قريب ندخل دورة وين العسكر يفيدونا 😍😍

[مشعل الجبلي]

بسم الله الرحمن الرحيم

اخواني الكرام انا واكثر اخواني الشباب قريبين نتوظف وندخل دورات عسكريه قطاع (السجون) ولا شك اني واخواني نرغب وبشدة في معرفة تفاصيل الدورة العسكرية حتى نتأهب ونستعد لها أفضل استعداد من الناحية النفسية، وأتمنى من كل عضو هنا سبق له بان التحق باحدى الدورات العسكرية ان يفيدنا بالتالي ( أعد كل من يشارك ويفيدنا الدعاء له بظهر الغيب)



- الجدول اليومي في الـ 45 يوم
- العناء او التعب النفسي هل صحيح انه يزداد بالأيام الأخيرة من الـ 45 ؟ ارجوا ان تصف لنا مشاعرك
- الجدول اليومي لما بعد الـ 45 يوم
- هل هناك تعب نفسي ايضاً بعد الـ 45 وهل مر عليك شباب قد فصلوا من الدورة ؟

ارجوا ان تتحدث عن ابرز ما عانيته بالدورة حتى نستعد له
وايضا التأثير الايجابي للدورة العسكرية على حياتك

اتمنى منكم المشاركة والتفاعل قدر الامكان
وكما وعدتكم سأدعوا لكم بظهر الغيب والله على ما اقول شهيد
دمتم بود اليوم تاريخ 10/3/2018 22/6/1439

[حَآلِم]

وعليكم السلام ورحمه الله وبركاته

الله يوفقكم وسهل عليكم مشقه الدورة ، أذا تبي الصراحه انا ما دخلت دوره لكن بأذن الله بتكون قريب
انا أخواني تقريبا كلهم عسكر وهم وصفولي كل شي في الدوراتهم وانا بذكر ما اذكره منه وما اعرفه انا
الجدول 45 يختلف من قطاع إلى أخر البعض عنه جدول لذالك لكن الاغلب عشوائي ولا له وجهه ثابت
قبل الدخول أخذ المستلزمات أكثر من الي طلبوه ، جدول على حسب الي قالواه لي الاول يقول فية حصه
الفجر و حصه الظهر وحصه بعد المغرب والثاني يقول الفجر ووحده قبل الظهر و المغرب
على ما قال اما العصر و العشاء وقت تسوي فيه الي تبي تغسل هدومك تسولف مع الناس
انت ووقتك حر فيه وهو الوقت الوحيد الي تقدر ترتاح فيه نفسياً أما أذا بتكون مبزوط
شوي الله يعينك ما راح ترتاح الا وقت نومك أي بمعنى أظبط عمرك
الضغط النفسي هو قوي لانه يحاول تحويل حياتك من المدنية إلى العسكرية لذا الله يعينك على الكلام
والضغط النفسي مو بكلام بس هو تقريبا يعزلونك عن العالم الخارجي وهذا أصعب أختبار بدوره بكبرها
الاسبوع الاول بيكون جحيم لذا لا تستغرب تشوف ناس تهرب وتتغير عليكم الوجوه بسرعه بعدها بيكون
الامر سهل على الخفيف إلى أن تخرج منها ، اما اذا على شده فهي العكس البداية كارثه والنهاية يتهونون معكم
حتى انكم بتسمعون كلام ما شفتوه في البدايه من اعتذرات من المدربين إلى انهم يسالفون معك طبيعي كاي شخص
طبيعي ، ومن مدرب إلى مدرب تختلف لذا ممكن يكون رجل يقدر أو يكون بارد دم ما عليه الا كلمه "نفذ"
بعد ال 45 يوم بتطلعون من اسبوع إلى 10 أيام راح تكون أسعد أيآم حياتك لان راجع للعالم الخارجي مره ثانية
ابرز شي بيحصل لك في الدورة الحرامية الشربات ، التأثير الاجابي يختلف من شخص إلى أخر لذا كل شخص راح تفيده بشكل أو باخر
الله يوفقكم ويوفق كل شخص يدور رزقه في الارض ، أدعولي يا الربع في القبول النهائي في الامن العام محسوبكم خلص كل شي

[مشعل الجبلي]

الله يحزاك خير واسئل الله ان يكتب لك كل ماهو خير اشكرك ياطيب

[جيب طوارق]

بختصار........

فله وناسه اخذنها

مماكان اخذها كذا

واحرص على الاذكار دايماا

والصلاة ودعاء الوالدين لك

وتروح بلمح البصر

تحياتي لك ي ذيب

[مشعل الجبلي]

الله يجزاك خير يأجيب طوارق وأبشركم ربي لك الحمد حددو دورتنا تاريخ 1/8/1439
في المدينة المنورة اسئلً الله العلي العظيم ان ييسهلها لنا ويعينا على تأديت الأمانة

[جيب طوارق]

عساك على القوةة
بالتوفيق لك يالزميل

[مشعل الجبلي]

المشاركة الأصلية كتبت بواسطة جيب طوارق

عساك على القوةة
بالتوفيق لك يالزميل

واياك يا طيب

[عبدالله حسيين]

طبعا ما اعرف كيف ابدأ اشرح لك ..
لكن بحكم اني عسكري ومجرب الدورة بشرح لك الوضع .
اولا وقبل كل شي انت لا تشيل هم الجدول اليومي كيف راح يكون واذا كان كرف او مرتاح
لانك انت اذا صرت هناك ما تفكر بالشيء ذا وراح يكون كل تفكيرك هو كيف تخلص ال 45 يوم
طبعا انت اعتبر انه سجن ومحكوم عليك ب 45 وراح يجيك الشيطان ويقول لك اهرب من الدورة وهذا شي طبيعي ويجي بنفس كل واحد بالدورة تقريبا بس انت اصبر .
اما بخصوص الاغراض اللي تاخذها . خذ كل شيء بزيادة ..
مثلا اذا طلبو عدد 8 ملابس داخلية انت خذ 15
اذا طلبو عدد 4 بدل رياضية انت خذ 6 ونقطة مهممممة ..
خذ البناطيل اللي يكون لها سحاب في الجيب عشان ما تضيع اغراضك.
خذ لك ماكينة حلاقة لأنك راح تحتاجها وهم مااراح يطلبوها منك .
ونقطة ثانية ، خلك اجتماعي ولا تستحي من احد وعلى طول طيح الميانه مع الشباب وحاول تكسب صداقات من بدري .
وباختصار ال 45 يوم هي عبارة عن سجن وعزل عن العالم الخارجي .
يعني انت بنفسك ماراح تشيل هم الكرف ولا الجزوات ولا شي الا بس هم انه المكان يعتبر سجن .
وبخصوص النفسية ..
شيء طبيعي تكون منفس في اول اسبوع وخاصة اول يوم بتكون نفسيتك زززززفت جداً
بس اصبر ، خاصة ان المكان يكون غريب عليك وفجأة تنام ومعك في المهجع مجموعه كبييييرة تنامون سوا .
والنفسية تقل تدريجيا وبعد ما يمر اسبوع تروح النفسية وبخصوص نهاية ال 45 برضو راح تكون نفسية .
وطبعا راح تسمع اشاعات كثير من الطلاب اللي يقول لك بنخرج بعد اسبوع واللي اسبوعين ولكن انت طنش وحط ببالك انها 45 يوم ولا تصدق احد ابد لانه هذا الشيء هو سبب النفسية نهاية ال 45 وانا شخصيا كانت دورتي اكثر من 45 يوم .
واعيدها لك ال 45 يوم هي عبارة عن ضغط نفسي وفحص اخلاق بس .
يعني ممكن تسوف المدرب يتلفظ عليك وهو اصلا بداخله يضحك بس عاد هذا عمله انه ينرفزك ويفحص اخلاقك ، يعني لا تفكر انك تهرب بسبب مدرب .
اتوقع قلت لك كل شي ببالي واعذرني اذا فيه اخطاء املائية لاني اكتب بالجوال وما انتبه .

[مشعل الجبلي]

المشاركة الأصلية كتبت بواسطة عبدالله حسيين

طبعا ما اعرف كيف ابدأ اشرح لك ..
لكن بحكم اني عسكري ومجرب الدورة بشرح لك الوضع .
اولا وقبل كل شي انت لا تشيل هم الجدول اليومي كيف راح يكون واذا كان كرف او مرتاح
لانك انت اذا صرت هناك ما تفكر بالشيء ذا وراح يكون كل تفكيرك هو كيف تخلص ال 45 يوم
طبعا انت اعتبر انه سجن ومحكوم عليك ب 45 وراح يجيك الشيطان ويقول لك اهرب من الدورة وهذا شي طبيعي ويجي بنفس كل واحد بالدورة تقريبا بس انت اصبر .
اما بخصوص الاغراض اللي تاخذها . خذ كل شيء بزيادة ..
مثلا اذا طلبو عدد 8 ملابس داخلية انت خذ 15
اذا طلبو عدد 4 بدل رياضية انت خذ 6 ونقطة مهممممة ..
خذ البناطيل اللي يكون لها سحاب في الجيب عشان ما تضيع اغراضك.
خذ لك ماكينة حلاقة لأنك راح تحتاجها وهم مااراح يطلبوها منك .
ونقطة ثانية ، خلك اجتماعي ولا تستحي من احد وعلى طول طيح الميانه مع الشباب وحاول تكسب صداقات من بدري .
وباختصار ال 45 يوم هي عبارة عن سجن وعزل عن العالم الخارجي .
يعني انت بنفسك ماراح تشيل هم الكرف ولا الجزوات ولا شي الا بس هم انه المكان يعتبر سجن .
وبخصوص النفسية ..
شيء طبيعي تكون منفس في اول اسبوع وخاصة اول يوم بتكون نفسيتك زززززفت جداً
بس اصبر ، خاصة ان المكان يكون غريب عليك وفجأة تنام ومعك في المهجع مجموعه كبييييرة تنامون سوا .
والنفسية تقل تدريجيا وبعد ما يمر اسبوع تروح النفسية وبخصوص نهاية ال 45 برضو راح تكون نفسية .
وطبعا راح تسمع اشاعات كثير من الطلاب اللي يقول لك بنخرج بعد اسبوع واللي اسبوعين ولكن انت طنش وحط ببالك انها 45 يوم ولا تصدق احد ابد لانه هذا الشيء هو سبب النفسية نهاية ال 45 وانا شخصيا كانت دورتي اكثر من 45 يوم .
واعيدها لك ال 45 يوم هي عبارة عن ضغط نفسي وفحص اخلاق بس .
يعني ممكن تسوف المدرب يتلفظ عليك وهو اصلا بداخله يضحك بس عاد هذا عمله انه ينرفزك ويفحص اخلاقك ، يعني لا تفكر انك تهرب بسبب مدرب .
اتوقع قلت لك كل شي ببالي واعذرني اذا فيه اخطاء املائية لاني اكتب بالجوال وما انتبه .

الله يجزاك يابو حسين اشكرك وباذن ربي يسهلها هانت باقي سبوعين تقريبا ع الدورة وباذن بطبق كلامك حسب الاستطاعة اسئل الله ان يسعدك ويوفقك

[يسهلها الله]

الله يوفقك