سجل تجاري بدون محل

[fzh7000]

السلام عليكم
صبحهم ومسهم بالخير
انا بسالكم واتمنى من الله ومن ثم منكم تساعدوني
انا ابي ادخل بعد ما استخرت الله في هذا المشروع تقسيط جوالات ولابتوبات ومن بعدها اجهزه الكترونيه وكهربائيه
لكن بدايه ابي سجل تجاري بدون محل كيف راح يكون وهل مسموح وكيف طريقته
وهل راح يكون شغلي نظامي واسوي عقد بيع بالتقسيط
احد الشباب قال سوي سجل تجاري التجاره الالكترونيه وسوي عقود وسندات
هل عادي استطيع ؟
ياليت احد يشرح لي

[شاب شايب]

اخوي انا في التقسيط من 11 سنه


الأن الوضع تغير لازم ترخيص من مؤسسة النقد وهي نوعين متناهي الصغر لازم يكون عندك 10 مليون


اقل من كذا ماراح تاخذ الترخيص



ولا انصحك في المشروع هذا شوف لك نشاط غيره

[fzh7000]

طيب اخوي الله يعطيك العافيه ماقصرت

طيب بالنسبه لو اسوي سجل تجاري للتجاره الالكترونيه او سجل تجاري للبيع بالتقسيط بدون محل هل استطيع ؟

لان 10 مليون هذا جدا صعب
واللي اقولك عنه انه فيه واحد من الشباب فاتح موسسه وسجل تجاري بدون محل وتقسيط لكن مالقيت جواب كافي ووافي

[شاب شايب]

أول كان تقدر تستخرج سجل تجاري نشاطه تقسيط


لكن الأن منعت من وزارة التجارة لازم تجيب ترخيص من مؤسسة النقد


حتى لو معك سجل تجاري قديم قبل النظام ونشاطه تقسيط اذا انتهاء يجبرونك تشيل التقسيط وتخليها اي نشاط غير التقسيط



لكن سواء طلعت سجل او ماطلعت ماراح يفيدك بشي اذا مانت مرخص من مؤسسة النقد


ونصيحة أخ ابعد عن هالمشروع اذا تبي الراحه النفسيه والله ماوراها الا الهم صحيح اول كانت مربحه وحقك شبه مضمون لأنك نظامي لكن الأن كل شي تغير

[سامبا العرب]

سجل تجاري تقسيط متقدر تطلع النشاط . لكن اغلب المحلات يستخروجوا سجل تجاري بيع اجهزة اللالكترونية ويبع اقساط لكن سند الامر .. يخلية باسمة الشخصي المبلغ كامل ويتفق بينة هو والمشتري انة اقساط . ( وليس باسم السجل التجاري لانة ليس مكتوب تقسيط في السجل التجاري )
اما بخصوص سجل تجاري بدون محل تقدروبدون رخصة البلدية . استخراج السجل مدة سنة قبل ما يحول عليك الحول للزكاة اذا ما نجحت في المشروع تقدر تشطبة السجل ام اذا السنة عدة راح يطالبك مصلحة الزكاة برخصة البلدية . وفي الاخير راح تنجبر تفتح محل ( السؤال اللي بعدة راح يكون في اتعاب )