ياقلبي هونها عسى السعد فالك

الكوستر · #1 (**permalink**) 28-01-2007, 03:39 PM

نصيحتي لك

ياقلبي هونها عسى السعد فالك

الله يفرجها على كل مهموم

ياقلب ما أنت اللي وحيد لحالك

كم واحد قبلك متيم ومظلوم

خل الأمل باللي عليم بحالك

وأعلم ترى ماصار لك شيء مقسوم

لاخاب ظنك في رفيق قبالك

وش ترتجي من اللي على شمسه غيوم

كم واحد شرف وسير وجالك

وقت الرخاء ياكثر من جاك بالكوم

وعند الشدايد كل منهو سعى لك

يقول انا ماني بلاماك ملزوم

هو ليه تافي بواحد ماوفى لك

لاطايله عذل ولاطايله لوم

نصيحتي لك من عزيز صفى لك

عليك باللي كنه طويق مزموم

صديق مخلص لك على مابدى لك

سيد سديد الرأي من عالي القوم

اما الرديء لاتصدقه لي حكى لك

من جانبه لابد ما تسمع علوم

هذي نصيحه مخلص قالها لك

دنياك لو تصفى فلا يمكن تدوم

خالص تحياتي الكوستر

الدمعـ 2006 ـة · #2 (**permalink**) 28-01-2007, 04:00 PM

خل الأمل باللي عليم بحالك
وأعلم ترى ماصار لك شيء مقسوم

لاخاب ظنك في رفيق قبالك
وش ترتجي من اللي على شمسه غيوم

صح لسانك وسلمك ربي على القصيدة الجميل

دعوووواتي

مستانس لحالي · #3 (**permalink**) 28-01-2007, 04:03 PM

صح لسااااااانك اخوي السكوتر
ويعطيك العافيه على هالقصيده

سعوديةفخرآل جود · #4 (**permalink**) 29-01-2007, 02:43 AM

{الله يعطيك العافيه}

عبدالله الغامدي · #5 (**permalink**) 29-01-2007, 10:55 AM

صح لسااااااااااااااااااااااااااااانك أخوي

انا كنت ابغى أقتبس واحد من أبياتك
وأضيفه في الرد
لكني احترت فيها كلها مميزه
وتحكي كثيييييييييييير من واقعنا

يعطيك العافيه
وأقرأك في ود ...
أبونوره

محمد الزهراني · #6 (**permalink**) 29-01-2007, 09:01 PM

نعم مافيها مايختار لوحده

هذي كانها جائت لتعيد من كان في هم الى ان غيره في اكثر وان له شريك في غير هذا من امور وصدود الدنيا وضروفها.
سلمت

وصح لسان قايلها وتسلم يد ناقلها
...........

ارجو من الاخوان تثبيتها لانها هي ا اللي تستحق التثبيت

وسلمت

وتحياتي