▒▓░ شوفو قصتي يابنات بالله مو قهررر ░▓▒

[تحدى الهم]

سالفتي يابنات باختصار .. اني تقدمت يوم السبت اللي فات لوظيفة مُدخلة بيانات في مستوصف أهلي

وأجريت المقابلة والحمدالله حسيت اني اجتزتها لاني نفذت كل اللي طُلب مني بنجاح وبكل سهوله ..

وانا مؤهلاتي ياطويلات العمر دبلوم سنتين في الحاسب الآلي في تقنية البرمجه
زائد دورات في الأنجليزي ودورة في البريد الألكتروني اللي صجونا فيه لين أخذناه
ودورارت اخرى عدي و غلطي .. وانا ماشاء الله علي سريعه جداً في الطباعه

المهم وتقدمت معاي وحده معاها بكالوريوس جغرافيا وماتعرف حتى وشلون يشغلون الكمبيوتر

ولا عندها أي دورات او خلفيه عن الكمبيوتر

واليوم دقوا علي وياليتهم مادقوا وقالولي خبر لم يتم قبولي وتم قبول البنت الثانيه ..

انا ماحسدها بالعكس الله يوفقه وكلن يآخذ رزقه

لكن اللي قاهرني وش الحكمه يفضلون شهادة تربية جغرافيا على شهادتي

مع العلم يابنات اني كنت ضد عمل المرأة في المستوصفات

بسبب نظرت المجتمع اللي بتصيرلي ... لكن ذبحني الفراغ واستسلمت وتقدمت لهم وياليتني ماتقدمت..

يله قولولي هذا ظلم ولامو ظلم ... انتظر أرائكم ..

[أميــرة الــورد]

هلا..

وسعي صدرك يالغاليه..

قدر الله وما شاء فعل..

ماتدرين وين الخير فيه.. لو فيها خير الله بيكتبها لك..

الخير الله كاتبه لك و رزقك بتاخذينه قبل لاتموتين و مافيه احد بالكون هذا كله بياخذ عليك رزقك


دمتي بود

[TAM]

غاليتي ... تذكري قوله تعالى :

(( وَعَسى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ ))

أختك : تــام

[لمياء عبدالعزيز]

يمكن ربي رايد لك خير 00 ما تدرين وش يصير لك إذا تم تعينك بهالمستوصف

أكيد قهر 00 واللي يحسسك بقهر أكبر لما تتقدمي على وظيفة وتكون شهاداتك

و دوراتك ممتازة وما أحد يتصل فيك <<< هذا حالي

الله يسهل أمرنا وأمرك 000

00 تحياتي 00

[فلانه]

ما اتوقع بيقبلونها الا اذا كان فيها مزايا اكثر منك ..
هذا طبعا اذا الغينا عامل الواسطة يعني تساوت الفرصة لكم وقبلوها هي ..

عموما الله يخلفها بأبرك منها ان شاء الله
ومثل ما قالو لك وعسى ان تحبو شيئا وهوشر لكم

[المستشاره]

لاتشيلي هم ربك كريم000 أن شاء الله تفرج000

[نـــوووف]

بصراحه قهر ما ألومك ,,
لكن لاتضعفين وان شاءالله يكون لك خيره وربي كاتب لك
وظيفه احسن من ذي ,,,,

ربي يوفقكـ ,,

[جوري]

كل شي رزق وهذا بيد الله والخير جي باذن الله اصبري

[انا مليت**]

بصراحه قهر من جد ..

لكن الخيره فيما اختاره الله يمكن ربي مانعك من شر وان شاء الله الاسبوع الجاي تنزلين موضوع تقولين باركولي توظفت وعقبال الجميع ولاتيئسين..

أختك انا مليت**


تحيتي..

[نورس]

صحيح كلام البنات
الله رايد لك الخير
وما تدرين وش الخيره فيه
الله يرزقك ويغنيك بحلاله عن حرامه وبفضله عن من سواه