هل بينكم صادق امين
السلام عليكم ورحمة الله
اختكم من مدينة بعيدة عن منطقة الرياض وأتمنى ان اجد شخص بينكم يسكن بمدينة الرياض وطبعا لازم يكون صادق وامين يخاف الله مااطول عليكم عندي مجموعه من الأفكار مبتكرة لشركات وبنوك ووالخ الشخص مطلوب منه انه يروح لهم ويستفسر منهم وبعد مايشوف انهم يرحبون بالافكار يعطيهم بياناتي يتواصلون معي واذا تم على خير عمل بيننا له نسبة يحددها ملاحظة من سابق تجربة مع الحرامية عرفت أنواع الحيل والكذب النصاب لايتعامل معي يحفظ ما وجهه ابرك له تعاملت معهم وصار عندي خبرة بالنصابين والحراميه بتوع اللف ودوران |
رد: هل بينكم صادق امين
السلام عليكم ورحمة الله وبركاته
ليه ماتراسليهم على تويتر على موقعهم بالنت واطرحي الفكره والايميل يحفظ حقك لو يصير شيء لاتحمد عقباه |
رد: هل بينكم صادق امين
الشركات ترحب دائما بالافكار المميزة والتي من شأنها زيادة الارباح ، ترحب اكثر بأصحاب هذه الافكار ، لذلك انصحك بالذهاب بنفسك ، أو عرض هذه الافكار على اشخاص مختصين لينتقدوها وعلى اثر ذلك يوجهوك لعرضها على شركات معينة .
بالتوفيق |
رد: هل بينكم صادق امين
شكرا على المرور والنصيحة
تواصلت معهم بتوتر يرسلون لي رابط الشركة ويقول تواصلي معهم وانا من سابق تجربة خونة الي يردون على الايميلات او التلفون الا من رحم الله وانا ماجربتهم للحين ان شاء الله التقي بهم يوم وعز الله اذا جاء ذاك اليوم بيكون مبروك |
رد: هل بينكم صادق امين
تبين نصيحه راسلي الشركات اللي في دبي
محمد بن راشد كان مسوي اعلان قبل فتره يبي شي جديد شي مختلف والمكافئه مليون |
رد: هل بينكم صادق امين
اقتباس:
تتوقع يقبلون السعوديين |
رد: هل بينكم صادق امين
زرقا اليمامه
لا تتنقصين من أحد وأنتي إللي وضعتي نفسك في هذا الموقف لازم تكونين مثل الجبال الراسيه تصبرين قومي أنتي والله يعينك أوصلي لكل شركة وحددي مواعيد معاهم ومع مقابلاتهم وقدمي نفسك وقدمي أوراقك وأفكارك رمي الإتهامات كذا باطل وانا ناصح لله أنا لاحظت ردودك ونقاشاتك في القسم وطرحك جميل وأفكارك ممتازه .. بس أستعيني بالله والله يوفقك ويرعاك. |
رد: هل بينكم صادق امين
مافهمت وش تقصدين لكن فيه امناء وصادقين ، لكن ماقلتيه تحتاج مقابلة مدراء الشركات مثل ما فهمت
ودي اقول راسلينا لكن الحمل حقك صعب شيلته .. |
رد: هل بينكم صادق امين
اختي لو اني لست بخارج المملكة حاليا
كان ساعدتك مجانا لكن اسمحي لي انبهك على شغلة تحتاجي تعملي official proposal على ورق بفكرتك ... مع دراسة جدوى للفكرة B to B بزنس تو بزنس وحاولي ماتوضحي الفكرة كاملة بالورق المقدم بحيث البنك او الشركة ماتطبقها من دونك الفكرة ماتنقال كذا ... انتي الان تطرحي لهم خدمة وفكرة يمكن انها تطور من الشركة وايضا تحتاجي ورق موثق مع محامي يحفظ حقك .... لازم كلامك مقنع لانه في شيء اسمه resistance to change مقاومة التغيير ... واكثر الشركات الي عندنا لا ترحب بالتغيير او الافكار الجديدة الا لو كانت مقنعة |
رد: هل بينكم صادق امين
اضيف على كلام الاخوه بالنسبه للحقوق
تقدري تاخذي حقوق الفكره وهي مكتوبه عالورق فقط يعني مايحتاج تطلعي حد عليها وينفذها فقط تكتبي فكرتك على ورقه وتسجلي حقوق الفكره ولو نفذها حد بعد ما سجلتي الحقوق ترفعي عليه قضيه |
الساعة الآن 10:22 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين