تسجيل الدخول
|
|||||||
تأسس الموقع عام
2006
Site was established in 2006
|
|||||||
| موضوع مغلق |
|
|
LinkBack | أدوات الموضوع | انواع عرض الموضوع |
10-02-2007, 02:34 AM
|
|||
|
|||
|
شاعر اماراتي يشكو حال البطاله
بصراحة استغربت انه اماراتي ويشكي من البطاله؟؟؟؟ من بريدي تو .. طين وش عاد يا دار ٍ بها صار ( ***** ) و في مكتب التوظيف سوسن و ميسون ! مديرهم مدحت و نائبْته نسرين و على الرسبشن حمّص و فول و زيتون ! كل ما اتصلت اسمع ( الو مرحبا مين ؟ بدّك وظيفه ؟ .. مين دلّك على هون ؟ ) اقول انا لي اتصل صار شهرين و انتوا وعدتوني متى بس توفون اسمي ( مواطن ) ( جامعي ) طيب و زين كني ابخطب عندكم و اتّغلون ! عندي شهاده طايحه بجبدي سنين عشش عليها شي له ستة عيون !! لو للشهاده لسان قالت ( على وين ناوي توديني .. تلف فيني الكون ؟ ) من كثر ما صورتها غارق بدين للهندي راعي المطبعه صرت مديون لا ليلي ليل ولا نهاري نوى يبين دقيت راسي لين ما صرت مينون ! مطلوب خبره عالأقل في مجالين ولا تجينا بواسطه و سير مدهون ! ولا انثبر في بيتك .. افرك بكفين يومك يشابه امسك و عيش مغبون تعدادنا ويّاهم اربع ملايين و اهل البلد للحين ما صاروا مليون !! ويلاه من باكر اذا وضعنا الحين و احنا اقل من الربع حالنا شجون ! و اللي ابتسم له حظه والله مسكين ! حصّل وظيفه .. بس في وين .. تدرون ؟ ساكن في راس الخيمه .. حطوه في العين !! و اللي سكن في الذيد .. في السلع مدفون !! يشوف اهله بس في الأسبوع يومين و اذا حسبتوا الدرب كم ساعه .. تبكون يعني في كل احواله ذاق الأمرين شغّال محزون و بلا شغل محزون و الأجبني اللي راتبه فوق عشرين فله و سياره و تذاكر .. و طاعون عنده بدل كل شي عالراتب الفين حتى بدل معجون اسنان و صابون ! و من بعد ما يجمع من بلادي فلسين و يربّي م القعده على الكرسي بطون و يصير في بلاده غني و عنده برجين يرحل و هو جاحد .. و كم مثله ملعون ! و حتى الجماعه قوم مدحت و نسرين مردّهم لبلادهم لو يطولون يرضون بشوية دراهم .. و شفتين صبح و عصر .. لو حتى في الليل يرضون بس لو سمعتوا همسهم بينهم بين وسط القهاوي يلعنون و يسبون ! لا تحسبوني عنصري .. كلنا طين و الخل لو عاتب محبينه يمون داري و انا اولى بها من الغريبين ما يوصلون لحبها لو يموتون و ( الأقربون اولى ) .. كلام ٍ من الدين ما جبته من شعري مع الهام و ظنون ولد البلد ما يبغي لبلاده الشين بالروح بالدم يفتديها ولا يخون لكن سؤاله يوم قلتوا له ( ***** ) يا كيف بيد الغرب توظيفه يكون ؟؟!! شعارهم معروف ( راجعنا بعدين ) و باين من التأجيل .. انهم يخافون اذا معك خبره .. يا اهلين و سهلين و اذا شهاده بس .. عنك يصدون ما عندنا شاغر .. و بطلنا تعيين ولو تحرق الهاتف ترى ما يردون ! من وين اجيب الخبره ؟ من وين من وين ؟ دام الوظيفه عند سوسن و ميسون ! عندي بمطبخ بيتنا خبره سنتين ! تنفع اذا صاروا المطاعم يوطنون ؟؟! ولا اهاجر و آخذ الخبره في الصين ؟ صح العيون صغار .. لكن يقدْرون سؤال يا دار ٍ ..صراحه بترضين ؟ اني اسافر و اطلب الغرب لي عون ؟ و سؤال يا ناس على الراس و العين صدق الوظايف واسطه و سير مدهون ؟ اما الجواب الشافي يجيني الحين او هاتوا تأشيره .. اذا كنتوا ترضون ! |
|
10-02-2007, 03:15 AM
|
||||
|
||||
|
|
|
10-02-2007, 07:55 PM
|
|||
|
|||
|
النورس |
|
12-02-2007, 03:24 AM
|
||||
|
||||
|
عندنا وعندهم خير بس |
|
12-02-2007, 04:39 PM
|
||||
|
||||
|
بل بل بل بل بل بل بل بل بل بل بل بل بل بل بل بل بل وين كنت عن هذا الموضوووع بل اكيد مب صدق ونتو تعرفون هذا الشي الامراتي اشتغل ولا ماشتغل كلشي يوصله |
| موضوع مغلق |
|
(( لا تنسى ذكر الله )) |
|
|
|
|
العرض العادي
