من أجرت المقابلة تضعها هنا ( بلا ردود )

[جرووووح]

بسم الله الرحمن الرحيم*

السلام عليكم ورحمة الله وبركااته


عزيزاتـي ::*

لكل مرشحه أجرت المقابلة تضع لنا*

ما جرى لها في المقابله

الاسئله*
التخصص*
والمكان*

وذلك تسهيلا للرجوع إليه

والرجـــــــــــــاء من العضواات عدم الرد او الاستفسار*

الرجاء التقيد بالشروط :: لنتعاون*

تمنياتي لكم بالتوفيق*
*

[جرووووح]

مقابلتي بالخرج الصحيح كانت الامور منظمه اول ماجيت طلعت الدور الثاني واول غرفه على اليسار اعطوني اوراق قمت بتعبئتها بدون اي انتظار وعندما انتهت ذهبت لقاعه مكونه من مجموعات انا في المجموعه الثالثه كانت الموجهه وفقها الله في قمة الروعه وحسن التعامل قالت عرفيني بنفسك ثم سالتني عن الاركان وماذا يشمل اللقاء الاخير على اربع حاجات اذكريها وايضا عندما يعاند طفل ويخرج من الفصل ماذا تفعلين وسؤال ايضا كيف تنمين حب الوطن للطفل وسؤال مهم ماهو الحدث الان ...ناسيه طريقة السؤال ولاكن الاجابه هي جمعية حقوق رعاية الطفوله برعاية الاميره عادلة بنت الملك عبدالله وبالتوفيق لاكن اطمئنك لا تخافين مبسره جدا وتحتاج فقط الثقه باذن الله ثم ذهبت لمستشفى خالد بالخرج وانهيت الكشف بدون كشف ههههه ولاتنسون الدعاء اللهم اشرح لي صدري ويسر لي امري واحلل عقدة من لساني يفقهو قولي ودمتم برعاية الله

منقووووووول

[جرووووح]

السلام عليكم ورحمة الله وبركاته
اليوم الحمدلله سويت المقابله بتعليم القصيم وكانت حلوه والاسئلة كثيره بصراحه بس سهله
طبعاً طلبوا جميع اوراقي بما فيهم السجل الاكاديمي اللي تبهذلت عليه
والاسئلة كثير باكتب اللي اذكرها
* مالفرق بين غرز الخياطه وغرز التطريز
* اذكري انواع من غرز الخياطه ومن غرز التطريز
* اذا عندك طالبة كثيرة الحركه كيف تتصرفي معها
* اذا عندك طالبة مشاغبه كيف تتصرفي معها
* اذا طلبك منك تأدين درس نموذجي توافقين
* اذا طلبك منك تدرسي ثانوي تربية فنيه ( غير تخصصي ) توافقين وتوقعي هالشي
* اذا طلب منك تروحي لمدرسة ثانيه انتداب توافقين
* كيف علاقتك بالحاسب وتعرفين تسوين دروس بوربوينت
* وش الكتب اللي تقرينها
* وش تعرفين عن التطريز بالشرايط
* هل اطلعتي على المناهج المطوره
* اذا عندك فصل عدده كبير كيف تتصرفين
تقريباً ذي اغلب الاسئلة
وفيه بنت قبلي سألتها ماهي عناصر التصميم مع انها ملابس ونسيج
ولله الحمد خلصت من المقابله وعطونا ورقة الكشف وعسى الله يسهلها ويسهل التعيين بالمكان القريب
ماعاد فينا شوتتين
*

منقووووووول

[جرووووح]

السلام عليكم انا سويت المقابله بالمدينة وقسمي دراسات اسلامية
المهم ان الحمدلله الوضع مرتب وسريع بدون حوسة موعدي كان 7 مساء رحت 6 وربع والحمدلله خلصت بسرعه ماجات 7 وربع الا انا خالصه
لله الحمد والمنة على التسهيل ..طبعا الموجهة مرا كانت عسل وسالتني اسئلة كثيرة طبعا اول شي عرفي عن نفسك اسمك تخصصك تخرجك تقديرك كليتك وانا اختصرتها وقلتلها ايش عملت من تخرجي من غير ماتسال اوك
بعدين سالتني عن طرق التدريس الحديثة ؟
وكيف تطور المعلمة نفسها؟
وكم نصاب المعلمة؟ واذا اعطيت اكثر هل توافقين؟
وماهو الربيع العربي ؟ ومااخر الاحداث على الساحة المحلية اللي هي البيعة للملك عبدالله وسالتني رقم البيعة كم وهي طبعا السابعة
وقرات اربع اسطر من سورة المومنين ؟
طبعا انا كنت تعاقد قبل سنتين سالتني مالفرق بين المناهج القديمة والحديثة ؟
وماذا تستخدم المعلمة من طرق متطورة لعرج الدرس؟ اجابتها البروجكتر
وسالتني كيف نعرض فيه؟ وقابلت وحده كان من اسالتها متى وقعت غزوة بدر؟ وباي شهر ؟
ويابنات ضروري كل شي ثلاث نسخ خبرات ودورات اي شي ينفعك جيبيه . وحتى ورقة الترشيح ثلاث نسخ مو اثنين زي ماهم كاتبين .
وهذا اللي حضرني الحين اتمنى اني افدكم .. دعواتكم لي بالتيسير مع تمنياتي للجميع بالتوفيق


منقوووووووووول

[جرووووح]

السلام عليكم
صديقتي سوت مقابلتها الاربعاء رياضيات في عسير تقول مرة مرة سهل والمشرفات حبوبات تقول تاخذين رقم ويطابقون اوراقك وبعدها تدخلين للجنة المقابلة اولا لجنة التخصص قالت سألتها عن رايها بالمناهج المطورة وليش اختارت التخصص وبس ماسألتها سؤال في الرياضيات بعدها راحت للجنة العامة تقول سألوها كيف تتصرف مع الطالبة المشاغبة وعن استراتيجيات التعليم وبس وطلعت اخذت الكشف الطبي وتروح للمستشفى تسويه وبعدين اذا قضى ترجع تكمل بياناتها وقالت المناطق للرياضيات ستة (وادي بن هشبل-بللحمر- بللسمر -الشعف-تهامة مربة -تهامة الردوم)
دعواتكم الله ييسر مقابلتي انا بعد


منقوووووول

[جرووووح]

السلام عليكم ورحمة الله وبركاته

كانت مقابلتي في منطقة الباحه

تخصص علوم ورياضيات


طبعا مريت على ثلاث مراحل

المرحله الأولى :. لجنة الإستقبال

وذي كانت لمطابقة الأوراق الرسميه والخبرات والدورات


المرحلة الثانيه :. مرحلة المقابله الشخصية وكانت لجنة تفوق الوصف في رقي التعامل

من جد لجنه مريحه
الأسئله اللي جاتني أغلبها في التخصص

ما وظيفة البنكرياس

ماذا يسمى الغشاءالمحيط بالقلب

مكونات الجهاز الهضمي
مكونات العين

ذي بالنسبة لأسئلة العلوم


الرياضيات

حللي العدد 32 وحوليه لأساس واس

جمع الاسس

طبعا عن الحاسب الآلي وإستخدامه


طبعا المرحله الثالثه :.

كانت متعبه

ترتيب وتنظيم الأوراق
طبعا ضروري يكون معاك 3 نسخ من جميع الأوراق بالإضافة الى الأصول
ويكون معاك 3 ملفات علاقيه خضراء

والإجراءات الأخرى يتم ترتيبها مع الموظفات



لكن في نهاية الأمر من جد الكل كان متعاون معانا ولله الحمد

أي سؤالانا حاضره


أمولي


منقووووول

[جرووووح]

ياحلوات اليوم كانت مقابلتي معهد الامل بالمدينه نصيحتي لكم يابنات لالالالالاتتوترون وربي سهله مره بس التوتر بيشل تفكيركم
يطابقو الاوراق ويرجعو عليكم الاصول واذا عندكم خبرات اودورات جبوها وتكون كل اوراقكم مصورين منها 3 نسخ وبعدين المقابله وصدقون لوتوترتم بتروح كل المعلومات منك وترى سهله مره انا دين ماسالتني بالتخصص شي بس قبل مااخرج خلتني اقرا ايتين من المصحف
وسالتني طرق التدريس الحديثه وكمان المناسبات الوطنيه واليوم الوطني متى (عاد هاذي وحده الله يسعدها ويسهل عليها ولادتها اسعفتني فيها )
وترى سؤال طرق التدريس الحديثه شكله لكل الاقسام لاني سالت وحده من العربي قالت سالوني عنه وكمان سمعت وحده تخصص رياضيات تقول ماسالوها في التخصص ابد ابد ابدا بس عن طرق التدريس والاحداث اللي صايره
باختصار والله سهله يابنات لاتخافون وربي يعديها لكم على خير


منقووووول

[جرووووح]

السلام عليكم
مثل ماوعدتكم راح انقل لكم مقابلة عمتي بادارة الشرقية تخصص علم اجتماع
المقر الابتائية العاشرة بالدمام خلف مقر ادارة التعليم
التعامل كان جدا سلس وراقي انا مع اني مرافقة الا اني حسيت بمتعة سيماهم في وجههم الكل يفتح النفس من متقدمات ومدرسات او موجهات
طبعا اول شي تعبيئة ورقة التوظيف وورقة لوظيفتك السابقة ان وجد وطبعا الرغبات المكانية
بعدها التدقيق وهم يفضلون الملف الاخضر ولازم 3 صور من كل حاجة واللي عندها خبرات ودورات لاتقصر تخم كل شي وياها
بعدها المقابلة
من مؤسس علم الاجتماع ؟؟ ابن خلدون
من مؤسس علم الاجتماع الاجنبي ؟؟ طبعا عمتي ماعرفته ياليت اللي تعرف تفيد البنات
ماهي المدرسة الحديثة ؟؟ المدرسة الفرنسية ...... يخص علم الاجتماع طبععا
ماهي ابرز المشكلات بالمجتمع ؟؟
اذا سالتك ام بان بنتها تميل للعزلة وانها ممكن تكون مصاابة بالتوحد بماذا تنصحينها ؟؟
انصحها بمراجعة طبيب نفسي لان مريض التوحد له عشر صفات فلا يقتصر على العزلة عن المجتمع فقط ..
ماهي ابرز المهام اللي قام بها الملك عبدالله بالوقت الحالي ؟؟
حضر المباراة بين الاهلي ومدري مين عاد انا نسيت
وكمان عمل اتحاد السعودية والبحرين
التقييم شهري او يومي ؟؟؟ يومي طبعا
عددي طرق التدريس الحديثة ؟؟
طريقة اللعب تنفع لاي مرحلة ؟؟
اذا كان نصابك من الحصص واوكلت لك المديرة مهمة الاشراف على نشاط ماهي ردت فعلك ؟؟
الموافقة وطبعا طلبت منها تشرح لها كيف تقوم بالنشاط شرح تفصيلي
سالت عن الحاسب الورد والاكسل والبوربينت
هذا اللي اتذكره واعذروني عالتقصير
مدة المقابلة ربع ساعة
طبعا بعد كذا في غرفة ثانية يعطون الكشف وورقة للبنك

بالتوووووووووووووفيق حبيباتي


منقوووووو

[جرووووح]

اللهم لك الحمد حتى ترضى ولك الحمد بعد الرضا ولك الحمد اذا رضيت

موعد مقابلتي الساعه 11 صباحا في منطقة الخرج
اللجنه الثالثه ..
التخصص رياض اطفال

وصلت في تمام الساعه 9 وخمس واربعين دقيقه
طاعت الدور الثاني ((المقابلات في الدور الثاني ))
تدخلين الغرقه الاولى توقعين عند اسمك يعطونك رقم
ومقسمين على حسب اللجان الوان للارقام مثلا اللجنه الثالثه
اللون زهر .. جدا مرتبين ومنظمين التعامل اكثر من رائع ربي يسعدهم
بعد كذا يعطونك ورقتين تعبينهم ومخصصين موظفه رائعه تساعدك في التعبيئه
بعدين تجي موظفه خاص بالمطابقه والتصديق على الاوراق وتروحين معها لغرفه
تجلسين تطابق الاصل مع الصور وترتب الملف وتختمهم
ملاحظات في هذي المرحله :- دفتر العائله الصغيره يجب ان يكون مصور من الامام والخلف
بطاقة الاحوال تغني عن دفتر العائله
اخذو مني السجل المدني وقالوا انه مو الزامي بس اللي معها ياخذونه
اللي صلحت لي اوراقي انسانه راقيه بمعنى الكلمه
بعد كذا دخلت اوراقي على لجنة المقابلات وجلست انتظر ينادون لي
بحكم اني جايه بدري على طول دخلت
كان في طاوله كبير عليها اربع موجهات كل موجهتين يسالون وحده
بدت معي موجهة رياض الاطفال


عرفي عن نفسك ؟
تكلمي عن سياسة التعليم في المملــكه ؟
عددي الاركان ؟
اللقاء الاخير تكلمي عنه؟
طبعا راح يواجهك فصل في مبنى مستأجر كيف راح تتعاملين مع هذا الوضع؟
قبل اسبوع صار حدث مهم في الرياض ؟ايش هو وتكلمي عنه؟
كثر في توتر وافيس بوك الحديث عن الذات الالهيه وسب الرسول كيف تتعاملين لوصار نقاش في غرفة المعلمات ؟
راح يجيك ناس كثير يقولون رياض الاطفال مو مهم ((هنا حاولت تستفزني وهي تبتسم عن عدم اهمية رياض الاطفال ))
الحاسب هل تعرفين تتعاملين معه وكيف توظفينه في مجال رياض الاطفال

تقريبا هذي هي الاسئله ..
بعد كذا اعطوني ورقه ورجعت للغرفه الاولى اعطيتها لهم واعطوني الكسف الطبي وورقه تعبين فيها الرغبات
وبعدين رحت للمستشفى الملك خالد خلصت منه ورجعت اعطيتهم الورقتين دعو لي بالتوفيق وسألتها كيف راح تعرف
في مدرسه احنا قالت راح نستدعيكم

رجعت لبيتي في تمام الساعه 3 ونص العصر
دعواتكم حبايب قلبي

منقوووووول

[جرووووح]

انا قابلت ولله الحمد وكانت مقابلتي في عسير مره حبوبات ومتعاونات
اول شئ كانت المقابله في التخصص :اقرئي سوره الانفال واستخرجي الاحكام التجويديه
ماهي اركان الحج
مالحكم :اذا كانت المراه حائض في طواف الوداع
اما الاسئله التربويه :هل تدريس الابتدائى والمتوسط والثانوي نفس التدريس وما الفرق
من هو قدوتك في التعليم
ماهو التعليم التعاوني
هذي كانت مقابلتي دعواتكم لي بتسهيل الامور



منقوووول