28-10-2018, 02:16 AM
|
عضو متواصل
|
|
تاريخ التسجيل: Mar 2009
الدولة: الدمام
المشاركات: 45
معدل تقييم المستوى: 8666
|
|
|
رد: اضافة اعاقة اخرى ؟!
الله يعطيك العافيه استاذي سعودي متقاعد وكل الشكر لك للمشاركه
انا طبعا عندي ضعف متوسط في الأذن اليسرى وهي الي احسها مسببه لي كل المشكله يعني طول الوقت طنين يفجر الراس وما اسمع منها شي إلا اذا صوت مرتفع جدا وقريب اسمعه خفيف ويكون مخربط بعد يعني مش واضح ولما وديت التخطيط حق المحل وشافه الدكتور الي عندهم يقول أنت حتى الأذن اليمين عندك فيها ضعف بس بسيط
قلت له انا ابغى حق اليسار اليمين اسمع منها ومافيها طنين
المهم قال لي فيه انواع والأفضل الديجيتال عشان يكون الصوت واضح وعشان الطنين يروح عنك وصار يقول لي كلام ماعرفت وش يقصد بصراحه قنوات ومادري شنو وكل مازاد عدد القنوات كل ماكان السمع طبيعي
المهم قلت له ابغى شي طيب ويستاهل
وعدد لي اسماء شركات وكأني خبير فيها المهم الي اذكره منهم شركه اسمها فوناك وشركه ثانيه اسمها ستار كي
المهم وسألته عن الأسعار وهنا تفاجأت بصراحه سماعه وحده للأذن اليسار طبعا قال لي 8 قنوات بـ 4100 نسيت اي شركه منهم والشركه الثانيه 5400
قلت له هذي 8 قنوات قال فيه افضل بس السعر اغلى يوصل للسماعه الوحده 11 الف ريال
المهم قلت له الحين يبغى لي اعيد الفحص واتأكد
قال دحنا عندنا لو عاوز الفحص حيكون مجاني وانا بصراحه ابغى انحاش قلت له لا بس عشان اتأكد من الدكتور انا احتاج سماعه او سماعتين لأن انتوا تقولوا احتاج سماعتين والدكتور يقول وحده
المهم ماصدقت طلعت بس بصراحه لو كان عندي قيمتها كان شريتها ولا اجلس كده ما اسمع احد
وربنا يشافي الجميع يارب العالمين
|
العرض العادي
