمسحين بعض رسايل الخاص عندك عشان اقدر ارسل لك البن لاضافتي ب القروب

الله يجزاك خير

جورررري
26-08-2011, 08:44 AM
ياروحي مسحت بعض رسالي ارسالي ع خاص انتظرك

جورررري
26-08-2011, 08:45 AM
صباح الخير صبايا حبيت اقولكم ودي نسوي قرررررررررررروب في بلاك بيري لبنات وبس لوظائف والي اخره................. اللي تبغي ترسالي البن حقها علي خاص

جورررري
26-08-2011, 08:59 AM
اخر جمعه من رمضان وتصادف ليله 27 وفيها ساعه اجابه اغتنموا الفرصه من (صلاه-الدعاء-صدقه-اذكار...)
الثواني من ذهب ولااحد يعلم من سيصوم رمضان المقبل واغتنموا الفرصه واستغلوا الوقت في الخيرات وارجو التذكير جعلنا الله واياكم من عتقاء النار ولاتنسوني بالدعاء بالشفاء اختكم جوووووووووووري
http://www.btalah.com/Rmdan.Ma/misc/progress.gif

خريجة تقنيه
26-08-2011, 03:24 PM
بنااااااات
الله يعاافيكم
اللي تعر موقع شركة فيبكو
تقوولي ضرووري..
يعني بأي حي وشنو الحي أو المعلم القريب عنده
دورت بالنت عنه م حصلت...


أنتظرتكم..

اسراء محمد
26-08-2011, 03:50 PM
الله يخليك روح مطير لا يؤمن احدكم حتى يحب لاخيه ما يحب لنفسه وانا نفسي كل البنات يتوظفو ...

خريجة تقنيه
26-08-2011, 11:30 PM
ي رب عاجلا غير آجل
أنك توظف كل بنت وترزقها الخير ي رب,,
لاتنسون الأكثار والدعاء في ليلة القدر,,
بالتوفق للجميع,,,

روح مطير
27-08-2011, 01:31 AM
^
^

اللهم آمين يااارب

هيا بنت تركي
27-08-2011, 01:59 AM
جميلة هي الأوقات والساعات والأيام التي تكون فيها السماء مفتوحة لدعائنا‏,‏ والاستجابة مضمونة بإذن ربنا‏..‏ من اهم هذه الأيام والأوقات ليلة القدر http://www.vb.eqla3.com/images/smilies/rose.gifhttp://www.vb.eqla3.com/images/smilies/rose.gif

فلنسترشد بما قاله وفعله السلف‏,‏ سفيان الثوري قال عن هذا الأمر‏: (‏ الدعاء في تلك الليلة أحب الي من الصلاة‏)‏
وقال ابن رجب‏: (‏ ومراده ـ اي سفيان ـ ان كثرة الدعاء أفضل من الصلاة التي لا يكثر فيها الدعاء‏,‏ وان قرأ ودعا كان حسنا‏,‏ وقد كان النبي ـ صلي الله عليه وسلم ـ يتهجد في ليالي رمضان‏,‏ ويقرأ قراءة مرتلة‏,‏ لا يمر بآية فيها رحمة إلا سأل‏,‏ ولا بأية فيها عذاب إلا تعوذ‏,‏ فيجمع بين الصلاة والقراءة‏,‏ والدعاء والتفكر‏,‏ وهذا أفضل الأعمال وأكملها في ليالي العشر وغيرها‏.‏

والدعاء هو مايصدر خالصا من قلب المسلم لربه معبرا عن نفسه ورغباته ومشكلاته وأمنياته لدنياه أو لآخرته‏..‏ ولكننا نحب دائما ان نستعين بكلمات وعبارات أشرف الخلق التي دعا بها ربه‏,‏ ودعانا لتعلمها‏ :

‏*‏ اللهم إنك عفو تحب العفو فاعف عنا‏.‏
‏*‏ اللهم مصرف القلوب صرف قلوبنا علي طاعتك‏.‏
*‏ اللهم أحسن عاقبتنا في الأمور كلها‏,‏ وأجرنا من خزي الدنيا وعذاب الآخرة‏.‏
‏*‏ اللهم طهرني من الذنوب والخطايا‏,‏ اللهم نقني منها كما ينقي الثوب الأبيض من الدنس‏,‏ اللهم طهرني بالماء والثلج والبرد‏.‏
‏*‏ اللهم قنعني بما رزقتني‏,‏ وبارك لي فيه‏,‏ واخلف علي كل غابئة لي بخير
‏*‏ اللهم إني أسألك إيمانا لايرتد‏,‏ ونعيما لا ينفد‏,‏ ومرافقة محمد ـ صلي الله عليه وسلم ـ في أعلي جنة الخلد‏.‏
‏*‏ اللهم متعني بسمعي‏,‏ وبصري‏,‏ وإجعلهما الوارث مني‏,‏ وانصرني علي من ظلمني‏,‏ وخذ منه بثأري‏.‏
‏*‏ اللهم زدنا ولا تنقصنا‏,‏ وأكرمنا ولا تهنا‏,‏ وأعطنا ولا تحرمنا‏,‏ وآثرنا ولا تؤثر علينا‏,‏ وأرضنا وارض عنا‏.‏
‏*‏ اللهم ألهمني رشدي‏,‏ وأعذني من شر نفسي‏.‏
‏*‏ اللهم اكفني بحلالك عن حرامك‏,‏ واغنني بفضلك عمن سواك‏.‏
‏*‏ اللهم إني أعوذ بك من جهد البلاء‏,‏ ودرك الشقاء‏,‏ وسوء القضاء‏,‏ وشماتة الأعداء‏.‏


وأدعو بما تحبون من خير الدنيا والآخرة .. ( اللهم انى اسألك من خير ماسألك منه نبيك محمد (صلى الله عليه وسلم ) وأعوذ بك من شر ماأستعاذ به نبيك محمد (صلى الله عليه وسلم ) وانت المستعان وعليك البلاغ ولاحول ولاقوة الابالله )
أسأل الله لي ولكم أن نكون ممن صام رمضان إيماناً وإحتساباً فغفر له ما تقدم من ذنبه ..

وكل عام وأنتم بخير . . http://www.vb.eqla3.com/images/smilies/rose.gifhttp://www.vb.eqla3.com/images/smilies/rose.gifhttp://www.vb.eqla3.com/images/smilies/rose.gifhttp://www.vb.eqla3.com/images/smilies/rose.gif

رنا بنت محمد
27-08-2011, 02:28 AM
بنات مين يعرف مدارس محتاجه اخصائيه عندها خبره بلغه الآشاره :$



..

روح مطير
27-08-2011, 04:55 AM
بنااااااات
الله يعاافيكم
اللي تعر موقع شركة فيبكو
تقوولي ضرووري..
يعني بأي حي وشنو الحي أو المعلم القريب عنده
دورت بالنت عنه م حصلت...


أنتظرتكم..



يا قلبي ..تفضلي طلبك

البريد الإلكتروني:info@fipco.com.sa (info@fipco.com.sa)موقع الإنترنت:http://www.fipco.com.sa (http://www.fipco.com.sa/)العنوان البريدي:ص. ب 8762 الرياض 11492موقع الشركة:هاتف:+9661 2652299فاكس:+9661 2651275
وياااارب توفقك وتيسر أمورك

وما نستغني عن دعواتك يا غالية:h

حديثه التخرج
27-08-2011, 05:37 AM
بنات انا تخصص دراسات اسلاميه
اداب لساتني متخرجه
اذا في اي وظيفه تعليمه او خبروني
ومايهم الراتب المهم ماجلس بدون دوااام
واللي جربت الاداره وش اهم الشروط يبونها ..؟

روح مطير
27-08-2011, 06:40 AM
^
^
تابعي اعلانات وظائف المدارس الخاصه
وبخصوص العمل الإداري..أتوقع يطلبون دورة حاسب
مع اني كلمت مدرسة خاصة وقدمت على وظيفة ادارية..وسألتها اذا شهادة الدورة مهمه..قالت :المهم يكون عندك فكرة عن الحاسب بشكل عام

والله يا غالية المسألة توفيق من ربك
توكلي عليه وقدمي في كل مكان

وموفقه

خريجة جديدةة
27-08-2011, 07:41 PM
السلام عليكم ورحمة الله وبركاته..
اخباركم.
تكفون اي طلب تشوفون محتاجين مرشدة اجتماعية ارسلوا لي عالخاص
وربي يحقق لكم ماتتمنون ياارب

رنا بنت محمد
28-08-2011, 12:25 AM
^
^
تابعي اعلانات وظائف المدارس الخاصه
وبخصوص العمل الإداري..أتوقع يطلبون دورة حاسب
مع اني كلمت مدرسة خاصة وقدمت على وظيفة ادارية..وسألتها اذا شهادة الدورة مهمه..قالت :المهم يكون عندك فكرة عن الحاسب بشكل عام

والله يا غالية المسألة توفيق من ربك
توكلي عليه وقدمي في كل مكان

وموفقه

وين هي اعلانات المدارس الخاصه قصدك ؟


:Looking:

روح مطير
28-08-2011, 02:18 AM
^
^
هنا في هذا القسم..
أو في منتديات ثانية

خريجة تقنيه
28-08-2011, 03:33 AM
روح المطير
يعطيك العافيه,,,
بس انا اللي أقصده أبي بأي حي بأي مكان وشنو الشي القريب عنده..؟؟

دمعة غلا
28-08-2011, 04:47 AM
روح المطير
يعطيك العافيه,,,
بس انا اللي أقصده أبي بأي حي بأي مكان وشنو الشي القريب عنده..؟؟




انا سألت لك ويقولون المصنع في الخرج .. وانتي دقي واسأليهم وتأكدي منهم كذا احسن واضمن لك

خريجة تقنيه
28-08-2011, 03:42 PM
يعطيك العافيه دمعة غلاا

عطر السندريلا
29-08-2011, 02:58 AM
مدارس العليا الاهلية تعلن عن اتاحة الفرصة للتقدم للوظائف التالية :
مدرسات

تسلم السيرة الذاتية من صفحة واحدة لادارة المدارس بحي المرسلات - طريق الملك عبد العزيز - شرق سوق صحارى
قسم البنات فاكس / 4537597

حلمي التدريس
29-08-2011, 09:20 AM
الله يوفقنا جميييييييعاً ويفتحها علينا ويفرجها ياااااااااارب

وحده بالعالم
31-08-2011, 07:13 PM
مرحبا
كل عام وانتم بخير
بنات اسأل مدارس الامجاد حطيت بياناتي عندهم كم راتبهم كيف الاداره :h

مايهمني احد
01-09-2011, 03:03 AM
كل عام وانتم بخير

بنات متى تفتح المدارس الاهليه ؟

شموخ الدعوة
02-09-2011, 07:09 AM
كل عام وانتم بخير

بنات متى تفتح المدارس الاهليه ؟



وأنت بخير يارب دوام المعلمات يوم 6/10

بالتوفيق

إباء
02-09-2011, 05:42 PM
السلام عليكم ورحمة الله وبركاته

كل عام وانتم بخير

صاحبتي تسألكم جاها عرض لوظيفة مشرفة في المركز السعودي البريطاني في جامعة نورة
وطبعا الدوام طويل والراتب قليل بس اهي تبي تشتغل اي شي وتبي تعرف اي شي عنهم من قد جرب وتوظفت عندهم كيف تعاملهم والتزامهم بدفع الراتب وكذا ...
وبعد هم قالوا لها روحي بكرة؟؟ لكن هل الجامعة تداوم بكره اعتقد الاحد الدوامات ولا !!>>بعذري عاطلة من الدرجة الأولى

نعم للوظيفة
02-09-2011, 06:29 PM
أسأل الله لي ولكم التوفيق والسداد..

شموخ الدعوة
02-09-2011, 07:46 PM
أسأل الله لي ولكم التوفيق والسداد..


آآمين ياااارب

عمة عبودي
02-09-2011, 10:47 PM
بنات اليوم اتصلت علي مصرية من مدارس السمو يبوني اجي اشرح عندهم المهم بحثت بالنت عنهم وقريت وحدة تقول ياخذون شهادتك الاصل عندهم عشان لما تبين تروحين مايخلونك تروحين الا لمن تجيبين بديلة لك وبعدها يعطونك وثيقتك الاصل .. مين جربهم يابنات انا مااحب هالاستغلال والابتزاز بهالطريقة اخاف يكونون شينين واتوهق بهم ..

أم محمد خالد
03-09-2011, 01:21 AM
السلام عليكم ورحمة الله وبركاته

كل عام وانتم بخير

صاحبتي تسألكم جاها عرض لوظيفة مشرفة في المركز السعودي البريطاني في جامعة نورة
وطبعا الدوام طويل والراتب قليل بس اهي تبي تشتغل اي شي وتبي تعرف اي شي عنهم من قد جرب وتوظفت عندهم كيف تعاملهم والتزامهم بدفع الراتب وكذا ...
وبعد هم قالوا لها روحي بكرة؟؟ لكن هل الجامعة تداوم بكره اعتقد الاحد الدوامات ولا !!>>بعذري عاطلة من الدرجة الأولى


عادي خليها توافق على الاقل تاخذ خبرة
طيب هي من وين قدمت على الوظيفة
لو سمحتي ردي علي

احاسيس الغلا
03-09-2011, 01:31 AM
السلام عليكم ورحمة الله وبركاته

بنات ماطبقووو قرار زيادة رواتب الاهليه ؟

نبضي قرآني
03-09-2011, 05:44 AM
بنات اليوم اتصلت علي مصرية من مدارس السمو يبوني اجي اشرح عندهم المهم بحثت بالنت عنهم وقريت وحدة تقول ياخذون شهادتك الاصل عندهم عشان لما تبين تروحين مايخلونك تروحين الا لمن تجيبين بديلة لك وبعدها يعطونك وثيقتك الاصل .. مين جربهم يابنات انا مااحب هالاستغلال والابتزاز بهالطريقة اخاف يكونون شينين واتوهق بهم ..


مدارس السمو هي اللي بالمروج والا ؟؟؟

مااحبها هالمدرسه بس وحده من صديقاتي قد راحت لهم وقالت لي انها ارتاحت لهم

بس بالنسبه انهم ياخذون الوثيقه الاصليه نفس مدرستي الاولى كانت بتطبق هالقرار بس محد

عطاهم وجه من المعلمات وسحبوا قرارهم انا عن نفسي لو يموتونن مااعطيهم الوثيقه اجلس

بالبيت ولا اعطيهم

انتي روحي وشوفي المدرسه يمكن ترتاحين لها والله يوفقك يرزقك ويرزقنا بالوظيفه الحكوميه مره

وحده :p

نبضي قرآني
03-09-2011, 05:46 AM
بنات من اللي سمعت عن روضه سماء الطفل في شارع ابوبكر الصديق
تكفون اللي تعرف عنها شي تفيدني

عمة عبودي
03-09-2011, 11:33 AM
بنات بليز الي تعرف وين موقع مدارس السمو تقولي

هو بحي المروج لكن ابي وصف دقيق جدا للقادم من جنوب الدائري الشرقي

عطله باطله
03-09-2011, 12:48 PM
بنات بليز الي تعرف وين موقع مدارس السمو تقولي

هو بحي المروج لكن ابي وصف دقيق جدا للقادم من جنوب الدائري الشرقي

الله يوفقك وييسرلك ... شوفي انا بعطيك وصف سهل وخريطه :) ... روحي على طريق العليا امتداد شمال الى ان توصلين للمروج عدي الاشاره اللي عند ماك سيده تجيك عماره كبيره بعدها فيه شارع اسمه اتوقع شهداء بدر رايح جاي يمين ادخلي من عنده تلقينها يسار علطول ...

وهذي الخريطه ...
http://www.m5zn.com/uploads2/2011/9/3/photo/090311020902hte3mt6koiqs62ylu.jpg (http://create-avatar.m5zn.com/)

دعواتك

إباء
03-09-2011, 03:18 PM
عادي خليها توافق على الاقل تاخذ خبرة
طيب هي من وين قدمت على الوظيفة
لو سمحتي ردي علي

مرحبا عزيزتي انا سألتها قالت انو هي ماتذكر انها قدمت عليهم بس تقول ان كل الاعلانات اللي في منتدى حلول البطالة اقدم عليها والاغلب مايكون ذاكرين الاسم ...... الله يوفقها ويوفق الجميع لما يحبه ويرضاه.

إباء
03-09-2011, 03:20 PM
بنات من تعرف مدرسة بشرق الرياض محتاجين معلمة حاسب او ادارية؟؟

محاسبجيه
03-09-2011, 05:39 PM
بنات من اللي سمعت عن روضه سماء الطفل في شارع ابوبكر الصديق
تكفون اللي تعرف عنها شي تفيدني

توها جديده بتفتح هالسنه

sadeem2
03-09-2011, 06:57 PM
بناااااااااااات مين تعرف مدارس دار الصفوه بحي العقيق

ابي اعرف كيف ادارتهم ومعلماتهم ورواتبهم

نبضي قرآني
03-09-2011, 07:04 PM
توها جديده بتفتح هالسنه

مشكوره يالغلاااا

انا شفتها شكل مبناها حلو وجديد بس ماتعرفين يبغون معلمات او ادارايات ؟؟؟

تخرجت وأبي وظيفه
03-09-2011, 10:35 PM
السلام عليكم ورحمة الله وبركاته

كل عام وانتم بخير

صاحبتي تسألكم جاها عرض لوظيفة مشرفة في المركز السعودي البريطاني في جامعة نورة
وطبعا الدوام طويل والراتب قليل بس اهي تبي تشتغل اي شي وتبي تعرف اي شي عنهم من قد جرب وتوظفت عندهم كيف تعاملهم والتزامهم بدفع الراتب وكذا ...
وبعد هم قالوا لها روحي بكرة؟؟ لكن هل الجامعة تداوم بكره اعتقد الاحد الدوامات ولا !!>>بعذري عاطلة من الدرجة الأولى

وعليكم السلام
وانتي بخير
وشو المركز السعودي البريطاني؟؟! جاني انه في وظائف بس مدري وشو

طفل يتيم
03-09-2011, 11:08 PM
وين يقع شارع أبي بكر بأي حي شرق ولا غرب
<< ودي أروح وأجرب حظي ~

نبضي قرآني
04-09-2011, 04:04 AM
وين يقع شارع أبي بكر بأي حي شرق ولا غرب
<< ودي أروح وأجرب حظي ~

شارع ابو بكر في شمال الرياض

قريب من حي الربيع

طبعا الشارع ممتد بس اللي اقصده هو موقع الروضه

أم محمد خالد
04-09-2011, 04:33 AM
مرحبا عزيزتي انا سألتها قالت انو هي ماتذكر انها قدمت عليهم بس تقول ان كل الاعلانات اللي في منتدى حلول البطالة اقدم عليها والاغلب مايكون ذاكرين الاسم ...... الله يوفقها ويوفق الجميع لما يحبه ويرضاه.



هلا إباء الله يجزاك خير ومشكورة
ويارب يرزقنا الوظايف اللي نرتاح فيها
آمـــــــــــــيــــــــــــــــــــــــــــــن

نونو بنت جوجو
04-09-2011, 04:53 AM
بنات عندي سؤالين ..

الاول : كيف اقدم على المقاصف ؟؟

الثاني : في مدارس محتاجه دراسات أسلاميه تقدر تدلني عليها ؟؟

الله يحركم وجه الي بتدلني عن النار
تكفووون ساعدوني محتاجه الوظيفة الله يخليكم ..

القلب النابض
04-09-2011, 08:05 AM
بنااات طلبه اللي تعرف مدارس محتاجين معلمة دين تخبرنا والله ينولها اللي تتمنى

مؤمنة بقدري
04-09-2011, 10:23 AM
مدارس النيار في حي الربيع يبغون مدرسات اقتصاد منزلي وفنيه وهذا رقمهم (4930337)
هذا برود كاست جاني على الجوال فماني متاكده منه بس اللي تبي تتصل وتتاكد وربي يوفق الجميع

كيب ورد
04-09-2011, 10:47 AM
الله يوسع بارزاقنا

روح مطير
04-09-2011, 02:52 PM
الله يوسع بارزاقنا

اللهم آمين:h

دمعة غلا
04-09-2011, 04:00 PM
بنات جريدة الرياض اليوم منزلين اعلان وظائف لمدارس اهلية تقريبا 4 او خمس مدارس
شوفوها والله يوفقكم ..


ولاتفوتون جريدة الرياض هالايام كلها ولمدة شهرينزلون اعلانات دااااااااااايم كالعادة
تصفحوها لو بالنت ..

دعواتكم لي

روح مطير
04-09-2011, 04:03 PM
^
^
الله يجزاك خير يا قلبي

محاسبجيه
04-09-2011, 05:18 PM
مشكوره يالغلاااا

انا شفتها شكل مبناها حلو وجديد بس ماتعرفين يبغون معلمات او ادارايات ؟؟؟


والله مدري انا ناويه امر عليهم اشوف

اماني الحارثي
04-09-2011, 07:14 PM
بنات جريدة الرياض اليوم منزلين اعلان وظائف لمدارس اهلية تقريبا 4 او خمس مدارس
شوفوها والله يوفقكم ..


ولاتفوتون جريدة الرياض هالايام كلها ولمدة شهرينزلون اعلانات دااااااااااايم كالعادة
تصفحوها لو بالنت ..

دعواتكم لي
ي الغاليه
تصفحت جريدة الرياض مالقيت شي ...
الله يوفقك ي ليت تكتبين اعلان

عطر السندريلا
04-09-2011, 07:45 PM
بنات مدرسه اهليه غرب الرياض بحاجه الي معلمه للصف الثاني الابتدائي يكون عندها خبره

لاتحاول
04-09-2011, 09:31 PM
^
اسم المدرسه ورقمهم لو سمحتي

متاابعه
04-09-2011, 10:31 PM
بنات مين تعرف مدارس التربيه الاسلاميه الي بالتخصصي

كم الرواتب وكيف الاداره؟؟؟

sadeem2
04-09-2011, 10:35 PM
بنات عندي سؤالين ..

الاول : كيف اقدم على المقاصف ؟؟

الثاني : في مدارس محتاجه دراسات أسلاميه تقدر تدلني عليها ؟؟

الله يحركم وجه الي بتدلني عن النار
تكفووون ساعدوني محتاجه الوظيفة الله يخليكم ..


الأول بيفيدك هالموضوع
http://www.btalah.com/showthread.php?t=351231

وروحي للمدراس واطلبي انك تتوظفين بالمقصف

والله يوفقك

نمله مراهقة
05-09-2011, 03:33 AM
صباح الخير
بنات بسالكم من قد سوت مقابله في مدارس السعودية ضروري اليوم عندي مقابلة الساعة 9 الصباح اليوم



ليه ماتوظفت
05-09-2011, 06:19 AM
السلام عليكم ورحمة الله وبركاته

بنات ماطبقووو قرار زيادة رواتب الاهليه ؟

:z :(

روح مطير
05-09-2011, 06:27 AM
صباح الخير
بنات بسالكم من قد سوت مقابله في مدارس السعودية ضروري اليوم عندي مقابلة الساعة 9 الصباح اليوم



ما أدري بس ترى كثيييير يمدحونها
الله يجعلها من نصيبك يا قلبي:h

ترآنيم نجد
05-09-2011, 08:40 AM
اخواتي الله يوفقكم دنيا واخره

ابغى مدارس شمال الرياض يطلبون معلمات رياضيات

بايكرز
05-09-2011, 09:30 AM
السلام عليكم ورحمة الله وبركاته


انا خريجة هالسنه رياضيات

ودي اقدم على مدارس بس يكون عملي اداريه


مااعرف وش متطلباتهم - ووش شروطهم -- وكيف اقدم على المدارس اقولهم ابي اصير اداريه ؟


ياليت احد يفيدني

احاسيس الغلا
05-09-2011, 11:48 AM
السلام عليكم ورحمة الله وبركاته


انا خريجة هالسنه رياضيات

ودي اقدم على مدارس بس يكون عملي اداريه


مااعرف وش متطلباتهم - ووش شروطهم -- وكيف اقدم على المدارس اقولهم ابي اصير اداريه ؟


ياليت احد يفيدني



وعليكم السلام ورحمة الله وبركاته

هلا اختي حبيت افيدك الوظيفه الاداريه ماتحصلينها بسهوله
لازم خبره تكون معاك

نصيحه لك اذا حصلتي وظيفه معلمه اقبلي بها واخذتي خبره
وقتها ابحثي وظيفه اداريه

احساس جوف
05-09-2011, 02:34 PM
الله يخليكم يابنات اريد اسماء المدارس الاهليه وارقامهم او ايميلاتهم اللي شرق الرياض بحي اليرموك ضروري

الله يجزاها كل خير اللي تدلني عليهن

انا تخصصي رياضيات وعندي خبرات ودورات

التمساح الزاحف
05-09-2011, 07:14 PM
السلام عليكم
بنات اللي تعرف مدرسه بشرق الرياض محتاجين مدرسات دين لا تبخل علينا الله لايحرمكم الجنه
واللي سوت مقابله باي مدرسه تقولنا كيف كانت المقابله خا صه المدرسه السعوديه

مهم جداجدا
05-09-2011, 07:15 PM
فية مدرسة طالبة معلمات رياضيات بس في شمال الرياض
4535111

خيوط الطيف
05-09-2011, 08:23 PM
مساء الخير..
عزيزاتي.. احتاج مشورتكم..
اتصلت علي مدرسة راتبها 1500 ومناهج كثيرة..
محتارة اروح لها واحس راتبها ما يسوى التعب..
لا تحرموني من رايكم..

صمتي غرام
05-09-2011, 08:29 PM
خيوط الطيف صدق ماتسوى


بس يالله هي ولا الجلسه بالبيت

بنوته قمر
05-09-2011, 08:34 PM
حبيباتي ممكن وصف مدارس الفنار الاهليه بالرياض
عندي مقابله الاربعاء الله ييسر اموركم

روح مطير
05-09-2011, 10:10 PM
السلام عليكم ورحمة الله وبركاته
كل عام والجميع بخير..

-مركز ضيافة أطفال..بحاجة إلى:
*مساعدات ذات خبرة
*معلمات:
رياض أطفال-لغة انجليزية-حاسب آلي-علم اجتماع-خدمة اجتماعية-علم نفس-حاضنات أطفال-
حارس وزوجته-عاملات نظافة

متعاونات مبدعات..للبرامج المسائية

*يفضل السكن شرق الرياض




لإرسال السيرة الذاتية

childj2011@gmail.com (childj2011@gmail.com)



بالتوفيق للجميع

ودعواااتكم

مترجمة طموحة
05-09-2011, 11:28 PM
بنات أحد يعرف مدارس غرب الرياض في السويدي أو البديعة طالبين معلمة إنجليزي؟

شذاوي
06-09-2011, 02:33 AM
بالتووووووووووفيق

ملونة بالبياض
06-09-2011, 02:45 AM
مساء الخير..
عزيزاتي.. احتاج مشورتكم..
اتصلت علي مدرسة راتبها 1500 ومناهج كثيرة..
محتارة اروح لها واحس راتبها ما يسوى التعب..
لا تحرموني من رايكم..

اذا قريبة المدرسة روحي لها منها تاخذين خبرة لان اغلب المدارس تطلب خبرة
اما اذا عندك خبرة ان شاء الله بتلاقين احسن من هالراتب

موفقة يارب

وردة الايام
06-09-2011, 06:19 AM
اذا قريبة المدرسة روحي لها منها تاخذين خبرة لان اغلب المدارس تطلب خبرة
اما اذا عندك خبرة ان شاء الله بتلاقين احسن من هالراتب

موفقة يارب

اذا قريبه روحي احسسن من جلسسه البيت
وبنفس الوقت ابحثي

ربي يسهل امرك

احساس الأمل
06-09-2011, 07:18 AM
بنات في احد جرب مدارس المناهج اوو سمع عنها !

ترآنيم نجد
06-09-2011, 08:04 AM
فية مدرسة طالبة معلمات رياضيات بس في شمال الرياض
4535111




يعطيك العافيه يارب

طبعا هي مدرسه ابتدائيه

وانا ابغى المرحلة المتوسطة او الثانوية

تكفون اللي تعرف مدارس بحي القدس الحمراء او الخليج او الاحياء القريبه منها تعطيني اسمها وارقامها

روح مطير
06-09-2011, 10:03 AM
^
^
يا غالية مدارس أشبال المستقبل بحي القدس
رياض أطفال+تمهيدي+ابتدائي الى سنة ثالث

وهذا رقمهم..0504274664

دعوااااااتك عندي تقييم عمل عندهم على أساسه الوظيفة يوم السبت

رنا بنت محمد
06-09-2011, 10:32 AM
مدارس نيار الأهليه بحي الربيع مدرسه جديده

محتاجه تقريباً كل التخصصات

رواتبهم 3000

واذا طبقو الأمر الملكي بتكون 5000

هذا رقمهم

4930337


بالتوفيق جاني بي سي
..

رنا بنت محمد
06-09-2011, 10:33 AM
مدارس المروج الأهليه مكانها حي الوادي بين مخرج 6 و7


تبي اخصائيات

بالتوفيق

..

معلمة أجيال
06-09-2011, 06:46 PM
بنات انا معلمة أجتماعيات ابتدائي

وردة الايام
06-09-2011, 07:39 PM
بنات في احد جرب مدارس المناهج اوو سمع عنها !

سمعت عنهاااا -مدرسه قويه وراتبهم عالييييه جدا

حتي طريقه تعلميهم حديثه

الله يوفقك

ال الشمسية
06-09-2011, 07:45 PM
هلا والله بمعلمة الاجتماعيات وش المطلوب

معلمة أجيال
06-09-2011, 07:55 PM
هلا قلبي مدارس محتاجين تخصص اجتماعيات ابتدائي

ال الشمسية
06-09-2011, 08:07 PM
دلينا عليها

بنوته قمر
06-09-2011, 08:14 PM
بنات مركز وقت المرح محتاجين حاضنات ومعلمات رياض اطفال
وهذا رقمهم
012094360
0545580092
وبالتوفيق يارب

ريح النفل
06-09-2011, 08:21 PM
وين مكانها المدرسه اللي طالبة اجتماعيات أنا تخصصي تاريخ

نهر الوفاء
06-09-2011, 08:26 PM
مساء الخير
دقواعلي مدرسة وقالوا تعالي بكرة عندك مقابلة بس يبغوني ادرس رياضيات ابتدائي وانا تخصصي كيمياء سوالي هل راح استفيد من الخبرة في الديوان اذا كانت خبرتي مو في مجال تخصصي

طالبة المعالي
06-09-2011, 09:37 PM
مساء الخير

دقواعلي مدرسة وقالوا تعالي بكرة عندك مقابلة بس يبغوني ادرس رياضيات ابتدائي وانا تخصصي كيمياء سوالي هل راح استفيد من الخبرة في الديوان اذا كانت خبرتي مو في مجال تخصصي




من السنة الماضية ممنوع أن تدرس مادة الرياضيات معلمة تخصهصها غير الرياضيات
يعني استحاله تخليك المشرفة تدرسين رياضيات

:: هذا اللي وصلني لما رحت للتوجيه

يارب رجاك
06-09-2011, 10:16 PM
بنات متى المقاصف تبدا ؟

ومن تعرف مدرسه محتاجين بالشمال او الشرق
الله يسعدكم ردو

يارب رجاك
06-09-2011, 10:18 PM
من تعرف مدرسه التعاون بالروضه واشتغلت فيها كيفها ؟

أوركيده
06-09-2011, 10:24 PM
بنات الله يرضى عليكم
تعرفون مدارس بغرب الرياض محتاجه تخصص تاريخ ..

زهره الابداع
06-09-2011, 10:52 PM
يابناااااات الله يعافيكم اللي تعرف مدرسه بشرق الرياض تقبل مساعده او اداريه تخصصي اداره اعمال مسار اداره وتنظيم موارد بشريه بلييزززز دلوني عليهاااا

شموخ الدعوة
07-09-2011, 01:30 AM
^
^
يا غالية مدارس أشبال المستقبل بحي القدس
رياض أطفال+تمهيدي+ابتدائي الى سنة ثالث

وهذا رقمهم..0504274664

دعوااااااتك عندي تقييم عمل عندهم على أساسه الوظيفة يوم السبت

كيف تقييم عمل .. وضحي أكثر

رووح ممكن نتواصل :d

روح مطير
07-09-2011, 01:34 AM
كيف تقييم عمل .. وضحي أكثر

رووح ممكن نتواصل :d



هلا شموووخ..:w

انا رحت للمدرسة أمس وطلبت مني تحضير عرض بوربوينت عن موضوع معين
وعلى أساسه تقييم وترشيح للعمل

الله ييسر لنا الخير جميعا..

شموخ الدعوة
07-09-2011, 01:43 AM
هلا شموووخ..:w

انا رحت للمدرسة أمس وطلبت مني تحضير عرض بوربوينت عن موضوع معين
وعلى أساسه تقييم وترشيح للعمل

الله ييسر لنا الخير جميعا..


اللهم آآآآآآآآآآمين

طمنينا وش يصير معاك ؟؟.!

موفقه لكل خير :w:h:w

روح مطير
07-09-2011, 01:54 AM
^
^
انتي اللي ما طمنتيني وش صار معاك؟

شموخ الدعوة
07-09-2011, 02:39 AM
^
^
انتي اللي ما طمنتيني وش صار معاك؟

ههه كتبت لك بس شكلك ما قراتيه

خليني اشوفك هنااااك

قبل يوم السبت ضررروري :d

في قديم الزمان
07-09-2011, 03:31 AM
في مدارس الحوار التربوي دقوا علي يبون معلمه صف اذا احد جربهم او عمده معلومات عنهم يفيدنا الله يعافيكم

احاسيس الغلا
07-09-2011, 05:21 AM
بنااات الله يوفقكم يارب وكل وحده ربي يرزقها بالوظيفه الي تريحها

ابي اسىل مدارس الاركان كم رواتبهم

نبضي قرآني
07-09-2011, 05:38 AM
مدارس المروج الأهليه مكانها حي الوادي بين مخرج 6 و7


تبي اخصائيات

بالتوفيق

..


هذي المدرسه كنت ادرس فيها خمس سنوات :p

وكانت بحي المروج اول والسنه هذي نقلت

نبضي قرآني
07-09-2011, 05:40 AM
مدارس كنوز المعرفه بحطين محتاجين رياض اطفال
رواتبهم من 1800 الى 2000

رقمهم 014898888

دعواتكم

احاسيس الغلا
07-09-2011, 05:45 AM
بنات تخيلوو انا معاي خبره 5 سنوات اداره

حصلت وظييفه كاتبه بمدرسه اهليه براتب 1100 !!

وقلت خبرتي ماتحسبونها قالت لا

وين العدل ياناس والله ظلم وش تسوي 1100

Pink_Dreams
07-09-2011, 06:26 AM
الله يرزقك بالوظيفه الحكوميه عاجلا غير اجل..

احس هالسنه مستوى المدارس الاهليه صار اسوء من اول
بعد قرار رفع الراتب

الله يعيييينا
ويرزقنا من حيث لانحتسب

ترآنيم نجد
07-09-2011, 07:52 AM
اللي تعرف مدرسة محتاجين معلمة رياضيات

تكفون اللي تعرف مدارس بحي القدس الحمراء او الخليج او الاحياء القريبه منها تعطيني اسمها وارقامها

الله لايحرمكم الجنة

هاجس@
07-09-2011, 08:17 AM
بنات تخيلوو انا معاي خبره 5 سنوات اداره

حصلت وظييفه كاتبه بمدرسه اهليه براتب 1100 !!

وقلت خبرتي ماتحسبونها قالت لا

وين العدل ياناس والله ظلم وش تسوي 1100

هلا اختي احاسيس وين هالمدرسه فيه

هاجس@
07-09-2011, 08:18 AM
بنات من يعرف رقم مدارس فجر المعرفه

شموخ الدعوة
07-09-2011, 08:22 AM
بنات اللي تروح لمدرسة الخليج بحي الورود

تسألهم عن الرواتب وتكتب هنا تكفوووون

ربي لا يحرمكم الاجر

عاطلله
07-09-2011, 09:07 AM
مرحبا
كل عام وانتم بخير
بنات اسأل مدارس الامجاد حطيت بياناتي عندهم كم راتبهم كيف الاداره :h


ما أدري عنهم الحين لكن أختي توظفت عندهم سنه
نصابين وحراميه
ياخذون من الراتب على اساس تامينات
بعد ما تركتهم اختي راحت تبي تاخذ مستحقاتها طلعت الامجاد مو تبع التامينات
يعني سارقين منها حوالي 5000 ريال :court:

a7asess
07-09-2011, 11:31 AM
بنات بليز البن تبع القروب عالخاص ...

ترآنيم نجد
07-09-2011, 11:35 AM
اخواتي وش رايكم في مدرسة النخبة في حي الخليج

وكم رواتبهم

تكفووون ردوا لانهم دقوا علي وقالوا تعالي للمقابلة

وكيف بتكون مقابلتهم

ردوا علي الله يجزاكم خييير

مبرمجه
07-09-2011, 11:46 AM
التوحيد الاهلية
طالبين معلمة لغة انجليزية
4314120 السويدي الغربي مخرج 26شارع حمزة بن عبدالمطلب



مدراس التفوق بحاجة إلى معلمات لغة عربيه

ت : 4611063 تحويلة 15


وبعد مدراس الوطن الأهلية بحاجة إلى معلمات رياض أطفال :

ت : 2300503


مدراس روابي الأندلس
بحاجة إلى معلمات رياضيات + علوم + دين

ت : 4933147

زيزفون الرياض
07-09-2011, 02:10 PM
مافيه مدارس محتاجين دراسات اسلاميه

تخرجت وأبي وظيفه
07-09-2011, 02:13 PM
بنات دقوا عليكم المدارس؟ قدمت على كذا مدرسه وكل إيميل ارسل له السي في حقي :( والدراسه السبت
هل مازال فيه أمل يدقون ؟
الله يرزقنا ويكم الرزق الحلال الكثير الطيب المبارك فيه

شذاوي
07-09-2011, 03:53 PM
صديقــاتي العاطلات مدارس القبـــس في شمال الرياض محتاجين مراقـــــــبه توهم دقوا علــــي بس أنــا رفضت ما أبي مراقبــــه إللي تبي تدق عليهم

معلمة أجيال
07-09-2011, 04:19 PM
بنات بليز ارسلوا لي البين تبع القروب على الخاص

زيزفون الرياض
07-09-2011, 06:43 PM
بنات بليييييييييييييييييييييييييييييييييييييييييييييييي ز ساعدوني ابي مدارس تحتاج دين

شذاوي
07-09-2011, 06:45 PM
بنات بليييييييييييييييييييييييييييييييييييييييييييييييي ز ساعدوني ابي مدارس تحتاج دين


مدراس روابي الأندلس
بحاجة إلى معلمات رياضيات + علوم + دين

ت : 4933147

شذاوي
07-09-2011, 06:47 PM
بنات تصدقون جاني قبول محاضره في كلية ضرما وأبوي رفض عشانها بعيده وأنا من الرياض

وقبل جاني محاضره في الدلم ورفــــضها بعد

تكفووون أدعولـــــي بوظيفة في الرياض وضواحيها أو الخرج

زيزفون الرياض
07-09-2011, 07:19 PM
الله يجزاك خير
بس اتوقع مكتفين
كل مادق على المدارس القاهم مكتفين

الأجر على الله
07-09-2011, 09:19 PM
السلام عليكم

أحد جرب يكلم مدرسة نيار ؟
يطلبون خبره :( ؟

الأجر على الله
07-09-2011, 09:21 PM
بنات تصدقون جاني قبول محاضره في كلية ضرما وأبوي رفض عشانها بعيده وأنا من الرياض

وقبل جاني محاضره في الدلم ورفــــضها بعد

تكفووون أدعولـــــي بوظيفة في الرياض وضواحيها أو الخرج

الدلم هي من ضواحي الخرج !
وضرما ماتبعد عن الرياض شيء
الله يرزقك ويعوّضك بالأحسن

اشوف معك ماستر وماتوظفتي :m

الله يرزقك ويرزقنا ياحي ياقيوم

طفل يتيم
07-09-2011, 09:40 PM
بنات تصدقون جاني قبول محاضره في كلية ضرما وأبوي رفض عشانها بعيده وأنا من الرياض

وقبل جاني محاضره في الدلم ورفــــضها بعد

تكفووون أدعولـــــي بوظيفة في الرياض وضواحيها أو الخرج

الله يرزقكـ بالوظيفة اللي تبينها
ويوفقك يآآآآرب

شذاوي
07-09-2011, 09:56 PM
الله يسلمكم بس وش اسوي هذي عقليت ابوووي ع باله التوظيف زي زمان يوظفونهن جنب البيت

الله يكتب لي ولكم الوظيفة السنعه

شذاوي
07-09-2011, 10:00 PM
بنات مدارس السنابل بالنسيم محتاجين معلمات وموظفات لا دقون عليهم رح يقولون مافي وظايف روحواللمدرسة
بس ترا العمل كثير عشان رواتبهم٥٦٠٠ فصاروا يضغطون علي المعلمات بالحصص ٢١ حصه وما فوق ويمسكونكم جمعيات

اللي تبيها هي بالنسيم

سراب الرياض
07-09-2011, 10:17 PM
شذاوي ياقلبي حراااااام ..
ضرما مو بعيييييييده وربي

اقنعي ابووك وحاولي معه ..

والله يوفقك ويسسخر لك ابوك ويوافق ..

وردة الايام
07-09-2011, 10:25 PM
بنات تصدقون جاني قبول محاضره في كلية ضرما وأبوي رفض عشانها بعيده وأنا من الرياض

وقبل جاني محاضره في الدلم ورفــــضها بعد

تكفووون أدعولـــــي بوظيفة في الرياض وضواحيها أو الخرج
الله يوفقك
ان شالله تجييك وظيفه بالمكان اللي تبينه
بس برضو هذا رزق روحي وجربي ماتدرين وين الخيررره


الله يوفقكم يابنات بالوظايف الحلوه

بنوته قمر
07-09-2011, 10:30 PM
حبايبي ماتعرفون جمعيات خيريه او مدارس محتاجين مرشده طلابيه
جزيتم خيرا

وردة الايام
07-09-2011, 10:41 PM
بنات دقوا عليكم المدارس؟ قدمت على كذا مدرسه وكل إيميل ارسل له السي في حقي :( والدراسه السبت
هل مازال فيه أمل يدقون ؟
الله يرزقنا ويكم الرزق الحلال الكثير الطيب المبارك فيه
كثري استغفار ولاتشلييين هم لو بنص الترم بيدقون ..

الله كررريم :)

بنوته قمر
07-09-2011, 10:41 PM
يا حبيباتي


الخبر فرريش جديد


التوحيد الاهلية 4314120 السويدي الغربي مخرج 26شارع حمزة بن عبدالمطلب

طالبين معلمة لغة انجليزية

مدراس التفوق بحاجة إلى معلمات لغة عربيه

ت : 4611063 تحويلة 15


وبعد مدراس الوطن الأهلية بحاجة إلى معلمات رياض أطفال :

ت : 2300503


مدراس روابي الأندلس
بحاجة إلى معلمات رياضيات + علوم + دين

ت : 4933147

مدراس روابي الأندلس
بحاجة إلى معلمات رياضيات + علوم + دين

ت : 4933147


وبالتوفيق لللكل ودعواتكم

وردة الايام
07-09-2011, 10:46 PM
حبايبي ماتعرفون جمعيات خيريه او مدارس محتاجين مرشده طلابيه
جزيتم خيرا

نصيحه الجمعيات الخيريه روحي بنفسسك لانهم مايعلنون احتياج المديره قالت لي هالكلام ..
العام انا كذا رحت الجمعيه الخيريه للايتام -مقابل صحاري
وتم الاتفاق علي التدريب لمده اسبوع وبعدها اقرر وراتبهم 4500 -وقالت لي تنزلين ميداني قلت عااادي

بس صارت ظروف واعتذرت عن التدريب...
والله يرزقنااا

بنوته قمر
07-09-2011, 10:52 PM
نصيحه الجمعيات الخيريه روحي بنفسسك لانهم مايعلنون احتياج المديره قالت لي هالكلام ..
العام انا كذا رحت الجمعيه الخيريه للايتام -مقابل صحاري
وتم الاتفاق علي التدريب لمده اسبوع وبعدها اقرر وراتبهم 4500 -وقالت لي تنزلين ميداني قلت عااادي

بس صارت ظروف واعتذرت عن التدريب...
والله يرزقنااا
الله يجزاك خير طيب حبيبتي متى اوقات دوام الجمعيات

وردة الايام
07-09-2011, 11:27 PM
الله يجزاك خير طيب حبيبتي متى اوقات دوام الجمعيات

من 9 صباحا الي 5- او 4:30 مسا

انا مقابلتي كانت الساعه 11 الصبح بالنسبه لهذي الجمعيه اما الباقي مدري اذا دوامين او لا

الله يوفقك

بنوته قمر
07-09-2011, 11:34 PM
من 9 صباحا الي 5- او 4:30 مسا

انا مقابلتي كانت الساعه 11 الصبح بالنسبه لهذي الجمعيه اما الباقي مدري اذا دوامين او لا

الله يوفقك
مشكوره والله يجزاك خير

ودة والنعم
08-09-2011, 12:14 AM
السلاااااااااااااام عليكم

بنااااااااااااااات مدارس الفلاااااااااااح بشرق الرياض محتاجين موظفات جمييييييع التخصصات نقلا عن موظفة في المدرسة

رواتبهم 3000 ريال
روحوا السبت وبالتوفيق

أمل مشرق
08-09-2011, 12:23 AM
تفصيل وخياطة محد محتاج
مليت من البطالة
معلمة أو أدارية الموهم وظيفة
أذا تعرفون عطوني خبر
الله يسعدكم ويرزقكم

هيوووف
08-09-2011, 12:25 AM
السلاااااااااااااام عليكم

بنااااااااااااااات مدارس الفلاااااااااااح بشرق الرياض محتاجين موظفات جمييييييع التخصصات نقلا عن موظفة في المدرسة

رواتبهم 3000 ريال
روحوا السبت وبالتوفيق

ياريت رقم الهاتف لو تكرمتي

شموخ الدعوة
08-09-2011, 12:43 AM
السلاااااااااااااام عليكم

بنااااااااااااااات مدارس الفلاااااااااااح بشرق الرياض محتاجين موظفات جمييييييع التخصصات نقلا عن موظفة في المدرسة

رواتبهم 3000 ريال
روحوا السبت وبالتوفيق

قلبووو وين مكانها

الرقم - الإيميل

الله يسعدك ويفرحني بوظيفتك ياحق :w

ودة والنعم
08-09-2011, 12:46 AM
والله الايميل مو عندي ولا الرقم
بس وصفها تعرفين شارع الامير بندر يصير بنك الراجحي على يمينك وليتل سيزر على يسارك واطلعي سيدا بيجيك اشارة ماكدونالدز اتركيها وبعدها بتجي اشارة قبلها في محطه على اليمين لفي قبلها يمين بتلقينها على اليسار المدارس جدااااااااا واضح الوصف

شذاوي
08-09-2011, 01:06 AM
بنات مين تعرف مدرسة بيت العنادل

تخرجت وأبي وظيفه
08-09-2011, 01:18 AM
السلاااااااااااااام عليكم

بنااااااااااااااات مدارس الفلاااااااااااح بشرق الرياض محتاجين موظفات جمييييييع التخصصات نقلا عن موظفة في المدرسة

رواتبهم 3000 ريال
روحوا السبت وبالتوفيق

غريبه رحت لهم قبل كم يوم وعطيتهم السي في وكتبت طلب تقديم وظيفه ولا دقوا علي!!!!!!!!!!!!

منااي
08-09-2011, 01:19 AM
السلام عليكم كيفكم بنات

ملاحظه اغلب طلبات الوظايف بشمال وشرق الرياض
ليه الغرب دايم احتياجهم قليل تعبت وانا ادور فيه سنتين ولا لقيت يايبون خبره يااشرح عندهم ولا يدقون وانا ماعندي احد يوديني لشرق وشمال الرياض
بنات تكفون اللي تعرف احتياج دين غرب الرياض او عمل اداري تقول هنا