حلول البطالة Unemployment Solutions - ياناس أنا مليت من كثر مادوج أمشي ولا أحدن داريــــن فيـني

السلام عليكم ورحمة الله وبركاته

ياناس انا مليـــت من كثـــر مادوج أمشـــي ولا أحدن داريــــن فيـــني
أسهر وأسامر قمرة الليل بــهروج وأحكـــي لها همن وحزنـن دفيـنـي
أبكي وأطفـــي لوعت الكبد بثــلوج من دمعتن بالعين أصدها وتبتلينـي

حبيت أبدا الموضوع بكم بيت تبين حالي لكم وإن شالله اكملها وأنشرها لكم .....

بصراحه هالمنتدى تعرفت عليه من كثر مابهذلت قوقل بالبحث عن وضيفه لدرجة اني خبطت

وصرت أكتب إسمي ومدري وش خلاني أطيح عليكم الله العالم جبت سيرة عاطل او باطل

وجيت عندكم صراحه استانست لقيت ناس مثلي:cool: لقيت مكان أفرغ فيه الي داخلي

وياهو مكان الله يعين هالمكان من هموم الناس صاير مثل الام يحتضننا بحنان
.
.
.
.
.
مستعجلين على الهم
.
.
.
.
.
.
.
.
.
.
.
.
.
ولا يهمكم حبيت نضحك شوي والحين ابي اقولكم حتوتتي من البدايه بس هاه قربو مناديل الكلينكس واذا كنت مطفر بشماغك الله لا يهينك:p
.
.
.
.
نبدا بالجد الحين
.
.
.
.
.
انا شاب مثلي مثل اي شخص يحلم في اي شي جميل كنت اتمنى ان تكون عندي وضيفتي الي توفر لي الاستقرار ومن خلالها اشتري سياره واسحب قرض واتزوج ويصير عندي عيال لاني اموت بالصغار وكنت متفائل خير وان شالله للحين متفائلين

خلصت من الثانويه فكرت اروح للجامعه ذيك الايام يقولون التوضيف للفنيين بمختلف التخصصات عاد انا صدقت قدمت بكلية التقنيه قبلوني ويالله مافيه الاقوة مذاكره ووفقنا رب العالمين وتخرجنا بعد التخرج هينا الشباب الي شغال عندهم فتامين واو كلهم توضفو انا وبعض الشباب دعينا ولازلنا ندعي لهم بالتوفيق قلنا نصبر كلها كم شهر ونتوضف مضت سنتين على هالحال وحنى جالسين ننتظر وضيفه فيها امان وضيفي لاكن للاسف مافيه شي بعد كذا قلنا نرضخ للامر الواقع ونشتغل بشركات نص كم ابشركم لقيت واشتغلت فيها سنتين براتب 2000 ريال اخذه من هينا اصرفه من هينا بعدها انتهى عقد الشركه وصرنا نكش ذبان والى الان جاري البحث ولي من تخرجي الان خمس سنوات محلك راوح

*من يومياتي*رقم 1

_ الملف الاخضر أصبح صديق وفي وحميم

_مافيه شركه بالرياض الا وأدلها (غاسل يدي من الوضايف الحكوميه)

_كل يوم وانا هواش مع راعي الدكان عشاني اقراء الجرايد عنده يعني ماهو كل يوم اشتري جريده على قولتهم رابط الحزام

_كنت ماحب المكرونه ولا الجريش ولا المرقوق يعني اكل البيت كنت هاوي أكل مطاعم صار الحين أكل البيت احلى أكل

ماودي احرق كل يومياتي ابي اسوي لها حلقات والله يا أني ابي اغثكم فيها

بنهاية موضوعي احب اقدم شكر لكل من:

1_ شكرة الاتصالات لتوفيرها خدمة كول مي (والله ياهي فكت زنقه)

2_شكر خاص لحكومتنا رخصو البنزين يعني ياشباب انصحكم تحدون مثلي من المطار الى وسط الرياض وممنوع دخول الاسواق هاه

عارف اني استخف دمي بس لا تلوموننا من حر مافينا

تحياتي

_

_