غلطانه الي تعشق اليوم رجال

[نسمات الأيمان]

مرحبا ..

عجبني الشعر وحبيت انقله لكم ،،

اليوم لك ثانـي مـع راحـة البـال
وانا بعـد همـي لـه اليـوم ثانـي..

اليـوم تاركنـي اناظـر بـالاطـلال
صورة,,حلم ,,جرح بزماني

ليلي قضيتـه بيـن هـمٍ وغربـال
واقول في نفسي حبيبـي نسانـي

غنيت انا عقبك من الضيـق مـوال
يومك تسمـع للطـرب والاغانـي..

لي دمعةٍ من فوق الاوجـان تختـال
يومـك تلاعـب مترفـات المبانـي..

وبي عبرة منهـا المخاليـق تهتـال
ياعبرتـي لاتفضحينـي عشـانـي :

ياعبرتي خلي لـك الصـدر منـزال
لاهوب بـك داري ولاهـوب عانـي

مشغول له في ترفة حالهـا حـال
:ماهوب فاضـي لعبرتـي او جنانـي

في يوم واحد نستـه كـل الامـال
وش عاد لو يدري بشـوق غشانـي

ماهوب مثل اول هذاك الغـلا زال
عزاه كيـف الـود زال بثوانـي

عشرسنين طوال ياكيف تنـزال
وتحط في قلبك بنت مكانـي..

ماكنت اظنك تجحـد الـود لا طـال
اثرك على طريـف وتبينـي اعانـي

قد قالـوا ان البعـد والصـد قتـال
وانـا اشهـد انـه علـة بالمحانـي

يومي اشوفك لابس بشت وعقال
والشارب الاسـود وزول سبانـي..

وعروستك من الحيا ترخـي الشـال:
( وترسل لها بسمـه تزيـد امتحانـي

دمعي بلا علمي على وجنتي سـال
اشتقت لـك ليتـك تحـس بحنانـي..

ليتك تشوف الحال يامتلـف الحـال
بس التفت لي شـوف شالله بلانـي..

نصيتها تضحـك لهـا لاهـيٍ سـال،،
واقـول ياليتـه حبيبـي نصانـي :

(الله يادنيـا التعاسـه والاهــوال،،
الله يستر وش يخبـي زمانـي..

غلطانه اللـي تعشـق اليـوم رجـال:
(مهما حلـف بالـود يبقـى انانـي..

وقلب الرجل مابه من الحـب مثقـال
والبنـت ترفـه قلبـهـا مايـدانـي :

حاولت اعبر والقلم في يـدي مـال،،
من هول مابي انعقـد بـي لسانـي

وسلامتكم .. نسومه

.. في وداعة الله

[جـامعيـة فيلسوفة]

عزيزتي نسمات الأيمان ,,,

كلمـات في غـاية الروعــــــــــــــه
نقلتي فأبدعــــــــــــتي
تقبلي مروري ,,

[نسمات الأيمان]

يعطيك العافيه على مرورك الكريم,,,,,,,,,,,,,,,,,


ماقصرتي,,,,

[باكلريوس عاطل]

ليلي قضيتـه بيـن هـمٍ وغربـال
واقول في نفسي حبيبـي نسانـي

غنيت انا عقبك من الضيـق مـوال
يومك تسمـع للطـرب والاغانـي..

لي دمعةٍ من فوق الاوجـان تختـال
يومـك تلاعـب مترفـات المبانـي..

أبيات رائعة تجبرني على الوقوف
ورفع القبعة لك نسمات الأيمان
مشكورة على القصيدة

[نسمات الأيمان]

شاكره مرورك

[ادور وظيفة]

قصيدة رائعة

[تواقة للجنة]

صح لسان قايلها
شكرا لك

[محمد الزهراني]

اليوم لك ثانـي مـع راحـة البـال
وانا بعـد همـي لـه اليـوم ثانـي..


نسمات الايمان نسمات

سلمتي

اختيار راقي ومعاني بعيده وقصيدة قصيده

صح لسان شاعترها لكن تراها عممة على كل الرجال الله عموما

سلمتي

[نسمات الأيمان]

محمد يسلموووو على مرورك وكلي فخر بكل الي ردوووو

نسومه