هذا ماحصل في مقابلتي امس بالمنطقة الشرقية

[أموووله]

انا قابلت امس
طبعا مقرها في الابتدائية العاشرة وليس في الاداره
وتقع في نفس الشارع تقريبا
دخلت في صالة تشبه صالة الاجتماعات
اعطونا جيب ملف بلاستيك يحتوي على 7 اوراق رسميه كل ثنتين منها مكرره ماعدا بطاقة الملف الي بتدبس فوق الملف
طبعا ماشاء الله الاخلاق جدا رائعه والتعامل قمة في الذوق وكل شي موفرينه الاقلام الطامس
حتۍ المويه والعصير موفرينها
جلست وحده تشرح لنا كيف نعبي الوورق وحده وحده وسطر سطر
وبعد ماخلصت جت وحده ثانيه تعيد الشرح للي مالحقوا عليه
طبعا احرصوا على القلم الناشف طبعا من ضمن الاوراق. فيع ورقة توجع القلب شوي
تعبين فيها 16 منطقة ترغبينها اجبااااااري
برغم ان الورقة فيه 12 بس تقول الموظفة سطروا جدول وكملوا ولا مايقبلكم النظام
المدن هي ( الدمام الخبر بقيق الجبيل القطيف سيهات والنابية الصرار عين دار دارين القرية العليا ذعبلوتن الظهران ...... الخ )

بعدين الي تخلص توقع حضور وتتوجه لغرفة التدقيق والمطابقة يطابقون اوراقك ويختمونها طبق الاصل
طبعا من كل ورقه 3 نسخ حتى الخبرات يبونها
واذا مالحقتي تصورين يوجهونك لغرفة التصوير
بصراحة قمة التعاون والتسهيلات
بعدين طلبت مني اتوجه للغرفه المكتوب عليها تخصصي حسب تكامل طبعا وهو ( تاريخ وجغرافيا واجتماعيات واجتماع وحاسب ) دخلت وجلست عند المشرفة
سألتني عن خبراتي وسنة تخرجي وسألتني عن طرق التدريس الحديثه وكيف استخدمت القبعة الحمراء
وقالت لي انو ممكن المديرة تعطيني مواد غير تخصصي مثل فنية او حاسب او او او الخ
وقالت ممكن فوق 24 حصة نشاط
قلا ماعندي مشكلة
قالت ةش اخر كتاب قرأتيه
وكيف تحببين البنات في الوطن
وقالت لو حضرت لك الموجهه والبنات ماشاركوا ابدا
بعد ماتطلع وش تسوين فيهم
لاحظتها تسأل وماتحرص على الجواب
لدرجة اني وانا اجاوب تسأل السؤال الي بعده
وتدقق في عيوني وحركات يديني
واضج ان الهدف نفسي لا اكثر وليس معلوماتي
بعدين قالت روحي خذي نموذج الكشف الطبي
رحت اخذته ومعاه الكروكي وورقه خاصة ببيانات البنك الي بينزل عليه راتبي
طبعا نموذج الكشف في مركز اللياقة العامه بالدمام
ويوم السبت موعدي للكشف ونتيجته بعد ثلاث ايام
وفيه مجال تطلبين الكشف بالرياض ويعطونك النموذج الخاص بالرياض بس للأسف مادريت الا بعد ماطلعت منهم
وبس

[سارونااا]

[align=center]ماشاء الله

الله يوفقك ان شاااء وتكملين باقي الاجراءات وترتاحين


وعقباااااااااااالنا يااارب


[/align]

[مرشحه بإذن الله]

امووووووووووووله الله يوفقك بس طلبوا منك السجل الاكاديمي ولا لا

[روح حره]

ما شاء الله تبآرك الرحمن


الله يوفقك ويسعدك حبيبتي

وعسى بآقي أمورك تساهيل يا الغاليه
عليك بالصدقة والإستغفار


وأسأل الله ان يعوضني بالوظائف الإدارية


دُمتي كما تحبين أختي

[الادريسيه]

الله يوفقك ويسعدك وعقبال ما اترشح

[عاشقة العزوبية]

الله يوفقك وييسر امورك ويعطيك خيرها ويكفيك شرها

[أنثى زجاجيه]

ماشاء الله
الله يتمم لك الفرحه بالمباشره يارب
وعقبالي

[مشتاقة للجنة]

ماشاء الله
ع البركة


بس ماهي القبعة الحمراء >>> فيس متنح

[غدير الحربي]

أموووووله ياقلبي انا سويت كمان زيك بالعاشره وكل شي بس يوم اخذت الكشف الطبي ماعطوني ورقة بيانات للراتب !!!!!!!! غريبه ماسمعت احد عطووه

[أموووله]

الله يبارك فيكم ويوفقكم جميعا
ماسألت عن السجل الأكاديمي لأني سلمتها اوراقي ورحت اصور النواقص
يمكن شافته ولا اضطرت تسأل
وورقة البنك موجودة جنب كروكي المستشفى الطبيبة قالت لي خذي الكروكي وخذي الورقة الي جنبه