قصة متوسد مع موظف الديوان

[متوسد ملفي]

[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/95.gif" border="groove,3,silver" type=0 line=0 align=center use=sp num="0,black""]ياموظف الديوان بالله وظفني=معاي دبلوم وملف وشهادات
دبلوم بالكهرب والأسم فني=دبلوم لكن ما املك اليوم خبرات
ابوي من بيته كحتني وطردني=طفرته المسكين بأخذ الريالات
ياموظف الديوان ظنك وظني=ان الزمن يضحك ونلقى مجالات
ولا انها احلام في لليل جتني=وطلع عليها الصبح وصارت منامات
لكن حسافه هالموظف خذلني=وطش الملف وطش باقي الشهادات
ونطق كلام ولله انه قتلني=ماتمشي الاحوال سوى بالواسطات
والواسطه من وين ياشين عني=انا بدوي وخالي رقيب وبعد مات
أي ولله انك جبتها يامظني=سعيد عنده عم وعنده معرفات
ورحنا لسعيد اللي بعذره طعني=يقول عمه راح صوب الامارات
سعيد كذاب وكذبه قهرني=سعيد عمه عسكري بالجوازات
ورجعت للي من حياته طردني=اصب فنجال واغسل بيالات
احسن من مقابل سعيد ومظني=واحسن من ملاحق فروع الوزارات[/POEM]

ماعرفت اسويها غيركذا واتمنى من احد المشرفين يزبطها مثل الاوله واتمنى من اللي يبغى ينقلها يكتب اسم المنتدى كدعايه فقط واتمنى انها تعجبكم بس

[الياسمين]

ههههههههههههههههههههه

حلوة

[عاطل مبسوط]

تنسيقك للقصيدة رااائع ...

لو كنت صاحب عمل ان كان وظفتك مدير علطول ....

[متوسد ملفي]

الوكاد خلو عنكم التنسيق عسى القصيده اعجبتكم بس

[miss.ksa]

صح لسانك و علا شانك خيوو..

ربي يوفقك..

ولا هنت يـ الطيب..

[النشمي]

صح لسانك

تدري اللي يبي ينقلها مو لازم يكتب اسم المنتدى

اي واحد يبي يسمع القصيده راح يعرف انها من منتدى البطالة

[خريجة عاطله]

والله قصيدتك روعه

اثاريك شاعر وحنا ماندري

اوكي اكتب شعر للمغنين


خخخخخخخخخخ



صح لسانك

[البطالة]

صح لسانك متوسد ملفي

وتم تنسيق القصيدة

[متوسد ملفي]

ياشيخ يعطيك العافيه وانا من بعدك وين اروح
يسلموووووووووووووووووووووو البطاله

[الطرف الاول]

صح لسانك اخوي متوسد ملفي