حلول البطالة Unemployment Solutions - إستفسار بخصوص كلية التقنية العالمية ( هيرتفوردشاير لندن ) بالقصيم

حلول البطالة Unemployment Solutions (https://www.btalah.com/index.php)

إستفسار بخصوص كلية التقنية العالمية ( هيرتفوردشاير لندن ) بالقصيم

السلام عليكم ورحمة الله وبركاته

يـا جماعة الخير أبي نصيحتكم تكفووون تكفووون

أنا خريج ثانوية عامة تخصص ( شرعي ) نسبتي التراكمي 83% ولا ودي بالعسكرية أبد
ومحتاج نصيحتكم بخصوص كلية التقنية العالمية ( هيرتفوردشاير لندن )

قدمت على الكلية التقنية العالمية وجتني رسالة منهم "تم ترشيحك بالكلية وعليك مراجعة الكلية .. مع رابط لـ عنوان المقر .. http://t.co/aPTfEL3zyV
اللي هو ( كلية التميّز ) كما هو ظاهر في خرائط Google

طبعاً رحت يمهم بالقصيم وأنهيت إجراءات التسجيل وأخذوا مني شهادة الأصل وأختبروني إختبار تحديد مستوى .. وقالوا الدوام يبدأ مع المدارس ,

حسب ما أعرف عن الكلية.. دبلوم عالي , الدراسة فيها 3 سنوات أول سنة تحضيرية .. وبعدها سنتين

نظام الدراسة :
باللغة الإنــجــلــيــزيــة فـقـط! من ضمن تخصصاتها هندسة وحاسب آلي , ويقولون لي راح يضيفون تخصصات جديدة .
بس هذا اللي أعـرفـه عـنها !!

وصراحة متخوف من الكلية أحس فيها غموض وماني متطمن لها لأن المسميات كثيره ولاني فاهم شيء !

إسم مبنى ومقر الكلية ( التميّز )

وإسم الكلية اللي على ورقة الكشف الطبي ( هيرتفوردشاير لندن )

والمضحك في الموضوع إني اللي أعرفه ومتأكد منه إني ما قدمت إلا على :
( الكلية التقنية العالمية )
وشلووون صارت اللخبطة هذي مدري :do5h: ,

والله عندي إستفهامات كثيرة ؟؟؟؟ مدري لمن أوجهها ؟؟؟؟
للأمانة مالقيت خير من ينظر لمثل هالمواضيع والإستفسارات , إلا أنـتـم :h

عموماً هل تنصحوني أكمل في هالكلية أو أدخل كلية التقنية العادية دبلوم سنتين زي أغلب الناس ؟ ..
هل لها مستقبل وظيفي بعد التخرج ؟
هل الشهادة مضمونه ؟
هل لها علاقة بجامعة هيرتفوردشاير لندن البريطانية ؟؟
و إيش وضع الدراسة فيها سهل أو صعب , ايـش نـصـيحـتـكـم لي؟

والله أخاف أضيع سنين من عمري وتروح هباءاً منثورا .. اللي يعرف عنها شيء أو عنده آي معلومة وخلفية عنها أو تجربه أو حتى نصيحة لايبخل علي ياليت يفيدني ,,

آسـف على الإطالة , آتـمـنى الإفــادة لاعدمناكم و جزاكم الله عنا خير الجزاء