فكرة مشروعي المميز تكفون اعطوني ارائكم

[mo0ony11110]

السلام عليكم ورحمة الله وبركاته كيفكم جميعا ابي رايكم في مشروعي والله يسعدكم ويكتب اجركم انا عندي عماره 3 ادوار كبيره جدا و يتكون كل دور من 3غرف نوم 3صالات 1مخزن او بلكونه كبيره 1 غرفة غسيل مجلس حريم مطبخ مجلس رجال مقلط 4 حمامات وانتوا بكرامه موقعها مميز جدا جدا جدا وقريبه من كل شي يخطر في بالكم من مجمع مدارس اولاد وبنات واسواق ومطاعم ووووالخ ابي استغلها واتاجر فيها 1/ارممها من والي من سباكه الي بويات الي بيبان وشبابيك الي مطابخ 2/الدور الثالث لان فيه سطح اخليه حضانة اطفال فخمه ومجهزه بكامل وسائل الامان وكميرات مراقبه وكل اللي يحتاجونه الاطفال من مواليد الي سن 5 سنوات 3/الدور الثاني بخليه نادي صيفي للفتيات من ترفيه وطبخ ولعب وتعليم الانجليزي والحاسب وخياطه واعمال فنيه واعادة تدوير وهكذا4/الدور الاول راح اخليه جزء منه



نادي رياضي طبعا اسلامي اللبس يكون متواجد في النادي يعني تجي الوحده ببنطلون وتيشيرت وتدخل النادي وتلبس قطعه من عندنا فوق لبسها الين الركبه وكمان نشغل فيه صوتيات محمسه بس بدون اغاني (ان شاء الله تكونوا فهمتوها)والجزء الثاني بخليه كوفي نسائي راايق وجميييل وتصير عمارتي تجاريه طبعا بسوي هذي كلها بتراخيص وبدون اي مخالفات و بتدريج مو كلها دفعه وحده ان شاء الله واللي تبي تدخل معي شريكه حياها الله بيننا وثائق واوراق رسميه ومابتقلق باذن الله بس تتواصل معي ع الخاص او الايميل mo0ony11110@gmail.com
والله على ما أقوله شهيد وانتظر ردودكم الحلوه

[معمل خياطة]

وعليكم السلام

انا شايفه بما ان العقار ملكك فهذا الشي طيب ومافيه مخاطرة ومجازفه
واشجعك على هالافكار لكن اشوف فيك التشتت وهذا الشي يضيع انتباهك وجهدك
وحتى تركيزك في اتخاذ القرار
لازم اول تحددين شروط البلديه والدفاع المدني والتجارة كل مشروع وشروطه
وتحسبين ع اساسه مثلا ورقه مشروع الكوفي ثقافي ترفيهي خدمي واشترطاته
وورقه مشروع حضانه الاطفال من تعليمي وخدمي وامان ومراقبه واشتراطاته
وورقه تدريب جميع الانششطه لغات وحرفي وطبخ وحاسب ووو واشتراطاته

وانتي تفضلي ادارة اي نشاط يعني دراسه جدوى لكل نشاط وبالتوفيق يارب

[رائحة الندى]

جميل والله يوفقك ..
خذي كلام معمل خياطه في عين الاعتبار ورتبي افكار وخصصي توجهك ولا تتشتتي

موفقه

[زرقا اليمامة]

الله يوفقك ويسدد خطاك امين

[الفقير الى ربي]

بالتووووووفيق

[هاوي للبزنس]

فكره جدا" جميله والله يوفقكك

[Ibrahim-A]

تنوع الانشطه فكرة جدا جدا رائعة بحيث المشاريع تخدم بعضها و تغطي نزول الارباح في بعضها البعض ولكن

1 - تأكدي من اشتراطات البلدية التابعه لها هل تسمح بالنادي الرياضي او الحضانة بهذا العقار قبل البدء بالترميم.
2 - دراسة السوق بالمنطقة و تقبل او رفض المجتمع لهذا الفكرة ( النادي النسائي )
3 - احتياج الاسر للحضانة .
4 - نوعية النادي هل هو رياضي او صحي او تجميلي و استرخاء ( spa )
5 - تكلفة العمالة حيث انك تحتاجي الى عدد لا بأس به لتغطي الحضانة + النادي الرياضي او الصحي وضعي بعين الاعتبار الرسوم على العمالة ( 400 ريال شهريا ) و العام المقبل سوف تصبح 600 و من ثم 800 ريال
6 - انصحك بعدم البدء بشكل كبير ولا صغير. البداية المتوسطة تعطيك مجال لأكتشاف الاخطاء و تعديلها دون خسائر فادحة.
7 - بالنسبة للطابق الثالث ممكن استبدالة بالطابق الثاني و الثاني بالأول ( الارضي نادي صحي - الاول حضانة - الثالث سكن عماله ) وهذا راح يوفر عليك قيمة السكن للعمالة من مدربات للنادي الصحي ومن عمالة تنظيف و من موظفات بالحضانة
و كذالك بأمكانك توظيف السعوديات في الحضانة مما يخفف عليك نسبة السعودة و الرسوم الشهرية للعمالة و لا يحتاج توفير سكن للسعوديات.


اخيرا استشيري اصحاب الخيرة بهذا الانشطه ممن حولك بنفس المنطقة لأنك تستهدفين نفس الافئة و المجتمع المحلي بالمنطقة.

أسال الله لك و للجميع التوفيق و السداد.

[Investor]

المشاريع التالية معرضة للفشل:
1- الحضانة
2- النادي النسائي

اقتراحات وافكار (هالمره مجانيه ههههه)
الدور الاول:
مقهى نسائي قائم على تخطيط ودراسة وخبرة جيدة

الدور الثاني:
مؤسسة تقديم دورات ومحاضرات تعليمية لمن يملك الخبرة بالمشاركة بالارباح لرسوم الدورة او الاخذ بمبلغ معين

الدور الثالث: سكن لعاملات المقهى

واعرض نفسي كمدير تنفيذي بنسبة 10% من المؤسسات

دعواتكم في رمضان لنا