الدمع حبر القلم وخدودي اوراقي والهم هجس الشعر وافكاري الضيقه من موق عيني يخيل الحرف برّاقي ويهل حزن الموادع في طواريقه هزتني الضيقه اللي هزت اعماقي وتلّت خفوق المولع من معاليقه مع درب غيدآ تنحّت والغلا باقي غابت تبختر وشاعرها نشف ريقه !! غابت وأنا من بعدها شانت أخلاقي ماطيق شوف البشر والصوت مااطيقه من عشرة أيام والمحزون ماراقي يجر زفرات صدره من مغاليقه ياحادي الهم باالمهموم وش لاقي أذا أجتمع هم صدري كيف تفريقه ياغايبه كان حكم الموت بفراقي بموت مليون مره قبل تصديقه ما كنك اللي ربيتي وسط خفاقي وماكنك اللي قطفتي من زماليقه ياكل ناسي وأحبابي وعشّاقي يا اجمل حظوظ عمري يا توافيقه يامصدر الحب يامنضومة أشواقي يا حلمي اللي تعبت اسعى لـ تحقيقه الهجر يدمي القلوب ويحرق احراقي وهجرانك انتي سبب جرحي وتفتيقه لاتتركين الحزين المتعب الشاقي الوافي اللي صدق لك في مواثيقه تعالي ارجوك واخزي هقوة الهاقي عواذل الحب .. حسّاده .. مطافيقه من يوم غبتي وانا للموت توّاقي ماهمي الكون كُله مع مخاليقه هذا أنا من رحلتي ضاقت آفاقي والصدر بعد المفارق زاد تغليقه مالي جدى غير نزف الحرف باوراقي الهم هجس الشعر وافكاري الضيقه هزتني الضيقه اللي هزت اعماقي وغنّيت والحرف غّنت لي طواريقه