تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > الحياة العلمية والعملية > قسم مشاريع وأفكار

الملاحظات

قسم مشاريع وأفكار ممنوع مواضيع المساهمات او المشاركة

تجربتي في استخراج سجل تجاري عن طريق النت بدون عناء(تحديث)

قسم مشاريع وأفكار

تحديث تم شمول جميع مناطق المملكة بالخدمة بعد اقتصارها سابقا على الرياض وجدة وتم الغاء ارسال السجل بالبريد وتستطيع طباعته مباشرة من الموقع تحديث تم...

أضف رد
 
LinkBack أدوات الموضوع انواع عرض الموضوع
  #1 (permalink)  
قديم 10-04-2013, 07:39 PM
الصورة الرمزية السلاطيـن
مشرف مشاريع وأفكار
 
تاريخ التسجيل: Jan 2009
المشاركات: 5,496
معدل تقييم المستوى: 21474877
السلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداع
تجربتي في استخراج سجل تجاري عن طريق النت بدون عناء(تحديث)

تحديث

تم شمول جميع مناطق المملكة بالخدمة بعد اقتصارها سابقا على الرياض وجدة
وتم الغاء ارسال السجل بالبريد وتستطيع طباعته مباشرة من الموقع

تحديث

تم الربط خدمة ابشر بوزارة التجارة يعني لا تستطيع استخراج سجل الا بتسجيل في خدمة ابشر وتفعيلها واشكر الاخ العضو ( حمايه جهازك )على الاضافة

تحديث
تجديد الغرفة التجارية صار اجباري ومربوط بالسجل يعني جددت خمس سنوات لسجل تجدد الغرفة التجارية معها لمدة 5 سنوات يعني استغلال لان الكثير لا يستفيد من الغرفة التجارية


تحديث

السجل التجاري صار اجباريا لمن اراد فتح ملف في وزارة العمل بعد مكان مسموح فتح ملف برخصة البلدي
ة

تحديث

طريقة التسجيل واستخراج السجل على الموقع الجديد




السلام عليكم ورحمة الله وبركاته

.
.
.
.
.
.
.
.
.
.
تم
اخذ الاذن من صاحب الموضوع العضو lole23 في البوابة الانترنت الرقمية لنقل تجربته الى قسم مشاريع وافكار




الحمدلله استخرجت سجل تجاري عن طريق النت بدون روحات وجيات

بعد أن كنت شايل هم مراجعات الدوائر الحكوميه وزحمات الرياض

سمعت انه في امكانية استخراج سجل تجاري عن طريق موقع وزارة التجارة والصناعة لسكان مدينة الرياض وبصراحه ماكنت مصدق

وقلت أجرب وضبطت معي

حبيت أنقل لكم التجربه لتعم الفائده

أول شي نسجل في الموقع


https://ecr.mci.gov.sa/Account/Registeration



التسجيل بسيط وباللغة العربية

طبعاً أهم شي ماتكون موظف حكومي

وبياناتك لازم تكون دقيقه

ومو لازم يكون عندك محل

بعد الانتهاء من التسجيل

تدخل على حسابك وتضغط على الصفحة الرئيسيه وتختار حجز اسم تجاري جديد

بتفتح لك الصفحه هذي




حط البيانات المناسبه لك

مثلاً :

نوع المنشاة : مؤسسة

الاسم التجاري: البوابة

نوع النشاط : للتجارة

واضغط على متابعة




طلع الاسم محجوز

لازم نختار اسم جديد

واذا قبله النظام يعرض لك الاسم كامل

بعدين نختار تأكيد

وبتطلع لنا الصفحه هذي




واذا ضبط معك

اضغط على استعلام عن حالة اسم تجاري




واضح فوق السجل الأول اللي سويته

وتحت الطلب الجديد

خدمتهم ما شاء الله سريعه بس ممكن النظام يقبل الاسم ويتم الرفض من قبل الموظف

وهذا اللي صار معي

وحاولت مره ثانيه وضبط

التكلفة

200 ريال لوزارة التجارة والصناعة

وتقدر تسددها عن طريق الصراف أو عن طريق النت ورمزها في سداد " 013 "

300 ريال اشتراك للغرفة التجاريه بالرياض لمدة سنه

وتقدر تسددها عن طريق الصراف أو عن طريق النت ورمزها في سداد " 073 "

30 ريال للشركة الناقله Fedex يوصلونه للبيت وتعطيهم " كاش "

المجموع 530 ريال

المده تقريباً اسبوع

وان شاء الله راح اضيف تحديث للموضوع بعد مايتم قبول السجل الجديد

لأن السجل الأول كان تجربه وماصورت الخطوات


تحديث للموضوع


بعد ما تتم الموافقه على الاسم التجاري تكمل الخطوات كالتالي

بداية طلب السجل " معلومات المالك "



تأكد من معلوماتك بعدين حط صح على المربع بعدين اختر متابعه

طلب إصدار سجل تجاري




بعد اختيار النشاط الرئيسي ونوع التجارة والنشاط الفرعي " النشاط الفرعي لمن لديه سجل سابق "

يطلع بالاسفل حقل الأنشطة تختار النشاط اللي تبي




اضغط على إضافه لإضافة النشاط اللي تبيه

انا اخترتها كلها




وفي الأخير تأكيد المعلومات




اضغط على تأكيد

بعدين بتوصلك رساله على الجوال " عزيزي العميل تمت الموافقه على طلب رقم **** لاصدار سجل تجاري ورقم الفاتوره هو ******** "

200 ريال لوزارة التجارة والصناعة

وتقدر تسددها عن طريق الصراف أو عن طريق النت ورمزها في سداد " 013 "

بعد التسديد بتوصلك رساله " عزيزي العميل تم استلام المبلغ لطلب الاصدار رقم **** وسيتم ابلاغك عند تسليمه للناقل "

وبعدين بتجيك رساله " لاستكمال اصدار سجلك التجاري الرجاء سداد فاتورة رقم ***** الخاصة باشتراك الغرفة التجارية بقيمة 300 ريال "

300 ريال اشتراك للغرفة التجاريه بالرياض لمدة سنه

وتقدر تسددها عن طريق الصراف أو عن طريق النت ورمزها في سداد " 073 "

بعد التسديد بتجيك رساله " شكراً لسداد الفاتوره رقم **** بقيمة 300 ريال "

بعدين بتجيك رساله " عزيزي العميل تم استلام طلبكم رقم **** من قبل فيدكس ورقم الشحنه هو ****** "

بعدها انتظر فيدكس يكلمونك وتعطيهم وصف للمكان اللي تبي تستلم منهم السجل

وتسلمهم مبلغ وقدره 30 ريال

ونصيحه اطلب منهم رقم جوال المندوب ونسق معه

وفي الأخير أعتذر عن التأخير في اكمال الموضوع وأعتذر عن أي تقصير

والله يوفقنا وياكم دنيا وآخره


ملاحظه

شرحت في المشاركة على تجارة الجمله والتجزئه للملابس الجاهزة

والمبلغ اللي حطتيه لتجارة التجزئه للملابس الجاهزة

واكتشفت مؤخراً أن المبلغ يختلف

وأعتذر عن هذا الخطأ


1

اقتباس:
المشاركة الأصلية كتبت بواسطة Aw_911




تم اليوم طلب اصدار سجل جديد ووضعت عنوان أحد اقاربي في الرياض ,, وان شاء الله بوافيكم بالمستجدات

لكن هل بيكون فيه مشكلة اذا نشاطي في جدة وانا عضويتي في غرفة الرياض ؟؟



2

اقتباس:
المشاركة الأصلية كتبت بواسطة Aw_911




الله يبارك فيك وجزاك الله خير على مشاعرك الطيبة

وصلتني فاتورة تسديد رسوم عضوية غرفة الرياض بمبلغ 800 ريال !!

ما ادري على اي اساس صنفوني من الدرجة الثالثة بينما المفروض اكون من الدرجة الرابعة اللي رسومها 300 ريال

النشاط اللي اشتركت فيه استيراد وتصدير قطع غيار السيارات



3

اقتباس:
المشاركة الأصلية كتبت بواسطة Aw_911




وصلني اليوم السجل التجاري في جدة ودفعت نفس الرسوم 30 ريال

الشكر لله اولا ثم لحبيبنا lole23 جزاك الله خير



مهم لمن استخرج السجل عن طريق النت وهو من خارج الرياض

من خلال موضوع الاخ طلعت سجل تجاري والحمد لله كل شيء تمام..
طلبت اغراض بحكم سجل تجاري معي جبت شيء دسم يتعلق
بـ تقنية المعلومات .. توقفت البضاعه بالجمارك <
ع طول اتصلت بمكتب مخلص جمركي ابي فسح قال جب ختم ويكون مصدق
من الغرفه التجارية .. طلعت الختم رحت للغرفه .. قالوا مانقبل
السجل اصدار من الرياض لازم تروح لرياض وتخلص امورك <
وانا من الجبيل كلمت مكتب خدمات عامه قلت له ابي حل سجلي من الرياض
قال تطلع فرعي وكل شيء تمام .. وفعلا طلعت الفرعي والامور تيسرت
الفرعي خليته نفس نشاط الرئيسي


اختصرت عليكم


الزبدة اذا تبي تصدق اوراقك او ختم للمؤسسة آلخ.. من الغرفة التجارية
وسجلك مو من نفسك ديرتك زبط وضعك من الحين



.................................................. ...........................................

اضافة

بخصوص رأس المال الحد الادنى هو 25 الف ريال

بالنسبه للمهنه لازم يكون متسبب او تاجر او طالب وبخصوص الموظفين في الشركات المساهمة لازم تأخذ اذن من عندهم انه لامانع لديهم انك تفتح مؤسسة


وتقبلوا تحياتي
اخوكم السلاطين

التعديل الأخير تم بواسطة السلاطيـن ; 25-08-2017 الساعة 09:34 PM
رد مع اقتباس
  #2 (permalink)  
قديم 10-04-2013, 08:34 PM
عضو مميز
 
تاريخ التسجيل: Mar 2012
المشاركات: 813
معدل تقييم المستوى: 490235
فكرة ديزاين محترف الإبداعفكرة ديزاين محترف الإبداعفكرة ديزاين محترف الإبداعفكرة ديزاين محترف الإبداعفكرة ديزاين محترف الإبداعفكرة ديزاين محترف الإبداعفكرة ديزاين محترف الإبداعفكرة ديزاين محترف الإبداعفكرة ديزاين محترف الإبداعفكرة ديزاين محترف الإبداعفكرة ديزاين محترف الإبداع

يعطيك العافية على النقل

وخطوة ممتازة ، والرسوم هذي مثل الضراب في الدول الاجنبية الفقيرة ؟؟!

رد مع اقتباس
  #3 (permalink)  
قديم 10-04-2013, 08:49 PM
عضو متواصل
 
تاريخ التسجيل: Jun 2011
المشاركات: 87
معدل تقييم المستوى: 26
تعقيد يستحق التميز

السلام عليكم
يعطيك العافيه وفيه ناس ماتدري وتدفع مبلغ كبير مقابل استخراج السجل

بشطح بكم شوي انا عندي مؤسسه في الدمام بنقلها للجنوب الي عنده خبره ياليت يفيدنا
هل اقدر انقل السجل واشتراك الغرفه التجاريه ولا اشطبها وافتح من جديد طبعاً المؤسسه عليها عمال

رد مع اقتباس
  #4 (permalink)  
قديم 10-04-2013, 08:49 PM
Guest
 
تاريخ التسجيل: Mar 2012
المشاركات: 295
معدل تقييم المستوى: 0
الجارح الحر محترف الإبداعالجارح الحر محترف الإبداعالجارح الحر محترف الإبداعالجارح الحر محترف الإبداعالجارح الحر محترف الإبداعالجارح الحر محترف الإبداعالجارح الحر محترف الإبداعالجارح الحر محترف الإبداعالجارح الحر محترف الإبداعالجارح الحر محترف الإبداعالجارح الحر محترف الإبداع

كل شيء مُيسر لنا كشباب ..

والله لازم نستغل الفرص الكبيرة الآن في فتح السجل التجاري والنزول للسوق للتجارة
للعاطل يستغل هالفرصة واللي يبي عمل جزئي يستغل هالفرصة

وان شاء الله نشوف اسواقنا كلها شباب سعودي يدخل في اليوم 500 ريال او اكثر ويشرف على عمله بنفسه

الله يوفق الجميع

رد مع اقتباس
  #5 (permalink)  
قديم 10-04-2013, 09:28 PM
عضو نشيط
 
تاريخ التسجيل: Apr 2013
المشاركات: 199
معدل تقييم المستوى: 23
هاهنا يستحق التميز

اقتباس:
اضافة من عندي

بخصوص رأس المال الحد الادنى هو 25 الف ريال

بالنسبه للمهنه لازم يكون متسبب او تاجر او طالب وبخصوص الموظفين في الشركات المساهمة لازم تأخذ اذن من عندهم انه لامانع لديهم انك تفتح مؤسسة
وتقبلوا تحياتي
اخوكم السلاطين
أي سجل تجاري لازم أطلعه بحد أدنى 25 ألف ؟ ؟

ياليت التأكيد ؟
رد مع اقتباس
  #6 (permalink)  
قديم 10-04-2013, 10:07 PM
عضو جديد
 
تاريخ التسجيل: Feb 2013
المشاركات: 23
معدل تقييم المستوى: 23
شعبوش يستحق التميز

بيض الله وجهك. وجزك الله خيرر.
بس كيف اطلع مووسسه نقليات. من يقدر يفيدني

رد مع اقتباس
  #7 (permalink)  
قديم 10-04-2013, 10:11 PM
الصورة الرمزية السلاطيـن
مشرف مشاريع وأفكار
 
تاريخ التسجيل: Jan 2009
المشاركات: 5,496
معدل تقييم المستوى: 21474877
السلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداعالسلاطيـن محترف الإبداع

اقتباس:
المشاركة الأصلية كتبت بواسطة هاهنا مشاهدة المشاركة
أي سجل تجاري لازم أطلعه بحد أدنى 25 ألف ؟ ؟

ياليت التأكيد ؟

نعم اخي

الحد الادنى 25 الف وبيكون الزكاة 625 ريال في السنة

اتمنى لك التوفيق
رد مع اقتباس
  #8 (permalink)  
قديم 10-04-2013, 11:22 PM
عضو سوبر
 
تاريخ التسجيل: Aug 2012
المشاركات: 486
معدل تقييم المستوى: 24
سبايدر المطيري يستحق التميز

الغريب والعجيب
ان كل الاسامي محجوزه لايوجد اسم فاضي والمشكله ليس لها سجل تجاري ولا تاريخ انتهاء
في المستقبل القريب سوف لاتتوفر الاسماء

لي عودهـ

رد مع اقتباس
  #9 (permalink)  
قديم 11-04-2013, 02:41 AM
الصورة الرمزية بنت العود
عضو مهم جداً
 
تاريخ التسجيل: Sep 2009
الدولة: الغربية
المشاركات: 560
معدل تقييم المستوى: 86229
بنت العود محترف الإبداعبنت العود محترف الإبداعبنت العود محترف الإبداعبنت العود محترف الإبداعبنت العود محترف الإبداعبنت العود محترف الإبداعبنت العود محترف الإبداعبنت العود محترف الإبداعبنت العود محترف الإبداعبنت العود محترف الإبداعبنت العود محترف الإبداع

الف شكرررلك اخوي على النقل استفدناااااااا كثير

ويرحم والدينا والديك...

رد مع اقتباس
  #10 (permalink)  
قديم 11-04-2013, 04:38 AM
الصورة الرمزية اخوكم العاطل
عضو نشيط
 
تاريخ التسجيل: Jan 2011
المشاركات: 196
معدل تقييم المستوى: 148
اخوكم العاطل محترف الإبداعاخوكم العاطل محترف الإبداعاخوكم العاطل محترف الإبداعاخوكم العاطل محترف الإبداعاخوكم العاطل محترف الإبداعاخوكم العاطل محترف الإبداعاخوكم العاطل محترف الإبداعاخوكم العاطل محترف الإبداعاخوكم العاطل محترف الإبداعاخوكم العاطل محترف الإبداعاخوكم العاطل محترف الإبداع

اقتباس:
المشاركة الأصلية كتبت بواسطة هاهنا مشاهدة المشاركة
أي سجل تجاري لازم أطلعه بحد أدنى 25 ألف ؟ ؟

ياليت التأكيد ؟
عادي لو ماعندك 25الف بس اكتبه في الخانه ولو راس مالك صفر انا طلعت سجل وماعندي راس مال بس سجلت في تعبية البيانات 25الف
رد مع اقتباس
أضف رد

(( لا تنسى ذكر الله ))


مواضيع ذات صله قسم مشاريع وأفكار

مواقع النشر (المفضلة) وتحتوي على WhatsApp لإرسال الموضوع إلى صديقك


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 03:39 AM


Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين