تجمع المتقدمين/المتقدمات لوظيفة الإعادة بجامعة الطائف 1438

[majdulen]

سلام عليكم
مساء الخير

مقابلتي كانت الاربعاء ف الحوية
كنا 7 بنات رياض اطفال
رتبونا ع درجات الاختبار .. انا كنت الثالثة
المقابلة بشكل عام مريييحة واقرب لسوالف اكثر من كونها سؤال وجواب وجو رسمي
اللجنة 2 فقط
وحدة سعودية ووحدة مصرية
كلهم جايين من تربة خصيصاً لمقابلة المتقدمات لفرع تربة ..

اول ما دخلت وزعت عليهم اوراقي
كنت حاطة الاصول ف ملف والصور ف ملف
تصفحوا السيرة وسألوني عن بعض المكتوب فيها ..
سألوا عن سنة تخرجي؟ وايش سويت بعد التخرج ؟
واذا ابغى ابتعث برا او لا ؟
طبعاً قولي اي وبعدين يصير خير
حددت لها الدولة وكنت محضرة اسماء 3 جامعات فيها ماستر طفولة مبكرة وكذا ..
سألوا انه ما تبغين مجال تربوي عام زي علم النفس وكذا ؟ فقلت لهم انه لا انا حابة الامتداد لقسمي ..
المهم كمان سألوا قد تقدمت ع جامعات او لا ؟ وعدديها ؟
ولو مثلاً جاكي قبول ف الطايف وجامعة ثانية ، مين تختارين؟ وليش ؟
^ (عاد هنا اختاري الطايف وامدحيها بطريقة اكاديمية وكذا) لأن مغزى السؤال امدحينا😂
وكيف راح استقر ف المنطقة ؟
وبحكم ان مالي خبرة لأني خريجة37
سألوا عن اقوى وافضل شي سويته ف الجامعة كمشروع او نشاط او اي شي؟
وبس تقريباً هذا كل اللي اتذكره ..
الله يوفقنا وييسر امورنا ويقرّ عيوننا بأحلامنا❤