- اختبار لغة (بالنسبة لطلاب البترول يعتبر سهل إلى متوسط) يصفّون من خلاله العدد المهول اللي مقدم!
- بعد كذا يسوون مقابلات مع حدود 200 شخص.. يقبلون منهم حول 25 + أو - 5 ما أذكر
- البقية اللي كانوا كويسين في المقابلة يرشحوا منهم "بعد فترة" على وظايف مباشرة غيرة حقة الرواد
أسئلة اللغة الانجليزية عبارة عن قرامر + فوكاب في مجال الإدارة والبزنس.. يعني اللي الفوكاب عنده بس هندسي لو يراجع أشياء في البزنس والإدارة يكون أفضل..
البرنامج عبارة عن سنتين كورسات في السعودية وخارج السعودية آخر 6 شهور تختار (أو هم يرسلوك حسب الوضع) وحدة أو مجموعة إدارات وتدرب فيها/فيهم وبعدها تتثبت في الإدارة وتصير موظف رسمي.
- هل بعد ما تخلص برنامج الرواد يحطوك في بوزيشن عالي أو تُعطى مهام مهمة أو تصير مدير؟ الجواب لا
الراتب (بعد ما تتعين) يكون أعلى من اللي توظف بشكل مباشر وقعد سنتين بفارق مش كبير (لخريجي البكالاريوس .. الماستر فيه فرق)
- البوزيشن/المهام اللي حتستلمها بعد السنتين ما تفرق عن المتوظف بشكل مباشر بشكل كبير.. المقصد إن البرنامج ما يقارن ببرنامج جنرال إلكتريك OMLP مثلاً.. لكن أنصح الجميع يقدم خصوصا العاطلين.. لأن فيه فرصتين إنك تترشح لبرنامج الرواد أو يكلمونك ع وظيفة مباشرة .. فهي 2 في واحد..
- الاختبارات تكون في أكثر من مدينة .. المقابلات فقط في جدة (لكن عادي يقبلون من أي منطقة ما في تفضيل لأهل جدة مثل بعض الشركات) .. الدراسة في جدة + برة المملكة .. الوظيفة غالبا في جدة لكن مو شرط..
هذا الكلام من منتدى ثاني للاخ "المفتي" لنفس البرنامج في دفعه من الدفعات