تجمع المتقدمين على "الأمن العام" |1439 - 2018|

[قلعه]

الي موعدهم اليوم غلمونا وش يصير معكم ياليت كل شخص يبين لنا في اي مدينة تدريب سوا الاجراءات

سؤال هل عطوكم ملف تسون كشف وووالخ وبصمات ولا لسى؟

[sktoon11]

السلام عليكم

بالمناسبة اليوم موعدي للمقابلة الشخصية في الرياض وتراهم متشددين في الطول والوزن وردوني علشان وزني ناقص خمس كيلو طولي 186 وزني 65 والي يحسب الوزن و الطول عميد اشوف يضرب في الجوال

وبالنسبة لرتبة وكيل رقيب ولاء يخلونك توقع اقرار بعد انك ترضى به ولا ادون منه رتبه ولا تطالبهم بشي والي يعدي الطول و الوزن الباقي سهلات ودعواتكم لنا بالتوفيق

والله ولي التوفيق

[حاسوبيهة]

اخوي مقدم ف القوات الخاصه تاخر عن موعد مقابلته كانت 15/5
ل ظرووف خاصه جداً لكن م عنده شي يثبت انه عنده عذر
وهو مطابق ل الشروط وكل شي تمام يروح لهم ولا بيردونه

[طفشت من]

احد جات رسالة اللي مقدم على جندي ؟؟؟؟؟؟؟؟؟؟؟؟؟

[AIAD1993]

المشاركة الأصلية كتبت بواسطة Fahad011

السلام عليكم انا كان موعدي اليوم في الشرقية في الظهران واغلب الموجودين هناك كلهم جامعيين معهم بكالريوس المهم دخلونا ستة ونصف تقريباً وأول شيء في عسكري كان يأخذ نظرة بالعين على الي وزنه زايد يقيس وزنه اذا زايد مع السلامة والي طوله اقل من 168 وشاك في وزنه يقيس بدري على شان ما يقعد ينتظر الى الظهر اول شيء قالنا ياه انه العدد المطلوب للوكيل رقيب محدود يعني انت بتوقع على تعهد برتبة وكيل رقيب ونفس التعهد انك تقبل برتبة اقل منها لانهم راح يفاضلون بالمعدلات العليا هم يأخذون الرتبة واذا اكتفى العدد تنزل للرتبة الادنى منها يعني ممكن تأخذ جندي وانت جامعي .
طبعاً الخطوات اول شيء تدقيق الاوراق اخر شهادة لك وصورة الاحوال وصورة كرت العائلة وصور شخصية الثانوية ما سألوا عنها تجيبها مع الملف بعدين.
ثاني شيء الوزن والطول .
ثالث شيء المقابلات مع ثلاثة اغلبهم وكيل رقيب او رقيب اول او رقيب واسئلة سهلة يسأل وين ساكن واسئلة عن الدين ووزيز الداخلية ومدير الامن العام وطبعاً انت حضك يمكن يسألك واحد والباقي ما يسألوك شيء يوقعون لك.
ثالث شيء مقابلات مع الظباط تحصلك رائد ونقيب ومقدم وكانت نفسها وين ساكن وتكلم عن تخصصك وانا في المقابلة هذي سألني واحد فقط وين ساكن طبعاً انا تخصصي هندسة صناعية وقلي ليش جاي هنا انت مهندس من هذا الكلام والباقي وقعوا ما قالوا شيء .
اخر شيء تنظر يعطونك الملف ويشرحه كيف تعبي البيانات والتسليم قالنا في اي وقت بس حاول تخلصه بسرعة لان الدورة احتمال تكون بشهر سبعة الي يسلم ملفه متأخر وينقبل في الدورة احتمال انه تعيينه يتأخر وطلعنا الساعة ثنتين وهذا الي صار معنا وبالتوفيق لكم ...

أنت راضي تأخذ جندي وانت مهندس ..؟ و اش كان ردك يوم سألك ليش جاي وانت مهندس .. اعذرني بكلمك خاص بس مشاركتي قليله ..

[اسستكنان2500]

يا شباب ترا مشددين على مسالة الطول و الوزن يعني انت تعرف نفسك اذا عندك مشكله في الطول او الوزن لا تتعب نفسك و تروح لهم

[bnbn]

شباب هل في الفحص الطبي عليه تدقيق ؟
مثل النظر

[Mre1111]

اليوم كانت مقابلات ايش ياشباب بكالوريوس ولا تقنيه ؟

[عماد الحر]

مركز تدريب المدينه عدينا الطول والوزن ووقفونا على تدقيق الشهاده يعني لو مو مطابقه للي سجلتها بالموقع لو 0،1 يمسكونك الباب

[اسستكنان2500]

مقابلات البكالوريوس
التقنيه حسب ما سمعت انها يوم الاحد القادم او الاثنين يبدون مقابلات