أبي منكم خدمة مقابل 1000 ريال شهرياً

[ازهلها]

المشاركة الأصلية كتبت بواسطة كلنا يد وحدة

اولا شكرا لك اخوي solaiman2008 وربي يوفق الجميع

وبالنسبة لاسئلة الاخوان بخصوص استأجار المعدة ومن ثم تاجيرها لامشكلة ولكن بشرط ان تكون لديك مؤسسة مصرح لها بتاجير المعدات حتى تضمن حقك

وتختلف الاسعار على حسب نوع وموديل المعدة وعلى حسب المنطقة والعقد
ولا توهق نفسك بتاجير المعدة قبل توفير الشخص الي مالي ايدك منه في المشروع المراد تاجير المعدة له

وهذا اهم شرط لنجاح مشروع المعدات اما الوعود الفاضية ملي السوووووق ولا يغرك اي شخص يطق على صدرة ويقول ازهلههههها خلية يوريك العقود الي نفذها او كان فيها وسيط وهناك وسطاء ممتازين وصادقين

واما بالنسبة للاخ ازهلها وممكن حل يسئلو على المعدة الافضل بالنسبة للسوق ؟
المعدات كلها ممتازة ودخلها حلو ولدينا في المملكة طفرة عمرانية رهيبة بحاجة لجميع انواع المعدات من خفيفة وثقيلة بجميع الانواع
ابحث عن المشاريع واسئل عن المطلوب وابداء باستاجار المعدة افضل من شراءها حتى تضمن السوق
ثم من الدخل وفر المبلغ المطلوب وقم بشراء المعدة الخاصة بك وقم بسحب المعدة المستاجرة وادخل معدتك وكذا تضمن تشغيلها بشكل اسرع واضمن وعلى قولتكم ماتنشب في حلقك
وبالتوفيق

ما قصرت حبيبي والله يوفقك ويرزقك من واسع فضله ...

اخوك من الرياض .. واكييييد فيه معده مطلوبه في السوق وما تنشب بحلقك وسهل تأجيرها

هذا هو السؤال بغض النظر عن موقعك وين فيه ... يا ليت لو تفيدنا مشكووور بالمعده المطلوبه

ومواصفاتها وأفضل شيء مربح بالايجار هل هو نقل الرمل مثلا أو نقل الحديد أو ..أو.. انت ابخص

واسعار الايجار واسعار كم راح اأجرها فيه ...

بانتظار اجابتك يا بطل ..

[كلنا يد وحدة]

حياك الله اخوي ازهلها

ربي يقبل منا ومنك الدعاء الصالح
وبالنسبة لسؤالك
واكييييد فيه معده مطلوبه في السوق وما تنشب بحلقك وسهل تأجيرها
نعم هناك القلاب وهي انواع منها :
16 متر
22 متر
24 متر
26 متر
32 متر

ولكن المطلوب والافضل للسوق هو من مقاس ال16 الى 24 متر حتى يكون نظامي ولا تسجل على السيارة مخلافة عند مرورها على الميزان ..
والان الطلب مرتفع وبشكل ملحوظ في منطقة الشرقية ( الجبيل ) خاصة وانصح صاحب المعدة يذهب بنفسة ويشوف الشغل وحجم الطلب في الجبيل
وبالنسبة للايجارات تختلف خلينا نتكلم عن منطقة الجبيل .
بالنسبة للقلاب
16 متر
تقريبا شهري باذن الله راح يدخلك من 10 الى 14 الف في الشهر
و22 الى 26 متر دخلة الشهري من 15 الى 20 الف ريال وعلى فكرة توصل الايجارات للمعدة الوحدة الى 28 الف في الشهر
والتفوات في الدخل هو على حسب علاقتك في الشركة المؤجرة هل يوجد وسيط او دايركت

وبالنسة للحمولة خلك على الرمل اسلم للمعدة لانك لو حملت غير الرمل كل كم شهر راح تبدل الصندوق ..
والموضوع يبغالة شوي تعب وصبر

وبالتوفيق

[يعجبني تفكيرك]

السلام عليكم ورحمة الله وبركاته

هالموضوع افكر فيه من فتره طويلة وسألت ناس كثير بعضهم يمدحه وبعضهم يقولون ماتحصل من يستأجر منك

وعلى فكره السواق بإمكاني اجيبه على الاقل يحافظ على السيارة بس المشكلة تكمن في الايجار يعني لو نحصل عقد خمسه سنوات مضمون والدفع مافيه تأخير شهريا . . . . ( ان شاء الله اشتري )


بس ياريت تقولون لنا شنو النوع المطلوب ياجماعة الخير بالتفصيل وكم ايجاره شهري اذا مع سائق او بدون سائق


وجزاكم الله خير

[تركي 13]

يعطيكم العافية

[هاوي للبزنس]

الله يوفقكك ويرزقنا وياك النقليات جدا" مشروع طيب الله يرزقنا حنا عندنا تريله وحده وتعبونا الاجار حقها مايجي في كل شهر يتعبنا والله يرزقنا وياكم يالطيبين


وتوكلين على الله ودخليها شركه شرط تشمل كل شي وسواق خليه باسمك افضل