للبيع جيب لكزس Lx470 موديل 2004 (للجادين فقط)

[فتى نجد]

السلام عليكم ...
رجاء خاص يا جماعة العرض للجادين في الشراء والشريطيه مانبي قلق , واللي بيستعمل والله العلي العظيم ان امه داعيتله ...

بسم الله نبدأ :
(( ماشاء الله تبارك الله ))
جيب لكـــــزس موديل ( 2004م )
فئة (470LX )
اللون ( ابيض لؤلؤي )
العداد , ماشي ( 58381 كيلو متر ) بالظبط حتى هذا اليوم .
ــ السياره بأسمي من الوكالة , وارد (عبداللطيف جميل)
ــ السياره تعتبر مخزنه لأنها ما تطلع كثير ومشاويري عليها خفيفه جداً لوجود سياره صغيره بديلة.
ــ ولله الحمد خاليه تماماً من السمكره والرش نهائياً , وعلى الشرط ويفحص بالوكالة , حتى مخش بسيط مافيها ابداً .
ــ تشييك وكاله كل (10000 كيلو متر ) وهذا مثبت بكتيب الفحص الدوري .
ــ طقم كفرات جديده مركبه في شهر رمضان (تعرفوووون روحة مكه ).
ــ مسيوم مني بمبلغ ( 152000 ريال ) يوم الخميس الفائت وتحديداً في مدينة دبي واللي سامه سعودي جاي يشتري موتر من الامارات , والرجال صامل 100% وكلمني اليوم وقلتله بستخير .
ــ المطلوب فرق السوم بشي يسوى يعني ابو الف والفين (يمسك البااااااااااب ) الله لايهينه .

ملاحظه / انا مظطر للبيع ولكن مانيب ( منحد ) يعني شغل اللكاعه والتصيد والكلام هذا ما يمشي معي ولو ماجاب سومه تسوى بنلغي فكرة البيع ونخليه للمكاشيات في هالشتاء ونوسع صدور البزارين ابرك , مفهووووووووووووووووووم ... حشا واحد بيضارب ماهب بيبيع ههههههههههههههههههههههه ..

ودعواتكم لنا ...

[sa3oodi]

خخخخخخخخـ

عندك سلف 10ريال اشتري كرت سوا
امزح امزح


الله يوفقك بالتوفيق

[المستشاره]

[FRAME="7 70"]

قل اعوذ برب الفلق....

المستشاره...غير
[/FRAME]...

[LULU CATY]

شباب كم مره نقول التعليقات اللي مالها داعي بلاش منها ومكانها مو هنااا الادمي طلبه واضح
اللي حابب يشتري يرد اللي عنده تعليق زايد الافضل يوفره لنفسه

وبالتوفيق اخوووي

[سيرياليه]

مااشااء الله تباارك الله!,
ربي يكتب لك اللي في الخير,!.
ويوفقك!,

[أبونايف2010]

الله يرزقك ويوفقك,,,,,,,,,,,,,,,,,,,,,

[فتى نجد]

الله يجزاكم عنا كل خير على دعواتكم الطيبة ...

[فتى نجد]

اليوم واحد شراي شاف السياره ووصل السومه ( 158000 ريال ) وانا بديت ارررررررررقل , وين اللي بيزود ويدور الزززززززين ....

[alenazi]

اذا عندك صور للسياره يكون العرض افضل،،

ياليت تنزل الصور،، لو عجبتني بفرق السوم،،

[فتى نجد]

شاكر ومقدر للجميع تفاعلكم .
وابشركم تم بيع السيارة يوم أمس ودعواتكم للمشتري بالبركة بإذن الله ...
كنت اتمنا أن يتم البيع عن طريق المنتدى ولكن الجايات اكثر ان شاء الله ...