بالنسبة للتقديم لوظائف في مصرف الراجحي

[موظفمصرف الراجحي]

اولا السلام عليكم ,,,

طبعا يا اخوان هذي اول مشاركة لي في هذا المنتدى...

طبعا ولله الحمد انا موظف في مصرف الراجحي حبيت اعطي معلومة للحابين يقدمون لعى وظايف في المصرف حبيت ابشركم طبعا انه في وظائف معروضة كثيرة في المصرف بقسميها النسائي والرجالي وععد فروع الراجحي اول كان 500 فرع اما الان تجاوز 600 فرع وفيه وظائف كثيرة الان مطلوبة وشرط القبول ان يكون من حملة الدبلوم المحاسبة او ادراة اعمال والوظائف كالتالي:

1"- خدمة عملاء.
2"- صرافيين.
3"- مديري علاقات.
4"- مديري فروع.

[LoneLy~AngeL]

طيب ممكن سؤال :
أنا عندي دبلوم شبكات و حابة اشتغل بالراجحي
وش هي الطريقة عشان أقدم ؟؟
النت أو الفاكس أو وجه لوجه ؟؟؟؟؟؟
أو بأي طريقة ؟؟؟؟

[موظفمصرف الراجحي]

ياأختLoneLy~AngeL التقديم فيه اكثر من طريقة بس مع الأسف ان الدبلوم اللي معك مو مطلوب بكثرة في المصرف بس اذا حبيتي تقدمين على وظيفة في الراجحي تقدرين تقدمينعن طريق موقع bayt او عن طريق رقم فاكس مو حاضرني الان بس ان شاء الله بحطه لك اللية باذن الله vbmenu_register("postmenu_39154", true);

[بومهدي]

المشاركة الأصلية كتبت بواسطة موظفمصرف الراجحي

اولا السلام عليكم ,,,

طبعا يا اخوان هذي اول مشاركة لي في هذا المنتدى...

طبعا ولله الحمد انا موظف في مصرف الراجحي حبيت اعطي معلومة للحابين يقدمون لعى وظايف في المصرف حبيت ابشركم طبعا انه في وظائف معروضة كثيرة في المصرف بقسميها النسائي والرجالي وععد فروع الراجحي اول كان 500 فرع اما الان تجاوز 600 فرع وفيه وظائف كثيرة الان مطلوبة وشرط القبول ان يكون من حملة الدبلوم المحاسبة او ادراة اعمال والوظائف كالتالي:

1"- خدمة عملاء.
2"- صرافيين.
3"- مديري علاقات.
4"- مديري فروع.

وعليكم السلام ورحمة الله وبركاتة
والله زين
دبلوم محاسبة من جامعة الملك فيصل
حاليآ أنا أدرس وهذا السمستر آخر سمستر لي

هل فية إختبار عند التقديم ؟
هل يستطيع الشخص أن يرسل لهم قبل مايتخرج مثل ماذكرت فوق هذا السمستر آخر سمستر لي ؟
والدوام كيف ؟
والراتب كم ؟ وهل فية زيادة مع السنين ؟
ماهي المزايا اللي يعطونك إياها ؟
ونرجوا ذكر الفاكس ؟
والموقع اللي ذكرته إذا ماعليك كلافة إنك تحط الرابط ؟

يعني دبلوم يقدر يصير مديري فرع هاذي قوية والله

أرجوا الأجابة على أسئلتي والله يعطيك العافية والله يكثر من أمثالك

[عثمان الغامدي]

الله يوفق الجميع ياارب


ويسلمو يالغالي

[المبرمج]

ألف شكر أخوي واهلا بك في موقعك بين إخوانك
أخوي وشهو الفرق بين اللي معه دبلوم ولا ثانوي ولا حتى بكالوريوس مع أسفي مصرف الراجحي جااااااااااالس يتشرط لأنه ما يبي موظفين سعودين وخاصة الوظائف الإدارية وأكبر دليل على قولي طالع رؤسائك ومديريك اللي بالإداره أكثرهم أجانب وفي بعض الأحيان تغلب عليهم الجنسية ؟؟؟؟؟؟!!!!!!!!!!!!!!!!!! أنت عاااااااااااارف
تحياتي

[عثمان الغامدي]

يالغالي المبرمج صدقني مصرف الراجحي اكبر مصرف واسطات


والله في ناس معاها نفس تخصصي كهرباء من غير خبرات ومن غير حتى حاسب الي


ودخلو وتوظفو والله يوفقهم ياارب ما احسدهم بس لانهم واسطه


وانا والي مثلي ماعندنا واسطات وعندي حاسب الي وكهرباء ما توظفت

ويوم اقول لهم طيب في ناس توظفت قالو لا ماوظفنا احد


والثانين عيني عينك يقولوون وضفنا بالواسطه


والله حالة حاله


بس الله يعين ياارب

[موظفمصرف الراجحي]

المشاركة الأصلية كتبت بواسطة بومهدي

وعليكم السلام ورحمة الله وبركاتة

والله زين
دبلوم محاسبة من جامعة الملك فيصل
حاليآ أنا أدرس وهذا السمستر آخر سمستر لي

هل فية إختبار عند التقديم ؟
هل يستطيع الشخص أن يرسل لهم قبل مايتخرج مثل ماذكرت فوق هذا السمستر آخر سمستر لي ؟
والدوام كيف ؟
والراتب كم ؟ وهل فية زيادة مع السنين ؟
ماهي المزايا اللي يعطونك إياها ؟
ونرجوا ذكر الفاكس ؟
والموقع اللي ذكرته إذا ماعليك كلافة إنك تحط الرابط ؟

يعني دبلوم يقدر يصير مديري فرع هاذي قوية والله

أرجوا الأجابة على أسئلتي والله يعطيك العافية والله يكثر من أمثالك

شاكر مرورك يابو مهدي بس للمعلموية مو كل الوظائف مطلوب لها دبلوم مثل ماتشرفت ان وظيفة مدير فرع اقل شي بكالوريوس او دبلوم مع خبرة لاتقل عن خمس سنوات وطبعا بالنسبة لك يعني تقدر تقدم عليهم من الان وطبعا راح يرسلونك للمعهد المصرفي طبعا هذا معهد حكومي متعاقد مع جميع البنوك طبعا يرسلونك لهم بعد ماتنتهي من دراستك ويعطونك تدريب لمدة سنة كاملة طبعا هالسنة هذي يكون لك تقييم فيها واختبارات وحتى في المقابلة الشخصية طبعا فيه اختبار على الحاسب وعلى اللغة الانقليزية واختبار على شهادة تخصصك انت طبعا مثلا محاسبة يعطونك اختبار محاسبة وهكذا وطبعا الدوام في الفروع تداوم من الساعة 9 الصباح لين الساعة خمس العصر وبالنسبة ايضا للراتب الراتب لو عييونك صراف او خدمة عملاء راح يتراوح بين 5500 الى 7000 ريال وطبعا فيه بونس سنوي راح يعطونك اياه بمقدار 10 % من راتبك الاساسي مو الاجمالي والمميزات كثيرة منها ما يسمى بصندوق الموظفين هذا صندوق تقدر لو قدر الله وانزنقت في شي تقدر تاخذ سلفة منه وقدرها 12 الف ريال وتسددها على دفعات شهرية لمدة سنة وحده بس وايضا عندك صرف ارباح السنوية والربع سنوية راح يجيك يعني تقريبا مايتراوح بين 2000 الى 5000 ريال كل 3 اشهر زيادة على راتبك وايضا عندك مميزات في القروض يعني لو اخذت قرض من الراجحي راح تكون نسبة الربح المحسوبة عليك مامقداره 3%فقط وهذا كل اللي اقدر اقوله لك...
بس اسوأ شي في الراجحي هو تأمينه الصحي فقط هذا اللي يعيبه حاط لنا مستوصف ومستشفى الله لا يوريك بس مو مشكلة الاجر على الله وعذرا على الاطالة وشاكر لك مرورك الكريم

[موظفمصرف الراجحي]

المشاركة الأصلية كتبت بواسطة المبرمج

ألف شكر أخوي واهلا بك في موقعك بين إخوانك
أخوي وشهو الفرق بين اللي معه دبلوم ولا ثانوي ولا حتى بكالوريوس مع أسفي مصرف الراجحي جااااااااااالس يتشرط لأنه ما يبي موظفين سعودين وخاصة الوظائف الإدارية وأكبر دليل على قولي طالع رؤسائك ومديريك اللي بالإداره أكثرهم أجانب وفي بعض الأحيان تغلب عليهم الجنسية ؟؟؟؟؟؟!!!!!!!!!!!!!!!!!! أنت عاااااااااااارف
تحياتي

اقولك شي اخوي يعني هي عقلا اصلا ماتجي ان واحد معه ثانوي تسلمه وظيفة صراف مثلا بتقول لي ليش؟
اولا لان اللي معه ثانوية ماعتده خلفية عن الشغل اللي قاعد يشتغلة يعني لا يعرف وش المحاسبة ولا ادراة ولا غيرها
وثانيا بالعكس ترا الان يعني مصرف الراجحي ناس واجد متوظفة فيه من دون وسايط لان البنك اصلا عنده عجز كبير في الفروع من ناحية عدد الموظفين طبعا وانتم يمكن لاحظتوا لو احد منكم راح اي فرع راجحي شوفوا وش قل الموظفين اللي فيه لان الحين قاعد يوزع من اللي عنده على اللي الفروع وصار نقص كبير في عدد الموظفين فا عشان كذا الان يوظف مهما كان اللي متقدم بس طبعا اهم شي دبولم وما فوق ومو شرط الخبرة ايضا...

واشكر جميع الاخوان على مروركم والله قوفنا اجمعين

[المبرمج]

أنا ماقلت تسلمه بس زي ما ذكرت أنت إن لازم يخضع لتدريب في المعهد المصرفي أو غيره وهذا ما محور كلامي كلامي اللي أنا ابي اقول إن الرجحي السعودة فرضة عليه فرض لأن بالعربي وأنا لمحت لها وكنت ما ابغى اقولها هو محتاااااااااج اخواننا من الجنسية السودانية اكثر من شباب الوطن اللي هم تااااااااج على راس اللي يبي واللي مايبي وهذا انا شايفه في الراجحي أوناس من خاااااااج البلد يتحكمون ويتأمرون على أبنائه بداعي وحجة العمل إلتزام .
هذا كلامي وردي وانا لست متحامل على مصرف الراجحي بالعكس . بل هو صرح مصرفي وصوله وإنتشاره سريع بس من بااااااااب المياااااااااانه كتبت اللي كتبته لأن مصرف الراجحي المأمول فيه كبير .وأشكرك على إنتمائك له ودفااااعك عنه.
تحيااااااااااااااتي