احد توظف عن طريق جداره دبلوم حاسب آلي فقط..يتفضل هنا

[عزوز الحارثي]

السلام عليكم ورحمه الله وبركاته

اخواني واخواتي


اللي تم ترشيحه وتوظف عن طريق جدارة

خاص لدبلوم الجاسب الآلي فقط(دعم فني-شبكات-برمجة)

يتفضل هنا يقول لنا

في اي مفاضلة تم ترشيحك

وكم نقاطه وقت الترشيح


لان بصراحه انا ماني شايف اي احد توظف من دبلوم الحاسب الآلي
والنقاط مرررة مرتفعة 95 و97 و 90 نقطة

في كذا مفاضلة نفس الحال


اللي ابيه من الموضوع ذا

معرفة الحاصل في جدارة من ارتفاع النقاط وقلة الوظائف

لان المفاضلة القادمة لم يتبق عليها سوا فترة قليله

[محمد طامي]

مساء الخير اخ عزوز
انا ترشحت بشهر ٨ العام الماضي وباشرت في رمضان وعندي دبلوم تقنية برمجة وكانت نقاطي ٩٠
وعلى فكرة ماجت الوظيفة بالساهل انتظرت الوظيفة ٨ سنوات وربي عوضني على صبري
بالتوفيق لك وللجميع يارب

[عزوز الحارثي]

[align=center]الف مبروووك اخوي

والله يزيدك من رزقه ونعيمه

وعندي سؤال لك

وش طبيعة الاختبارات والمقابلات.؟


هو ذا اللي بيصير راح نصبر سنين لين نتوظف عن طريق جدارة

الحمد لله على كل حال
[/align]

[محمد طامي]

الله يجزاك خير وعقبالك يارب
انا اول مانزل اسمي راجعت الخدمة المدنية عطوني أوراق اعبيها ونموذج الكشف الطبي يوم خلصت الكشف الطبي رجعت للديوان طلب مني الموظف صور للهوية والشهادة وصور شمسية قالي الموظف خلاص بكرة تأخذ رقم المعاملة وتراجع بعد اسبوع مقر عملك يوم راجعت مقر عملي مافي لا اختبارات ولا مقابلة شخصية الشي الوحيد الا أخرني وما خلوني أباشر قالو لازم نعملك تزكية أمنية لأني ترشحت في جهه أمنية يعني لازم اول شي يسألون عني واذا علي قضايا ام لا أخذت التزكية الأمنية تقريبا شهر ونص واتصلو علي عشان أباشر

[عزوز الحارثي]

[align=center]اللهم امييين يارب

الله يسهل لك كل امور حياتكـ ويبارك لك في وظيفتك ويعلي مراتبك

المهم الترشيح وبعدها اغلب الامور تتسهل

لكن الله يرزقنا ويرزق كل عاطل

اشكرك اخوي
[/align]

[واسطتي الله]

خريج برمجه عام 1427هـ سجل عندك نقاطي 84

بصراحه اشوف وظايفهم جدا قليله والنقاط عاليه كانهم يقولون اتحداكم تتوظفون ياخريج التقنيه ع السادسه


الله يرزقنا

[ابن سمحه]

خريج تقنية برمجة وقواعد بيانات من عام 27 هـ نقاطي85.89 قدمت على جدارة وقبل جدارة والى الان من 9سنوات ..لكن في رجاء كريم

[واسطتي الله]

جميع انظمة وزارة الخدعه قدمت عليها ماقول الا حسبي الله عليهم الشركات لعبت فينا خلاص نبي وظايف حكوميه

[كتشي]

للجميع اللي يقول انتظر 6 و 8 سنوات كم معدلكم ؟!!
اذا كذا التعيين فالله يعين لا تزوجنا ولا حصلنا وظيفة والله يكون في العون

[عزوز الحارثي]

ربكم كريم
والرزق من عند الله سبحانه

والحين حتى المرتبة الخامسة نقاطها 94 نقطة اقل شيء

وبصراحة في تلاعب واضح كبيررررر في هذا الشأن

الله يرزقكم ويرزقني ويرزقك جميع المسلمين