مشششكلة ( مكان عمل المقابله ) الرجاء المساعدة

[مستقبل زاهر]

السلام عليكم

ان شاء الله تكونون ف اتم الصحة والعافيه
والله يتقبل صيامكم وقيامك وكل عام وانتو بخير

المهم انا من جده .. وحددت مكان المقابله ف جده وكل حاجه تمام التمام ..

لكن جاني ضرف طارئ ولازم اروح للرياض وصعبه اروح الرياض وارجع اسوي المقابله ف جده وارجع مرا تانيه الريااض

تكفووووون الي يعرف حلل اغير فيه مكان المقابله حقتي من جده الى الرياض يلحححقني فيه


وشكررا ً

[فهد الاسطورة]

الله يعينك


ما اتوقع فيه حل



عايض

[مستقبل زاهر]

مشكور على الرد ..

بس ان شاء الله نلقى احد من الاعضاء عندو حل

ف إنتضاركم ..

[فهد الحمدي]

والله ياأخوي زي ماقالك أخونا ..من سابع المستحيلات أنك تغير لأنها أتثبتت في جهاز الوزارة واتسجلت في اللجان حقت جدة يعني خذها مني مهما حاولات مستحيل يتغير مكان المقابلة إلى أي مكان أخرى .

وسمح لي على احنا مشكلتنا اننا ناس مطفوقه نبغى نخلص أومورنا هب ودب وبعدين ندم

في مثل نقوله ولا نطبقه وهو في الـتأني السلامة وفي العجلة الندامة

وموافق خير أخوي والله يوفقك ويعينك

[مستقبل زاهر]

صادق اخوي فهد
بس اوقات الواحد تجيه ضروف مفآجأه ولا هو حاسب حسابها سبحان الله
لي سنين مارحت الرياض ولا طبيتها ويوم ان عندي مقابله جاني ظرف وغصب لازم اكون بالرياض من يوم 3 لين يوم 20 بس الله يعين شكلها مالها الا ارجع على 14 واسوي المقابله 15 وارجع الرياض مرا ثانيه

ويارب يكون فيه احد عندو معلومه او طريقه يفيدنا فيها

[وهج بسمتك]

الله يوفقك يارب ’’

هذي مقابله يعني غيرك ينتظرها احر من الجمر
لازم تحضرها ,’,

[لاعب سنوكر]

يا اخوي مع بداية الدوامات يوم 8 روح لاداره تعليم الرياض واشرح لهم وضعك
يمكن يقدرون هم يغيرون المقابلة من عندهم

[من هو حبيبك]

يارجل ما فيه مشكله اضغط على نفسك يوم وسافر واعمل المقابلة

[مديني رايق]

اول شي كل عام وانتم بخير

وياخوي الله يعينك مالك الا انك تحجز طيران اذا تقدر روحه ورجعه وانتهى الموضوع

نصيحه اذا تبي تحجز احجز من الحين لان الدنيا زححححححححححمه

موفق خير

[مستقبل زاهر]

مشكورين على الردود
وحاولت القى طيران مافي ابدا في الايام الي ابغا ارجع فيها
الله يعين شكلو مالي الا خط الريااض
والله يكتب الي فيه الخير
وكل عام وانتو بخير ومن العايدين جميعاً