|
اسمعو قصتي وحكايتي بالمدرسه
السلام عليكم كيفكم واخباركم انا معي دبوم سكرتاريا ودوره معارف وادراه وتخطيط وقت وتصاميم مواقع المهم جاني اتصال من مدرسه تربيه خاصه انهم محتاجين مدرسه وقالو لي داومي من بكره المهم داومت من اول يوم حبيت الاطفال وارتحت معهم ودرستهم وحضرو الاداره لي وقالو لي اوكي بس للاسف انا مرتحت للمدرسات للي فيها لانهم من اول يوم كانو رفضين وجودي كامدرسه بحكم ان شهادتي سكرتاريا لدرجه انهم طلعو الطلاب من فصلي ووزعوهم بينهم في الفصول انا ضايقني هالشي فرحت للمدرسات نفسهم وقلت لهم انا مالي الا يوم وانتم مابعد شفتو الصالح من الطالح فيني فردو قالو لي انتي اصلا مو تربويه وشهادتك ماتساعدك تتعاملين مع ذوي الاحتياجات المهم خليتهم على اليوم الثاني جبت معي اناشيد واصوات والوان وكراست رسم لان عرفت ان التوحد يحبون هالاشياء وبديت معاهم ومشيت فجاء يوم من الايام وكان يوم الام وطلبو منا نشاط للطفل وسويت لهم نشاط بالفوتشوب ومقاطع فيديو للطفال والكل عجبه لدرجه ان المديره كلفتني باعمال خاصه فيها وخلوني امسك نشاط المدرسه والكل يشهد باخلاصي وجدارتي بالعمل لدرجه انهم حطو لي مكتب خاص بعمال المدرسه بس تفاجات بان المحاسبه طلبوني وقالو لي تم اخلاء طرفي والسبب مادري فلما رحت للمدير استغربت من ردها لي وطردتني من المكتب لي مادري حاولت اعرف ليه سالت المشرفه والوكيله وكلهم تفاجاو من طردي مع اني ماقصرت بس فالاخير اكتشفت ان سبب طردي اني كنت في نهايه النشاط جالسه وماكنت اعرف ان جلوس المعلمه ممنوع فانتم وش رايكم على غلطه صغيره مو مقصوده تم طردي ومعاملتي كاني مقصره بجد مع العمل بان المديره لبنانيه والمحاسبه لبنانيه والوكيله تونسيه وانا السعوديه وفي ديرتي واتعامل كذا مو غبنه ياليت وزاره العمل تشوف وتسمع وتحط قواني للتوظيف والكل يعمل بشهادته وتخصصه عشان بنت هالبلد ماتنهان بارضها |
عليكي ان تحتسبي لله .....واعتقد انك في فترة تجربة .. و اشبة فترة التجربة كالسيف في الرقبة .....وللأسف الكثير من اصحاب العمل يستخدمها من صالحة ...
|
اقتباس:
بهذي صدقت استغلوني واسغلو عقد الي بيني وبينهم وللاسف ماقدر لا اشتكي ولا اطالب بحقي لان فتره تجربه حسبي الله عليهم دنيا وآخره والله لايوفقهم |
الله شايف يابنتي
|
مستحيل اختي هذه الغلطه " جلوسك بعد النشاط " تكلفك الطرد او الاستغنااء عنك ..
انا اجزم انه في سبب اقوى من كذا بكثير .. والله اعلم ممكن تكون احدى المدرساات وصلت معلومه بخصوص عدم جدارتك بتدريس الطلاب كونك غير تربويه فصاار في خوف عند المديره ... مع انه للحق اختي انتي غير مؤهله لتدريس ذوي الاحتياجاات الخااصه حتى لو كنتي نشيطه وكفؤءه ... النقطه الاهم كيف مديره تربويه تتعامل معك بهذا الاسلوب الرخيص " الطرد من المكتب " على الاقل تشكرك على المجهود اللي بذلتيه في فترة تواجدك بينهم .. الله يعوضك خير ويرزقك من فضله ويحقق لك مراادك |
اقتباس:
[align=center] انا سالتهم وش الغلط الي اناسويته محد جاوبني ورحت لمكتب المديره وجيت بسالها وطردتني من مكتبها اما المدرسات فا انا مختلطت معاهم ومن اداوم الين نهاية الدوام وانا بالفصل ما اطلع الافتره وجبه الاطفال يعني من الاخر انا في حالي وكافيه خيري وشري وعلاقتي كلها مع الاطفال يعني لو لي عداوات بالمدرسه كان قلت يمكن احد استقعد لي بس يعلم الله اني في حالي [/align] [/align] |
اقتباس:
مثل ما قلت لك ممكن المديره خافت على منصبها لما سمحت لك بـدريس الطلااب وانت غير مؤهله مهنيا وفي بنات معك استقعدوا لك .. بسيطه اختي احتسبي اجرك على الله والله يرزقك الوظيفه اللي تتمنيها وعذرا على الاطاااله |
اختي اعتبريها تجربه لك وحاولي تاخذي جوانب ايجابيه للموضوع حتى لا تصيبي بالاحباط << ما اضن بتلاقين :d
بس هذي قسمه ونصيب وربي ماكتب لك هالوضيفه يمكن فيها خيره ويمكن في وضيفه افضل منها تنتظرك |
يارب تنصرنا على الظالمين
|
.. الحمد لله .. الخيره فيما اختاره الله لاتحزني على ذلك :) |
| الساعة الآن 04:42 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين