07-07-2018, 05:40 AM
|
عضو متواصل
|
|
تاريخ التسجيل: Jun 2018
المشاركات: 54
معدل تقييم المستوى: 12
|
|
|
رد: تجمع لمتقدمي وزارة الدفاع -دورة 46- (1439هـ)
اقتباس:
المشاركة الأصلية كتبت بواسطة alshahranin
هلابك اخوي مالك...اول شيء احب اعطيك خبر اني من الناس اللي قدموا على العسكرية من ايام الثانوي
وماكتب الله نصيب وانرفضت بسبب عملية في عيوني وانا كنت مقدم طيار حربي ، وقتها فيه نقيب شافني طفشان ومتحطم جدا من الرفض و جاني ويعلم الله انه هذا اللي صار بالحرف الواحد قال لي انت تبي العسكرية تبيها تبيها!!
قلت له الله الله قال ها رح خذ لك شهادة هندسة وتعال قدم والله ييسرها لك ، طبعا ما اخفيك طلعت وانا متحطم والله ولكن بالفعل دخلت هندسة معمارية و مشت السنين وهذا انا بعد 6 سنوات رجعت لنفس المقر اللي رفضني وقدمت من جديد والحمد لله اجتزت كل شيء باقي توفيق الله في القبول النهائي.
الشاهد من كلامي ان كانك متعلق في الثنتين فترى لو درست طب ورجعت للعسكرية وقدمت عليها احسن لك بمليون مره من انك تاخذها من بعد الثانوي :
اولا : راح يكون قدامك متسع من الوقت تراجع نفسك هل انت تبي العسكرية ولا لاء ومن هنا الى وقت التخرج صدقني بيصير لك مليون رأي مثل محدثك.
ثانيا : انك تاخذها بشهادة الطب راح تكون نجمتين واقدمية سنه يعني السنه الثانية انت معلق نقيب ان شاء الله
ثالثا : غالبا رح تكون تحت رواتب الكادر الصحي ( ماتتقارن فينا حتى حن المهندسين)
هذي امور حبيت اخليك على بينه منها وانت براحتك يا طويل العمر الا اذا تشوف نفسك منتب هاوي للدراسة فوالله الكلية العسكرية احسن لك بمليون مره + قدم وخلص اجراءاتك فيها الثنتين لأن يمكن ما يكتب لك الله الخيره فالعسكرية فتلقى لك البديل بسرعة ان شاء الله.
والله يسهل لك ودعواتك يا مالك...
|
اشكرك اخوي على نصيحتك الصادقة وكلامك الطيب ومداخلتك الجميلة
والله يكتب لنا ولكم وللجميع التوفيق
من خلال كلامك قررت الاستمرار بالدراسة حتى لو جاني قبول نهائي
واشكرك من القلب والله يوفقك ويسهل امرك وامر كل الاخوان
ودمتم بود ومحبة
|
العرض العادي
